رواية يا انا يا هيا الفصل الاول 1 بقلم هاجر عبد الحليم - رواية يا انا يا هى
رواية يا انا يا هيا ( الفصل الاول 1 ) هى رواية الكترونية من تأليف الكتانبة ندى حمادة وصدرت الرواية لاول مرة اخر اغسطس من عام 2021 وحققت نجاحا كبيرا فى اكثر من مجموعة على منصة التواصل الاجتماعى فيسبوك وتندرج الرواية تحت فئة الروايات الالكترونية لذلك سنعرض لكم اليوم الفصل الاول 1 من رواية يا انا يا هيا
رواية يا انا يا هيا الفصل الاول 1
هنروح مع بعض لشقة ف الزمالك وهنقتح باب الشقة وهنمشى لحد م نوصل ل اوضة النوم هنلاقى بطلنا نايم بكل راحة ومفبش اي حاجة بتعكر مزاجه ابدا ودا واضح جدا من الضحكة المرسومة ع وشه طبيعة نوم بطلنا انه بيحب ينام ع ضهره وحاطت دراعه اليمين ع رقبته من ورا ومغمض عينه فجاه حس بقلم الرسم ييلعب ف وشه صحى من النوم بأنزعاج شديد وفتح عينو لقا عشقو المتيم عمالة تلعب ف وشه بطفولية شديد وحطة لسانها بجهة الشمال وشوية بتقفل شفايفها وشوية بتعضها من تحت وباين اوي انها سعيدة ومبسوطة
جاسر..ايدة يامجنونة بتعملى اي؟
عشق..ياجدع استنى شوية قربت اخلص
جاسر ضحك وقال..طب ورينى المرايا خلينى اشوف عملتى اي ف وشى يااخرة صبرى؟
عشق..عملت ف وشك البخت كلو بس اي حاجة عظمة.. انت تعرف انت متجوز موديل طالما مسكت الوش الموز اللى قدامي دا هخليه ولا الاراجوز اللى ف جنينة الاطفال اللى بيضحك العيال دا وبيعمل حركات غريبة ب وشو عارفو؟
جاسر..ههههههه وربنا مجنونة كل يوم لازم اصحا ع حاجة شكل يابنتى ارحمينى شوية مش كدا انا حاسس ف مرة هتولعي فيا
عشق قامت وقالت بصدمة مصتنعة..هااار اسوح ياجسورتى..انا زعلانة منك خالص لا اخس عليك اخس لا مكنش العشم لا عشرة تلت سنين واكل شارب نايم وف الاخر تقولى اولع فيك هو فى واحدة تقدر تموت نفسها وروحها لا بجد انت بتقول كلام ف العسل ومش صح خالص دا انا الود ودي اعملك الحلو كلو بس لا انت مستاهلش
وقامت زي الاطفال بالظبط وهى زعلامة وزمة شفايفها لقدام جاسر ضحك بصوتو كلو وقام مسك ايدها وباسها وقال ياخرابى ع المهلبية اللى متجوزها لما بتزعل اقسم بالله بتبقى عايزة تتاكل اكل هو القمر دا بتاعى انا لوحدي مش مصدق لا اقرصينى كدا خلينى اتاكد بقالى تلت سنين متجوزك وكل يوم حاسس انه ليلة دخلتى انهردا مش بشبع منك يامانجة انتى بقولك اي هاتى اقولك كلمة سر ف شفايفك دي احم لا قصدي ف ودنك انا راجل محترم وانتى عارفة
عشق ضحكت وحضنته من رقبته وقالت بدلع..طب صالحنى يلا
جاسر قرب منها وقال بحب..عنيا ياسلام وانا عندي كام عشق يعني انتى تؤمرى وانا عليا التنفيذ
عشق بحزن..جاسر انا عايزة اقولك حاجة
جاسر رفع حاجبو وقال بصدمة..وهو دا وقت كلام يابنتى ليه كدا انتى ع طول كدا بتقطعى برزقك ورزقى معاكي دا احنا كنا هنلعب سوا بس مالكيش نصيب بقا اعملك اي فقرية
عشق بجدية حطت راسها ع صدرو وقالت بعياط...جاسر هو انت ممكن تسيبنى؟
جاسر حضنها بقوة الدنيا بحالها وقال بجدية وحب وخوف....لا طبعا اسييك اي؟بلاش كلام عبيط واهبل ع الصبح كدا..انتى عارفة اني بحبك ومليش غيرك ف الدنيا دي انا اكتفيت بيكى تفارق روحى جسمى قبل م افكر افارقك ولا اروح لغيرك
خرجها من حضنه ورفع دقنها ليه وقال..اوعي تحطى راسك ف الارض ابدا ياعشق انتى حاجة كبيرة اوي وشخصية ليها كيانها ومش من السهل حد يوقعها ولا يستهتر بيها عارفة ياعشق؟ انا لما شوفتك خطفتى روحي قولت ف سرى هى دي اللى فضلت احلم بيها قاعد ولا ع بالى حسيت بقلبى بيدق جامد كأنو بيدينى اشارة انه حبك قرب يوصلك واخيرا هتحس بيه جواك شوفتك حلم لازم اشتغل ويطلع عينى واحارب جيش العالم كلو بس عشان تبقى بين ايديا انا تعبت فيكى بجد ومش هتنازل عنك حتى لو السما بقت الارض بردو مش هسيبك انتى سامعانى
عشق كانت بتعيط هو مسح دموعها وقالت..العيون دي اتخلقت عشان تتباس بس مش عشان تعيط حتى شوفى
عشق ضحكت بصوتها كلو وبعدت وقالت انت هتعمل اي ياجدع انت عيب؟
جاسر..اي ياعشقى كنت بس هوريكى عيونك دي اتخلقت ليه وبعدين تعالى هنا بس هو اي اللى عيب لامؤخذة يعنى انا واخدك من شارع الهرم ولا اي؟ يابت انتى مراتى وحلالى اعمل اللى انا عايزو معاكي ف الوقت اللى انا عايزو محدش يقدر يكلمنى
قطع كلامهم صوت دق الباب وكانت الدادة فهيمة
عشق بصوت عالى ايوة يادادة
فهيمة..ايوة يابنتى الفطار خلاص بقا ع السفرة انتوا ع لحم بطنكوا مينفعش كدا يلا لازم تاكلوا لقمة
عشق..خلاص يادادة جايين اهو وراكي مش هنتاخر
فهميمة..ماشى بس بسرعة لاحسن الاكل يبرد وانا مش هعمل تاني ها اعملو حسابكو ف يلا
ومشيت الدادة فيهمة وعشق وجاسر بصوا لبعض وفضلوا يضحكوا
جاسر..معرفش ليه بحس اني عيل قدامها؟
عشق..احنا هنفضل كدا ع فكرة مش انا اللى هقولك دادة فهميمة بالنسبالنا اي كفايا شايلة البيت من فوقه لتحته ومش مقصرة معانا ف حاجة ابدا
جاسر..هتصدقينى لو قولتلك اني بحس ناحيتها احساس غريب اوي؟
عشق..اكيد هصدقك عشان دا احساسى بردو انا بشوفها ام تستاهل كل الاحترام والتقدير الست من ساعة م اتجوزنا وهى شايلانا انت عارف مش بعرف اطبخ والشغل واخد وقتنا كلو مفيش وقت لطلبات البيت وهى بقا اللى بتعمل فيه كل حاجة بس انا بصراحة عايزة اجيب واحدة تساعدها صحتها بقت ع ادها ومش عايزة اضغط عليها
جاسر..انا هشوفلها واحدة كويسة تساعدها شوية بس يارب توافق هى مش بتحب حد يساعدها اصلا دايما بتقولى انا اتعودت ع كدا مش عايزة يبقى معايا واحدة تعمل معايا انا حسيت انها بترتاح اكتر لوحدها بس هحاول معاها تاني انا شايف انه صحتها بقت ف النازل بحكم سنها
عشق..خلاص وانا هحاول معاها معاك بردو وان شاء الله نوصل معاها لحل واكيد هتوافق هى مش بتحب تتعب نفسها يعني
ف الصالة
فهمية..بردو مجوش والاكل برد وحيات ربنا عيال صغيرة تعبت منهم بجد ماشى انا حلفت اني مش هعمل اكل تاني خليه ياكلو كدا بقا
ولقت نفسها مرة واحدة بتصرخ بطريقة مرحة وقالت اشقى هدومي يالهوي منهم... ياعياااااال يلا.. يخربيت دا بيت انا هيجيلى السكر وانا مش حمل بهدلة... كفايا اللى انا فيه ومفيش تقدير ولا احترام انا مالى بيهم انا هقوم اقطع بصل بدل الندب دة
ف الاوضة
عشق ضحكت وقالت..يلا عشان وصلة الندب اشتغلت بس قولى انت يومك اي؟
جاسر..ابدا هوصلك وبعد كدا هروح ع المكتب عشان ورايا كام حاجة كدا عايز اخلصها قبل بكرة
عشق..طب يلا نفطر وبعد كدا نجهز وكل واحد يروح شغله بس تابعني ع طول اتفقنا
جاسر باس ايدها وبعدبها راسها وقال ربنا م بحرمنى منك ابدا ياحبيتى
عشق باست كف ايدو وقالت..ولا منك ياحبيبى انا بحبك اوي
جاسر.وانا بموت فيكى ياعشق عمرى كلو
ف الصالة
ع السفرة
جاسر..خلاص يادادة متزعليش مش احنا اهو بناكل الاكل رغم انه بارد عارفة دا معناه اي؟
فهيمة..معناه انكوا قبلتو العقاب بتاعى رغم اني مش فاهمة ليه يعنى تاكلو بارد م تصحوا زي البنى ادمين ف الميعاد بتاع الفطار كلو لقمة وبعديها شوفوا مصالحكوا
جاسر..انتى عارفة يادادة طبيعة شغلى بسهر دا حتى نومي ميكملش اربع ساعات ع بعض وحقيقى جسمى محتاج يرتاح حسو كلو مكسر وبعدين دا تاخير ربع ساعة اومال لو ساعة هتعملى اي
فهيمة..اعمل اي والله ياجاسر لولا اني بحبك كنت زمانى خنقتك بايدي مفيش اي احساس بالمسؤلية ابدا
عشق همستلو وقالت انا بقول نمشى احسن عشان حقيقى فى افورا ف الموضوع
جاسر ضحك وقال معاكى حق طب يلا بقا نعمل اللى متعودين عليه
عشق وجاسر قامو وفضلوا يهزروا مع فطيمة وينكشوها ف الكلام وعمالين يزغزغوها وهى ضحكت وقالت خلاص ياولاد مش قادرة كفايا
باسو راسها وايديها وقالو بصوت واحد ادعيلنا يادادة يومنا كلو يبقى خير عشان حقيقى كل التوفيق بفضل دعاكي لينا
فهمية ضحكت بكل الحب اللى جواها ودعتلهم وحست انهم العوض اللى جولها بعد موت بنتها
ف الشارع
جاسر وعشق نزلوا وركبو العربية بعدبها شغل اغنية اليسا عايشة حالة حب معاك واخدانى
كانوا ماسكين ايد بعض وهى حطة راسها ع كتفو وبتدعى ربنا انه يحمي جوزها وحب عمرها
نسيب العيلة دي ونروح لمنطقة ف حي شعبى ف حارة.......هنمشى شوية لحد بيت الحاج ممدوح صاحب محل البقالة اللى ف اول الشارع الناس بتحبه وبتحلف بشهامتو وامانتو
ف الشقة
صحيت هنا وفتحت الشباك وفضلت مغمضة عنيها بتحس بالهوا اللى عمال يزغزع كيانها وشعرها بيطاير ف الهوا بصت ف السما وبتتخيل حب عمرها ياترى شكلو اي وهييجى امتى نفسها تعيش قصة الحب زي بتوع الروايات بس اكيد هتلاقيه هى واثفة ف ربنا
قامت واتوضت وصلت فرضها ودخلت المطبخ تعمل الفطار عشان تلحق تروح شغلها
ع السفرة
هنا..صباح الفل
ممدوح.صباح الخير يابنتى
هنا..صباح الخير يابابا يلا بقا عايزاك تفترس الاكل دا كلو بص مش عايزة الاقى فتفوتة عشان الدكتور قالى لازم يهتم بأكلو كويس اوي وبعدين كله بتحبو وصحى كمان مفيش اعظم من كدا اظن
ممدوح بتعب..يابنتى انتى بتتعبى اوي بجد انا حاسس انى حمل عليكى اوي
هنا جريت عليه وبقت قاعدة تحت رجلو وقالت متقولش كدا يابابا دا حقك عليا يعني انت ربيتنى لحد م بقيت زي الشحطة كدا قدامك واستحملتنى ف وقت تعبى واني مش فاكراك فضلت واقف معايا ودعمتنى ف وقت العالم كلو كان رافضنى وكفايا اوي رجعتنى لنفسى من تانى وابتديت حياتى وشوفت مستقبلى تعرف لولاك مكنتش هعرف اني ذوقى حلو لدرجة اني ممكن اصمم فساتين لا وكمان افراح مودا اللى انت عرفتنى عليها كان وشها وش السعد والهنا عليا خليتنى اصمملها فستان فرحها وعجبها شوية جابتلى قراييها وطلبوا منى اصمم افراح كمان الزهر لعب معايا ولقيت كذا حد بيكلمنى تعرف يابابا انا بحوش معايا مبلغ كويس اوي ناقص بس مبلغ بسيط وهفتح ليا مكتب استنى بس عليا انا مش وعدتك انى هخليك تعمل عمرة وحج كمان انا مش هيهدالى بال غير لما تسافر وتشوف النبى عليه الصلاه والسلام وتملس ع الكعبة انا نفسى اعملك حاجات كتير اوي يابابا دة انا لو بوست رجلك قليل عليك
ممدوح مصدوم من كلامها معقولة دا العوض اللى ربنا بعته ليه بعد م حرمه من الخلفة كان متاكد انه ربنا شايلو الخير كلو وهنا فعلا من ساعة م دخلت حياتو اتغيرت بقت هنا بجد وهو للى سماها افتكر ساعة م كان ماشى ف الشارع وفجاه تاه عن مسارو وفضل ماشى وعمال يدعى ربنا يهديه ويلاقى اي وسيلة مواصلات تروحه فجاه لقا بت مرمية ف الطريق وشكلها كانت واخدة علقة موت هدومها مقطعة ودم وتعاوير ف وشها وجسمها اتخض لما شافها ومش عارف يعمل اي اتصال بالاسعاف والبوليس ولما جوم خدوها ع اقرب مستشفى وهناك اكتشف انها اتعرضت ل اعتداء واغتصاب وفى فص ف مخها اليمين اتأثر ودا المسؤل عن الذاكرة وواضح حدا انها اتخبطت ف دماغها مش عارف يعمل اي بس لو خدها ف الحارة محدش هيرحمها اصلا ف قرر ياخدها ويتولى هو رعايتها وطبعا البوليس كان رافض بس ربنا وقع ف طريقه ظابط كويس شافو انسان كويس وابن حلال هيقدر يهتم بيها هو اللى اتكفل بكل الاجراءات وقدر ممدوح ياخد البنت بعد م قعدت وقت ف المستشفى لحد م تكون كويسة وتقدر تتعايش تانى ف الدنيا طبعا لما فاقت كانت فاقدة الذاكرة ومش فاكرة اي حاجة ممدوح كان معاها وقعد يحكيلها ع مواقف من خيالو هو وكان فرحان اوي وحس كأنه اللى بيحكيه دا حقبقة دا اللى نفسه يعيشو مع بنته فعلا هو شاف ف البنت دي العوض لمست قلبه بطريقة غريبة قرر يروح اي حارة تاني محدش عارفو فيها والقدر كان حليفو فعلا بالصدفة لما راح كان فى محل بقالة وشقة صاحبهم عارضهم للايجار بسعر بسيط عشان عايز يخلص منهم ويسافر برة ودول كانو من نصيب ممدوح وعاش فيها سنتين والناس عرفتو ودخل قلوبهم ب اخلاقو وامانته
ومن ساعتها وهو بيتولى رعاية هنا وعمرو م حس انها مش بنته بالعكس هى بنته اللى مخلفهاش ودايما بيحكى لمراته المتوفية عنها وقالها دي هتبقى بنتنا ف الجنة تعلقة بيها خلاه ميفكرش يشوف مين اهلها
بس ياترى لحد امتى الحقيقة مش هتتكشف؟
هنا..اي يابابا سرحت ف اي؟
ممدوح..ها لا ياحبيتى مفيش بقولك اي انا مش هاكل لوحدي اومي كلى معايا يلا
هنا..حاضر ياحبييى
وهما بياكلو الباب خبط هنا راحت عشان تفتح بعد م طبعا جابت طرحة تخبى بيه شعرها ..بتفتح لقيته عطية
هنا بزهق...ياربى ليه كدا افتح الاقى وش البرص ف وشى؟ عايز اي ع الصبح ياعطية مش فايقالك؟
عطية..ف اي ياست هنا صباحك فل هي دي طريقتك ف ترحيب الناس اللى بتخبط ع بابك دي الاصول يعني يرضيك ياعم ممدوح؟
هنا..ملكش دعوة بعم ممدوح وخليك معايا انا بقولك اي كلمة ابرك من جرنال انا مش عايزاك والخطوبة اللى حصلت دي كانت غلطة واظن كل حاجتك رجعتلك مفيش بينا اي كلام تاني خلاص انسانى بقا وعيش حياتك الحياه مش بتقف ع حد
عطية رفع حاجبو وقال.عم ممدوح بنتك عدت الاصول بقت هى اللى بتتكلم وركناك ع الرف وشكلك بقا وحش اوي
هنا زعقتله وقالت لا بقولك اي اتكلم عدل ها بدل م اقفل الباب ف وشك ومش هيتفتحلك تانى انت دلوقت واقف ف بيت الحاج ممدوح وحظك انه بيت محترم وملوش ف المشاكل والا كنت رديت عليك باللى يناسبك اي ياجدع انت لزقة مقولنا مش عايزين فى اي؟ خطوبة واتفشكلت انت مش شبهى ولا انا شبهك روح بقا للى تناسبك انت واحد خمورجي والحشيش مش بيفارق ايدو وكنت مخبى عليا ولولا صاحبتى شافتك كنت هتخلينى نايمة ولا ع بالى بقولك اي حل عن سمايا والا
عطية..والا اي ياست هنا هتمدي رجلك ولا هترفعى ايدي ع الحيطة؟
هنا..اقول اي م انت فعلا مش راجل لو كنت راجل فعلا اقل حاجة تعملها تحافظ ع كرامتك اللى شوية وهمسح بيها بلاط الحارة ياباي ع خلقتك ابو شكلى يااخي اوف
وقفلت الباب ف وشو
هنا..عيل تنح اعوذ بالله
ممدوح..ليه كدا يابنتى
هنا..بستاهل يابابا انا وافقت عشانك رغم انى مش مرتاحة بس قولت اديلو فرصة واهي اتحسبت عليا خطوبة رغم انه مش شبهي انا عايزة واحد يحبنى ويحمينى ويبقى ليا امان وسند حد احب حياتى وانا معاه ويستاهل فعلا روحي ونفسى اللى هديهملو من غير مقابل
ممدوح..بس يابنتى عطية دا
قطعته هنا وقالتله هتقولى بيحبنى لا يابابا دة عايز واحد تبقى زيها زي الكرسى اللى بيقعد عليه واحدا تخليه عامل زي سى السيد يقول الكلمة اللى معاه تقوله حاضر من غير كلام ولا مناقشة دا خمورجي فاهم يعني اي؟ هتطمن يابابا عليا وانا معاه لا طبعا يابابا اخاف ع نفسى منو دا ممكن يفتلنى وانا نايمة ولما يفوق يقولك مش قصدي لا طبعا انا مش عايزاه
ودخلت اوضتها وممدوح بصلها بحزن وقال اخرة عنادك دا اي ياهنا وبعدين عطية دا الوحيد اللى لازم تتجوزيه مش حد تاني ياريت اقدر افهمك دا حقك عليا يابنتى انا السبب
ع القهوة
عطية..قفلت الباب ف وشى بنت ممدوح البقال بس وحيات ربنا منا سايبها هى فاكرة نفسها مين عشان تبقى متنكة كدا
احمد..انت اللى غبى مش عارف تلين دماغها رغم انه ربنا ايدالك فرصة واتخطبتلك لولا القرف اللى بتشربه مكننش تعرف تمسك عليك حاجة تفسخ الخطوبة بيها
عطية..انت عارف مش بقدر ..اتعودت عليه هو اللى مصبرنى ع الغلب اللى انا فيه بذمتك عيشتى دي عيشة هنا الوحيدة اللى هتقدر تعوضنى
احمد.مش عارف اعملك اي ياصاحبى بس هنا مش دماغك البت دي رقيقة وعايشة ف عالم لا انا ولا حتى انت شبهو
عطية..اتكلم عن نفسك انا مش شايف فيا عيب غير الزفت الحشيش واكيد هى لو معايا هتخلينى ابطلو اما بقا لو ع الدلع والطبطبة ومالو نتعلم كلو عشان خاطرها
احمد.شكلك واقع من الدور العشرين ياصحبى
عطية.هنا استحالة اسيبها تروح لغيرى هعمل المستحيل عشان قلبها اكسبه ومحدش هيديهولى غيرها ..هى وبس
ف مكتب جاسر
جاسر دخل مكتب المحاماه بتاعو والكل رحب بيه ولما وصل لمكتب السكرتارية
نسرين بعملية صباح الخير يافندم
جاسر صباح النور ابعتيلى قضية الشيخ محسن حالا ع مكتبى
نسرين.حاضر يافندم
ولما دخل نسرين فتحت المكتب وطلعت منو ملف القضية وقالت بخبث.اكيد مش هيكسب القضية دي عشان لو حصل واتعمق فيها حياته هتبقى هى التمن اللى ورا الكواليس مش هيقدر عليه لازم يبعد والا هيموت
ف شقة جاسر
فهيمة بتعمل الغدا ولقت نفسها بتقول وحشتينى اوي يابنتى فينك ياضنايا مشيتى وحرقتى قلبى عليكى ليه فينك طيب؟ لا مموتيش انا متاكدة انك حية م انتى بتجيلى كل يوم ف منامى بتطمنينى عليكى بس لما باجى احضنك بتروحى كانك سراب نفسى المسك بايدى واشم ريحتك عايزة احضنك تعالى يابنتى تعالى ياأميرة لحضن امك
مسحت دموعها وغسلت ايدها ونشفتها بالفوطة وطلعت صورة لبنتها والصدمة انه بنتها طلعت هنا
نهاية الحلقة الاولى
رواية يانا ياهي الحلقة التانية
هنروح عند عطية ف البيت
امين.انت جيت ياخلفة الشوم والندامة دا انا لو خلفت كلب كان زمانو نفعنى بدالك مش فاهم يعنى لحد امتى هتفضل قاعد زي خيبتها كدا ايش حال انك راجل ولا النوع دا ف البطاقة بس ملهوش علاقة بالواقع
عطية نفخ بضيق وطلع السجارة بعصبية شديدة وحطها ف بقه وهو بيقول بعصبية..نفسى ف مرة لما ادخل الييت الاقيك بتستقبلنى زي الخلق انت ابويا فاهم معنى الكلمة دي؟ يعنى اما اشوف جزمتك ع الباب احس بالامان بس للاسف انا مش بحس منك غير البهدلة وقلة القيمة والاهانة حرام عليك انا اللى فيه دا بسببك وبسبب اللى اتجوزتها دمرت حياتى انا مكننش عطية الخمورجى والحشاش اللى ملوش غير القهاوي يقعد فيها وسمعتو عاملة زي المجرمين ف الحارة واللى اي بنت بتشوفه تترعب وتجرى ومفيش ام تتمنى انه ياخد بنتها انا مش انا فااااااااااهم انا مش عطية اللى قدااامك دا انا كنت واحد تانى خالص
كان عمال يزعق بصوت عالى وابوه قاعد بمنتهى البرود كأنه بيقوله من خلال عنيه انت اللى عملت ف نفسك كدا
امين..ايوة بقا وصلة الندب اشتغلت زي كل يوم وانت بتثبلى انك مرا معندهاش حاجة غير العويل والصريخ وبتتحسر ع اللى فات بقولك اي؟ محدش ضيع مستقبلك غيرك ها فوق هو انا اللى قولتلك متروحش الامتحانات ولا انا اللى قولتلك روح صاحب واحد يدخلك سكة الشرب والسهر ولا يكونش انا اللى حببت فيك السرقة والنهب لا يابابا فوق كدا ها انا مليش دعوة ومقصرتش معاك ف حاجة
عطية عيط وقالو..لا قصرت يابويا رغم اللى عملته فيا مش عارف اكرهك ولا اخبى ضعفى قدامك بقول لا مهما كان دا اللى رباني وليه حق عليا بس انت قصرت تقدر تقولى فلوسك فين؟
امين بعصبية قام وضربه قلم وقال بصريخ..وانت مال امك بفلوسى ياحرامى هى حصلت عايز تسرقنى ياكلب عايز تعض الايد اللى تمددلك بالخير دا انا اللى اويك ف بيتى رغم انك مستاهلش انت وجودك بقا خطر عليا امشى يا....من بيتى انت من اللى اللحظادي ملكش مكان فيه اطلع برااااا
عطية بصله بصدمة هو اكيد عمره م فكر بحاجة زي كدا هو مش وحش بس الدنيا دي هى اللى جت عليه حتى ابوه بيتفنن بذله هو مش لاقى ايد تساعدو وطلعه من اللى هو فيه حتى هنا راحت منو رغم انه ببعشق التراب اللى بتمشى عليه
عطية كان ببفكر بحرقة ودموعه مغرقة وشه زي العيل الصغير مفاقش غير ع ضربات ابوه ع وشه بسبب الاقلام اللى بياخدها واحد ورا التانى
اامين فتح الباب ورماه وقال..ملكش اي حاجة ف البيت دا عشان هى من فلوسى روح لامك وقولها ابويا طردنى من البيت وخليها تشوف دموعك يمكن تحن عليك وتعيش معاها بس ادعى جوزها يوافق منا عارفه سو وعايزها لوحده ويبعدك عنها انا بقا خلاص قررت اعيش لمزاجى وبس وهتجوز وانساك من ساعة م خلفتك وانا مش بشوف غير الفقر مدخلتش عليا بفرحة واحدة توحد ربنا روح فوك ام النحس دا بعيد عنى
وقفل الباب عطية مسح دموعه وقال بحسرة..م انت طول عمرك عايش لمزاجك اي الجديد يعنى هو اي اللى هدم البيت دا غير مزاجك وشهواتك حسبى يالله ونعم الوكيل فيك وفيها كمان لله الامر
اروح فين بس ياربي؟
ف شقة جاسر
الباب بيخبط جت فهيمة تفتح لقيت اختها اسماء
فهيمة عيطت بفرحة وخدتها ف حضنها وكانت حرفيا من كتر الشوق عضلاتها كانت هتتكسر
فهيمة..يامرحب بالغالية انا مش قادرة اتلم ع اعصابى معقولة انتى هنا؟
اسماء.ايوة انا هنا وقدام عينك واخيرا لقيت ولاد حلال عترونى فيكى ياختى انا بقالى سنين من ساعة م فارقتينا وانا عينى مشافتش لا نوم ولا راحة بسبب اللى عملناه فيكى زمان مشيتى وحقك اتدفن مع اللى راحو وأن الاوان يرجع تانى
فهيمة مسحت دموعها وقالت بفرحة مقدرتش تداريها طب خشى بس كدا متفتحيش حواديد ماتت ومش هتجيب غير وجع القلب خلينا فيكى دلوقت خشى الصالون وارتاحى من السلم عقبال م اجيبلك حاجة سقعة وجاية
اسماء مسكت ايدها وباستها وقالت بعياط ابوس ايدك اسمعينى العمر خلاص معدش فيه عشان استنى لازم اقولك اللى سمعته واللى عرفته خلي ضميرى يرتاح بدل م اموت وحقك لسة ف رقبتى مخلصتش منو
فهمية مصدومة من شكلها ومش عارفة تتكلم اصلا ولسانها اتشال وقالت بتلعثم.طب ان.اا مم ش فااه ااا
اسماء سندتها وراحت بيها ع كنبة الصالون وقالت.هحكيلك كل حاجة بس امانة عليكى ياختى متزعليش منى حقك عليا انا خوفت ع ولادي وكنت عايزة احافظ ع حقهم مكنتش اعرف انه بنتك هتروح ضحية بسبب اللعبة دي انا هقولك ع كل اللى اعرفه من طق طق للسلام عليكو
ف بيت هنا
هنا..عايز حاجة يابويا انا خلاص ماشية كل اللى تحتاجيه هتلاقيه ولو عوزت حاجة كلمنى هتلاقينى قدامك المحل اصلا قريب مش بعيد انا مش هتاخر عليك كلها ساعتين وجاية معنديش شغل كتير
باست ايده وقالت.ادعيلى ياحاج
ممدوح..بدعيلك يابنتى والله ربنا يوقع ف طريقك ولاد الحلال ويكفيكى شر طريقك ويكتبلك الخير حيث كان واينما كان اللهم امين يارب
هنا بحب..اللهم امين يارب
هنا راحت لشغلها هى حاليا واقفة ف سنتر تجميلى ولو واحدة عايزلها تصمملها افراح بتكلمها وبتشتغل عليه وبتقدر بطموحها توفق بين الاتنين لحد م تحوش المبلغ وتفتحلها المكتب اللى بتتمناه
ف شقة احمد
عطية معلش يااحمد هتقل عليك بس انا مليش غيرك عشان اروحله
احمد..لا ياجدع متقولش كدا البيت بيتك
عطية..تعرف انت الوحيد اللى بيفكرنى بعطية اللى مات جوايا من زمان
احمد ربت ع كتفو وقال انت لسة عطية متغيرتش ع فكرة
عطية بسخرية.انت بتقول كدا عشان تصبرنى؟
احمد.لا انا عارف انك عطية صاحبى وعشرة عمرى اللى بيعشق الكتب النفسية والعلمية اللى كان بيحوش ويروح معرض الكتاب عشان يجيبله كام كتاب وكان بيخلصه ف يوم وبيجى يسمعهولى اللى كان شاطر ف دراستة وكان بيطلع الاول ع المدرسة وصحابو كلهم كانو بيغيرو منو وبيتمنو يبقو زيه ف يوم اللى كل المدرسين بيحبو وعقلو اللى كان سابق سنو بمراحل لدرجة انه الكبير بيستشيرو عشان ياخدو رايه
عطية حضنو وعيط بصوت عالى وقال..رجعولى تانى يااحمد ابوس ايدك انا اتظلمت بجد انا ضحية واالله تعرف هنا لو كانن تعرفنى فعلا كانت وقفت جمبى هى الدعم الوحيد ليا والله هتغير عشانها هى لو معايا ف حياتى هحس انه لقيت سبب عشان اعيش عشانو وابدا اتعالج بس لوحدي مش هعرف ياصاحبى والله م اعرف
احمد شد ع حضنه عشان يدعمو وقالو ياض انا اخوك ومحدش عارفك ادي وربنا الدنيا هتحلو معاك وربنا هيعوضك عن كل اللى شوفته بلاش ضعف اللى رماك ع الغلب دا ضعفك اي انسان بيمر بظروف صعبة بتبقى فوق تحملو بس لازم يبقى قوي عشان يعدي باقل الخساير بس انا اللى غلطان عشان سمحتلك تروح للشيطان برجيلك بس اوعدك هكفر عن ذنبي وهفرحك ياخويا
عطية مسح دموعه بلهفة عيل صغير وقال بجد؟ طب قولى هتعمل اي هتفرحني ازاي؟
ف شقة جاسر
فهمية..م تتكلمى يابننى
اسماء..حاضر يافهيمة هتكلم بس بجمع افكارى ياختى مش عارفة ابدا منين
فهيمة..والله العظيم تلاتة امشى واسيبك حرام عليكى اتكلمى ع طول انا شوية وهقع تحت رجليكي وقلبى هيقف
اسماء فركت ايدها وقعدت ع الارض وقالت صلى ع النبي كدا
فيهمة بخوف..عليه الصلاه والسلام اتكلمى بقا وريحينى
اسماء..انا كنت عايزة اقولك يعنى انه بنتك اميرة عايشة ولسة مراحتش للى خلقها
فهيمة اتصدمت ووقعت ع الارض قدامها وقال بفرحة ودموع..بنتى عايشة...اميرة عايشة؟
هنروح لهنا
قاعدة شغالة وبتشوف اكل عيشها وخلاص قربت تخلص
عدة كام ساعة والكل روح ومفضلش الا هى قفلت المحل وكانت هتمشى فجاه سمعت صوت حد بيقولها انسة هنا ممكن تسمعينى؟
هنا بصتله بخوف وقالت..انت!!!!!!!!
ف شقة جاسر
اسماء..انا هحكيلك كل حاجة
انا كنت ف القسم عشان ابنى كان متخانق مع صاحبو وضربو وعملو عاهة مستديمة كنت خايفة ع الواد اوي وكلمت محامى شاطر ف طلب منى مبلغ قصاد انه يطلعو ف اضطريت ابيع صيغتى المهم شوفت ظابط كدا ف دخلت استسمحو يعنى عشان يعتق ابنى لوجه الله وكنت هدفع والله دا مفيش اغلى من الضنا ف اتعصب عليا وكان هيطردنى بس مرة واحدة لقيت صورة وقعت منو
فهيمة كانت بتسمعها بكل اللهفة اللى ف الدنيا وبتشجعها بنظرات عيونها انها تكمل
اسماء.انا ياختى شوفت الصورة كأنو عارفة التعبان ايوة حسيته كأنو قرصنى واتنفض جسمى كلو مقدرتش استحمل وركعت تحت رجل الظابط وقولتله انت تعرف البت دي منين قولى هى عايشة ابوس ايدك قولى انا كنت منهارة وهو اتخص منى وكان عايز يسكتنى ف قالى اه عايشة فرحت اوي وحاولت اعرف مكانها هو مرداش يقولى غير لما يعرف انا مين واي علاقتى بيها ف قولتله كل اللى اعرفه ف قالى انه فى راجل شافها مرمية ف الشارع وباين يعنى انه فى حد اغتصبها وكانت مضروبة
فهيمة صرخت ولطمت ع وشها وقالت..يالهوووي بنتى حصل معاها كدا يالهوي بنتى فين يااسماء انطقى فين الراجل دا لو موجود ف بطن الحوت هلاقيه
اسماء..اهدي يافهيمة ..اميرة بخير الراجل خدها ف حارة وعاش فيها ع انها بنتو وسمعتو كويسة اوي والكل بيشهد باخلاقو وامانتو الظابط اكدلى دا وقالى كمان انه من خلال معارفو عرف كل حاجة عنها لو عايزانى اوديكى ليها هعمل كدا...بس مش دي المشكلة
فيهمة مسكت قلبها وقالت..مش دي المشكلة..فى اي بس اتكلمى؟
اسماء.انتى عارفة مين اللى اغتصب بنتك؟
فهيمة مسكتها من كتفها وفضلت تهز فيها وقالتلها بصريخ..طب اتكلمى قولى ف اي؟ انطقى يابنتى مين اللى عمل ف بنتى كدا؟ مين اللى عيشنى ايام كلها وجع عشان خسرت بنتى وخلاص كلها كام يوم ع فرحها بدل م ازغرطلها صوت عليها خلونى البس اسود ع بنتى وهى عايشة جالهم قلب يرموها ف الشارع طب ربنا كان رحيم ورزقها بواحد اواها طب افردي كان واحد شمال وابن حرام افردي كانت فيها النفس كان عمل فيها اي ها بدل م تروح للمستشفى كان ممكن تروح ف شقة ضعارة ويستغلوها اه يابنتى اكيد شافت المر لما بتفتكر اللى حصلها
اسماء..لا ياختى اطمنى انا عرفت انها فاقدة الذاكرة
فيهمة بعياط ..يالهوي يالهوي يالهوي يالهوي...يعنى اي مش هتفتكرنى..يعنى مش هتقولى ياماما..يعنى مش هعرف اخدها ف حضنى..اااه يابنتى اااااااه
اسماء..يافهيمة ياختى اسمعينى انا قلبى واجعنى ..دلوقت بنتك خلاص عرفنا مكانها وانا ممكن اوديكى ليها بس مش لمصلحتنا خالص انها تعرفك ع الاقل دلوقت
فهيمة بخوف..ليه بس؟
اسماء بلعت ريقها وقالت..............
عند هنا
هنا بدموع..وانت بتقولى كل دا ليه؟
احمد..يعنى اي؟
هنا..يعنى انا ملبش دعوة بيه
احمد..ازاي بس هو بيحبك؟
هنا..بس انا مش بحبو هو بستاهل الاحسن مني
احمد..بس هو مش عايز غيرك
هنا..ليه هو بالعافية المفروض يتغير عشان نفسو مش عشاني
احمد..بس حرام والله عطية بيحبك وملوش ذنب ف اللى حصل دا عشان خاطر ربنا حاولى تفتحى قلبك ليه وايديلو فرصة يوريكى مين عطية؟ا اللى شوفتيه واتعاملتى معاه صدقينى مش هو..طب بصى انا هتفق معاكي ع اتفاق لو عاجبك خلاص نعملو لو مش عاجبك خلاص اعتبرينى مقولتش حاجة خالص
هنا.واي هو الاتفاق؟
احمد..تتعاملى معاه كأنك بتحبيه وتساعديه انه يبطل القرف اللى بيشربه دا وتكونى ليه دعم وجودك معاه هيفرق اوي اول م يبقى كويس ساعتها تقدرى تمشى بس انا ليا عندك طلب ف للوقت دة اسمحى لقلبك يشوفه بجد مش يمكن تحبيه ولو محصلش خلاص بلاها بس وافقى واعتبربيها حالة انسانية وتاخدي ثواب عند ربنا بدل م يضيع مننا ونقول ياريت اللى جرا مكان عطية مش وحش وميستاهلش اللى حصل دا كلو انا مش هستنى منك رد دلوقت وهديلك فرصة تفكرى واعرف الرد منك ف الوقت اللى هتتكلمى فيه يعنى براحتك خالص تمام؟
هنا فضلت تفكر وف الاخر قالتلو
ياترى هنا هتوافق ع العرض؟
مين اللى اغتصبها واي الحكاية اللى عند اسماء وهل هتاثر ع مستقبل هنا ولا لا؟
ياترى عطية فعلا ضحية اهمال اب ام ضحية نفسه؟