رواية يا انا يا هيا الفصل الثالث 3 بقلم هاجر عبد الحليم - رواية يا انا يا هى
رواية يا انا يا هيا ( الفصل الثالث 3 ) هى رواية الكترونية من تأليف الكتانبة ندى حمادة وصدرت الرواية لاول مرة اخر اغسطس من عام 2021 وحققت نجاحا كبيرا فى اكثر من مجموعة على منصة التواصل الاجتماعى فيسبوك وتندرج الرواية تحت فئة الروايات الالكترونية لذلك سنعرض لكم اليوم الفصل الثالث 3 من رواية يا انا يا هيا
رواية يا انا يا هيا الفصل الثالث 3
ف مكتب جاسر
جاسر ماسك الملف الخاص بالشيخ احمد وعمال يدرسه بعمق شديد وحاسس بوجود ملابسات كتير ف القضية ومش فاهم اي كمية الالغاز دي؟
قطع تفكيرو خبط ع الباب وكانت نسرين
نسرين.حضرتك طلبتنى؟
جاسر رفع عينه ليها وقالها..خدي الملف دا وعايزك تتصلى بحازم المهدي ضرورى واوعى حد يعرف انه جالى المكتب والا اعتبرى نفسك مرفوضة
نسرين بلعت ريقها بخوف وقالت..وحضرتك تعرف حازم المهدي؟
جاسر ببرود..مش شغلك اعملى اللى بقولك عليه وبس
نسرين..حاضر يافندم ف خلال ساعات قليلة هيبقى موجود عندك ف المكتب
مشيت نسرين وهى دماغها هتنفجر من التفكير ومش عارفة ليه طلب حازم المهدي بالاسم هو طول عمرو عاشق للمغامرات ومفيش قضية بتعدي من تحت ايدو الا وبيكسبها بس القضية دي بالذات هتفتح عليه ابواب جهنم
نسرين قعدت ع المكتب وهى ماسكة القلم وبتخط بيه الطرابيزة كذا مرة وقالت..حازم المهدي معروف عنه انه بيفهم ف اعمال السحر وانه بيعرف يوصل للناس اللى بتستغل الاطفال الصغيرين عشان يبقوا تحت طوعهم ويعملوا اللى هما عايزينو وف الاخر بيوصل بيهم الحال للجنون او الانتحار بس لو المافيا عرفت بكدا هيقتلوا قبل م يوصل حتى المكتب هما مش هيسكتو.طب اعمل اي؟ اقولهم ولا كأنى معرفش حاجة بس لا لازم اقولهم والا هيقتلونى وانا مجيش حاجة قصاد جبروتهم دول عالم سهل عليهم القتل
بلعت ريقها وفعلا كلمت طرف من اعضاء المافيا تبلغو باللى حصل
ف شقة جاسر
اسماء.اللى اغتصب اميرة هو نفسه عريسها اللى كان هيدخل عليها بعد كام يوم يعنى حسين ابن عمها هتسالينى عمل كدا ليه؟ هقولك ولاد الحرام غسلو دماغو واتهمو اميرة بالباطل انها ع علاقة بمحمد اخوه هو لما عرف كدا اتجنن ومكنش عايز يصدق الا لما يواجهه ويعرف منو كل حاجة
فلاش باك
الباب خبط ومحمد جاي يفتح لقا اخوه حسين قدامه جاي ينطق بس اتصدم بلكمة قوية ف وشه
محمد برق عينه وفضل ع نفس الوضعية متحركش حط ايده ع بقه وشاف الدم نازل منو
امهم فاطمة خرجت من المطبخ وخبطت ايدها ع صدرها وقالت بصريخ وهى بتجرى ناحيتهم ومسكت محمد تشوف حصله اي
يالهوي فى اي ياحسين انت اول مرة تعملها ازاي تضرب اخوك الكبير انت اتجننت انا ربيتك ع كدا؟
حسين قفل الباب وشد محمد ناحية اوضته جامد لدرجة انه كان هيقع كذا مرة ع الارض بسبب قوة الشدة
والغريبة كان محمد ساكت لدرجة البرود كأنه متوقع حاجة زي كدا
حسين بزعيق..انا مش عايز حد يدخل علينا ياماما انت سامعاني؟
وقفل الباب فاطمة معرفتش تسكت وفضلت تخبط جامد
محمد..مفيش حاجة ياماما اهدي وشوفى وراكي انا كويس اطمنى
حسين..متخافيش ياماما انا مش هقعد كتير معاه كلها خمس دقايق وهتلاقيه خارج من الاوضة سليم مفيش فيه حتة ناقصة
فاطمة سكتت وقالت لا انا مش مطمنة انا لازم اعرف حصل اي وهعرف انا مش هسكت
ف شقة اسماء
اسماء فتحت الباب لقيت فاطمة
اسماء بخضة..مالك يافاطمة
فاطمة اترمت ف حضن اسماء وفضلت تعيط جامد هديتها ع اد متقدر وقعدتها ف الصالون وايديتها لمون
اسماء.اي هديتى صلى ع النبى كدا وروقى حصل اي بس؟
فاطمة حكتلها اللى حصل كلو
اسماء..طب خليكى هنا انا هخش الاوضة اغير هدومي وانزل معاكي نشوف حل مع العيال دي
فاطمة..ياريت . طب بسرعة انا مستنياكي اهو
عند محمد وحسين
محمد..ايوة بحبها
حسين ضربه بالقلم جامد وشدو من قميصة جامد وقال بزعيق..اه ياكلب وكمان بتقولها قدامى كل بجاحة تبص للبنت اللى خلاص كلها كام يوم وهتبقى مراتى دي خلاص بقت محرمة عليك انت ازاي جالك قلب عينك تروح عليها؟ اي مصعبتش عليك وانا باجى احكيلك اد اي انا بحبها وبعشقها ونفسى ربنا يكرمنا ونبقى مع بعض تحت سقف واحد دا انا بغير عليها من الكل اجى لحد عندك وبقول لا كلو الا محمد دا اخوها وسندها بعدى كنت واثق فيك لدرجة انى بحكيلك كل حاجة ومشاكلنا مع بعض عشان تحلها ع كدا لما كنت بتبوس راسها كنت بتعبرها حبيتك ها وانا بقا كيس الجوافة اللى اتاخد ع قفاه مش كدا؟ انطق وقولى هى عارفة ولا لا؟ ولو اه قسما بالله لقتلك انت وهى وادفنكو ف قبر واحد يلم وساختكو مع بعض
وبصريخ اعلي قال..انطق بقولك
محمد بعصبية..ابعد ايدك من عليا ياجدع انت لولا انك اخويا كان زمانى قطعت ايدك اللى اتمددت عليا
حسين..وكمان بتبجح انت اي مفيش دم وحيات ربنا لوريك نار جهنم ع الارض واخليك تتمنا الموت ومتطولوش
محمد ضحك بصوته كلو وقال..الله وربنا انت وحش الشاسة بفتحة صدرك اللى مصدرها ليا دي لا خبى ياخويا لتاخد برد الدور دا مش دورك ها فوق وانا مش معنى اني ساكت يبقى مش عارف ارد عليك دنا لو مسكتك هطلعك من تحت ايدى جثة بس انا اللى صابر عليك عشان عارف انك مصدوم من اللى حصل
وعشان اريحك بقا هقولك ايوة ياسيدى بتحبنى وبتموت فيا كمان اميرة دي حب عمرى وانت اللى ختو منى كان لازم اعرفها مين الفلصو ومين الدهب مين اللى بيحبها بجد ومين اللى واخدها بعقلو وبس كان لازم اعرفها انها معجبة بيك مش اكتر لكن انا الحب الحقيقى وفعلا استغليت الوقت اللى انت مسافر فيه وقضيته معاها البنت ف الاول تعبتنى بس قولت نصبر ع الرز لحد م يستوي شوية شوية بمعاملتى الطيبة وانت عارف بقا اخوك ف الحنية والاحتواء معندوش ياما ارحمينى البت لانت اوي وبقيت زي التلج لما بيدوب قالتلى انها بتحبنى وعيشنا مع بعض احلى قصة حب
حسين ضربه بالقلم جامد وقال بعصبية..حصل بينكو حاجة؟
محمد بخبث..قول حاجااااات ياعمنا مش حاجة واحدة البت طلعت صاروخ وبسطتنى اوي وانا كنت هقولك انك هتاخد بواقى اخوك بس قولت حرام اكسر بفرحتو وخليه يتصدم بعد الجواز مش يمكن هيستر عليها وياخد فيها ثواب بس انت لما واجهتنى معرفتش اكدب عليك انا من رايي سيبها ليا وانت شوف حالك مع غيرها وانا عن نفسى موافق اتجوزها مش يمكن ربنا يكرم وتبقى حامل ولا حاجة؟
حسين شد ع ايد جامد وعينه بقت حمرا ونفسه علي وبقا واضح وسهل اي حد يسمعو كان شكلو مخيف لدرجة انه محمد خاف منو ورجلو كانت بتخبط ف بعض مرتحش الا لما حسين خد بعضو ومشى مع رزعة باب محترمة
محمد..اوف بجد الموضوع عدا ع خير اما للحق اروح القهوة احكيلهم اللى حصل قبل م امي تيجى والا مش هعرف اخلص منها اصلا
ف القهوة
عبدالرحمن..وبعدين؟
محمد بعصبية..مكننش متخيل يابابا ان الموضوع هيعدي ع كام لكمة ع كام قلم انا قولت هبقى ف ذمة الله لما اقوله اللى اتفقنا عليه بس عارف صدقنى بسرعة اتاري الغيرة عندو بتخليه مش قادر يفكر صح اميرة بتحبه عينها فتحت عليه وهو اللى مربيها ازاي يشك ف تربيته؟
يوسف..هو مهما كان راجل بردو وصعب عليه يكتشف انه حب عمره عملت علاقة مع اخوه وبعدين متنساش الحبكة اللى احنا عملناها ف الجون مسيبناش مخرج يقدر يخرج منو ابدا كل م يروح ف حتة هيلاقى كل الطرق بتأكدلو انه اميرة خاينة
عبدالرحمن..ربنا يستر بس ومراتك متعرفش حاجة؟
يوسف بمرح....اسماء هبلة ميتخفش منها هى زي الخاتم ف صباعي ميهمهاش حاجة غير رضايا م انت عارفها رومانسية اوي يعنى كام كلمة حلوين بتقع من طولها وبتقولى اؤمرنى ياسيدى وبعدين حتى لو عرفت انا هقدر اسكتها
محمد.بس اللى مش فاهمو انتوا ليه خليتونى اعمل ف اميرة كدا؟ حسين متهور مش بعيد يقتلها
عبدالرحمن بخبث وانا اللى بقول عليك ذكى وبتفمها وهى طايرة متفوق للكلام دا ابنى ياغبي يعنى انا يهون عليا اوديه ف حديد ازاي؟ احنا كل اللى عايزينو يتخلص منها هو اكيد هيعمل مصيبة ابنى وانا عارفو ومحدش فاهم دماغو غيرى ايا كان اللى هيحصل انا عارف هخرجه منها ازاي؟
يوسف.بالنسبة لسؤالك هنستفاد اي لما اميرة تمشى بعيد عننا ونخلص منها هنستفاد كتير اوي يامحمد اميرة دي وش الشؤم ع الواحد انت نسيت انها السبب ف موت اخويا؟
محمد..بس هى مكنتش تقصد دي كانت حادثة يعنى قضاء وقدر اكيد مش دا السبب
يوسف حاول يتهرب..الله بقا يامحمد لا يبنى هو دا السبب انا سالت وعرفت انها السبب ف موت اخويا بنت الكلب كانت كل يوم بتديلو ادوية هديت حيلو وبتخليه مش عارف بفكر وع طول كسلان وسرحان ومش قادر يصلب طولو لا والقادرة كانت عايزة تقتلو فاكر يوم الحادثة الدكتور قال انه مكنش مركز وجسمه كان واخد جرعة ادوية سامة قبل الحادثة بساعتين يبقى اكيد هى كانت السبب
محمد بصدمة..بس ازاي دا ابوها؟
عبدالرحمن..لا دا جوز امها مش ابوها
محمد..بس هو عمره م حسسها بكدا وكان دايما بيقول اميرة بنتى اللى مخلفتهاش ازاي تعمل فيه كدا؟
عبدالرحمن..عشان الارض عايزة تكوش ع اللى وراه واللى قدامو الغبى كاتب كل اللى يملكو باسمها ولما تموت ولا يجرالها حاجة كله هيروحلنا يعنى كانت عايزا تخلص منو عشان تاخد الارض والسرايا اللى ف الصعيد غير المجوهرات اللى حاطتها امانة عند صاحبو وطلب منو ميطلعهاش الا لما اميرة تحتاجهم ووصاه عليها كمان قبل م يموت
محمد بصدمة..انتوا عرفتو كل دا منين..انا اول مرة اعرف انه عمى كان بيملك كل دا يعنى ازاي معاه فلوس تعيشو ملك ومعيش نفسه واهله ف الحارة المعفنة دي معقول كان قاصد يخبى علينا؟
يوسف..عرفنا كل دا بالصدفة كنت انا ف الصعيد بزور اهلنا شوفت واحد غنى اوي وكان بيسال ع سرايا الحاج مدحت الاسيوطى انا استغربت دا نفس اسم اخويا المهم قولتله معرفش بس من جوايا كنت عايز اعرف السرايا دي فين فضلت وراه لحد م فعلا شوفت اخوك ف السرايا واستقبلو احسن استقبال مكدبش عليك انا كان فى نار ايدة جوايا عايش ف الهيلمان دة كلو وسبنا ناكل ف التراب والفقر بياكل فينا فضلت وراه الموضوع لحد م عرفت انه دخل ف جمعيات كتيرة اوي وفضل يحوش وفتح مشروع كبير واللى ساعدو ع دا صاحبو قال اي معاه شركة وهو اللى كان بيديرها ف شاف اد اي هو شخص طموح وقرر يقف جمبو شوية شوية فتحو شركة شرك مع بعض ومكنش معرف حد بيها حتى مراته ولما حصلت الحادثة ومات اجرت واحد بلطجى عشان بقرص ودن المحامى وعرفت انه كلها كام يوم والوصية بتاعتو هتتفتح وكل اللى عملو دا هيروح لاميرة ومراته واحنا هنطلع من المولد بلا حمص ف كان لازم اخليك تعمل كدا عشان نخلص منها وساعتها كل الفلوس دي هتبقى لينا كلنا
عبدالرحمن بسخرية ...واكيد خاف لاحسن نحسدو..من يومو وهو مش بيعرف حد حاجة عن حياتو
محمد..دا طلع بير ملوش ارار طب ثروته دي كام ياعمى؟
عبدالرحمن.يووووه متعدش كتير اوي لدرجة انى مش مش هعرف اعدهم بس كل اللى اقدر اقولهولك انه احنا لو فضلنا نصرف فيها عمرنا كلو مش هتخلص المهم بقا نصبر لحد م المطلوب يتم وساعتها كل اللى احنا عايزينو هيحصل
محمد..بس اميرة عارفة كل دا؟
يوسف بكدب..طبعا عارفة بس بتستعبط علينا بس ع مين؟
فضلوا يضحكوا بخبث وناسيين انه ربنا مش بيقبل بالظلم
حتى لو نجحوا ف اللى عملوا بس ربنا هينقذها منها وليهم يوم وهيتجازو ع اللى عملوا عاجلا او اجلا
هنروح عند اسماء وفاطمة
اسماء..اهدي بقا وبطلى عياط هيروحو فين يعنى اكيد هنا ولا هنا هما مش عيال صغيرة؟
فاطمة بعياط .لا انا مش مطمنة انا قلبى واكلنى وحاسة انه فى مصيبة هتحصل..الطف بينا يارب.ريحنى وطمنى عليهم عايزة اغمض عينى الاقيهم حاضنين بعض دا عين وصابتهم ياختي
اسماء بحزن..لا اله الا الله..طب والله هيحصل وهيبقوا زي السمنة ع العسل وهتفرحى بيهم قريب كمان ومفيش حاجة هتعكنن عليكو ابدا..بس اومى ياحبيتى صلى ع النبى كدا وصلى وادعى يصلح حالك ربنا كريم اوي صدقينى وهيبصلك بعين الرحمة
فاطمة..يارب...يارب
فاطمة قامت عشان تصلى فجاه الباب خبط اسماء فتحت واتصدمت بسيكا القهوجي وحكالها كل اللى سمعو ف القهوة
ف شقة اميرة
اميرة..الو
حسين..ايوة ياحبيتى
اميرة بحب..حسين
حسين غمض عينه بالم ازاي قادرة تمثل بالبراعة دي
حسين...عاملة اي ياروحي؟
اميرة..بخير طول م انت بخير ياحبيبى
حسين..طب انا عندي ليكى مفجأه بس يلا البسى وتعالى مستنيكى تحت
اميرة..هنروح فين؟
حسين..يخرببت فضولك متبوظيش المفجأة كدا هتتحرق انا مقدرش اقولك حاجة غير انك هتفرحى لما تشوفيها
اميرة بفرحة..بجد..طب اقفل اقفل هلبس ونازلة ع طول سلام سلام
حسين قفل معاها وقال..بحق كل كلمة حب قولتلهالك وحق كل دمعة نزلت وانا ع سجادة الصلاه عشان ربنا يجمعنى ببكى وبحق كل مشهد كنتى مع حسين فيها لكسر عينك قدام نفسك قبل الناس واخد حقى منك تالت ومتلت بس اصبرى عليا
عند يوسف واسماء
اسماء بصريخ يالهووي
يوسف كممها من بقها وقال..الله يخرببتك اسكتى هتفضحينا يخرببتك
اسماء بصريخ ابعد ايدك عنى يامفضوح دا انا هوديك ف ستين داهية
يوسف شدها من بقها جامد وقال بقسوة طب افتحى بقك القمر دا وورينى هتعملى اي وانا ساعتها هقطع خبرك
اسماء بقرف..اوعا انت اي يااخى انا ازاي اتجوزتك انت دا الشيطان يتعلم منك انت ازاي عايز تعمل ف بنت اخوك كدا ها يالهوي دا مش بعيد يموتها انا لازم الحقو قبل م بضيع نفسو روح منك لله حسبى يالله ونعمة الوكيل
يوسف ضربها بالقلم وقال بعصبية..ياولية بلاش فقر انت مش عايزة تخرجى من الهم دا عيالك خلاص كبرو لازم تفكرى ف مستقبلهم انتى عارفة لو ربع الفلوس دي راحتلهم اي اللى ممكن يحصل؟ كل اللى بتحلمى بيه ليهم وليكى سهل تحققى بس انتى شغلى ام البصلة اللى ف راسك دي ابنك كاره حياتو اي مش تفرحيه بالغلوس دي وتخليه يعيش حياه كلها هنا ويفتخر قدام صحابو انه قادر يجيب كل اللى نفسو فيه بدل الحوجة اي مش بيصعب عليكى وهو بيروح الدروس بنفس الطقم وعينو بتروح للى ف ايد صحابو ولا بنتك اللى خلاص داخلة ع جواز مش نفسك تدخليها بجهاز الناس تفرح بيه وياستى اطمنى لو ع اميرة مش هنأذيها اطمنى هنوديها ف حتة بعيد عننا بس عشان نعرف ناخد الفلوس ونعيش بقا والا والله لقتلك واتاويكى انتى وعيالك واخد انا الفلوس خافى ع اختك ها كان يوم اسود يوم م افكرت اجوزها ليه فين كان عقلى؟ انا معرفش خافى ع نفسى واختك وحطى لسانك جوة بقك واخرصى خالص انتى سامعة
وبصريخ قال..سااااااااااامعة
اسماء سكتت بسبب خوفها وشاورت براسها كذا مرة ب اه
عند اميرة وحسين
ف العربية
اميرة..ايدة ياحسين؟
حسين..دي شقتنا ياحبيتى
اميرة..شقتنا بس انت عمرك م جيبتلى سيرة خالص انك عندك شقة برة الحارة هو احنا مش هنتجوز عندنا؟
حسين باس ايدها وقال..بس هى دي المفجأه انا حوشت وجيبتلك الشقة دي هى مش ملك بس ايجار دايم فرشتها وخليتها عروسة عشان اول م تجهز تبقى انتى اول واحدة تشوفيها كان حلم حياتى اخرجك برة الحارة واخيرا حصل
اميرة بحب..بحبك اوي ياحسين بس يعنى
حسين..بس ايه؟
اميرة..انا معرفش ليه قلبى مقبوض فرحانة بس خايفة؟
حسين..اي كلام العيال الصغيرة دة انا معاكى مش مستاهلة خوف وبعدين انتى لو خايفة منى ف دا موضوع تانى خالص
اميرة بزعل..لا طبعا انت ازاي تقول كدا..اكيد لا باحسين انا لو بخاف من الدنيا كلها استحالة اخاف منك انت
حسين..طب يلا تعالى معايا اوريكى الشقة هى خلاص بقت جاهزة مش ناقصها غير دخلتك عليها
اميرة..طب يلا انا متحمسة اوي
حسين بخوف..يلا ياحبيتى
ف الشقة
اميرة فضلت تلف ف الشقة بلهفة طفل وعنيها كلها فرحة وعمالة تاخد ايد حسين لكل حتة فيها وتقولو انها اد اي فضلت تحلم عشان يبقوا مع بعض ف اللحظة دي وانها هتزرع لحياتهم الجاية سعادة وهنا
اميرة..الله ياحسين الشقة حلوة اوي
حسين....
اميرة...حسين!!
حسين..ها ايوة
اميرة..انت مش معايا خالص بقولك الشقة حلوة اوي
حسين..اميرة انا عايز اقولك ع حاجة
اميرة..قول ياحبيبى انا سامعاك
حسين..انتى خونتينى؟
اميرة..هههههه اي ياحسين الكلام العبيط دا..ع فكرة دا مش هزار خالص خونتك اي هو انا اعرف راجل غيرك اصلا؟
حسين..ايوة تعرفى انتى بتحبى محمد اخويا
اميرة لا انت بتهزر صح م هو مش معقول يكون بجد انت مش معقول تكون واعى للكلام اللى طالع منك دا قولى كدا انه دا مقلب من بتوعك
حسين..بس دا مش مقلب من بتوعى انا جيبك هنا عشان الاقى اجابة منك تريح قلبى رغم انها عندي بس لو كذبتى والله م هرحمك عشان مش انا اللى يتعلم ع شرفو ويبقى كبش فدا لوساختك
اميرة بصدمة ودموع..وساختى!!!
حسين بعصبية مسك ايدها وقالها بقولك اي بس عشان شغل العياط دا مش بييجى معايا سكة اوعى تفكرى انه دموعك دي هتخلينى اضعف وارجع عن اللى ناوي اعملو انا لازم اخد حقى منك م هو لو شرفك هان عليكى ليه انا مخدش من القمر دا اللى انا عايزو ولا هو حرام ليا وحلال لغيرى ها هتقولى انتى هتبقى مراتى قريب منا مقولتلكيش ولا اي؟ انا مش باخد بواقى حد بس انتى بردو حلوة وانا عايزك بس هى ليلة واحدة وهتاخدي حقها تالت ومتلت كمان واطمنى بردو مش هتكلم واقول انك رخيصة روحتى عملتي علاقة مع واحد تانى غير جوزك دي بقا شيلتك وتشيليها عايزة تعيشى من غير جواز ماشى عايزة لما تتجوزي تحكيلو يستر عليكى بقا يقتلك مليش فيه انتى اللى هتتحملى نتيجة افعالك انا اللى ليا هاخدو
اميرة مكنتش بتعمل حاجة غير انها بتعيط
اميرة..والله العظيم م اعرف انت بتتكلم عن اي؟ انا مظلومة وسليمة محدش قربلى ولو عايز نروح عند دكتورة عشان تتاكد انا موافقة بس خلى عندك ثقة فيا دا انت اللى مربينى ازاي تصدق عنى حاجة زي كدا ها بلاش تظلمنى وتعمل فيا حاجة تخلينى اكرهك وساعتها مفيش حاجة هتوصل بينا تانى عشان ساعتها هتكون اتقطعت
حسين ضربها قلم وقال بقسوة..بطلى غباء انا استحالة اصدقك ياخسارة تربيتى فيكى
وبزعيق قال تعالى معايا يلااااا
اميرة اتخشبت ف مكانها وقالت هنروح فين
حسين غمزلها وقالت هننبسط مع بعض
اميرة بخوف...لا لا انا مش عايزة تعالى روحنى يلا انا مش عايزة ابعد عنى
حسين شالها ودخل بيها الاوضة وهى بتصرخ وبتضربه عشان ينزلها بس هو مكنش واعى ومصمم يعمل اللى ف دماغو عضته ف كتفه ونزلت جاية تهرب بس هو مسكها بس كانت بتقاوم لقا عصاية المقشة راح ضربها بيها عشان تسكت وفعلا اغمى عليها هو حطها ع السرير واغتصبها بدون رحمة وكل تفكيرو انها خانته مع اخوه ودا جزاه اللى عملتو فيه
شوية وبعد عنها وهو ومصدوم كأنه لدغته حية وقال بدموع ندم مستحيل لا لا مستحيل
ف الصالة
عبدالرحمن..يخرببتك انت عملت اي؟
حسين بندم ودموع..مش عارف يابا مش عارف انا انا اميرة طلعت بنت ياماما انا اعتصبتها ومن ساعة م ضربتها ومفاقتش انا خايف تكون ماتت
عبدالرحمن بخبث..لازم نبلغ البوليس
حسين بخوف..بوليس اي لا يابابا انا مش هستحمل دا انا ابنك مش هقدر ع عيشة السجون انا لسة صغير وفى حاجات كتير نفسى اعملها انا اه غلط بس معذور محمد يابابا اه محمد ضحك عليا وقالى انه عمل معاها علاقة بموافقتها الدم غلى ف عروقى وحسيت انها رخيصة كنت متخيل لما اعمل كدا هجيب حقى واكسرها بس كسرت نفسى معاها
عبدالرحمن..اخوك مش هيكدب عليك واحدة زيها رخيصة اكيد واخدة احتياطاتها اوي عشان متتكشفش وبعدين انت ايش ضمنك انه الدم دا دم عذريتها ممكن يكون عملت عملية فى ميت وسيلة دلوقت تقدر تستعملها عشان تخبى فضيحتها عن الناس
حسين..ازاي بس؟ دي طلبت منى نروح للدكتور ياريتنى سمعت كلامها وروحت معاها والا مكنش دا كلو حصل
عبدالرحمن...مش وقت خالص الكلام دا ابلغ البوليس ولا تسمع كلامى واخرجك من المصيبة دي البت ممكن تكون ماتت وساعتها هتروح ف الرجلين وحتى لو مماتش دا اغتصاب يعنى هتروح ف ستين داهية
حسين بخوف..لا يابابا كلو السجن انا هعمل اللى انت عايزو بس قولى هنعمل اي؟
عبدالرحمن.هقولك هات ودانك دي واسمعنى كويس ونفذ كل اللى هقولك عليه بالحرف الواحد
باك
اسماء بعياط..خدوها ف شوال ورموها ف المكان اللى الراجل خدها منو وجوم كأنهم ميعرفوش حاجة عنها وكانو فرحانين انه بموتها خلاص الفلوس هتروحلهم ف عبدالرحمن كلم المحامى وقالو ييجى عشان يفتح الوصية ف النصيب بقا جي حليف الشياطين دول المحامى كان مسافر ومش هييجى قبل شهر ف اتفقوا معايا اكرهك ف البيت واعمل معاكى كل يوم والتانى خناقة واطلب من يوسف انه مش مستحملاكى عشان يطردك من البيت وفعلا طردك ويعلم ربنا من اليوم اللى خرجتى فيه من البيت وانا مدوقتش طعم الراحة وروحى خرجت معاكى ضميرى كان سكاكين بتنهش فيا دعيت ربنا يسامحنى بس انا اتصدمت لما عرفت باللى حصل ل اميرة يوسف وعدنى انه مش هيجرلها حاجة بس انا اللى غلطانة لما شوفت الفلوس طمعت وسكت كنت عايزة اعيش ولادي عيشة كويسة بس مكنتش اعرف انه ربنا هيعاقبنى ودلوقت خلاص انا عندى ورم خبيث وعمال ياكل فيا وممكن اموت انهردة قبل بكرة بس دلوقت الوضع عندنا مش كويس الفلوس والورث لسة عند المحامى لما جوم فتحو الوصية وعرفو انه ف حالة موت اميرة الفلوس تروح لاخواته بس الغريب انه قال لازم جثة اميرة عشان الورث يروحلهم عشان هى مغيبة ومفيش اي معلومات عنها ف نقدر نقول انها عايشة فعشان كدا بقولك من مصلحة اميرة تعيش مع الراجل عشان لو هما عرفو انها عايشة هيموتها دول اتغيرو عن الاول جبروتهم وحقدهم زاد كنت عايزة اكفر عن ذنبى ف لفيت عليكى كعب داير لحد م لقيتك
باست ايدها وقالت..سامحينى ابوس ايدك انا هموت ومش عايزة اقابل رب كريم ولسة حقك ف رقبتى سامحينى وغلاوة اميرة عندك
كل اللى سمعته فهيمة كان اكبر من انها تتحملو ف اغمى عليها
اسماء بصريخ وهى بتضرب ع صدرها..فيييييهمااااااا
ونروح عند هنا او اميرة بقا الاتنين واحد❤️
هنا..مساء الخير
ممدوح..مساء الفل ياحبيتى اتاخرتى كدا ليه قلقتينى عليكى؟
هنا قعدت ع ركبتها وحطت راسها ع رجلو وقالت بتعب..اقرالى قرأءن يابابا انا حاسة انى تعبانة
ممدوح قلق عليها وقال فى اي ياحبيت ابوكى قوليلى يمكن اريحك انتى عمرك م خبيتى عليا حاجة
هنا بصت ف عنيه وحكتلو عن كل اللى احمد قالو
هنا..احمد قالى انه عطية شاب كويس بس ابوه هو اللى بوظه لما كان بيضيع فلوسه كلها ع الاومار والشرب ومكنش بيصرف عليه ولا ع امه لحد م زهقت وسابت ابنها لابوه واتجوزت واحد غنى واشترط عليها تنسى ابنها خالص كان متخيل انه امه تقف جمبو بس محصلش وابوه من ساعتها ضرب وبهدلة وقلة قيمة لحد م صاحب ناس وحشة خلوه يشرب وبقا مدمن واتغير جامد وطلب منى اساعدو عشان يتعالج بس انا مش بحبو وبعدبن افرد اتعالج واتصدم انى كنت بساعدو من باب الانسانية ممكن يتنكس تانى بسببى ودا اللى مقدرش استحملو شور عليا يابابا انا حاسة انى تايهة ومش عارفة اعمل اي؟
ممدوح قعد يفكر شوية وف الاخر قالها.........
كدة ف الحلقة دي عرفنا كل اللى حصل مع اميرة زمان
واي الخطر اللى هيواجها؟
طب ياترى عشق وجاسر هيدخلوا ف الصورة دي ولا لا؟
رواية يانا ياهي الحلقة 4
ممدوح..وانتى عايزة اي يابنتى؟ بصى انا متعودتش اغصبك ع حاجة دايما بقولك اللى تحسى بيه اعمليه وانتى مغمضة عشان قلبك استحالة يغشك
هنا..بابا انا مش بحب عطية خالص وخايفة اندم بعدين انا عمرى م حسيت من ناحيتو باي مشاعر ع طول ببقى باردا تعرف لما كان بيكلمنى كنت بدعى انه المكالمة تخلص مش حساه شبهي مش قادر يدينى اللى انا عايزاه
ممدوح.يابنتى فوقى لنفسك بقا الجواز مش دلع وكلام حلو وريش تحدفوا ع بعض ليل ونهار الجواز اكبر من كدا بكتير
هنا.رغم انه انا مش مقتتعة بكلامك بس ماشى خلينى معاك للاخر انا كل اللى انا عايزاه شخص حنين ويراعي ربنا فيا ياخدنى بكل كيانى كلها دايما فاكرنى حتى ف عز انشغالو عنى عايزاه يعوضنى بابا انا جوايا ضلمة نفسى ييجى اللى ينورنى ويبقى ليا امان يدينى امل ف المستقبل لما ابصلو اقول هو دا مفيش بعدو تانى بس عطية مش هيدينى اي حاجة الراجل هو اللى بينور الست بس خايفة بجوازي منو اقع ف حفرة معرفش اخرج منها عشان كدا انا قولت لاحمد انى هساعدو عشان يرجع لحياتو الطبيعية تانى لكن فكرة انى احبو دي انا قولتله سيبها للظروف بس اعتبرنى من دلوقت بقولك لا بس مش مصدقة انه اتغير وبقا شخص تانى معقول الظروف حتى لو قاسية ممكن تغير الاخلاق بس تعرف يابابا هو اللى ضعيف كان لازم يخلى اللى حصلو دا دافع انه يكبر ويتحدي الظروف ويكسبها مش العكس
ممدوح شدها من ودانها وقال بمرح..مفيش فايدة فيكى هيفضل اللى ف دماغك موجود ومهما اتكلم مش هييحى معاكى بفايدة ف السكوت احسن لما الواحد يتعامل معاكى قدرى بقا انك تبقى بنتى
هنا ضحكت وقالت..تربيتك ياحاج
باست ايدو وقالت..انا عايزاك تدعيلى عشان خايفة اوي من الخطوة الجاية
ممدوح بقلق..ناوية ع اي ؟انا مش مطمن خالص حسك هتعملى حاجة مجنونة هتوديكى ورا الشمس مش عارف ليه؟
هنا..لا مش للدرجادي يابابا بس انا ناوية اتجوز عطية
ممدوح بصدمة..تتجوزي مين!!!!
ف عربية جاسر
عشق..مالك ياجاسر من ساعة م ركبنا العربية وانت سرحان؟
جاسر..معلش ياحبيتى سامحينى انا مقصر معاكي شوية بس غصب عنى القضية اللى ماسكها مش مطمنانى حاسس انها هتفتح عليا ابواب مش قدها وخايف من اللى جاي وف نفس الوقت مش عارف اسيبها انا متعودتش اهرب من حاجة انا لازم اواجه وطالما القضية دي مسكتها مش هسيبها غير وانا مخلصها
عشق بقلق..طب ياحبيبى عليك اي من الهم دا م تسيب القضية دى لاي محامى تانى؟
جاسر..مينفعش انا لسة قايلك متعودتش اهرب
عشق..بس دا مش هروب خالص خصوصا لو القضية دي هتتعبك بس ثوانى هى قضية اي بالظبط؟
جاسر..بلاش ياعشق تعرفى انا خايف عليكى دا انا شعرى كان هيشيب من الكلام اللى قريته غير المعلومات اللى قالهالى حازم المهدي لما جي مكتبى وبعدين
عشق قطعته بخضة وقالت بصريخ رعبه وخلاه يتنفض من مكانو
حاااازم المهدي يانهار اسود ومنيل يالهوي ياجاسر انت اي اللى دخلك ف الهم دا انت كدا بتحط عمرك وحياتك ف كفة خسرانة واكيد هتدفع تمن دخولك للعالم دا
ومسكت ايدو وقالت بعياط..انا مليش غيرك انا بدعى ربنا يخليك ليا انا مقدرش اعيش الدنيا دي وانت مش فيها انا ياما قولتلك تعالى نعمل مشروع خاص بينا بعيد عن القضايا والسياسة والاجرام وانت دايما كنت بترفض مش عارفة ليه؟
جاسر باس ايدها وقال بهدوء ..طب ممكن نأجل الكلام دا دلوقت لحد منروح البيت عشان حقيقى تفكيرى اتشتت وعايزة اركز ف السواقة والا فعلا هنعمل حادثة
عشق.لا بعد الشر عليك.خلاص انا هسكت دلوقت بس اعمل حسابك كلامنا لسة مخلص ومش هسيبك غير لما تفهمنى كل حاجة وحازم المهدي دا كان بيعمل اي عندك تمام؟
جاسر..بموت فيكى وانتى قلقانة عليا كدا
عشق ضحكت بكسوف وحطت راسها ع كتفو وباست كف ايده وغمضت عينها
جاسر بصلها بكل الحب اللى ف الدنيا وباس راسها وركز ف السواقة بس عقلو مش سايبو والقضية اللى ماسكها واخدة كل كيانو بس هو قرر انه هيكملها للاخر ومش هيتراجع عن تفكير
عند هنا
هنا..ايوة يابابا هتجوز عطية وبلاش تتصدم كدا وبعدين مش دا اللى انت عايزو وزعلت لما فسخت خطوبتى انا اهو بقولك اطمن هتكمل الجوازة وهنعمل فرح كمان بس
ممدوح بقلق..بس اي ياهنا؟
هنا حاولت تتهرب من ابوها ومكننش عايزة تقولو انها مش حبة عطية يقرب منها وانها خايفة من الموقف دا وبتدعى ربنا ميحطهاش فيه
هنا...انا قولت بجوازي منو هبقى قريية ع طول واكون معاه ف كل حتة هو موجود فيها ف سهل عليا اقصر مدا العلاج وخليه يرجع لشخصيته ف اقل وقت خصوصا انه هيحتاج رعاية واحتواء منى ومش هعرف اعمل كدا الا وانا مراته
ممدوح..انا توهت منك ومش عارف حقيقى منين بيودي ع فين؟ انا خايف ومش مطمن ومش عايز الجوازة دي انا مش مستغنى عنك الناس يقولوا اي رميتها لواحد خمورجى ومدمن؟
هنا..ع اساس اي يابابا منا كنت مخطوبة ليه فعلا وبعدين انت قولتلى مش هتغصبنى وانا عايزة اساعدو بس ادعى يابابا ميقربليش انا عايزة ابقى بنت زي منا
ممدوح بلع ريقو وقال بخوف..يعنى مصممة؟
هنا..اكيد طبعا بس بردو مش هعمل اي حاجة غير وانت راضى عنها عطية بيحبنى واستحالة يأذينى
ممدوح..انا مش خايف عليكى منو بس الظروف بتاعة الجوازة دي غريية وقلبى مش مرتاح ومقبوض قبضة وحشة اوي كان نفسى يوم متتجوزي عطية يبقى بتحبيه مش مغصوبة عليه وافردي خف ومحبش يطلق او طلب حقو الشرعى منك هتعملى اي هتغضبى ربنا عليكى وتقولى لا يبقى بلاها الجوازة يابنتى وساعديه باي حاجة تانية غير الجواز
هنا..لو ع اللى انت خايف منو احب اطمنك مش هيحصل ولو حسيت انه مفيش مفر هعمل اللى ربنا قال عليه دا هيبقى جوزي وليه حق عليا
وقالت ف سرها..انا مستنياها تيجى من عند ربنا ومضطرش اضحى بنفسى عشان ساعتها هبقى خسرت كتير اوي ربنا يستر
ف شقة جاسر
جاسر وعشق دخلو وايديهم ف ايد بعض لقوا واحدة غريية بتفوق فهيمة اتخضو وجريو عليها
عشق بقلق..دادا فهيمة ردي عليا حصل اي؟
وبصت لأسماء وقالت بعصبية..انتى مين وعملتى ف دادة فهيمة اي وانتى ازاي تدخلى هنا اصلا تعرفى لو حصلها حاجة انا مش هرحمك فاهمة ولا لا؟
اسماء بعياط..والله يابنتى انا م غريبة انا اختها وبعدين احنا كنا بنتكلم وفجاه طبت ساكتة زي م انتى شايفة انا معملتش حاجة صدقونى
جاسر بقلق..مش وقت الكلام دا خلينا نشيلها ونوديها الاوضة
عشق بلهفة..ايوة ياجاسر ..يلا بسرعة براحة عليها ها
ف الاوضة
جاسر حاول يفوقها وفعلا فتحت عنيها ببطء وبصت لكل اللى حواليها واول م شافت اسماء افتكرت كل كلمة قالتلها ومرة واحدة فضلت تعيط بهبستريا وبصوت عالى
جاسر خدها ف حضنو وقال بقلق..فى اي بس يادادة بتعيطى ليه فهمينى؟ الست دي قالتلك اي لو ضايقتك قوليلى وانا حسابها معايا هيبقى عسير
فهيمة مش بتعمل حاجة غير انها بتعيط وبس
عشق بصت لأسماء بعصبية وقالت ..انطقى ياست انتى احنا هنشحت منك الكلام ولا اي تعرفى لو متكلمتيش وقولتى جرالها اي انا هتصل بالبوليس ييجو ياخدوكى وكمان هوصيهم عليكى عشان تعرفى انه الله حق ومتجيش ناحيتها تانى
أسماء بخوف..لا يابنتى بوليس اي انا بقولك اختها وجيت ونيتى خير صدقينى وعشان تصدقى انا هحكيلك كل حاجة
بدات تحكى كل الكلام اللى عرفنا ف الحلقات اللى فاتت والدادة كل م بتسمع كل م بتشد ع قميص جاسر اكتر وعياطها بيزيد بل اتحول لصريخ عالى عشق قلقت عليها وحضنتها وهى بتعيط بسبب اللى حصل واللى بتسمعه
عشق بعياط..معقولة فى ناس كدا؟انا مش متخيلة انه فى شخص ممكن يأذى بنت بالطريقة البشعة دي؟ لا وكمان دي قريبته وبيحبها ازاي مش واثق فيها هو اي حد يقول عليها كلمة يقوم يصدق ويحاسبها عليها من غير حتى ميديها فرصة تدافع عن نفسها احنا اي ف غابة ومفيش قانون جاسر انت لازم تتصرف هنفضل ساكتين كدا لازم حق البنت دي ييجى
جاسر بص للدادة وقال بجمود..عايزة تشوفيها؟
اسماء..لا يبنى بلاش انت كدا بتأذيها لو اهلها عرفو مش بعيد يموتوها
جاسر...البنت ماتت من زمان محدش بيموت مرتين البنت اتقتلت بدم بارد من واحد ميعرفش ربنا وبقت ضحية ناس طماعة متعرفش حاجة عن الانسانية والرحمة وكل همهم يبقوا معاهم فلوس حتى لو ع حساب انتهاك عرض بنت ملهاش اي ذنب ف حاجة
اسماء..بس يبنى انا بقول نستنى شوية والله بقول الكلام دا من خوفى عليا مش حاجة تانى
عشق..لا استنينا كتير اوي لازم الحقيقة تنكشف واللى غلط يتحاسب عشان يبقى عبرة لاي حد يفكر يعمل القرف دا تانى غير كمان انه لازم الام اللى قلبها فضل محروق ع قلب بنتها. وجواها نار سنين ان الاوان ينطقى وتبرد قلبها بشوفتها ولا اي يادادة؟
جاسر همس ف ودنها وقال..نامى يادادة وانا اوعدك بكرة هاخدك عشان تشوفيها
فهيمة بعياط..لا بلاش
جاسر.من امتى يادادة لما بقول حاجة بتقولي عليها لا؟
عشق..اكيد خوفتها ع بنتها عشان كدا بتقولك لا
جاسر..انا اضمنلك انه مفيش ضفر ف بنتك هيروح بس احنا لازم نتحرك مينفعش نستنى اكتر من كدا العمر معدش فيه بقية واللى جاي مش اد اللى رايح من حقك الايام اللى فاضلة تعيشى وبنتك حواليكى انتى لازم تفرحي وتفرحينا كمان معاكي عشان فرحتك من فرحتنا وقلبنا بيتوجع عليكى لما بنشوفك فيكى حاجة عشان كدا انا خلاص خت قرارى ومن بكرة هنمشى ونروح الحارة اللى فيها بنتك وهجيبهالك تعيش معانا هنا كمان
عشق اتضايقت بس معلقتش وبصت لفهيمة وقالت بضحك..ها يادادة اضحكى بقا خلي الشمس تطلع وتنور كدا حرام عليكى الخضة دي انا موت بجد من خوفى عليكى
وحضنتها وقالت..انا بعتبرك والدتى مش امي ابدا عشان خاطرى خافى ع نفسك وحافظي ع صحتك وبلاش تكتمى جواكي كل اللى عايزة تقوليه قوليه واحنا هنسمعك اتفقنا؟
فهيمة فتحت دراعتها وحضنت جاسر وعشق وباست راسهم هما الاتنين وقالت بحب وعنيها بتلمع بالدموع...ربنا يباركلي فيكو ياحباييى يارب ربنا كرمنى وبقا عندي تلت عيال مش واحدة بس ربنا يدينى العمر واشوف ولادكو بيجرو حواليا قبل اموت واشوفك يأميرة يابنتى يارب نفسى اشوفها واشوف حالتها اي احلوت اكيد وبقت زي القمر
جاسر..طالعة لأمها اكيد
عشق ضحكت بس بصت لجاسر بخوف وهى مش عارفة ليه الخوف دا جواها
فهيمة بضحك..بس واد اختشي عيب
جاسر..ليه بس هو انا قولت حاجة وحشة دا انا بعاكسك انتى مش عارفة حلاوتك عاملة ازاي ولا اي دا انتى لولا انك زي والدتى كنت اتجوزتك
فهيمة اتكسف وقالت..فين الشبشب عيب اوي تبقى شحط وتتضرب بيه فين يابت ياعشق هاتيه؟
عشق..هههههه لا قلبك ابيض هو بيهزر معاكي..اهم حاجة يلا ارتاحى عشان بكرة قدامنا مشوار طويل
فهيمة بتعب..حاضر
جاسر بص لأسماء..عارفة العنوان اكيد؟
اسماء..ايوة عارفاه بس انا مش عايزة اجي معاكو
جاسر قام وقال..ومين قال انك جاية انتى هتروحى بيتك عشان محدش يحس بحاجة وعايزك كمان تمسحى من ذاكرتك خالص انك شوفتينا ولا تعرفينا ومتفكريش خالص ولا كأنك دخلتى بيتنا دة تمام؟
اسماء بخوف..تمام يابيه انت تؤمر
جاسر..الامر لله الوقت اتاخر اوي ومينفعش خالص تنزلى ف الوقت دا
اسماء..مينفعش يابيه جوزي يموتنى انا قولتله هتاخر وعارف انى عند امي عشان ورانا غسيل وترويق
جاسر..خلاص هكلم حد يوصلك واذن دي مفيهاش حاجة
أسماء..تشكر ياييه
جاسر..مفيش شكر انتى اخت الغالية بردو يعنى مش غريبة
اتفضلى يلا عشان هو قريب مننا هوصلك لعندو واطمن عليكى وبعد كدا ارجع
اسماء..تمام يابيه
ف اوضة عشق
عشق قاعدة سرحانة وبتفكر ومش حاسة بالدنيا مفاقتش غير ع صريخ جاسر بأسمها
جاسر..عشققققققق
عشق..ها ايدة انت جيت امتى
جاسر استغرب وقال..من بدرى وغيرت هدومى كمان وبقيت بلبس النوم معقولة مختيش بالك؟
عشق..والله ياحبيبى سرحت شوية سامحنى
جاسر شدها من وسطها ليه وقال...لا انا كدا اغير
عشق بصتله وقالت..بجد؟
جاسر..ايدة؟
عشق..اي؟
جاسر فى دبانة ع شفايفك كدا استنى اشيلها
عشق بعدت عنو وقالت بكسوف..اه ياقليل الادب انت ع طول كلامك جرىء كدا ها اتكسف شوية
جاسر..هار ازرق اتكسف دا اي م هو لو اتكسفت مش هنخلف ابدا ومش هنجيب عيال ياقطتى
عشق..طب اوعا بقا عشان انا مكسوفة
جاسر ضحك بصوته كلو وشد خدودها جامد وقال..حبيبى ياناااااس يالهوي ع خدودو دي اللى بموت فيها تعرفى انتى مش بس حبيتى انتى بنتى كمان مش هحب قبلك ولا بعدك روحى اتعلقت بيكى انتى ومش عايز غيرك يبقى معايا انتى ام عيالى وامى وحبيتى واختى وكل دنيتى
عشق..بحبك اوي ياجاسر
جاسر..طب جاسر عايزة حبة عسل ابيض من الشهد بتاعي
عشق..جاوبنى الاول انت قولتلى بتغير عليا صح؟
جاسر.ايوة طبعا عشان انتى بتاعتى لوحدي ومش من حقك تفكرى الا فيا وعقلك وكيانك كلو يبقى معايا انا
وبهمس قال..انااا وبس
وخدها ف رحلة العشاق
عشق نامت ف حضن جوزها بس لسة الوساوس شغالة ودا ننيجة كانت حلم بشع
عشق بصتلة بصدمة وقالت ..هتطلقنى ياجاسر عشان الجربوعة دي انت مش واخد بالك من شكلها دي لو بصت ف المرايا مش هتلاقي فيها حاجة عدلة اصلا اي اللى شدك ليها ممكن افهم؟ الله ف سما مش هتتهنا بيها عشق الصمدي لما بتقول كلمة بتبقى سيف ع رقبتها انت استحالة تبقى لغيرى مهما يحصل انت سامعني ؟ساعات الواحد عشان حاسس انى اللى معاه ضامنها ف اي وقت هيعوزها هيلاقيها بيهملها اوي وبيخليها هشة ومطفية وانت عشان شايف انى بحبك ومقدرش استغنى عنك بتعمل كدا بس الغلط مش عليك عليا انا عارف ليه؟ عشان خليتك عامل زي الملك اللى محتل دولة وبيؤمر وبينهى فيها ومحدش يقدر يقولى بم عشان ليه كل الاولويات والسلطة اللى تخليه يعمل كل اللى عايزو من غير مراقبة عيشتك ف جنة والمقابل منك اي ها عيشتنى ف وهم افتكرته حلم جميل اتاريه كابوس مرعب تقدر تفهمنى غلط ف اي عشان تروح تتجوز عليا واحدة من الشارع ملهاش اصل ولا فصل بس شابو بصراحة هى شبهك اوي من نفس الزبالة اللى جيت منها
جاسر بصلها بكل الغضب اللى ف الدنيا وشد ايدو جامد اوي عشان يمسك اعصابه كلامها زي السكينة بيغرز فيه بكل قسوة بس مش قادر يوقف اللى بيعملو لازم يكملوا للاخر نفسه بقا عالي وعينه ف عنيها بشكل مباشر كانهم بيقولوا لبعض كدا كل اللى بينا انتهى مفيش حاجة تقدر تجمعنا ببعض تاني
جاسر ببرود..انتى لو فاكرة كلامك دا هيأثر عليا تبقى غلطانة وبلاش تعيشى دور الضحية اللى جوزها خانها عشان مش لايق عليكى خالص بصراحة وبقا دمو تقيل اوي ومبقتش حاسس منه باي اثارة خالص تمام
عشق بغضب.اللى واقف قدامى هو انت لكن الصوت دة جاي منين مين انت فهمنى حرام عليك ليه بس؟ دا جزاتي بعد كل الحب اللى حبتهولك ووقفتى قصاد اهلى عشانك شوفت فيك الامان والحنية اللى هيعوضنى عن كل اللى شوفته تطعنى ف ضهرى بسكينة تلمة باردة مش بتحس ليه.؟كسرت روحي
وكملت بعياط وقالت.روحى ياجاسر اللى كانت بتحلم بيك كل يوم وانت بعيد عنها كانت بتنام وبتتخيلك ف حضنها وساعتها تقدر ترتاح من الدوشة وتحس بكل الامان اللى ف الدنيا روحى اللى خلقت جواها عالم انت بطلو وبقت عايشة فيه وكل يوم بترسم موقف شكل يرجعها تاني للدنيا وينورها وتستاهل فعلا انها تعيش وعمرها فعلا بدا لما انت دخلت حياتها روحى اللى اكتفت بيك ومبقتش عايزا لا اماكن ولا ناس بس تبقى بين ايديك ف كل نفس ليها دا جزاتها؟ الكسرة دي؟ حرام عليك حسبى يالله ونعم الوكيل فيك
جاسر مقدرش يستحمل كلامها وايدالها ضهره وغمض عينه بكل الالم اللى ف الدنيا خلاص مش قادر يواجها دموعها نار بتحرق قلبه
هنا بصتله ودموعها ع خدها هى حست انها السبب دخلت زي الدخيل وخربت بيت اتنين عشاق بس هى مش انانية اللى حصل غصب عنها من غير جاسر هتبقى ف الشارع بس بردو هى ليها قلب وحاسة بوجع عشق مينفعش تكسرها كدا هى عمرها م كانت وحشة ولا كانت تتخيل ولو حتى ف احلامها تاخد واحد من مراته
عشق بدموع..بصلى ياجاسر بتخبى وجعك عني ولا بتخبى قسوتك وجحودك عليا كانى معملتش اي حاجة زرعت واستثمرت ف العلاقة دي عشان تكبر وتقوي وتبقى زي الجبل الثابت ف الارض مهما الريح تبقى شديدة استحالة يضعف ابدا ويفضل ف مكانو مش معقولة يكون دا اللى حصدته انا مستاهلش منك كدا
مسحت دموعها وقالت بقوة بس لا انت مستاهلش الحب اللى جوايا
وحطت ايدها ع بطنها وضحكت وقالت ولا تستاهل الطفل اللى جوايا اه هو حتة منك بس بردو هو ابنى انا هعيش ليه هو وبس انما انت مش هيبقى ليك حق فيه انت سامعنى
وصرخت وقالت مش هيبقى ليك حق فيه انا هبقى امه وابوه وكل عيلته وهعوضه عنك وهخليه بنساك ومش هيفكر فيك عشان انت جاحد مفكرتش غير ف نفسك روح اتجوز السنيورة بتاعتك وانسى عشق وكل اللى يخصها حتى ابنها لو سالنى عليك هقوله ماااات ماااات
لفلها وهو مصدوم ودموعه مغرقة وشو وهنا حطت ايدها ع بقها من الصدمة وفضلت تهز راسها بلا وعمالة ترجع لورا لحد م خبطت ف الحيطة ورمت نفسها ع الارض وفضلت تعيط بصوت عالى
جاسر مقدرش ع كل الضغوطات دي وحط ايده ع راسه حس بصريخ جواه دماغو مش قادر يوقفه وبص لعشق وهنا لقا نفسه بين نارين مش عارف يختار مين ولا يعمل اي
جاسر بصريخ.كفاااياااااااااا
وقع مغمى عليه وسط صدمة عشق وهنا
عشق صحيت مفزوعة
لااااااا لااااا لا لا
جاسر صحى وولع النور وخد عشق فحضنه وقال بقلق..دا كابوس ياحبيتى اهدي
عشق شدت ع قميصه وقالت بعياط..جاسر انت معايا صح مروحتش بعيد عنى؟
جاسر..اروح فين يابنت المجنونة انتى هو انا بلاقى نفسى غير معاكى؟
عشق بصتله بعيون طفلة وقالت بعياط..حلم وحش
جاسر..مش عايز اعرفو بس انا معاكى
عشق..اوعدنى انك مش هتحب غيرى ولا تصدمنى وتجيبلى واحدة تانية وتقولى انك هتتجوزها؟
جاسر فضل مش مستوعب كلامها بس ضحك بصوت عالى
عشق ضربته ع صدرو بغيظ وقالت..ممكن اعرف اي اللى يضحك؟
جاسر..اصل اول مرة اعرف انك بتحبينى الحب دا
عشق..مش فاهمة؟
جاسر باس خدها وقال انا ملكك انتى وبحبك انتى ومش عايزة اقرب غير منك انتى خليكى فاكرة ياعشق انه دا حلم مش حقيقة والحقيقة بتقول انى جاسر لعشق ومن غير عشق مفيش جاسر يلفونى ف كفن قبل م اتزف ع واحدة غيرك ياروح قلبي❤️
عشق بلهفة..بعد الشر عليك
جاسر باس ايدها وخدها ف حضنه وقال..حضنى دا مكانك ومش مستباح لحد غيرك
عشق شدت ع حضنه جامد كأثبات كلامو وهو ضحك من كل قلبه وبادلها الحضن ونام وهو مرتاح
تانى يوم
صحيو من النوم وجهزو عشان يروحو ياخدو هنا
عشق كانت خايفة ومكنتش عايزة تروح بس بصت لنفسها ف المرايا برضا وافتكرت كلام جاسر ف مشيت وكملت طريقها
جاسر ركب فهيمة جمبو وعشق ركبت وراه وكانت بتفكر وبتدعى ميحصلش حاجة تزعلها او تخوفها جاسر رغم انه كل تفكيرو مع فهيمة عشان يطمنها بس كل شوية بيلمح عشق واستغرب ليه الخوف دا كلو؟
وصلو الحارة وسالو ع بيت الحاج ممدوح والف حد دلوا ع المكان وطلعو السلم وجاسر مسك ايد فهيمة عشان حس برعشتها وانه رجليها بتتحرك بالعافية
جاسر..اسنديها معايا ياعشق
عشق..حاضر
وصلو قدام البيت
جاسر..هانت كلها كام ثانية وتشوفى بنتك
فهيمة بعياط..يارب يارب
جاسر..زي م قولتلك اثبتى كدا ومتفضحناش بالله عليكى عشان ميحصلش حاجة نندم عليها
فهيمة..حاضر يبنى هحاول
جاسر..توكلنا ع الله
ف شقة ممدوح
ممدوح..افتحى ياهنا
هنا لبست طرحتها وقالت..حاضر يابابا
هنا اول م فتحت اتصدمت ب
ف شقة احمد
عطية بعصبية...بتقول اي انت؟ مين اللى راحلهم البيت؟
احمد..مش عارف بس انا شوفت ناس تقيلة اوي داخلين بيت الحاج ممدوح ولما سالت عرفت انه طلبوه بالاسم
عطية بغيرة..يانهار اسود ومنيل نهار ابوها مش فايت معايا عايزة تتجوز وتبعد عنى صح محدش هيحميها منى ياأحمد هنا ليا انا لوحدي ولو بقت لغيرى مصيرها الموت انت سامعنى
احمد..اهدا ياصحبى متتهورش كدا انت هتخليها تكرهك بزيادة مش قولنا نوريها عطية الكويس؟
عطية ..هى مش هتشوف منى غير الوحش بس عشان هى متستاهلش غير كدا انا هروح هناك واطربقها ع الكل
وبصريخ قال..اوعااااا من وشى
وخرج فعلا ومش هامو انه احمد عمال ينادي عليه ومن كتر خوفه عليه مشى معاه
احمد...عطية ....ياعطية ..يبنى انت لابس اي ف رجلك...طب خدنى معاك بدل متاخد علقة لوحدك كدا...ياعطية بلاش تسرع الله يخربيتك هيتعمل مننا كفتة دول عالم تقيلة اوي..ياعطية..يوووووه
ف الشقة
ممدوح..اهلا وسهلا
جاسر..احنا جينا عشان عايزين ناخد الامانة اللى عندك؟
هنا استغربت وقالت..امانة اي؟
ممدوح..استنى ياهنا..مش فاهم حضرتك تقصد اي؟
جاسر..ممكن ثانية واحدة ع انفراد وانا هفهمك كل حاجة
ممدوح بخوف..طبعا يبنى اتفضل
ودخلو الاوضة وقفلوا عليهم الباب
هنا..انا مش فاهمة حاجة انتوا مين؟
عشق..احنا جينا لهدف ومش هنمشى غير لما نحققو
هنا..اي كلام الالغاز دا؟ متقولو كل حاجة دوغرى كدا من لف ودوران وبعدين امانة اي اللى الاستاذ بيتكلم عنها احنا معندناش امانات ليكو هنا احنا اول مرة نشوفكو اصلا؟
عشق..اصبرى شوية وانتى هتفهمى كل حاجة
هنا قعدت وعمالة تحرك رجليها بتوتر وكل شوية بتبص ع الباب ومش واخدة بالها من واحدة من ساعة م دخلت وعنيها منزلتش من عليها وعمالة تعيط وبتحاول تدارى دموعها ومش عارفة نفسها تاخدها ف حضنها وتقولها انك بنتى بس لازم تصبر عليها عشان متأذيهاش
شوية من الوقت
جاسر وممدوح خرجو من الاوضة وهنا جريت ع ابوها وقالت..فى اي يابابا؟ قالك اي الجدع؟
ممدوح ساكت ومش بيتكلم
هنا بقلق..اي يابابا فى اي مالك؟ انت قولتلوا اي؟ بابا رد عليا انا هعيط وربنا بلاش سكوتك دا انا بخاف
ممدوح حاول يطلع صوته ع اد ميقدر عشان ميخوفهاش بس مش قادر
جاسر..انسة هن
هنا..اسكت انت انا من ساعة م شوفتك وانا مرعوبة قولت مش هييجى منك غير الشر وبس
جاسر..رد علبها انت ياعمى ممدوح عشان مش بعرف ع واحدة لسانها طويل
هنا..يابابا رد عليا
ممدوح..هنا يابنتى ممكن تقعدي وتسمعينى
هنا..حاضر يابابا
ممدوح بلع ريقه وقال....
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك من هنا