رواية انا لك انت بقلم حبيبة محمد كاملة جميع الفصول - رواية انا لك انت
رواية انا لك انت كاملة جميع الفصول
رواية انا لك انت الفصل الاول
ادخلي غيري اللبس الانتي لبساه دا بسرعه
_ ليه يا ابيه ما هو دا لبس المدرسه
_ قولتلك 100 مره مسميش ابيه وبعدين انا غلطان اني وديتك مدرسه خاصه عشان تلبسي لبس قصير كدا
بصتله بغيظ وحطت راسها في الارض بخبث وقالتله: البس اي يعني انا دلوقتي؟
مسك ايدها ولفها للدولاب وحاوطها وقرب من ودانها وقالها بهمس: شوفيلك بنطلون تلبسيه بدل المسخره دي
غمضت عينها وخدت نفسها بصعوبه وقالتله بتوتر: حاضر
رجع تاني وعدل بدلته وقالها بجمود: انا برا مستنيكي
ملك راحت قفلت الباب وراه وحطت ايدها علي قلبها وقالت بانفاس متوتره: بس اهدي اي حصل لكل دا يعني
جابت بنطلون چينس و لبسته علي تيشرت المدرسه وخرجتله
وقالتله وهي بتاخد رأيه: كدا كويس؟
بص عليها كويس وتفحصها بالكامل وقالها: وشعرك؟ هتفضلي مسيباه؟ لميلي شعرك دا
افأفت بعصبيه وقربت منه بهدووء تام وقالتله: اشمعنا بتقولي انا كدا؟ ليه مبتقولش ل مريم تلبس وتعمل علي مزاجك مش دي اختك برضو
ركب العربيه بعدم اهتمام لكلامها وقالها ببرود: عشان اختي مش مستنيه مني كلام هي بتعمل العليها لوحدها ويلا لمي شعرك وتعالي عشان اوصلك انتي وهي المدرسه
بصتله بغيظ وطلعت اوضتها بعصبيه و في نفس الوقت خرجت مريم من اوضتها مستغربه وبتقولها:
متعصبه كدا ليه؟
ملك دخلت الاوضه من غير ما ترد ولمت شعرها ديل عصان ونزلت خصلتين من قدام
مريم دخلت وراها وقالتلها:
ينفع تفهميني في اي
ملك سابت الفرشه علي التسريحه وبصتلها وقالت بعصبيه: ابيه سليم...اقصد سلييم مش عايزني اسيب شعري والبس چيبه المدرسه
مريم بسخريه لكلامها: ملك انتي عبيطه سليم اخونا الكبير دلوقتي وهو الواخد باله علينا ولو واحده فينا حصلها حاجه هو برضو الهيكون واقف فض ضهرنا يعني لازم ياخد باله من لبسك وكل حاجه عنك من بعد وفاه باباكي وهو واخد باله منك اكتر مني كمان
ملك قالتله بندم: عارفه انه بياخد باله مني؛ بس هو مش اخويا هو اخوكي انتي؛ هو بس ابن خالتي مش اكتر ولا اقل ومش عشان بابا لسه متوفي من اسبوعين وهو خدني عنده عشان مبقاش لوحدي يبقا يتدخل في كل حاجه
مريم خدت شنطه ملك من علي السرير عشان تنهي الكلام وقالتلها: طب يلا عشان هنتأخر سليم مستني تحت...
****
نزلت هي ومريم وركبوا العربيه وسليم وصلهم للمدرسه
مريم نزلت مع ملك وقالتلها بهمس في ودنها: كريم واقف مع صحابه هناك اهو هروح اشوفه
ملك غمزتلها وقالتلها: روحي يختي
سليم من شباك العربيه شاور بصباعه لملك انها تقرب
ملك قربت بعدم فهم وقالتله: اتفضل يا ابيه
سليم بعصبيه قالها: متقوليليش يا ابيه يا ملك انتي مش صغيره
ملك حطت ايدها في وسطها بدلع وقالتله: اتفضل يا سليم
سليم بابتسامه قالها: حلوه منك
ملك قلبها دق جامد بصتله بكسوف وكانت شبهه مش عارف تبص في عيونه قالتله بتوهان: عايز حاجه؟
سليم مسك ايدها بحنيه وخرج فلوس من جيبه وحطها في ايدها وقالها: خلي دول معاكي عشان لو احتاجتي اي حاجه
ملك كانت لسه هتتكلم بس هو قاطعها وكمل كلامه بحده وهو بيقول: مش عايز اشوف منك حاجه تضايقني يا ملك... بمعني انك متكلميش اي ولد من المدرسه... الولاد الجوا كلهم اغنيه وولاد ناس ومتدلعين من الاخر طايشين وانا مش عايز حد يضحك عليكي
ملك امأت براسها بأبتسامه وقالتله: حاضر.. عايز حاجه؟
سليم مكنش عايز يسيبها... نزل من العربيه وجاب شال من شنطه العربيه
ملك رفعت حواجبها بأستفسار وقالتله: حبت الشال دا منين دا بناتي؟
سليم حط الشال علي كتفها بحنيه واهتمام وهو بيقول:
كنت جايبه ليكي بس نسيت اديهولك...
بصتله بعيون كلها حب ابتسمتله بطيبه
قالها بتوتر: احمم عشان متبرديش يعني انتي شايفه المطر نازل علينا ازاي دلوقتي
مسكت ايده بقلب جامد وقالتله: شكرا يا سليم علي كل حاجه..
بلعت ريقها بتوتر وقالتله:
اركب يلا عشان متبردش
ركب و ابتسملها وغمزلها من الشباك وهو بيقول:
اول يوم ليكي في المدرسه عايزك تكوني الاولي عليها يا ملك
ملك شاورتله بأديها عشان تنهي الكلام وحطت الشال عليها جامد عشان تدفي ودخلت المدرسه وهي بتبتسم علي اهتمام سليم ليها...حست احساس عمرها ما حسته
اول ما دخلت لقت بنت واقفه مع ٤ صحابها اتخضت وخبت وشها بتوتر وطلعت تجري علي مريم الواقفه بتبص علي كريم
مريم بخضه: في اي؟
ملك مخبيه وشها زي الحراميه وبتقولها بتوتر: شايفه البنت ام شعر بني هناك دي وجمبها صحابها
مريم امأت براسها وقالت:
اه شايفه
ملك بلعت ريقها بخوف وقالت:
دي البنت الانا وانتي مسكناها بهدلناها في مره عشان خبطتني بالعربيه فاكره
flash back
بتكبر وغرور_ معنديش مانع انا ممكن حتي اخبطلك البت المعفنه الماشيه هناك دي بس اكسب السباق
قالها هو بسخريه: اراهنك انك مش هتقدري تخبطيهم
كلهم ضحكوا عليها قامت هي بعناد وقالت: ولو خبطتهم؟
قالولها بتكبر: لما نشوف
ركبت عربيتها وداست علي البنزين بسرعه شديده وخبطت ملك ومريم
واول ما خبطتهم وقفت العربيه بخوف وبرقت بتوتر وقالت: اي الانا نيلته دا
اول ما خرجوا م المستشفي كانوا متعورين ومتخرشمين في كل حته في جسمهم بس ومريم ايديها اتكسرت بس ملك لأ
ملك اول ما خرجت لقت البنت الخبطتهم واقفه بتضحك بسخريه وبتقول: الف سلامه عليكم...
ملك عملت نفسها تعبانه وقامت موطيه وقلعت الكوتش وهي بتقول: بس رجلي متعوره ازاي
تلقائيا البنت الخبطتهم بصت علي رجل ملك
واول ما بصت ملك ادتها بالجزمه علي دماغها وقالتلها بغيظ: عشان تبقي تتربي
مريم قالتلها بصوت عالي وعصبيه: يعني كمان خبطتينا بالعربيه وجايه تضحكي علينا انتي انسانه مش محترمه
ضربتها بالقلم وقالتلها:
وقليله الادب
ملك بخوف: يلا يا مريم نجري بسرعه البت شكلها غنيه وهتطلع عيننا
back
مريم افتكرت ورجعت تاني لتفكيرها وهي بتقول: ينهار!!
ملك بخوف: انا عارفه ان لازم يطلعلنا في كل خرابه عفريت
مريم بثقه في نفسها شالت الشال من علي وش ملك وقالتلها: متخافيش احنا ال علي حق مش هي..وان كانت هي غنيه احنا اغني منها
ملك مشيت جمب مريم لحد ما وصلوا للفصل
وقعدوا جمب بعض في الديسك
دخلت البنت هي وشلتها كانت بيضحكوا بغرور وبيتكلموا عن موضوع واول ما شافو مريم وملك قالوا بصدمه: انتوا؟
ملك رفعت حاجبها بثقه: اه احنا
البنت كانت لسه هتهجم عليهم بس الميس دخلت
قعدوا كلهم والميس قالت: دول الطلاب الجديده هيبقوا معانا هنا في الفصل من هنا ورايح
الميس بصت للبنت وقالتلها:
ديما؟ حساكي مضايقه
ديما بغيظ: لا خالص
******
بعد ما الحصص خلصت جه البريك مريم قالت لملك: عايزه ادخل التويلت اغسل وشي
ملك دخلت معاها وقالتلها:
انا متوتره اوي من ديما وصحابها دول شياطين
ديما دخلت وراهم ومعاها ٢ صحابها
قالتلهم بخبث وضحكه خبيثه:
اهلا بيكوا في مدرسه الشياطين الخاصه
همست في ودن ملك وهي بتقول: ايامكوا معايا من هنا ورايح هتكون كلها سواد
مريم زقت ديما وقالتلها: ملكيش دعوه ب ملك
ديما ضحكت بسخريه وقالت:
الله الله! انتوا الاتنين بتدافعوا عن بعض حاجه حلوه اوي تعرفي كدا
ملك قالتلها بغيظ: اه حاجه حلوه
ديما مسكتهم هما الاتنين من لياقه التيشرت وقالت: استنوا المفاجأه الهتحصلكم كل يوم
زقتهم وخرجت هي وصحابها بعد ما بصلهم بصات حقيره
ملك حضنت مريم بخوف وقالتلها: انا خوفت
مريم اتنفست بتوتر وقالت: وانا
******
في اخر اليوم ركبوا تاكسي ووصلوا البيت
في مكان اخر
سليم كان قاعد علي مكتبه دخل صاحبه وهو بيقول: سليم اهم سيده اعمال هتكون معاك دلوقتي علي المكتب واخد بالك؟
سليم ببرود لف بالكرسي وهو بيقول: قولتلي كان اسمها اي؟
لفله وهو بيقوله: اسمها نريمان
سليم قام من علي الكرسي و قاله: بس انا مش هينفع اقابلها يا فهد
فهد قاله بعصبيه: نعم؟ بقولك اهم سيده اعمال
دخلت السكرتيره: الهانم برا ادخلها؟
فهد قالها بعصبيه: هانم مين بظبط؟
قالتله بتوتر: نريمان
*****
عدي وقت كبير وسليم خلص المقابله وخلص شغله وروح ع الڤيلا
لقي الانوار كلها مطفيه وكلهم نايمين....
جريت عليه ملك وحضنته وهي بتضحك وبتقول: انتي مالك طولتي كدا ليه يا مريم؟
سليم ابتسم وشدها في حضنه اكتر استغل فرصه انها بتلعب هي ومريم وبعد كدا بعدها وفتح النوور وهو بيقول: بتلعبوا خلاويص في الضلمه ليه
ملك اتكسفت اول ما عرفن انه هو الحضنته قالتله بكسوف: كنا زهقانين قولنا نلعب شويه
سليم بحده: اتنين شحطه في تالته ثانوي وبيلعبوا خلاويص
ملك حكت ايدها في وسطها وقالتلها بعناد: والله! طب ما انت عندك ٢٥ سنه وكنت بتلعب طاوله
سليم ضحك بسخريه وقالها: هي الطاوله بقت اطفالي؟
مريم نزلت وهي بتزعق وبتقول: ممسكتينيش ليه يا ملك
ملك شاورت علي سليم وقالت: عشان البيه اخوكي وصل
مريم قالتله وهي بتضحك: امم اداما انت جيت يبقا مفيش لعب اكيد هتفضل تزعق وتقول الصوت عشان بتزعجوني
دخلت اوضتها وهي بتقول: تصبح علي خير
سليم طلع اوضته وملك طلعت وراه......
سليم بصلها بأستغراب وقالها: جايه ورايا ليه؟
ملك رفعت كتفها وقالتله: انت ناسي ان اوضتي فوق جمب اوضتك؟
سليم اما براسه ودخل اوضته
في صباح يوم جديد
ملك صحيت من النوم غسلت وشها وايدها ولبست
عدت علي اوضه مريم ملقتهاش قالت بعصبيه: نفس الحركه تاني يا مريم؟ بتمشي وتسيبيني ليه؟
سليم خرج من اوضته وكان شبهه جاهز علي النزول بس لقي ملك واقفه بتكلم نفسها برا
قرب منها ووطي وهو بيقولها: مالك يا قطه زعلانه ليه؟
ملك ضحكت وهي بتقوله: عروستي ضاعت ب ١٠٠٠ جنيه
سليم حط ايده علي خده وهو بيخمن وبيقولها: لا بجد زعلانه ليه؟
ملك بحزن قالتله: اول سبب لأن مريم مشيت وسابتني تاني سبب لأن هي الكانت بتعملي شعري ضفيره وانا مبعرفش اعمله لنفسي
سليم مسك ايدها وقعدها علي الكرسي قدام التسريحه ومسك الفرشه وعملها ضفيره
قامت بصت علي نفسها لقت الضفيره حلوه ومنظمه
قالتله بفرحه: اول مره ولد يعمل تسريحه وتطلع حلوه..حضنته وقالتله: شكرا يا سليم
سليم قلبه دق بتوتر بلع رييئه بخفوت وقالها: شكلك حلو انهارده....
ملك ابتسمتله وبصتله بحب وشبت باسته من خده
سليم اتصدم ووقف تنحلها ببرود مكنش متخيل عمره ان يحصل منها كدا
وهي وقفت بصت في عيونه بتوتر وبخوف لأن الهي عملته مكنش ينفع تعمله اصلا
رواية انا لك انت الفصل الثانى
وقفت بصت لعيونه بتوتر لان الهي عملته مكنش ينفع يتعمل اصلا
سليم خرج من الاوضه بتوتر ونزل ركب عربيته وهو بيقول: انا غلطان انا العودتها عليت زياده عن اللزوم الانا خايف منه اكتر تكون بتحبني
نزلت هي كمان وعدلت نفسها وركبت جمبه
سليم بحده: انزلي تاني واركبي ورا يا ملك
ملك بعدم فهم: ليه اركب ورا و فيه مكان فاضي جمبك؟
سليم بعصبيه وصوت عالي: قولتلك اركبي ورا يا ملك
ملك اتنفضت من صوته العالي وركبت ورا وهي زعلانه ومضايقه من معاملته ليها
****
سليم فرمل وقالها بخشونه: انزلي
ملك نزلت وهي مضايقه من معاملته وقبل ما تدخل المدرسه ندهه عليها
ابتسمت وهي بتقول: اكيد هيعتذرلي
رجعتله تاني وبصتله من الشباك
سليم خرج فلوس من جيبه وحطها في ايدها وهو بيقول: خلي دول معاكي عشان لو احتاجتي حاجه... اه صح ونسيت اقولك الحركه العملتيها دي متتكررش تاني
ملك بكسوف: تقصد اني بوستك من خدك؟ عشان كدا اتضايقت؟
سليم مردش علي كلامها وقالها: ادخلي مدرستك يلا
ملك دخلت وهي بتقوله بحب: خلي بالك من نفسك..
اول ما دخلت سليم قال بتوتر وانفاس متوتره: اي بيحصلي
***
ملك اول ما دخلت لقت مريم واقفه بتبص كالعاده علي كريم
ملك بصوت عالي وعصبيه:
انتي يا بت؛ مش كفاياكي بص علي الواد بقا؛ سيبتيني ليه ومشيتي؟
مريم بصتله بفرحه وقالتلها: شوفت كريم بيركب الاتوبيش الهيوصله للمدرسه قومت نزلت اجري وركبت معاه في نفس الاتوبيس
ملك خبطتها في كتفها بغيره وبتقولها: بتبعيني عشان كريم؟
مريم ضحكت بسخريه وحضنتهت وهي بتقول: مليش غيرك مهما حصل يا ملوكتي
ملك ضحكت ومسكت ايدها ودخلوا الفصل وهي بتقولها: احكيلي بقا اي حصل كمان
مريم قعدت علي الديسك وحطت ايدها علي خدها وهي بتقول بحب: هو احيانا بيبصلي بس بحسه مش واخد باله مني... انا معجبه بكريم اوي بس هو مبيدينيش اهتمام ومعرفش اي السبب؛ بس هو متكبر اوي هو وصحابه ومن ضمنهم ديما المقرفه
ملك عينها لمعت وقالتلها: بصراحه ديما مقرفه بس لبسها يجنن يبنتي بتجيب لبس غالي اوي نفسي يكون عندي اللبس العندها بس اعمل اي مقدرش اقول لابيه سليم يجيبلي في الاخر انا ضيفه عندكم
ملك بضيق قالتلها: انتي عبيطه يا ملك انتي اي حاجه هتعوزيها سليم هيجبهالك
ملك اتنفضت اول ما سمعت صوت ديما وصحابها قالت لمريم بتوتر: اسكتي اسكتي الشيطانه هي وصحابها جايين وهيسمعونا
ديما دخلت الفصل وكل صحابها دخلوا وراها
ديما بصت لصاحبتها بغرور وقالت: اي مفطرتيش لسه ولا اي؟ كملت كلامها بسخريه:
انزل اجيبلك قهوه وباتيه من فلوسي عشان انت معكيش؟ يا حراااام!!
ملك اتعصبت وقالتلها: انتي ازاس تكلميها كدا مهما كان دي مين او بنسبالي اي بس لازم ادخل...
ديما ابتسمت ب شر وقالتلها: كنت مستنياكي تتكلمي عشان اديكي علي دماغك
ملك قالتلها بعين وقوه: كنتي مين عشان تديني علي دماغك
ديما ضحكت بسخريه وقالتها: يعني عايزه تعرفي انا مين
ملك امأت براسها وقالتلها: ياريت
مريم بتحاول توقفها وتقولها بهمس: كفايه يا ملك احنا مش قدها كفايه
ديما بصوت عالي: يا شباب كل ال في الفصل يجمعوا تعالوا ورايا تحت في الساحه هوريكم مفاجأه كبيره اوي علي الشاشه تحت
الفصل كلو نزل ومن ضمنهم كانت ملك ومريم الهيموتوا ويعرفوا في اي
ديما فتحت التسجيل الصوتي
:
ملك: ديما مقرفه بس بصراحه لبسها يجنن يبنتي بتشتري لبس غالي اوي نفسي يكون عندي اللبس العندها بس اعمل اي مقدرش اقول لأبيه سليم؛ في الاخر انا ضيفه عندكم
****
فتحت تسجيل تاني:
مريم بحب: هو احيانا بيبصلي بس بحسه مش واخد باله مني.. انا معجبه بكريم اوي بس هو مبيدينيش اهتمام ومعرفش اي السبب بس هو متكبر اوي هو وصحابه ومن ضمنهم ديما المقرفه
ديما قفلت الشاشه وهي بتسقف وبتضحك بسخريه وبتقول:
اتفضل يا كريم خليت حساله الفصل تحبك
كريم بص لمريم بصدمه ومكنش مصدق؛ ضحك بسخريه وهو بيقول: مش معقول بجد...
دي!!! تحبني؟
مريم بصت لملك الكانت منهاره من الكسوف وطلعت تجري برا المدرسه وهي منهاره عياط
مريم نطت علي ديما وشدتها من شعرها بغيظ وقالتلها: وحياه امك لهتشوفي مني سواد
زقتها علي الارض وهي بتقول: غوريي
خرجت تجري ورا ملك بس ملقتهاش برا خالص
كريم ندهه علي مريم بصوت عالي وهو بيقولها: المدير عايزك
مريم فرحت اوي انه ندهه عليها باسمها؛ طلعت للمدير
المدير بتفاهم:
ينفع اعرف اي حصل
ديما بتوتر وخبث قالت للمدير: كنا بنهزر مع بعض شويه يا مستر
مريم بصتلها بقرف وقالت للمدير: ايوه يا مستر هزار بسيط بين الاصحاب؛ كنت عايزه اطلب من حضرتك اني اروح انهارده عشان بطني وجعاني اوي ولازم اروح
*****
ملك روحت الڤيلا ودخلت اوضتها وفضلت تعيط جامد وهي ماسكه الفون و بتقول: محتاجاك جمبي؟
انت فين؟
سليم اتخض عليها من صوتها دا وقالها: مالك؟ في اي؟
ملك بعياط شديد مقدرتش توقف دموعها قالتلها بصوت مقطع: عا..عايزاك..جم..بي
سليم قفل الفون معاها وقال ل فهد: قولهم الاجتماع اتأجل يا فهد...
فهد بيحاول يكلمه: طب.استن..
سليم نزل يجري علي العربيه وركبها وراح علي الڤيلا
***
مريم كانت راجعه للڤيلا مشي عشان فلوسها كلها كانت مع ملك
كريم كان راكي عربيته وخرجلها من الشباك وهو بيقولها: اوصلك؟
مريم اتجاهلت كلامه وفضلت ماشيه من غير ما ترد
كريم فرمل ونزل من العربيه ووقف قدامها وهو بيقول: الكلام ال ديما قالته دا صح؟
مريم اتوترت ومعرفتش تتكلم..بصت في الارض بوتر ومبصتش في عيونه
كريم سكتت شويه وبعدين قالها بجديه: بس انا بكلمك؟
مريم خدت نفسها وقالتله ببرود: كل كلام ديما كان صح
**
سليم دخل الاوضه لقي ملك قاعده علي السرير بتعيط ووشها محمر من كتر العياط
قالها بخوف: حد عملك حاجه؟
ملك اول ما سمعت صوته رفعت راسها وقامت تحضنه وقالتله وهي في حضنه: محتاجاك جمبي
سليم حضنها اكتر ولمس شعرها وهو بيقولها بحب: اي حصل طب فهميني؟
مسحت دموعها وبصت في عيونه وقالت: مينفعش اقولك
سليم اتخض اكتر وقالها: في اي يا ملك خضتيني؟
ملك مرضيتش تحكيله علي حصل وقالتله: كنت مخنوقه شويه بس وعماله اعيط عشان افتكرت بابا
سليم طبطب علي ايدها بحنيه وقالها: ربنا يرحمه يا ملك هو في مكان احسن
ملك بصتله وهي بتفكر ب خيالها وبتقوله: تفتكر ماما عايشه فين ؟
بس حتي لو عايشه انا عمري ما هسامحها دي سابت بابا وسابتني لوحدنا وراحت تتجوز واحد تاني والله واعلم خلفت منه ولا لأ
سليم قربها منه وباس راسها بسحاول يعوضها عن حنان باباها ال هي مفتقداه قالها بحب: انا عايزك تنامي شويه وتستريحي
هروح اجيبلك من دولابك دلوقتي بيچامه تلبسيها وتنامي عشان لما تزاكري تبقي فايقه
ملك ابتسمت بهدوء وقالت في نفسها:
اهتمامه بيا بيسحرني؛ مش مشكله اكون بحبه او لأ بس اهتمامه فيا حلو؛ عاجبني يعني
بيعمل نفس الحاجات ال بابا كان ببعملها معايا خلاني اشتاق لبابا اكتر....
بصت علي ضوافرها وفضلت تقشر في ضوافرها وهي بتقول في نفسها: مش يمكن اكون انا ليهه هو؛ واكون من نصيبه هو؟
و ليه لأ؟ مش يمكن يكون بيحبني؟
سليم قاطع تفكيرها وجابلها بيچامه تلبسها حطها في ايدها وهو بيقول: اتفضلي يستي
قومها وهو بيقول بحنيه: نامي مستريحه كدا ومتفكريش في اي حاجه وانا مش هخلي مريم تزعجك
باس ايدها وهو بيقولها: يلا يا ملوكه هسيبك عشان تغيري
ملك ندهت عليه برقه وهي بتقوله: سليم!!
سليم لفلها وهو بيقولها: نعم؟
ملك قالتله بكسوف: عارفه اني لو حضنتك انت هتضايق مني بس انا مش عارفه اشكرك ازاي
سليم قال في سره: حضنك بيدفيني ياريت متبعديش عني
سليم ابسملها بهدوء وقالها:
تصبحي علي خير
ملك قامت قفلت الباب وراه وضحكت بفرحه وهي بتقول: وانت من اهل الخير
****
كريم بعدم فهم: يعني اي؛ الكلام دا صح؟
مريم سكتت وخدت وقت طويل مع نفسها عقبال ما تصارحه
كريم عمال يتكلم وهي مبتردش عليه...
كريم بعصبيه خبط علي عربيته وقالها: افهمي بقا انتي بنسبالي متسويش اي حاجه متفكريش فيا كتير من هنا ورايح
مريم رفعت راسها واخيرا اتكلمت وقالتله: انت كنت بنسبالي مسأله وقت فاضي بسلي نفسي بيك فيه مش اكتر
زقته من قدامها وكملت الطريق وهي بتدمع بصوت واطي وبتقول: كان لازم اعمل كدا؛ كرامتي اهم منه بكتير اوي.
اول ما روحت لقت واحد واقف تحت الڤيلا بعربيه
سألته باستفهام: مين حضرتك؟
مد ايده وسلم عليها وقالها:
انا فهد صاحب سليم باشا
ابتسمت ببرود وقالتله: اي موقفك هنا طيب؟ اتفضل ادخل
قالها هو برفض:
لا لا انا مستنيه هنا
سكتت هي وامأت براسها وقالت: اذا كان كدا ماشي!
دخلت الڤيلا ورمت شنطتها علي الصالون... واول حاجه فكرت فيها انها تطلع تشوف ملك
سليم نزل من اوضته وهو لابس بدلته وساعته وحاطتت برفيوم ومتشيك علي الاخر
مريم بتساؤل بصت علي لبسه وبعدين قالتله: علي فين كدا؟
قالها وهو نازل: في حفله في الشركه عشان اكبر سيده اعمال بقت شريكه معانا فيها
مريم سكتت وطلعت خبطت علي ملك
ملك كانت نايمه ومش فايقه خالص...
مريم زقتها جامد وقالتلها بصوت عالي: ملكككك فوقي
ملك صحيت بنعاس وقالتلها: نعم بتصحيني من النوم ليه
مريم بلعت ريقها وبصتلها بحزن وقالت: انا هزقت كريم
ملك فرحت وقالتها: احسن كان محتاج يتهزق
مريم فضلت تاكل في ضوافرها وهي بتقول بحزن: بس انا من جوايا بحبه
ملك بخبث قالت لمريم: اسكتي سمعت ابيه سليم بيتكلم في الفون ورايح حفله كبيره ف الشركه
تيجي نروح؟
مريم ضحكت وقالت: فكره جامدهههه
******
سليم كان بيتكلم مع * سيده الاعمال *
نريمان بابتسامه رقيقه: والله يا سليم باين عليك شخص محترم جدا من كلامك وطريقتك وكانت احسن حاجه اني بقيت شريكتك
سليم ابتسملها وقالها: دا ذوقك
فهد كان جايب كاسين وبيقول: اي بقا مش هنعرف نشرب حاجه في ام اليوم دا
سليم برقله وقاله: يا متخلف دي حفله شراكه مش قاعدين في بار
فهد اتنهد وقال بصوت عالي: اووووف مين المزتين الجاايين هناك دول
سليم التفت لقي ملك ومريم جايين
ملك لابسه فستان اسود ومسيبه شعرها وحاطه مكياچ
ومريم لابسه فستان احمر طويل ولمه شعرها
رواية انا لك انت الفصل الثالث
سليم التفت لقي ملك ومريم جايين؛ ملك لابسه فستان اسود قصير ومسيبه شعرها وحاطه مكياچ؛ ومريم لابسه فستان احمر طويل ولمه شعرها
سليم جز علي سنانه بغيظ وشد فهد وهو بيقوله: كمل الحوار انت مع نريمان
فهد بيحاول يكلمه: طب..؟ طب المزز دول تبعك طيب؟
مشي اتجاهم بخطوات ثقه وهو بيجز علي سنانه بغيظ ومسكهم من ايدهم وخرج
بعد ما خرجوا ساب ايدهم وقالهم بصوت عالي:
اي المسخره دي؟
بص علي رجل ملك ال كلها كانت باينه وقالها:
اي رجلك ال باينه دي؟
مريم قالتله وهي بتزعق: فيها اي يا سليم ما انت واقف مع كميه بنات قد كدا وكلهم لابسين نفس اللبس كنا نيجي بجلبيه يعني؟
سليم بزعيق وصوت عالي:
هو انتي يأما تقلعي ملط يأما تيجي الحافله بجلبيه؟ خلاص!! البناطيل انقرضت
مسك ملك من ايدها وشدها وراه وهو بيقول: وانتي حسابك معايا في البيت يا هانم
ملك ركبت العربيه وهي مبتديش اي رد فعل
سليم بص وراه تاني وهو بيقولها: وانتي تعالي يلا ولا اقولك استني
وقفلها وحط ايده في وسطه وقالها بتريقه: صوريني الاول
نهي سخريته منها وقالها بعصبيه: يلا اركبي بدل ما انزل اجيبك انا بطريقتي
مريم ركبت وهي مرعوبه من سليم بصت لمريم وهي بتقولها: هنعمل اي؟
ملك سكتت وبعدين قالتلها وهي بتضحك بصوت واطي عشان سليم ميسمعش: يبنتي اعملك اي ما انتي مدياني فستان قصير اوي وبصراحه مكنش ينفع
مريم ضحكت علي ضحكها بس صوت ضحكتها علي وقالت:
ربنا يستر من سليم
سليم سمع صوت ضحكها وقالها بسخريه: بتضحكي؟ اضحكي يختي اضحكي لحد ما نوصل بس وانا هضحكك انا
مريم ضحكت اكتر وهي كاتمه صوتها وملك حطت ايدها علي بوقها وهي بتقول: خلاص بقا اسكتي بدل ما نتبهدل
****
وصلوا الڤيلا؛ وواول ما وصلوا
مريم نزلت هي وملك يجروا علي الڤيلا عشان يقلعوا الهما لبسينه ويستخبوا منه
سليم بصوت عالي عشان يسمعوه: هركن العربيه واجيلكم يا شويه صييع
ملك اول ما دخلت اوضتها ماتت من الضحك وقالت: مش عارفه اي اليضحك دلوقتي بس انا بضحك وخلاص
مريم حطت ايدها علي ركبتها وهي فطسانه ضحك وبتقول: منظر سليم وهو متعصب مفطسني ضحك
ملك قالتلها بجديه: طب يلا روحي غيري لبسك و في ظرف ثانيه تكوني مستخبيه تحت السرير بتاعك وانا هغير وهستخبي تحت سرير برضو
مريم رفعت ايدها وملك رفعت ايدها وضربو بعض كف وبعدين مريم خرجت
***
سليم اول ما دخل الڤيلا ندهه بصوت عالي وبيقول: ملككككك
ملك اتنهدت بخوف وقالت:
ربنا يستر
نزلت تحت السرير وهي بتضحك وبتحاول توقف ضحك وبتقول: بس كفايه هبل
سليم طلع الاوضه وفتح الباب جامد علي اوضتها وبيبص في كل الاوضه ملقهاش
خرج تاني وقفل النور لقي نور تحت السرير
دخل تاني وعمل نفسه بيدور علي حاجه بعدين بصلها تحت السرير وهو بيقولها: اخرجيلي
يعني مستخبيه تحت السرير وماسكه الموبايل يا غبيه النور ظهر...
اول ما خرجت مسكها من التيشرت وهو بيقولها: اهلا بالهانم الجيالي مبينه رجلها كلها
ملك ضحكت علي طريقته وهي بتقول: اسفه يا سليم بس انت دلوقتي بتحاول تعمل اي؟
انك يعني راجل غيران علي اخواته وكدا؟
سليم بجديه ساب التيشرت وقالها: اولا احنا مش اخوات؛ ثانيا متضحكيش في موضوع زي ده
ملك وقفت ضحك واتكلمت بجديه وقالتله: تقصد بأيه احنا مش اخوات؟
سليم حط ايده في جيبه وقالها ببرود: بالمعني الانتي فهماه يا ملك انتي مش اختي
ملك قربت منه وبصت في عيونه وهي قاصده تعمل كدا وقالتله: ينفع تفهمني في ايه بظبط؟ مره تقولي متقوليليش يا ابيه ومره تقولي انتي مش اختي؟
ليه بتعمل كدا يا سليم؟
سليم خرج من الاوضه وقفل الباب وراه وقالها: تصبحي علي خير
ملك رمت جسمها علي السرير وهي بتقول: بتهرب مني يا سليم؟
بصت للسقف بطرف عينها وقالت: ماااشي!!
****
سليم فتح باب الاوضه ملقاش مريم ضحك بسخريه وقال: اطلعي من تحت السرير يا مريم بلاش شغل اطفال
مريم مردتش وفضلت ساكته
سليم بص علي رجلها الخارجه من تحت السرير وقالها: مش هتخرجي يعني؟
مريم برضو مردتش ولسه بتحاول تبينله انها مش تحت السرير
سليم شدها من رجلها وقالها: اي رأيك كدا حلو
مريم كانت علي الارض وقالتله بسخريه: حلو اوي
قامت وهي بتحاول تهرب من الموضوع: هنزل اشرب
سليم شدها من شعرها وهو بيقولها: تعالي هنا راحه فين؟ مش هتمشي قبل ما تعرفي ان العملتيه دا لو اتكرر تاني هزعلك مني اوي يا مريم انا مرضيتش اتعامل معاكم بقسوه ولا بمد ايد لأنكم بنات بس انتي عارفه هيحصلك اي لو عملتي كدا تاني
مريم سكتت وحاولت تخليه يهدي شويه حضنته وهي بتقوله: خلاص بقا يا ابيه
سليم ضحك وهو بيقولها: دلعك دا بيوديني في داهيه يا مريم
باس راسها وقالها: ماشي يستي لما نشوف اهي اخر مره
خرج برا الاوضه وهو بيقول: ربنا يصبرني بحاول استحمل ٢ بنات في ثانوي لا وكمان سن بعض.... ونفس التفكير
دخل اوضته وغير لبسه
( لبس تيشرت ابيض وبنطلون شروال اسود ولبس شبشب ونزل قعد تحت قدام البسين)
ملك اول ما شافته من الشباك حطت شال عليها ولبست شبشب ونزلته وهي بتقول: ينفع اقعد معاك شويه؟
سليم بيحاول ميعودهاش عليه فضل باصص في اللاب بتاعه وهو بيقولها: مش فاضي.
ملك اتنقلت من مكانها ووقفت قدامه وبتحاول تتكلم معاه اكتر: بس انا عايزه اقعد معاك
سليم فضل باصص علي اللاب برضو مدهاش اهتمام وقالها: مش قولتلك مش فاضي يا ملك؟
ملك ادتله ضهرها وبصت للبسين وقالت بعصبيه: بس انا بكلمك يعني المفروض علي اقل تديني اهتمام وتبصلي!!
سليم قفل اللاب وحطه علي الرابيزه وقالها: ومن المفروض اني اهتم بيكي ليه؟
ملك لفتله و هي متعصبه و قالتله: عشان انا انسانه زيي زيك مش صرصار
سليم قرب منها وحط وشه في وشها وقالها بخبث وملامح حاده: بصي يا ملك لو محتاجه اهتمام او حد يتكلم معاكي قدامك مريم اهي روحي كلميها وقت ما تعوزي لاكن بتجيلي انا ليه؟
ملك سكتت ومعرفتش ترد؛ سليم بعد تاني وقالها وهو بيضحك بسخريه: شوفتي بقا اني علي حق؟
قالها بحده وقساوه: متجيش تتكلمي معايا تاني يا ملك لأي سبب من الاسباب روحي اتكلمي مع البنت الزيك لاكن متجيليش انا
ملك لفت وزقته هو مكانها ووقفت مكانه وهي بتقول: انت ليه بتعمل كدا
زقته تاني بعصبيه: ليه بتحاول تبعدني عنك؟ انا عملت معاك اي لكل دا
سليم زقها هي مكانها تاني وبقت هي القدام البسين وهو قدامها؛ زقها هو وقالها: وانتي ليه تحاولي تقربي مني اصلا؟
زقها تاني وكان لسه هيتكلم بس هي وقعت في البسين
سليم وقف مكانه متحركش وقال وهو بيضحك بسخريه:
هتخديلك دور برد اي تحفه... احنا في الشتاء وزمان المايه تلج
بص للبسين تاني لقاها تحت خالص في البسين قال بعصبيه: ما تطلعي يا ملك هتبردي والجو ساقعه
ملقهاش طلعت نزل وراها علطول وطلع بيها وهي بتكح وبردانه غطاها بالشال بتاعها وشالها وطلعها اوضتها
جابلها دفايه وقالها بندم: خدي البسي دي عشان تدفيكي
ملك خدتها منه ودخلت غيرت لبسها في التويلت وخرجت تاني
وهي لابسه الدفايه ولمه شعرها وعماله بتكح بتعب
سليم كان لسه قاعد مستنيها
ملك فردت ضهرها علي السرير بارهاق وهي بتقوله: اي المخليك قاعد لغايه دلوقتي؟
سليم قالها وهو بيبصلها بندم: انا اسف اني زقيتك من غير قصدي
ملك ادتله ضهرها واستغطت من غير ما ترد عليه
سليم بص في الارض وقالها بهدوء: استني متناميش هنزل اعملك شربه دافيه تشربيها عشان تدفيكي
برضو ملك سمعت كلامه ومردتش عليه
سليم نزل عملها الشوربه وحطلها عليها ليمون وحطها في طبق وطلعلها الاوضه
ملك اول ما شافته في ايده الشوربه قامت ريحت ضهرها علي السرير وقالتله ببرود:
مش عايزه
سليم حط المعلقه في الشوربه وبعدين قالها: افتحي بوقك
ملك قالتله بعند: بس انا قولت مش عايزه
سليم عاند اكتر وقالها: افتحي بوقك يلا
ملك فتحت بوقها وسليم شربها الشوربه بالمعلقه وفضل يشربها لحد ما الشوربه خلصت
اول ما خلصت قالها: يلا ريحي ضهرك علي السرير
ملك سمعت كلامه وريحت ضهرها؛ سليم شد اللحاف عليها وغطاها كويس وباس راسها وقالها تصبحي علي خير
وخرج من الاوضه وقفل الباب والنور؛ ملك اتصدمت من ال هو عمله وحطت ايدها علي راسها وقالت بحزن: بابا كان بيبوسني كدا من راسي
و كان بيغطيني وانا نايمه دموعها نزلت من عينها وقالت: وانت من اهله يا بابا
غمضت عينها وشدت اللحاف عليها ونامت
****
في صباح يوم جديد
مريم صحيت من النوم سمعت ملك عماله تعطس وتكح جامد
دخلتها وهي قلقانه وبتقولها: ملك!! انتي كويسه؟
ملك حطت المنديل علي بوقها وكحت جامد وبعدين قالتلها بصوت مرهق: كويسه كويسه
اه صح؛ انا مش هروح المدرسه انهارده...
مريم قعدت جمبها ومسكت ايدها وهي قلقانه وقالت: لا بس انتي صوتك ميطمنش ابدا
ملك ابتسمت بهدوء وقالت: مفيش حاجه يا مريم انا كويسه
مريم قالتلها ببهجه: طب اتاخري فسحي كدا عشان اوريكي فيلم هيعجبك اوي
ملك ضحكت بهدوء وقالتلها:
وريني الفيلم
اتفرجوا علي الفيلم و في اخر لقطه في الفيلم
مامت البطله ماتت
ملك دموعها نزلت وقالت لمريم: دا احساسي لما ماما مشيت وسابتني انا وبابا
الله واعلم هي عايشه دلوقتي ولا لأ بس هي وحشتني اوي
انا لسه فاكره شكلها وملامحها ولو شوفتها تاني هعرفها
بتسائل كتير اوي يا مريم انا موحشتهاش؟ ليه مسألتش عليا كل الفتره دي؟
مريم حضنتها وقالتلها: متعيطيش يا ملك هعيط معاكي والله
***
سليم قام مد ايده وقالها بترحاب: تمام علي الساعه ٧ كدا شرفيني في الڤيلا يا استاذه نريمان
نريمان قامت بأبتسامه وقالت: انشاء الله
خرجت من المكتب؛ اول ما خرجت سليم ندهه علي فهد وقاله: استلم مكاني انهارده عشان نريمان هتكون عندي ف الڤيلا
فهد بتساؤل: ليه هتكون عندك؟
سليم عدل بدلته وقاله بسخريه: هتشرب معايا قهوه بس؛ قاله بعصبيه: هيكون ليه يعني عشان الشغل يا اذكي اخواتك
فهد قعد علي المكتب وهو بيقول: يااه لو يبقا مكتبي
سليم خرج من المكتب وراح علي الڤيلا
اول مكان طلع عليه كان اوضه ملك؛ فتح الاوضه لقاها قاعده بتقرأ روايه
حط جمبها دواء وقالها:
دا عشان البرد.
ملك مسكت الدواء وقالتله بأبتسامه: شكرا
سليم قالها بندم: بتشكريني علي اي يا ملك الله يرضي عليكي؟
اذا كان انا السبب ف الانتي فيه
ملك بطيبه قالتله بلامبالاه: خلاص يا سليم متكبرش الموضوع يعني دا برد مش اكتر
سليم قال في سره: طيبه زياده عن اللزوم... وطيبتك دي مودياكي ورا الشمس
خرج برا الاوضه وقفل الباب.
ملك ضحكت وقالت: بيهتم بيا!
مش كان بيحاول يبعدني عنه؟
اهو بتصرفاته دي بيقربني منه اكتر.....
سليم خبط وبعدين دخل الاوضه عشان يسلم علي مريم
مريم قامت حضنته وقالتله: وحشتني يا ابيه
سليم باس ايدها وقالها بحنيه: وحشتيني اكتر يا اميرتي
مريم قالتله بأستفسار: اي جيت بدري انهارده ليه؟
سليم قالها وهو خارج من الاوضه: عشان في مقابله شغل مع سيده الاعمال القولتلك عليها
مريم عينها لمعت وقالتله بخبث: امم روح شوف هتعمل اي طيب
اول ما سليم خرج؛ خرجت هي وراحت علي اوضه ملك وهي بتقولهاا بحماس: ملك ملك قوميييي في سيده اعمال كبيره هتيجي تقابل سليم
ملك قالتلها بعدم حماس: اعمل اي يعني
مريم قعدت جمبها علي السرير وهي بتقولها: يا بت تلاقيها مشهوره تعالي نتصور معاها صورتين ونزلهم علي الانستا نتفشخر بيها قدام ديما وكريم
ملك بصتلها وهي بتضحك علي كلامها وقالتلها: اصدقي يا مريم انتي فعلا غلطانه انك جيتي من امريكا انتي وسليم منا كنت عايشه في حالي ولا اعرفك ولا اعرفه اي جابكم بس عشان تشلوني
مريم قالتلها بحماس زايد: يلا عشان خاطري
ملك قامت من علي السرير وقالتلها بتعب: هنلبس اي؟
مريم قامت جابت من الدولاب بتاعها لبس وقالتلها: خدي البسي الفستان دا
ملك بخوف بعدت الفستان وقالت: لا يختي سليم هينفخنا
مريم بعصبيه: انتي عبيطه يا ملك مفيش رجالن هيجوا هيغير علينا من بنت زينا؟
ملك خدت الفستان بعد ما اقتنعت من كلامها ولبست
***
سليم كان قاعد بيشرب القهوه مع نريمان وبيتكلموا عن الشغل
مريم نزلت هي وملك وبيبصوا عليهم من ورا الازاز
ملك بتوتر: انا مكسوفه
مريم شدتها من ايدها وقالتلها يلا بس
فتحوا الازاز وخرجوا هما الاتنين
ملك اول ما شافت نريمان وقفت مكانها وهي متصلبه والدموع نزلت من عينها و قالت: ماما!!!
رواية انا لك انت الفصل الرابع 4
ملك اول ما شافت نريمان وقفت مكانها متصلبه والدموع بتنزل من عينها وقالت: ماماا!!!
مريم استغربت من كلام ملك ودموعها
نريمان مدتش اي رد فعل وكأنها غريبه
سليم مثل عليها انه مش عارف ان دي تكون مامتها و ف نفس الوقت خالته: في اي يا ملك اي الانتي بتقوليه دا
ملك بلعت ريقها بذهول وقالت: هي دي ماما!!
ولا انا بيتهيألي؟
سليم ضحك عشان ينهي الموضوع وقال: لا يا حبيبتي دي اكيد شبهها مش اكتر
ملك مسحت دموعها وقالت: فعلا انا بدأت اليومين دول اهلوس ملك حتي مسلمتش عليها وطلعت اوضتها مريم طلعت وراها وقالتلها: عارفه ان احساسك دلوقتي...
ملك وقفت كلام مريم وقالتلها وهي بتعيط: محدش ولا اي حد هيعرف احساسي ولا اي حد مهما كان يعرف انا بحس بأيه رينا وحده ال عالم انا بحس بأيه؛ انتي وسليم طول عمركوا كنتوا في امريكا ولسه نازلين مصر من سنتين بس انا كنت لوحدي كل السنين دي انا وبابا خالتو ال هي مامتك اتوفت هي و عمو ومبقاش ليا اي حد غير بابا انتوا حتي من كتر ما انتوا بعاد عننا متعرفوش ماما ولا عمركوا شوفتوها ولا حتي تعرفوا اسمها انتوا حتي مكننتوش تعرفوني انتوا طول عمركوا برا مصر انا كنت لوحدي في كل حاجه يا مريم كل حاجه
*
سليم مكنش طايق يتكلم مع نريمان اكتر وقالها بعصبيه مكتومه: انتي ام معندكيش رحمه ولا ضمير انتي لسه شايفه بنتك قدام عينك ازاي قلبك مرقش؟ محنش؟ ازاي قدرتي توقفي دموعك؟ بنتك بقالها سنين لوحدها سيبتيها في اهم سنين هي محتاجاكي فيهم محتاجه نصيحه امها ومحتاجه حضنك؟
تقومي تقوليلي متعرفهاش اني امها كمل بسخريه وقالها: عشان انتي مش عايزه بعد السنين دي تدخليها حياتك وتبوظ حياتك مع جوزك وعيالك؟ انتي اي يا شيخه
نريمان قامت بحده وقساوه وقالت: اعتبره تهديد انا مش بيهمني ملك دي بنت انا خلفتها بس انا مش عايزاها تدخا حياتي تدمرها انا ليا عيالي وجوزي ومش عايزه اي مشاكل انا بقولك اهو يا سليم لو روحت قولتلها اني امها انا هكسر قلبها جامد اوي وانت اكيد مش هتحبني اكسر قلبها انا جيت انهارده عشان اعرفك الحقيقه عشان اعرفك اني امها واني خالتك عشان حضرتك كنت مسافر برا لسنين طويله ومتعرفنيش واديني قولتلك اهو واعتبر شراكتي معاك في الشركه انتهت انا من انهارده مبقتش شريكتك انا بس حبيت ادخلك الشركه بالحجه دي عشان اقولك الحقيقه مش اكتر هكلم المحامي بتاعي يخلص كل حاجه
خرجت من الڤيلا بقساوتها وطبعها الحاد
سليم عيونه دمعت من افتراها وقسوتها عيونه دمعت عشان المسكينه الفوق دي متعرفش ان نريمان امها
وازاي هيقدر يخبي عليها حاجه زي دي؟
**
مريم عيطت علي عياط ملك ودخلتها في حضنها وقالتلها وهي بتعيط: عارفه ان مفيش اي حد هيحس انتي كنتي بتحسي بايه غير بس عشان خاطري متعيطيش مبستحملش اشوف دموعك
ملك مسحت دموعها وقالتلها:
مهما كان السبب ال خلي ماما تبعد عني انا مش هسامحها ابدا عشان انا محتاجاها اوي بس هي مكانتش جمبي ولا عمرها كانت جمبي وحتي لو بعد سنين شوفتها مش هسامحها
سليم خبط علي باب اوضه ملك ولقي مريم حاضنه ملك وبيعيطوا هما الاتنين
سليم قال لمريم بجديه: ينفع تخرجي شويه يا مريم؟
مريم قامت وقالتله:
حاضر يا ابيه
سليم قعد جمب ملك وهو شايف حالتها البتدهور كل لما تفتكر مامتها
قال في نفسه: اومال هتعمل اي لو عرفت ان الكانت التحت دي تكون مامتها؟
ملك مسحت دموعها ورفعت راسها وقالتله: اتفضل يا ابيه سليم عايز حاجه؟
سليم فتح ايديه الاتنين وقالها عايزك تحضنيني بس
ملك كانت كاتمه دموعها بالعافيه بعدين اول ما قالها كدا وشها احمر ودموعها نزلت وحضنته وهي بتعيط بأنهيار:
ماما مشيت وسابتني ومهما حاولت اخبي واقول انه مش فارق معايا شوقي ليها بيكدبني انا نفسي تكون امي معايا بس دا قدري هي مش معايا دموعها زادت اكتر وقالتله: بس بابا كمان مش معايا
بابا وحشني اوي يا سليم؛ انا مكنتش عارفه قيمه بابا؛ بس قيمه الاهل كبيره اووووي
سليم دموعه نزلت اكتر وضمها اكتر شفق علي الحاله ال هي فيها و قد اي هي محتاجه لأمها
مسح دموعه وقالها: مهما حاولت اخفف عنك مش هقدر بس باباكي في مكان احسن بكتير
بعدها عنه وقالها: ينفع تنامي بقا عشان وراكي مدرسه؟
ملك ما ذالت بتعيط
سليم مسح دموعها بحنيه وقالها: مش هخليكي تنامي وانتي معيطه كدا
قام وقف وقالها وهو بيحاول يخفف عنها: تعالي هخرجك شويه نقعد قدام البحر
ملك ضحكت بألم وقالتله: ايوه صح يعني احنا قاعدين ف اسكندريه ومبننزلش نقعد قدام البحر شويه
سليم ابتسملها وشد چاكيت من بتوعها ولبسها وجابلها طاقيه حطها علي دماغها عشان متبردش و شال كمان
بصتله وهو بيحطلها الشال وقالتله: بحب اهتمامك بيا اوي
سليم بصلها وهو ساكت وساب الشال وقالها وهو بيحاول يهرب من كلامها: هروح اقول لمريم تيجي معانا
اول ما خرج من الاوضه قال بعصبيه: كل ما بحاول ابعدها عني بتقرب و كل ما بحاول انساها بفتكرها اكتر فتح باب الاوضه بتاعت مريم وكان لسه هيقولها تيجي معاهم لقاها نايمه
خرج تاني وقفل الباب وهو بيقول بغيظ: طب والحل دلوقتي؟ هروح انا وهي لوحدنا كأننا بنحب بعض؟
لا لا كدا مينفعش....
ملك خرجت وهي بتعدل هدومها لقته واقف برا بيكلم نفسه قالتله وهي بتضحك: في اي يا سليم
سليم اتنهد وقالها: ها؟ لا مفيش
قالتله بأستفهام: اي مريم فين؟
سليم خدها من ايدها وقالها: مش هتيجي نايمه
سليم كان لسه هيفتح العربيه ملك قالتله: لأ متفتحش العربيه انا عايزه اتمشي
سليم فضل جوا العربيه وعمال يشتم في نفسه: انا غلطان اني قولتلها تعالي ننزل
ملك بصتله من الشباك وقالتله: هتفضل جوا؟
سليم خرج وقفل العربيه ومشي معاها
ملك مسكت ايده وقالتله:
ايدك ساقعه اوي
سليم بصلها وهو بيضحك وقالها: ملك انتي مالك بقيتي عامله كدا ليه؟
ضحكت هي علي ضحكه وقالت: في اي مالي؟
سليم بص عليها وعلي لبسها وقالها: الچاكيت كبير وواسع اوي عليكي والطاقيه اكبر والشال مخلينك تخينه وغير انك قصيره اصلا ووشك محمر من العياط والساقعه لا بجد هموت من الضحك
ملك ضحكت وقالتله: بتتريق عليا؟ ماشي يا سليم
سليم فضل يضحك وقالها: شكلك حلو مش وحش
مسكت ايده تاني وقالتله وهي بتبسم: انت احلي
وصلوا لحد البحر ( الكورنيش)
سليم قعد و مد ايده عشان يشدها تقعد جمبه قالها: مبسوطه؟
ملك ابتسمت بفرحه وقالتله:
اوي اوي
عدي راجل بيبيع حمص الشام ملك بصت علي الحمص وهي نفسها تاكل منه
سليم لاحظ كدا وقام اشتري وقعد جمبها تاني وادالها الحمص بتاعها وقالها: خدي هيدفيكي في البرد دا
خدته وشربت منه وبعدين حطت راسها علي كتفه وبصت علي الموج وقالتله: انهارده احسن يوم في حياتي
سليم استغرب ان هي حكت راسها علي كتفه واضايق ان هي بتقرب منه كل ماده هو مش عايزها تتقرب منه ومشاعرها تزيد اتجاهه عشان ميأثرش علي دروسها ومزاكرتها وهو علي قد ما يقدر بيمنع نفسه
قالها بحده: ليه احسن يوم؟
ملك شربت من حمص الشام وكلت وبعدين قالتله: عشان انت سيبتني امسك ايدك عادي وسيبتني انام علي كتفك عادي وحتي سيبتني اتمشي معاك عادي
سليم كتم صوته وقال في نفسه: مش عايز اكون اناني لدرجه اني بحاول ارضي ضميري من نحيتها لمجرد اني عارف انها شافت مامتها وهي متعرفش انها مامتها مش عايز اكون اناني وافرحها بحاجه عشان تنسي حاجه تانيه
قام من جمبها وقالها بجديه:
يلا عشان نروح انتي وراكي مدرسه بكره والوقت اتأخر
ملك بحزن قالتله: نقعد شويه بس؟
سليم بأصرار: يلا يا ملك
ملك قامت وقالتله: حاضر
**
اول ما روحوا هي دخلت اوضتها وهو دخل اوضته
ملك رمت ضهرها علي السرير وهي بتضحك بفرحه وبتقول في نفسها: حضني لما كنت بعيط؟
وسابني امسك ايده وانا تحت في الشارع؟ وكمان سابني انام علي كتفه؟
اكيد هو كمان بيحس بحاجه اتجاهيي
خبطت دماغها وقالت وهي بتحاول متفكرش في الموضوع تاني: بس يا ملك مفيش الكلام دا
غمضت عينها ونامت من غير ما تستغطي وسابت باب الاوضه مفتوح
**
سليم قعد علي المكتب بتاعه وافتكر نريمان لما اعترفتله انها خالته وتبقي ام ملك وافتكر لما كدب علي ملك وقالها انها مش امها وانها بيتهيألها وكل لما يفتكر بيتضايق من نفسه وبيحس انه اناني بس هو مش عايز يكسر قلبها لمجرد بس ان امها مش عايزاها في حياتها
خرج من اوضته لقي باب اوضه مريم مفتوح وباب اوضه ملك مفتوح استغرب وقال:
خير اللهم اجعله خير؟
الاتنين صحيوا ولا اي
دخل اوضه مريم ملقهاش قال وهو بيضحك: يبقا اكيد صحيت وراحت لملك
عدي علي اوضه ملك لقي مريم نايمه جمبها وحضناها
سليم ضحك وقال في نفسه:
اتعلقتي بيها بسرعه اوي مريم
قال بسخريه: اتعلقتي بيها زي اخوكي!! ؛ راح غطاهم هما الاتنين وباس راسهم وقفل الباب عليهم وخرج
**
في صباح يوم جديد
ملك غسلت وشها وقال لمريم:
اي صحاكي تنامي جمبي يا مريومه.
مريم قالتلها وهي بتغسل سنانها: معرفش بس كنت حاسه انك متضايقه امبارح اوي ومقدرتش بصراحه اسيبك نايمه زعلانه كدا قومت من نومي ونيمت جمبك
ملك بصتلها بحب وقالتلها: انتي اغلي حاجه ليا يا مريم
حضنتها جامد وقالتلها:
انتي اختي وكل حاجه ليا
مريم ضحكت بفرحه وقالتلها: طب يلا بقا يا سيدي عشان نروح المدرسه ونشوف الاخبار الجديده ال ف المدسه
ملك بصتلها بطرف عينها وقالتلها: انا فهماكي عايزه تروحي تشوفي كريم؟
مريم بصت في الارض بحزن وقالت: بصراحه اه مع اني هزقته وهو هزقني اخر مره
ملك عينها بقا فيها شر وقالت بغيظ: وانا هروح اشوف المخفيه ديما
مريم ضحكت وقالت لملك:
طب يلا البسي
**
سليم خرج من اوضته وكالعاده لابس بدلته وساعته وحاطت البرفيوم بتاعه وكان جاهز للخروج وقف استني مريم وملك قدام باب الاوضه يخرجوا
ملك خرجت وهي بتضحك مع مريم وبتقولها: لازم يدوقوا سمي
مريم قالتلها: يقولوا علي نفسهم يا رحمان يا رحيم
سليم رفع حاجب ونزل حاجب وقالهم بخبث: هتقولوا علي مين يا رحمان يا رحيم؟ بتدبروا نصيبه لمين؟
ملك اتنهدت وقالت:
لا دا احنا بنهزر
سليم عطس وقالهم: طب يلا
مريم بخوف علي سليم: انت عندك برد
سليم خرج منديل من جيبه وكح فيه وقالها: شكلي كدا
مريم طلعت تجري علي اوضته وجابتله چاكيت وقالتله: عشان مبتقلش
لبسته الچاكيت وقالتله: كدا هتدفي
سليم ضحك علي حركاتها وقال: اعمل فيكي اي بس
مريم وملك نزلوا وركبوا العربيه
*
مريم اول لما نزلت لقت كريم واقف مع صحابه
قالت لملك بحماس: هروح انا ها
ملك ضحكت عليها وقالت: حفظت السناريو بتاع كل يوم
سليم بصلها من شباك العربيه
ملك ضحكت عليه هو كمان وقالتله: وحفظت السناريو بتاعك انت كمان
سليم قالها بتريقه: والله! كب قوليلي كنت هقول اي
ملك قالتلها بلماضه: كنت هتخرج فلوس من جيبك وتقولي خلي دول معاكي لو احتاجتي حاجه
سليم ابتسم وقالها: براڤو حفظتي... خرج من جيبه فلوس وادالها وقالها: خلي دول معاكي لو احتاجتي حاجه
كان لسه هيمشي بالعربيه بس ملك وقفته وقالتله: ثانيه واحده
لفتله من الشباك التاني وباسته من خده وقالتله: خلي بالك من نفسك
ودخلت المدرسه من غير ما تستني اي رد منه
سليم حط ايده علي خده وقال: في اي يا سليم انت تايهه كدا ليه
وقفها عند حدها بقا كفايه كدا
صاحب كريم( سيف)
سيف بسخريه: الحق يلا بص البت مريم بتبص عليك ازاي
كريم التفت وراه لقي مريم واقفه بتاكل وبتبص عليه
صحابه كلهم ضحكوا عليها وهو ضحك من ضمنهم عليها
وهي لاحظت دا لقتهم بيتريقوا عليها وعلي طريقه اكلها وعلي نظراتها طلعت تجري من قدامهم وهي بتعيط
ملك اول ما شافت الحصل راحت ضرب كريم علي دماغه بالكراسه وقالتله: انت مش راجل
كريم اتعصب وكتم عصبيته وضحك ببرود وقالها:وانتي قليله الادب
ملك ضربته بالقلم وقالتله: القليل الادب هو انت عشان تحرج بنت بالمنظر دا؛ مريم معملتش اي حاجه ليك غير انها حبت واحد مريض زيك مش اكتر وانت تستهون بمشاعرها وتضحك عليها انت وصحابك انت حرفيا واحد معندكش ريحه الدم
مشيت من قدامه وراحت ورا مريم
سيف ضحك علي القلم الخدو كريم وقاله: البت هزقتك يسطا
كريم زقه بغيظ وراح وراها
ملك دخلت الفصل وحطت شنطتها علي الديسك وقالت لمريم: متزعليش انا عملت الواجب معاه
ديما لقحت عليهم بصوت عالي وقالت لصاحبتها: مش بقولك معندهمش دم اتفضحوا في المدرسه كلها وليهم عين يجوا
صاحبتها ضحكت بسخريه وبصتلهم بقرف وقالت: هي الاشكال دي كدا مبتتكسفش
ديما بصتلهم بحقد وقالت: بظبط
ملك مرديتش تقوم تهزقهم بس مريم كان فيها المكفيها وكان نفسبتها مدمره وهما زودوها معاها قامت ماسكه ديما من شعرها ب غل وقالتلها: انتي المعندكيش دم ولا احساس وانسانه حقوده ومريضه وتفكيرك مريض زيك
ديما زقته وقالتلها بغيظ: اييي كفايه اوعي كدا؛ بيئه صحيح
ملك شدت مريم وقعدوا علي الديسك تاني
كريم دخل الفصل بعصبيه وسيف وراه وكان لسه هيبدا في خناق مع ملك بس الميس دخلت
ملك ضحكتله وهي بتغيظه وبعدين بصت للميس
**
فهد قعد قدام سليم وقاله: بقولك اي هو مين المزز الشوفتهم المره الفاتت
سليم خبط بايده علي المكتب وقاله: ما تلم نفسك يا فهد دول تبعي
فهد اتنهد بخجل وقاله: احمم مكنتش اعرف
قال في نفسه: يا ابن المحظوظه جبتهم ازاي دول
꧁꧁꧂꧂
الحصص الاولي خلصت وجه وقت الاستراحه
مريم نزلت هي وملك
ملك غمزت لمريم وقالتلها: انا هزقت كريم قدام صحابه كلهم
مريم وقفت وقالتلها بفضول: عملتي اي؟
ملك قالتلها بتفاخر ان هي هزقته: ضربته بالقلم
مريم ضحكت بصدمه وقالتلها: يا قادره عملتيها ازاي دي
ملك انجشتها وكملوا مشي وهي بتقول: اختك في ضهرك متفكريش انتي في الموضوع
***
في نهايه اليوم خرجوا كلهم من المدرسه
كريم كان جوا قلبه حقد كبير من ناحيه ملك و مريم
جري ورا مريم وقالها: ينفع اتكلم معاكي شويه
ملك بصتله بقرف وقالتله: عايز اي منها
كريم بخبث: لو سمحتي يا مريم؟
مريم قالت لملك: روحي انتي هشوفه عايز اي وهاجي وراكي
ملك همستلها في ودنها وهي بتقول: طب خلي بالك من نفسك
كانت هتركب الباص وتروح بس رجعت في كلامها وركبت تاكسي يوديها للشركه ال فيها سليم
*
فهد لقي سليم سرحان ومتغير: ينفع تحكيلي؟
سليم اتنهد وقاله: علي اي بظبط
فهم رفع كتفه وقاله: علي ال في بالك انت بقالك وقت كبير بتفكر في حاجه وسرحان وشكلك ميطمنش
سليم بلع ريقه وغمض عينه وافتكر نريمان وكلامها عن ملك
وقاله: لا مفيش حاجه انا بخير
خرج من المكتب لقي نريمان في وشه قالها بقرف: اي جابك تاني؟
نريمان قالتله: تعالي نتكلم.جمب الاسانسير مفيش في المكان دا حد عشان محدش يسمعني
سليم مشي معاها وهو مش طايق اصلا
ملك نزلت من التاكسي وهي بتبص علي الشركه وبتبسم وبتقول: المكان هنا بالصبح غير بليل خالص
دخلت بتفاخر وقالت للسكرتيره: عايزه اقابل سليم بيه الجسمي
السكرتيره: ثانيه واحده هتصل بيه
اتصلت بيه مرات كتير بس هو مردش قالتلها: مبيردش مقدرش اطلعك من غير معاد
فهد خرج لقي ملك برا بصلها بطرف عينه وقال: مش دي الكانت في الحفله وتقريبا تبع سليم
قال للسكرتيره: سيبيها هي واخده معاد معايا
فهد مد ايده يسلم عليها وقالها: انا فهد صاحب سليم
ملك ابسمت وقالتله: اتشرفت بمعرفتك
ملك قالتله: كنت عايزه اشوف سليم بس لو تسمحلي
سابته ومشيت وطلعت لمكتب سليم فوق بس ملقتهوش
وقفت مكانها ومعرفتش تدور عليه فين
بس لقت طرف جزمته في اخر الممر
راحت هناك لقته واقف مع الست الشبهه امها وبيتكلم
قالت في نفسها: هما بيتكلموا براحه كدا ليه
وقفت جمب الاسانسير عشان تسمعهم
سليم قال لنريمان: انا مخبي علي ملك كل دا انك امها وضحكت عليها المره الفاتت وقولتلها انها بيتهيألها مش اكتر كدا تمام؟
رواية انا لك انت الفصل الخامس 5
سليم قال لنريمان: انا مخبي علي ملك كل دا انك امها وضحكت عليها المره الفاتت وقولتلها انها بيتهيألها مش اكتر تمام كدا؟
نريمان ضحكت بخبث وقالتله: وعشان انت وقفت جمبي ومعرفتهاش اني امها هديك ١٠٠ الف زياده
ملك دموعها نزلت من عينها بقهره وحطت ايدها علي بوقها ووقعت علي الارض بحسرتها
سليم سمع صوت حاجه وقعت طلع جمب الاسانسير لقي ملك واقعه علي الارض بتعيط
ملك كانت بتعيط بصدمه كبيره واول ما شافت نريمان بصتلها بقهره وعيطت اكتر
سليم دلوقتي بس عرف ان ملك سمعت كل حاجه نزل نحيتها وكان لسه هيكلمها بس هي زقته بكرهه كبير وحتي معاتبتهوش
قامت واتسندت علي الحيطه وهي ماشيه بتعيط في الممر لحد ما خرجت من الشركه
سليم بص لنريمان بغيظ وقالها: انت قصدتي تقولي علي الفلوس عشان هي تفتكرني اني عملت كدا عشان الفلوس صح؟
سليم قالها بحقد: انتي حقيره انا مطلبتش منك فلوس ورغم كدا اول ما عرفتي انها بتسمعنا قولتي كدا عشان تفتكرني بكدب عليها عشان اخد منك فلوس
**
ملك ركبت تاكسي وروحت علي الڤيلا وهي منهاره من العياط
مريم خرجت من اوضتها وهي بتقولها بكسره: كريم طلب مني اننا نبعد من غير صداع وخناقات
لقت ملك بتعيط طلعت تجري عليها وهي بتقولها: في اي يا ملك
ملك نزلت شنطه هدومها وبدأت تحط هدومها في الشنطه بشكل عشوائي من غير ما ترد علي مريم
وشدت الشنطه وكانت لسه هتخرج من الاوضه بس مريم وقفت قدامها وقالتلها: طب في اي؟ سليم اتعصب عليكي تاني
ملك ضحكت بسخريه وقالتلها: ياريته كان اتعصب عليا كان اهون
خدت الشنطه ومشيت من الڤيلا وهي مصممه ان مهما حصل هي مش هترجع لسليم تاني ولا للڤيلا بتاعته خدت عهد علي نفسها انها هتوقف تفكيرها فيه وتتحكم في قلبها خدت عهد علي نفسها انها عمرها ما هتكلم امها دي مهما حصل ومهما قالت هي عمرها ما هتحن ليها ابدا
سليم وصل الڤيلا بالعربيه ملقاش ملك
مريم نزلتله وهي بتعيط وقالتله بعصبيه: عملتلها اي يا سليم؟
ملك كانت نازله من هنا منهاره وصلتها لأيه عشان تعيط بقهره كدا
سليم تجاهل كل كلامها وقالها: ملك راحت فين؟
مريم مسحت دموعها وقالتله: هي لسه ماشيه من ربع ساعه
سليم داس بنزين جامد عشان يلحقها قبل ما تمشي في اي حته
وبالفعل لقاها قاعده علي الرصيف وراميه شنطتها علي جمب
نزل من عربيته عشان يواجهها ويقولها الحقيقه بس هي مدتهوش فرصه وشدت شنطتها وجريت سليم جري وراها وشدها من ايدها وقالها بندم: اسمعيني
ملك زقت ايده بكرهه وقالتله: ابعد عني
سليم بلع ريقه وبصلها بحزن وقال: اسمعيني لمره وبعدين ابقي احكمي عليا
رمت الشنطه علي الارص وقالتله: اسمع منك اي يا سليم؟
اسمع منك انك خاين وكداب وعندك انفصام في الشخصيه؟
ولو انت قولتلي شئ يهون عليا برضو مش هيهون عليا كل الالم ال في قلبي عشان دي حاجه ملهاش علاقه بيك دي حاجه ليها علاقه بأمي يا سليم بأمي انا!!!
انا عملتلها اي لكل دا؟ انا بس كنت عايزاها تقف جمبي زي كل الامهات
كملت كلامها بعياط وهي حاطه ايدها علي قلبها ويتقول: كنت عايزه احكيلها علي ال في قلبي لما احب شخص
انام حمبها بليل وتحضني وتهزر معايا؛ تنزل تشتري معايا اللبس وتجيبلي هديه عيد ميلادي؛ تبقي جمبي في فرحي؛ لو المدير اشتكي مني ف المدرسه تيجيله وتزعقلي وتقولي متعمليش كدا تاني وتعلمني؛ ولما اعيط اترمي في حضنها؛ تعملي الاكل بايدها وانا اقولها تسلم ايدك
قالتله وهي بتعيط: انا اتحرمت من كل دا يا سليم مش هكدب عليك لو قولت اني وثقت فيك واعتبرتك بابا؛ كنت بتيجي تغطيني بليل وكنت بحس بيك؛ كنت كمان بتبوس راسي وبتأكلني بأيدك كنت بتجيبلي البچامه بتاعتي وتقولي ريحي ضهرك ومتتعبيش نفسك كنت بتديني مصروف المدرسه بتاعي مكنتش بتحرمني من اي حاجه كنت بحس بأمان وانا جمبك وبحس بحنيتك معايا بس انت خليتني شيفاك شخص اناني وكداب
قالتله وهي مقهوره ونفسيتها مدمره: انا مبقتش احبك ومبقتش بحس جمبك بأمان ومبقتش بعتبرك بابا انت كداب
سليم كان هيدمع بس مقدرش وشدها في حضنه وقالها بندم: مش لما كنتي بتحضنيني كنتس بتقوليلي انك فرحانه اني بسيبك تحضنيني؟
مش كنتي بتحسي بأمان؛ انتي دلوقتي لسه حاسه نفس الاحساس
ملك زقته بعدم رحمه وقالتله: مبقتش بحس بأي حاجه جمبك انت حتي مبقتش اخويا ولا صاحبي ولا قريبي انت بنسبالي ولا شئ
ولا شئ
شدت شنطتها من علي الارض ومشيت وسابته واقف مصدوم من كلامها عنه
**
قعدت علي الرصيف عشان تتصل بأي حد من صحابها يجي ياخدها عنده بس كلهم موافقوش
بس لقت سليم بعت رساله اتردد في فتحها بس كان لازم تفتحها اول ما فتحتها لقته باعت عنوان نريمان وقالها من حقك تعرفي بيتها
ملك خدت العنوان وراحتلها
*
رنت الجرس وهي قلبها بيدق وخايفه تتصدم اكتر لما تشوف مامتها بعد كل السنين دي
نريمان اول ما فتحت الباب قالت وهي بتضحك: تعالي في حضن ماما يا قلبي
ملك مقدرتش تتحكم في افعالها مهما كان دي امها كانت لسه هتحضنها بس لقت بنت تانيه هي الحضنتها( بنتها التانيه)
البنت وقفت جمب نريمان وبصت لملك وقالت: اي دا ملك؟
ديما ضحكت بسخريه وهي بتقول: لا بجد اي دا؟ اي جايبك هنا؛ بصت لنريمان وقالت: انتي تعرفي الجربوعه دي منين يا ماما
ملك وشها احمر وعيطت وهي بتقول لنريمان بوجع: انتي خذلتيني؛ عمري ما هسامحك
نريمان بصت لديما وهي خايفه تقولها الحقيقه
ديما قالت لنريمان بعدم فهم:
اي الحصل دا دلوقتي؟
نريمان قالتلها بتوتر: احمم هي كانت جايه تشتغل عندنا بس انا موافقتش عشان كدا
*
ملك خرجت برا وهي بتعيط بألم كبير اوي في قلبها
اتسندت علي الحيطه وهي حاطه ايدها علي قلبها وحاسه بدوخه رهيبه
بعدين وقعت علي الارض وفضلت تشد في شعرها وهي بتعيط بانهيار وبتقول:
ليه مبتحبنيش لييه
عدت عربيه من جمبها وفضلوا يعاكسوها: اي يا مزه بتعيطي ليه؟ تعالي واحنا نفرفشك
ملك قامت تجري من وشهم وبعد ما مشيت ملقتش مكان تقعد فيه ولا فلوس فضلت من شارع لشارع لحد ما تعبت ونامت علي المقعد ال ف الشارع
**
مريم كانت قاعده في اوضتها مكتئبه وعماله تعيط
سليم دخل عليها وقالها: مريم ينفع تسمعيني انتي علي اقل
مريم سكتت ومردتس عليه
سليم قعد جمبها وقالها بحنيه: مريم حبيبتي اسمعيني عشان خاطري وحاولي تتقبلي الهقوله ليكي نريمان سيده الاعمال تكون خالتنا ومامت ملك بس هي مش عايزه ملك ومش متقبلاها عشان متبوظش حياتها مع ولادها وجوزها وقالتلي لو قولتلها هكسر قلبها وهرفضها وانا مكنتش عايز اكسر قلبها وجاتلي الشركه عشان تكلمني علي ملك و ملك ساعتها كانت جايه عندي الشركه وسمعتني بس نريمان عملت انها بترشيني بالفلوس عشان مقولش لملك اول ما عرفت انها بتسمعنا و دا ال خلي ملك تعمل كدا
مريم اتصدمت وقالتله: نريمان!!
سليم امأ براسه بتأكيد لكلامها وقالها:
مامت ملك.
مريم قالتله بدموع حزن علي ملك: انا عايزه اشوف ملك دلوقتي يا سليم لازم من بكره لازم تجيبها انا مش قادره اقعد من غيرها ثانيتين علي بعض
سليم قال لمريم: هي راحت لمامتها وبكره هروح اطمن عليها عند مامتها
**
سليم نزل يقف شويه في الجنينه عشان يفتكر ملك وكلامها ليهه وحشته اوي بعتلها رساله علي الواتس وقالها:
ملك انا محتاجلك؛ محتاج احكيلك علي كل حاجه وتسمعيني
ملك مكانتش لاقيه مكان تروح فيه و كان لازم ترجع لسليم
رجعت الڤيلا لقت سليم واقف في الجنينه ملك وقفت شويه تبصله بحزن وكسره كبيره في عيونها
وسليم مكنش مصدق انها رجعتله
ملك طلعت تجري عليه وحضنته جامد اوي وقالتله: وحشتني اوي
سليم ضمها جامد بشوق كبير وقالها: ملك انا ملظوم يا ملك اسمعيني
ملك فضلت حضناه و مش عايزه تبعد عنه وقالتله وهي بتعيط:
انا لسه مخصماك في نفسي ومش مسمحاك ابدا بس انا ملقتش مكان يحتويني غير حضنك يا سليم
سليم باس راسها ومسك ايدها وهو بيحاول يقولها الحقيقه: نريمان... اقصد يعني مامتك لما جتلي وعرفت انك سمعانا قالت علي الفلوس عشان انتي تفتكريني اني باخد رشوه منها عشان اكدب عليكي بس انا هاخد رشوه ليه يا ملك انا معايا فلوس تكفيني العمر كله
ملك بعدت عنه وقالتله ببرود: وكدبك عليا لما عرفت انها امي برضو كنت مظلوم؟
سليم حط راسه في الارض وقالها بندم: قالتلي انها هتكسر قلبك لو عرفتي انها امك قالتلي انها هتزعلك اوي وانا مكنتش عايزك تزعلي بصي علي حالتك الانتي فيها دي يا ملك
لمس وشها ولمس تحت عينها وقالها: بصي السواد ال تحت عينك
بصي عينك الاحمرت من كتر العياط وشعرك المنكوش وهدومك المليانه تراب بصي علي نفسك
ملك غمضت عينها بعصبيه وبعدين فتحتها وقالتله:
انت اظلمت وانا اتظلمت اكتر منك يا سليم؛ بس عارف انا مبقتش عايزه ام زي دي انا اتبريت منها انا اتخذلت كتير اوي منها وكمان منك بس انا اعتبرتك انت عيلتي مش هي؛ الانا عايزه اعرفه انت تبقالي اي يا سليم ابن خالتي؟ ولا اخويا الكبير؟ سكتت شويه وقالتله: ولا حبيبي؟
رواية انا لك انت الفصل السادس 6
الانا عايزه اعرفه انت تبقالي اي يا سليم ابن خالتي؟ ولا اخويا الكبير؟ سكتت شويه وقالتله: ولا حبيبي؟
سليم قلبه دق واتوتر وقالها بجديه: اي الانتي قولتيه دا؟
ملك قالتله وخرجت ال في قلبها: ايوه اتكلمت بصراحه؛ انت اي بنسبالي؟ ليه بتعمل معايا كدا
سليم قالها بكدب: انتي زي مريم اختي يا ملك بس تصدقي انا غلطان اني بعاملك زيها عشان انتي دماغك خدتك وراحت بعيد
طلع اوضته وقفل الباب وبص عليها من الشباك وقالها في نفسه: والله علي عيني اقولك اني بعتبرك بنتي مش بس حبيبتي بس مينفعش يا ملك مينفعش لمصلحتك انتي
ملك طلعت علي السلم بغيظ وهي بتقول: بقا انا زي اختك؟
ماشي يا سليم!!! قبل ما تدخل اوضتها دخلت علي اوضه مريم ولقتها نايمه قعدت حمبها وقالتلها: وحشتيني اوي يا مريم؛ انا اسفه اني بعدت عنك يوم كامل من غير ما تشوفيني ولا تحكيلي عن كريم؛ اليوم من غيرك انتي وسليم كان ممل اوي باستها من خدها وقالتلها: اول ما تصحي بكره هتلاقيني بلبس في اوضتي وهتفرحي
خرجت من الاوضه ودخلت اوضتها وغيرت هدومها ونامت علي السرير وهي بتفكر في كلام سليم: معقول يكون بيحبني زي اخته؟ بس ليه ميكونش كلامه صح انا لما مشيت من الڤيلا مجاش ورايا ولا عبرني بعتلي مسدچ فيه عنوان ماما بس اقصد نريمان بس ممكن يكون افتكرني روحت عند ماما عشان كدا مقلقش عليا ميعرفش اني كنت نايمه ف الشارع
غمضت عينها ونامت
**
في صباح يوم جديد
قامت من علي السرير غسلت وشها وسنانها وغيرت لبسها ولبست لبس المدرسه وخرجت من الاوضه لقت مريم لابسه لبس المدرسه وهي زعلانه ومضايقه
مريم اول ما شافت ملك اتبسطت ونفسيتها اتحسنت ١٨٠ درجه وحضنتها وقالتلها: وحشتيني اوي يا ملك كنت شايله هم اني راحه المدرسه من غيرك
ملك ضحكت بفرحه وقالتلها: انا قررت انسي الفات وابدأ من جديد مش هفتكر ماما تاني زي ما هي مفتكرتنيش وقلبي مش هيحنلها تاني هبدا من جديد نسيت اقولك ديما تكون اختي
مريم ضحكت بسخريه وصدمه:اختك اي يا بنتي انتي بتقولي اي
ملك كانت مستوعبه صدمه مريم وقالتلها ببرود: ديما طلعت بنت ماما من جوزها التاني فهمتي حاجه
مريم اتخشبت ووقفت مصدومه وقالتلها: اي؟ اي؟ انا بجد مصدومه؛ طب وهي تعرف انها اختك؟
ملك قالتلها بقرف: مش عايزاها تعرف
سليم خرج من اوضته وابتسم اول ما شافهم وقالهم: صباح الخير
ملك مردتش عليه ونزلت علي السلم وسابت مريم معاه
مريم قربت منه وقالتله بهمس: ديما ال معانا في الفصل تبقي اخت ملك من جوز امها التاني
سليم مستغربش ونزل علي السلم وقالها: طب ما انا عارف كل حاجه يا مريم وقف وبصلها وهو بيقول: وبعدين تعالي هنا انتي فلوسك خلصت ومجيتيش تقوليلي ليه؟
مريم قالتله بطيبه: مرضتش اتقل عليكي يا ابيه
سليم باس ايدها وقالها: لا يا حبيبتي. انتي تاخدي عيوني ومقولكيش لأ خرج فلوس من جيبه واداها في ايدها وقالها: نص الفلوس ليكي والنص التاني ل ملك
مريم قالتله باستغراب: ليه مدتهاش الفلوس انت زي كل مره
سليم نزل وقالها: اسمعي كلامي بس
نزلوا هما الاتنين لقوا ملك واقفه وسانده علي العربيه مستنياهم
سليم فتح العربيه وركب وهما كمان ركبوا
ملك كانت بتبص في عيون سليم في المرايه وهو مش واخد باله خالص
لحد ما خد باله ومن كتر ما هو كان مركز في عيونها لبس في المطب
مريم وملك اتفزعوا وخافوا انهم يعملوا حادثه
وسليم ساق العربيه تاني بغيظ وقال في نفسه: قدرت تخليني اركز معاها برضو مش عارف ابعد عنها ازاي
ملك بصت للشباك وهي بتضحك بأنتصار وقالت في نفسها: وريني هتسلم من ايدي ازاي يا سليم
وصلوا المدرسه ومريم نزلت كالعاده وراحت تبص علي كريم و ملك نزلت تستني من سليم يكلمها زي كل مره بس هو اول ما نزلوا مشي علطول من غير حتي ميديها مصروفها في ايدها
ملك دخلت المدرسه وهي زعلانه ومتضايقه من تصروفاته وقالت في نفسها: مش يمكن بيتقل عليا شويه!!
ملك اول ما لقت مريم بتبص علي كريم شدتها من ايدها وهي بتقولها بعصبيه: اي يا مريم معندكيش كرامه للدرجه دي؟ الواد قالك نبعد من عير صداع وانتي لسه زي ما انتي؟ وهزقك هو وصحابه وانتي برضو مفيش دم؟
مريم قالتلها بضيق: الحب بيكون كدا يا ملك بس للأسف انتي محبتيش قبل كدا عشان كدا عمرك ما هتحسي بيا
ملك سكتت وافتكرت يوم ما بعدت عن سليم ورجعتله تاني عشان مستحملتش تبعد عنه
طلعت هي ومريم الفصل من سكات
وقعدوا علي الديسك وديما وصحابها دخلوا وكريم دخل والفصل كله اتجمع
ديما قعدت علي الديسك وحكت رجل علي رجل وقالت وهي بتضحك بسخريه: تخيلوا اي حصل يا شباب؟
كلهم ركزوا معاها
ديما وقفت قدام الفصل كله وقالت وهي بتهين ملك: يعيني ويا حرام ملك جت لحد عندنا عشان تشتغل خدامه بس ماما موافقتش ضحكت بسخريه وقالت: ولما ماما موافقتش هي فضلت تعيط وتقولها انتي خذلتيني وطلعت تجري قربت من ملك اوي وقالتلها بهمس خبيث: يا تري انتي فقيره اوي كدا لدرجه انك تشتغلي عندنا؟
مريم كانت هتقوم تتخانق معاها بس ملك وقفتها وقامت وقفت قصاد ديما وضربتها قلم يشهد عليه المدرسه كلها
كريم و مريم ضحكوا عليي القلم ال ديما خدته وقالوا: يالهوي علي الكسفه الانت فيها يا حازم
سيف صاحب كريم: طب اسكت انت خالص عشان انت لسه واخد قلم زيه من كام يوم
كريم بصله بغيظ وسكتت
ديما كانت حاطه ايدها علي وشها وما ذالت في اثر الصدمه
ملك خرجت تجري علي التويلت عيطت قدام المرايه وهي بتقول: ماما راحت قالتلها اني عايزه اشتغل خادمه؟ دي مش ام دي شيطانه
غسلت وشها و مسحت دموعها وبصت لنفسها ف المرايه وهي بتعمل لياقه القميص وقالت: مفيش حاجه هتخليني اعيط تاني عليها مهما حصل خلاص ماما كانت صافحه وانتهت بالنسبالي زيها زي الميته
خرجت من التويلت وراحت تاني الفصل وقعدت جمب مريم
مريم مسكت ايد ملك وقالتلها: انتي كويسه؟
ملك ابتسمتلها بألم وقالتلها: احسن بكتير
ديما بصتلهم بغيظ ومقدرتش تتكلم عشان الميس دخلت
***
عدي وقت وملك ومريم روحوا البيت
ملك دخلت اوضه مريم ورمت شنطتها بأرهاق وغيرت هدومها وقعدت هي ومريم يتكلموا
ريحوا هما الاتنين ضهرهم علي السرير وبصوا للسقف
مريم سرحت وقالت لملك: هفضل لأمتي احب كريم وهو يطنشني؟
ملك بصتلها وهي بتضحك و بتقولها: لحد ما يبقي عندك كرامه
مريم معرفتش ترد عليها وضحكت وهي ساكته
ملك قامت وربعت رجلها وقالت لمريم: بحس اتجاه سليم بشيئ غريب
مريم قامت هي كمان وربعت رجلها وقالتلها: اكيد بتفتكريه بيكرهك
ملك ابتسمت براحه وافتكرت سليم وقالتلها: لا خالص؛ بس بحس اتجاهه بحاجه غريبه اوي
رفعت كتفها وقالت بعدم فهم: حاجه بتحصلي لما بتكلم معاه وبشوفه
مريم ضحكت بذهول وقالت:
لا اوعي تقولي انك معجبه باخويا؟
ملك سكتت وبعدين بصتلها وقالت: معرفش بس ممكن
مريم ضحكت وهي مصدومه وقالت: انتي عماله تديني في صدمات اليومين دول يا ملك بجد
معجبه بمين؟ ب سليم؟
ملك ضحكت علي ضحكها وقالت: ايوه يا بنتي اعمل اي طيب بقولك لما بشوفه بتوتر ولا ببص في عيونه بتوهه ولما بمسك ايده بفرح ولما بحضنه بطمن اقولك اي تاني
مريم قامت بفرحه وقالت: اخر شئ اتوقعه بس حاجه جميله ومحتاجه شويه فرفشه
ملك قامت هي كمان وقالتلها: هتعملي اي؟
مريم جابت فساتين قصيره جميله جدا وادتها لملك وقالتلها: اختاري واحد منهم
ملك اختارت ال لونه ازرق
ومريم خدت ال لونه دهبي ولبسوا هما الاتنين
ملك بصت لنفسها ف المرايه وقالت: يخربيتك دا عريان اوي
مريم بصت لنفسها ف المرايه وهي بتقول: يبنتي ما احنا مش هنخرج بيه هنرقص شويه بما ان مفيش حد ف الڤيلا
ملك ضحكت وقالتلها: اشطا فكره حلوه
مريم شغلت اغنيه: لا كدا ڤيري نايس
الاغنيه اشتغلت بكلماتها وهما الاتنين رقصوا عليها
ملك كانت بتغني مع الاغنيه وموجهه ايديها ناحيه ملك وبتقولها: لو تسمحيلي امسك ايديكي يلي شغلي عقلي بيكي من زمان ونا نفسي فيكي يا عسلل انتي حاجه مش عاديه و ف جمالك مفتريه اهدي حبه ياريت عليا يا بطللل
ملك ضحكت من قلبها وقامت ماسكه ايد مريم ورقصتها وهي بتغني مع الاغنيه وبتقول: اول ما شوفتك سكتت وقولت يا بخت باباكي عشان خلفك شكلي وقعت بجد مش هكبر لحد توافقي يأما اخطفك
مريم هزت وسطها وهي بتغني وبتقول: ماي هارتي علت حرارتي دي روحي واميرتي وقلبي وبنتي القمررر هي الجمال كله هي ال ماليه عنيا عليا دي غاليه يا بشرر
مريم خرجت برا الاوضه وسابت الباب مفتوح وقالت لملك بصوت عالي عشان تسمع: انا هدور ع الفون بتاعي عشان نتصور
ملك فضلت ترقص ومكمله رقص مع نفسها وهي بتغني وسليم كان وصل للڤيلا وهو طلع لأوضته لقي الاغاني صوتها عالي اوي وباب الاوضه مفتوح لقي ملك بترقص بشكل جميل اوي وعماله تغني وتقول: لا كدا ڤيري نايس يا عم الريس يلي خاطف قلبي انااا
غمضت عينها وفضلت تلف حوالين نفسها وهي بتغني لحد ما وقعت علي ايد سليم وبقت هي علي ايده وهو واقف بيبص لعيونها والاغنيه مكمله: قوليلي اي العمل يا حتت عسل بحبك انا من كام سنه؛ لو روحتي فين هكون وراكي والحقكك بحبك انتي وبس وانسي اني احس الحب لو بقي مع غيرك عليكي صحكت قمر دي ثابت اثر في قلبي وانسي اني اسيبك
ملك اكتفت بص لعيونه وطلعت تجري برا اوضه مريم من كسوفها ودخلت اوضتها وهي بتقول: شافني وانا برقص لا ولابسه الفستان دا لأ وكمان وقعت علي ايده
قالت لتفسها بعصبيه: غبيه
لمست وشها بكسوف وقالت: يادي الموقف الانا اتحطيت فيه
مريم دخلت اوضتها ملقتش حد ولقت الاغاني مطفيه دخلت اوضه ملك وقالتلها: مالك قاعده كدا ليه كأنك اتقتلك قتيل؟
ملك قامت وقفت وقالت لمريم بكسوف: سليم جه ولقاني وانا برقص ووقعت علي ايده
مريم ضحكت وقالتلها وهي بتغمز: الله علي الرومانسيه يا شيخه يارتني انا مكانك بس مع كريم بقا
ملك ضربتها في كتفها وهي بتقولها: كريم اي الهزقك ١٠٠ مره قبل كدا يا مهزقه
مريم قربت من ودن ملك وقالتلها وهي بتضحك: كل لما تفتكري ان انا مهزقه افتكري انك انتي معندكيش بربع جنيه كرامه دا سليم معبركيش انهارده زي كل مره
ملك قالتلها بحزن: اسكتي بقا متفكرينيش
مريم وملك ناموا جمب بعض وهما مقضيين كول الليل ضحك وهزار
صباح يوم جديد
ملك قامت وغسلت وشها كالعاده ولبست هي ومريم
مريم خرجت لقت سليم برا غمزت لملك وقالتلها: انا ف العربيه
ملك اتغاظت منها وقالت في سرها: يا متخلفه ليه عملتي كدا
اتكسفت من سليم من الحصل امبارح ووشها احمر
سليم نزل علي السلم وقالها ببرود: مفيش داعي تتكسفي انا الغلطان اني فضلت واقف ابص عليكي برغم اني افتكرت ماك هي العامله الدوشه دي كلها وكنت طالع ازعقلها بس لقيتك انتي انا بعتذرلك عن امبارح
ملك نزلت وراه وهي مكسوفه منه وبتقوله: معلش موقف وعدي
ركبت العربيه جمب مريم بس مريم اتحججت وقالتلها: لا يا ملك متقعديش جمبي
ملك جزت علي سنانها وقالت لمريم بغيظ: ليييه بتعملي كدا
مريم قالتلها بخبث عشان تقربها من سليم: انا مخصماكي ومش عيزااكي جمبي انهارده
ملك فضلت تهمس لمريم وهي بتجز علي سنانها وتقولها: بقا انتي مخصماني يا كدابه
سليم قالهم بعد ما ركب: بس انتوا هتتخانقوا ولا اي تعالي يا ملك اركبي جمبي
ملك بصت لمريم وهي بتتوعدلها و بتقولها: ماشي يا مريم والله لأوريكي
ركبت جمبه وبعدين بصت من الشباك وطول الطريق محطتش وشها في وشه عشان متتكسفش اكتر
اول ما وصلوا للمدرسه ملك سابتهم ونزلت
سليم بص لملك وقالها: هتفضلي قاعده مش هتنزلي ولا اي؟
ملك بصتله بحب وبعدين مسكت ايده وقالتله: خد بالك من نفسك
فتحت باب العربيه وخرجت من غير ما تستني منه رد فعل عشان هي عارفه انها لو كانت استنت كان هو هيزعقلها
دخلت الفصل لقت مريم قاعده علي الديسك بتبص لكريم
ملك قربت من مريم وقالتلها: بقا بتعملي كل الحوار دا عشان اقعد جمب سليم؟ طب اي رايك بقا اني مبصتلهوش خالص طول الطريق
مريم سكتت ومردتش
ملك قالتلها بغيظ: هخزقلك عينيكي دي لو بصيتي لكريم تاني
مريم ريحت راسها علي الديسك وهي سرحانه وبتقول: والمشكله في عيونه بتاخدني بلاد وتوديني
الميس دخلت والحصه بدأت
بعد نهايه الحصص كلها مريم وملك نزلوا لقوا ديما مجمعه المدرسه كلها ف مريم وملك بقا عندهم فضول يعرفوا في اي
ديما قالت بصوت عالي: يا جماعه انا جمعت كل هدومي القديمه عشان اديها لملك هتبرع بيهم ليها يعني عشان هي معندهاش حاجه تدفي بيها ف الساقعه دي
قالت بسخريه: حد عايز يتبرعلها
معلش اصلها معفنه ومعاهاش فلوس تشتري لبس
ملك معرفتش تقول اي غير انها كانت مكسوره من جواها واتدمرت نفسيا بعد كلام ملك عنها
مريم قربت من ديما وقالتلها بصوت عالي: ما هي وارثه العفانه منك
بصت لملك وقالتلها وهي بتغمز: معلش يا ملك
ديما قالتلها بتكبر: وتورثه مني ليه كانت من بقيت اهلي
مريم كسفتها وقالتلها:علي كدا بقا انتي اهلك معفنين
ديما قالتلها بغيظ: انتي حيوانه وبعدين هي متقربليش حاجه عشان تورثه مني
مريم قربت من ديما وقالتلها بتريقه: لأ خالص تكون اختك بس
رواية انا لك انت الفصل السابع 7
مريم قربت من ديما وقالتلها بتريقه: لأ خالص تكون اختك بس
ملك بصت لمريم وهي مش عارفه تقولها اي ولا تعمل اي بس هي مكانتش عايزه تعرف ديما انها اختها لاكن مريم بالطريقه دي عرفت ديما كل حاجه
ديما ضحكت بتريقه وقالت لمريم: لأ بجد؟ اختي؟ المعفنه دي تكون اختي؟ والله ولا حتي تكون صاحبتي
مريم رفعت حاجبها بسخريه وقاللتها: معلش انا مقدره الموقف الانتي فيه بس للأسف ملك تكون اختك
ملك فاقت من التخيل ال هي فيه لأنها كانت بتحلم ان مريم قالت لديما انهم اخوات والحمد لله طلع تخيل مش اكتر
مريم فوقت ملك وقالتلها: واقفه بتبصي لديما وانتي سرحانه كدا ليه
ملك رجعت لوعيها ومشيت مع مريم وقالتلها: تخيلت انك روحتي قولتي لديما اننا اخوات
مريم حضنت ملك وهي بتهزر معاها وبتقولها: عيب عليكي سرك في بير دا احنا اخوات
ملك وقفت مريم ومسكت ايدها بتوتر وقالتلها: مريم انا مكسوفه اروح الڤيلا عشان مشوفش سليم
مريم ابتسمت لرومانسيتهم دي وقالت: ليه بقا مكسوفه؟
ملك خبطتها ف كتفها وقالتلها بكسوف: يبنتي بس بقا بتضحكي علي اي متكسفينيش اكتر ما انا مكسوفه
مريم وقفت ضحك وقالتلها: لا خلاص والله بكلم جد قولي مكسوفه ليه
ملك انجشتها ومشيت معاها وهي بتقولها: عشان مسكت ايده وقولتله خلي بالك من نفسك
مريم وملك فضلوا يضحكوا ويهزروا مع بعض طول الطريق علي سليم
**
سليم مد ايده يسلم علي البنت الواقفه قدامه
كانت بنت طويله ورفيعه وشعرها لونه بني عينها لونها ازرق تشبهه ملكات الجمال
البنت سلمت عليه بأبتسامه وقالتله: اتشرفت بمعرفتك وانشاء الله هكون مع حضرتك في الشركه من بكره
سليم ابتسملها لأنهاء الموضوع وهي خرجت ومشيت
فهد دخل وقعد علي الكرسي في مكتب سليم وقاله وهو بيغمز: مين المزه؟
سليم لف بالكرسي وهو بيبص عليها من ازاز المكتب وهي خارجه من الشركه وبيضحك وبعدين قال لفهد: دي هتكون المساعده بتاعتك من بكره
فهد قام وهو فرحان وقاله بصوت عالي: بجد؟ لا بجد يعني؟
راح حضن سليم وقاله: الله عليك يا صاحبيي
سليم ضحك علي حركاته وبعدين قاله بجديه: بس انا مجبتهاش عشان تعاكسها انا جبتها عشان انت محتاج مساعده فعلا
فهد قعد وقاله: طب وانت مش محتاج؟
سليم حرك رأسه وهو بيقوله: لأ مش محتاج
خرج من المكتب وهو بيقوله: وتعالي عندي ف الڤيلا بليل
***
ملك كانت معديه هي ومريم علي محل فيه لبس حلو اوي وغالي
ملك بصت عليه وكان نفسها تدخل تشتري مريم حست ب ملك وخرجت الفيزا من جيبها وادتها لملك وقالتلها: خدي الفيزا اهي خشي اشتري الانتي عايزاه
ملك موافقتش وقالتلها: لا انا مش عايزه اشتري حاجه
مريم زعلت منها وقالتلها: اي الانتس بتعمليه دا يا ملك وبعدين الفيزا دي بتاعتك سليم حاطت لك فيها المبلغ اليكفيكي ينفع تخديها؟
ملك خدتها وهي مبتسمه لمريم
مريم شدت شنطه المدرسه وقالتلها: هروح انا بقا
مريم روحت وملك دخلت المحل لقت فساتين حلوه اوي
اشترت فستان واحد عشان متغرمش سليم وخرجت بيه الفستان كان غالي بس حلو اوي
مسكت الشنطه ال فيها الفستان وكانت لسه هتروح بس واحد كان ماشي جمبها شد الشنطه وجري شد شنطه المدرسه وشنكه الهدوم
ملك فضلت تصوت عشان حد يجري وراه وبالفعل في شاب شافها وطلع يجري ورا الحرامي وضربوا وخد منه حاجه ملك والحرامي طلع يجري
الشاب رجع لملك تاني وقومها من علي الارض وقالها: اتفضلي حاجتك
ملك قامت من علي الارض وخدت شنطتها وحاجتها وشكرت الشاب كتير جدا وبعدين قالتله: اسمك اي؟
مد ايده يسلم عليها وقالها: اسمي نادر
ملك سلمت عليه وقالتله:
وانا اسمي ملك اتشرفت بمعرفتك
نادر بص علي عربيته وبعدين قالها: ينفع اوصلك بدل ما تمشي لوحدك
ملك سكتت شويه وموافقتش بس هو اتحايل عليها لحد ما ركبت
*
وصلها لحد الڤيلا ومريم كانت واقفه ف البلكونه وشافت ملك مع الشاب دا قالت في نفسها: اوباااااا مين القمر دا
لبست الشبشب وحطت الشال عليها ونزلت تجري عشان تلحقه واول ما خرجت اتحججت بأن ملك اتأخرت وقالتلها: اتأخرتي كدا ليه يا هانم؟
ملك بصتلها وهي بتضحك علي طريقه كلامها وبتقولها: بتكلمي كدا ليه؟
مريم بصت علي الشاب وبعدين قالت لملك بتوتر: ااا... مين الكابتن؟
ملك بصتله وهي بتبتسم وبعدين قالت لمريم: اسمه نادر؛ انا كنت هتعرض للسرقه بس هو نقذني واصر انه يوصلني
مريم مدت ايديها تسلم عليه بأبتسامه عميقه من قلبها وقالتله: انا مريم
نادر فضل ماسك ايدها وهي ماسكه ايدو وبيسلموا علي بعض
ملك وقفت بينهم وقالت: اي مش كفايه ولا اي
نادر وقف معاهم شويه وبعدين مشي وملك ومريم طلعوا
**
سليم وصل الڤيلا ولقي الڤيلا كلها مقفله والنور مقفول
افتكرهم بيلعبوا بس طلعوا نايمين سليم دخل الاوضه ال فيها ملك
وقعد جمبها علي الكرسي وحط رجل علي رجل وهو مستنيها تصحي
ملك النور زعجها وفتحت عينها بنعسان واول ما صحيت لقت سليم قالتله بخجل: في حاجه؟
سليم قالها ببرود: كنتي فين بعد المدرسه؟
ملك استغطت بالبطانيه عشان الجو ساقعه وقالتله: اشتريت فستان وقالتله: انا اسفه اني بتقل عليك
سليم اتعصب عليها وقالها: متحوريش وتغيري الموضوع المشكله مش ف الفستان روحتي فين بعد المدرسه يا ملك
ملك قالتله بعصبيه: مش فاهمه انت بتفكر في اي يا سليم ينفع توضح؟ قولتلك عند المحل اشتريت فستان في اي بقا؟
سليم قرب منها جدا وهو بيجز علي سنانه بغيره وقالها: مين الشاب الركبتي معاه العربيه
ملك بصتله بغيظ وقالتله: انت بتراقبني؟
سليم قالها بعصبيه: هتنطقي؟ ولا لأ؟
ملك قالتله بعند بحده: ولو منطقتش هتعمل اي؟ هتضربني؟
سليم بعد عنها وقفل الباب وقالها وهو بيضحك بسخريه: اضربك؟
ليه هو انا مش راجل عشان امد ايدي علي بنت؟ ما تردي
ملك سكتت وقامت من علي السرير وقربت منه وهي بتقوله: انا اسفه يا سليم؛ اني اتعصبت عليك وعليت صوتي بس صدقني اول واخر مره وبالنسبه للولد الركبت معاه دا نقذني من واحد كان هيسرق شنطي
سليم قعد وقعدها قدامه وقالها: ملك انا بخاف عليكي و مش عشان بسألك راحه وجايه منين ابقي متحكم وبضايقك بالعكس انتي في امانتي ولازم اعرف كل تحركاتك
ملك حضنته وهي بتقوله: تعرف ان اليوم من غيرك انهارده كان ممل اوي
سليم غمض عينه بطمئنان وكان علي عينه يحضنها بس هو بعدها عنه وقالها: روحي زاكري يا ملك
خرج برا الاوضه وقفل الباب
ملك بلعت ريقها وسرحت في خطواته بحزن وقالت: مبيحبنيش زي ما بحبه
قامت وحطت الكرسي وقعدت ع المكتب وبدأت تزاكر في دروسها
سليم دخل غير لبسه وفكر في حضن ملك لييه وبعدين قال لنفسه: مش معقول تكون بتحبني
خرج برا الاوضه وكان شايل اللاب في اييده ونازل يقعد تحت شويه في الجنينه بس ملك ندهت عليه وقالتله: سليم.
سليم بصلها وبعدين بص الناحيه التانيه وهو بيقول: عايزه اي دي
راحلها وحط ايده علي المكتب وبص علي الكتب وقالها: شاطره
ملك مسكت ايده وقالتله:
ينفع تزاكرلي؟
سليم ابتسم وقالها: اذا كان في المزاكره اوي اوي
حط اللاب بتاعه علي جمب وشد كرسي وقعد جمبها وهو بيقول: روحي جيبي مريم تاخد درس معانا
ملك قامت وراحتلها وقالت: سليم هيديني درس تعالي خدي معايا
مريم موافقتش وقالتلها لأ انا هنام.....
اول ما ملك خرجت مريم نامت علي السرير بخبث وهي بتقول: خليهم يقعدوا مع بعض شويه يمكن تعترفله انها بتحبه
ملك قالتله: مريم هتنام وقعدت جمبه وهي بتبص علي الملزمه ال في ايده وقالتله: نبدأ؟
سليم شرحلها دروس كتير ومن ضمنهم الواجب بتاع المدرسه وحلت معاه كتير اوي
بعد ما خلصوا سليم قام وقف وقالها: شاطره يا ملك مستواكي حلو في الدراسه
ملك بصتله بحب و قالتله: سليم انا بعتبرك كل حاجه ليا
عارفه اني متقله عليك في حاجات كتير زي مثلا مصاريف المدرسه ومصاريف الدروس ومصاريف اكلي وشربي ولبسي ومصروفي اليومي انت بتهتم بيا في ابسط الحالات يعني مثلا بتغطيني وانا نايمه لما بزعل بتقف جمبي وتهون عليا
سليم انا لما بلاقيك جاي من الشغل بفرح الڤيلا بتبقي مضلمه من غيرك
بلعت ريقها بكسوف وبعدين حضنته جامد وهي بتقوله: سليم انا معجبه بيك؛ انا بفرح لما بلاقيك جمبي انا لما بشوفك وانا راحه المدرسه باخد طاقه ايجابيه كبيره بسببك او بسبب ضحكتك ليا؛ انا معجبه بيك اوي يا سليم؛ انا معجبه بكل تفصيله فيك