رواية سكن العمر كاملة ( من الفصل الاول للاخير ) روان وليد

رواية سكن العمر كاملة ( من الفصل الاول للاخير ) روان وليد




رواية سكن العمر كاملة جميع الفصول هى رواية الكترونية من تأليف روان وليد سنعرض لكم جميع الفصول من الفصل الاول للاخير من رواية سكن العمر


رواية سكن العمر كاملة ( من الفصل الاول للاخير ) روان وليد



رواية سكن العمر كاملة روان وليد الفصل الاول



_فوقى لنفسك بقا انتى ولا حلوة ولا حاجه انتى سمرا ووشك مليان حبوب، وعماله فيها الخضرا الشريفه ومش عايزانى امسك ايدك، وبتقولى انه حرام، مش كفايه انى مستحملك بشكلك دا 
_قلع الدبله ورماها فى وشها 
_خدى ياريت مشوفش وشك تانى 
-قعلت الدبله انا كمان واديتهاله ومشيت وانا قلبى مكسور، فكره ان حد يعايرك بشكلك او بجسمك او حاجه وحشه فيك دا حاجه توجع، حتى لو ع سبيل الهزار، ف بردو بتكسر القلب، مشيت وانا مش عارفه راحه فين، رجلى ودتنى للبحر، صديق احزانى، هو الوحيد اللى مش بيسخر من شكلى، مع اننا لو ركزنا شويه، فأنا جميله، مش غرور ولا حاجه بس، ربنا مخلقش حاجه وحشه، ربنا صُورنا فى احسن صورة، مفيش حاجه اسمها دا وحش ودا حلو، لا كلنا حلوين. 
-شوفت ي بحر، احمد سابنى بس انا مش زعلانه اووى يعنى، انا بس مكسورة بس عادى متعوده ع كدا من اقرب الناس ليا، بس فرحانه بردو انى صح، وانى رفضت انه يمسك ايدى فى فترة الخطوبه، عشان حرام، بحمد ربنا انه كشفه ع حقيقته قبل الجواز.
جت موجه عاليه ومعاها نسمه هوا طبطبت ع قلبى.
-انا بحبك اووى ي بحر، انا ماشيه دلوقتى وهجيلك تانى.
روحت البيت،بس المرادى معنديش طاقه لمشكله كل يوم مع امى،لاى سبب،لو محصلش مشكله يبقى اليوم فيه حاجه غلط،فتحت الباب.
•جيتى ي ختى 
-ايوة 
•اتأخرتى ليه
-كنت طالعه من المكتبه بشترى كتب لقيت احمد فى وشي وكان عايزينا نخرج،وبعدين فسخنا الخطوبه
•بصدمه..بتقولى اى؟!
-كان عايز يمسك ايدى وانا مقبلتش وكمان مردتش اخرج معاه فرمى الدبله فى وشي وعايرنى بشكلى،وانا اديته الدبله 
•بقا ي جزمه تفسخى الخطوبه عشان عايز يمسك ايدك!!ومرضتيش ليه ي روح امك
-مرضتش لانه حرام وانا مش هعمل حاجه حرام،لو بدأنا حياتنا ع حرام هتتهد بسهوله
•مسكتنى من شعرى من تحت الخمار...انا هوريكى يبنت الجزمه،مش كفايه شكلك دا،لا وكمان بتفسخى الخطوبه عشان سبب تافه زيك 
•زقتنى ع الارض وقالت....ادخلى اوضتك ومتتطلعيش منها الا ع بكرا اما نشوف صرفه ليكى فى الموقف الهباب دا 
-دخلت اوضتى وانكمشت ع نفسي،وعيطت،معيطتش كتير او يمكن الدموع مش عايزة تنزل لانى متعوده ع كدا،بس قلبى   وجعنى جامد لدرجه ان النفس بيخرج بالعافيه،قرأت قرآن شويه لحد ما الوجع خف ونمت.
تانى يوم 
-خرجت من الاوضه،لقيت امى وابويا واقفين ومريم اختى الصغيرة بتبصلى بنظرة خوف و حُـزن وابويا ماسك عصايه طويله...اول ما شافونى.......



رواية سكن العمر كاملة روان وليد الفصل الثانى

خرجت من الاوضه،لقيت امى وابويا واقفين ومريم اختى الصغيرة بتبصلى بنظرة خوف و حُـزن وابويا ماسك عصايه طويله...اول ما شافونى.. 
ابويا وقف ومسك العصايه وقال... انتى سبيتى احمد ليه
-هو اللى سابنى، رمى الدبله فى وشي، وعايرنى بشكلى، عشان مرضتش اخليه يمسك ايدى 
ابويا اتكلم... اه وانتى عاملى الحاجه بالخمار اللى لابسه دا ومش راضيه تخليه يمسك ايدك
-نزل عليا بالعصايه ع ظهرى ورجلى، وانا بعيط، ومريم بتعيط بصوت عالى وخايفه عليا، وخايفه من بابا، نزل ع جسمى كله، وبعدين زقنى ع الارض، مريم جريت عليا وقومتنى، دخلت اوضتى وهى جت ورايا، قعدت ع السرير بضم ايدى ورجلى، العصايه معلمه ع جسمى، الضرب وجعنى جدا خصوصا انى كنت لابسه بچامه، مريم جت وقعدت جمبى وطبطبت عليا، وع ايدى وظهرى كمحاوله منها لتخفيف الالم، بس هى متعرفش ان الالم النفسي اشد واوجع من الالم الجسدى بمراحل 
مريم اختى فى سادسه ابتدائى بس احلى منى بكتير، عينيها خضرا لماما وبيضا وشعرها طويل، بتحبنى جداا، ليا اخ كمان شبه مريم "محمد" هو مخلص معهد، بس مش بيشتغل ودايما قاعد ع القهوة، يعتبر مبيكلمش معايا خالص، علاقتى معاه مش اخ واخت لأ، دا كأننا اغراب عن بعض. 
مريم اتكلمت... متزعليش ي "سكن" معلش الضرب بيوجعك
-بوست ايديها وقولت... لا مش بيوجع ي مريم... ابتسمت بسخريه.... بس قلبى بيوجعنى اكتر 
مريم اتكلمت... انا مش فاهمه، بس متزعليش من بابا، هو طيب وبيحبك، بس ممكن يكون متضايق وهو مش هيضربك تانى.
-كنت عايزة اقولها فين الطيبه دى وفين الحب، بس هى مش هتفهم، انا من اول ما كبرت كانوا بيكرهونى فى شكلى، كنت فاكرة انى شكلى مقزز، وانى مش زى بقيه البشر 
بس لما روحت المدرسه الميس قالتلى انى جميله،ودا كان بسبب ان واحده من الفصل زميلتى بعدت عنى وقالت انى بشعه،فالميس قالتلنا ان ربنا خلقنا فى احسن صوره واننا كلنا حلوين،وفيه حاجه بتميزنا عن بعض،وقتها قالت انى مثلا عينى البنى فاتح وقالب ع عسلى دا احلى حاجه فيا،ملامحى كلها حلوة،بس دى الحاجه اللى بتميزنى،بقيت كل ما أياس من كلام الناس ابص فى المرايه واقول انا مميزة،فيه ناس عينيها ملونه،بس انا بحب لون عينى.
نمت شويه ومريم جمبى لحد العصر،صحيت خدت شاور يمكن يقلل الالم اللى حاسه بيه،لبست وخرجت روحت عند عمو عادل صاحب المكتبه كنت عايزة اشترى كتاب 
-ازيك ي عمو
عادل بإبتسامه...ازيك ي سكن ي بنتى 
-بإبتسامه...الحمد لله ي عمو،بقولك عندك روايه "آفه حارتنا الانسان"لرحمه الحداد 
عادل...ايوة ثانيه واجيبهالك
جه شخص لابس نظارة شمس واتكلم...لو سمحت عايز روايه"آفه حارتنا الانسان"
عادل...للاسف ي استاذ هو موجود نسخه واحده بس والانسه هتأخدها 
الشخص....بس انا محتاجها...بصلى....ممكن ي انسه أخدها 
-بصيت فى الارض واتكلمت...انا آسفه انا محتاجاها جداا،وكمان مستنياها بقالى كتير،وما صدقت لقيتها،وكمان انا بحب رحمه الحداد جداا
الشخص...انا معرفهاش بس فيه حد قالى انه حلو،فكنت عايز اجربه
-رحمه الحداد دى من افضل الكُتاب اللى ممكن تقرأ لها هى و "ايمن امين" ست جميله وواثقه من موهبتها جداا، ودا مش غرور، دا ثقه بالنفس ان ممكن الست تعمل اى حاجه، نصيحه منى اشترى الروايه من اى حته واقرأها بس لازم تبقى فاكر ان آفه حارتنا الانسان. 
الشخص ابتسم وقال...شكرا ليكى جداا استمتعت بالكلام معاكى 
-الشكر لله 
واحنا بنتكلم مع عمو عادل،قلبى وجعنى جامد ومبقتش قادرة اتنفس،بأخد النفس بالعافيه، صوت انفاسي بقت عاليه وهما لاحظوا كده: عمو عادل وعُمر ما انا عرفت اسمه. 
عادل... مالك ي سكن 
-مكنتش قادرة اتكلم وقولت بصوت متقطع... انا ك.. كويسه
عُمر... ثانيه واحده اجبلك عصير 
جاب العصير وجه، كنت قعدت ع الكرسي، مكنتش قادرة حرفيا بالاضافه الى انى كمان مأكلتش حاجه من الصبح، عُمر جه وجاب معاه العصير، قلع النضارة ولاول مرة اشوف عينيه كانت باللون الرمادى، عينيه مميزة فعلا، استغفرت ربنا وبصيت فى الارض وانا حاطه ايدى ع قلبى. 
عُمر نزل لمستوايا كنت قلقانه من قربه دا
عُمر.....اتفضلى العصير،اشربيه 
خدته منه وشربته،حسيت انى اتحسنت شويه،بس الوجع لسه موجود.
خدت الروايه ومشيت ع البيت دخلت اوضتى،عملت نسكافيه وقعدت فى الاوضه فى جو هادئ اقرأ الروايه ما انا بقرأ لرحمه الحداد هى اى حد ولا اى،امى دخلت عليا 
•اعملى حسابك بكرا جايلك عريس
-هو شافنى قبل كده
•لا بس..........



رواية سكن العمر كاملة روان وليد الفصل الثالث

•اعملى حسابك بكره جايلك عريس
-هو شافنى قبل كده
•لا بس هو ابن صاحبتى، ياريت تلبسي حاجه عدله وتلبسي طرحه بدل الخمار اللى مكبرك دا
-انا مش هقلع الخمار عشان عريس 
•المهم تلبسي حاجه عدله
خرجت وسابتنى، انا مش عايزة اتعرض للتجربه تانى، قلبى مش حمل وجع جديد، انا عايزة واحد يكون عارف انى جميله وميهونش عليه زعلى، واحد ميشوفش الا غيرى، مش مع اى مشكله بينا يعايرنى بشكلى وانه ممكن كان يتجوز احلى منى، عايزاه يصونى، يحافظ ع قلبى وعمره ما يكسره ولا يجرحه. 
خلصت قراءه شويه من روايه آفه حارتنا الانسان وسيبتها مكنتش قادرة اسيبها اصلا دى عظمه، وبعدين نمت
تانى يوم
صحيت اتوضيت وصليت  ، خلصت قراءه جزء كبير من الكتاب واستنيت العريس يجى 
باليل 
لبست فستان بيبى بلو ع خمار ابيض وخرجت، قعدوا يتكلموا فى حاجات وانا باصه فى الارض، خرجوا وسابونا حتى اخويا خرج. 
اتكلم.... انا محمد شغال محاسب فى بنك 26سنه، طب ممكن ترفعى وشك عشان اشوفك
رفعت وشي واتكلمت... انا سكن 21سنه تالته اداب فرنساوى 
اتكلم... بس كنت اعرف من امى انها قالتلى انك كنتى فى علمى علوم 
سكن... ايوة فعلا بس نصيبى جه فى اداب واختارت فرنساوى لانى بحبه
محمد... تمام. 
جم اهله، مشيوا وقالوا بعد يومين هيبلغهم رده وردى اذا كان حصل قبول ولالا. 
فى اليومين دول مبعملش حاجه غير انى بقرأ الروايه العظمه دى، وبكتب خواطر، اصل احنا فى الاجازة. 
•ي شيخه اعمل فيكى اى اولع فيكى 
-فيه اى
•العريس قال مفيش نصيب اكيد قرف من شكلك، ولا انتى نافعه فى حاجه، بحسبك هتطلعى دكتورة ولا حاجه، دخلتلى آداب، ياريتنى ما خلفتك
سيبتها ودخلت وانا حابسه دموعى، اقولها اى اقولها ان ربنا مخلقش حاجه وحشه عشان يقرف من شكلى، اقولها انى الناس بتحكم بالمظاهر والشكل مش بالروح، اقولها انى كنت بتمنى ام كويسه تحبنى وتشجعنى وتدعمنى، اقولها ان دى مش العيله والاهل اللى كنت بتمناها، كنت بتمنى انهم يبقوا ليا السند بعد ربنا، بتمنى ان اخويا يبقى صاحبى ويعاملنى كأنى بنته مش اخته، محدش حنين معايا غير اختى، ودا لانها صغيرة لسه الحياه مغيرتش قلبها النقى، نمت، نمت وانا دموعى ع خدى من كميه التنمر اللى من اقرب الناس ليا، من اهلى. 
تانى يوم 
صحيت ع صوت التخبيط والرزع جاى من الشقه اللى جمبنا، لبست الاسدال وخرجت، خبطت ع الشقه،فتحلى 
سكن... انت 
عُـمر... انتى
عُمر... انتى! دا احنا شكلنا هنعمل روايه عسل
ضحكت
سكن... لا مش للدرجاتى، بس لو سمحت بطل تخبيط شويه
عُمر... حاضر من عنيا 
ابتسمت ورجعت شقتنا وانا حاسه بإحساس، احساس بالفرحه انه هيبقى جارى ممزوج بتوتر، مش عارفه اى الاحساس دا بس احساس جميل. 
خدت نسكافيه والروايه وخرجت فى البلكونه
عُمر... علفكرة المفروض تدينى الروايه بعد ما تقرأيها 
اتخضيت 
سكن... لما اخلصها بقا 
عُمر.. حلو النظام دا البلكونه جمب البلكونه، وبعد فترة نفتح البلكونتين ع بعض 
سكن.. ازاى يعنى 
عُمر... هبقا اقولك بعدين
سكن... ماشي تشرب نسكافيه
عُمر... معنديش مانع
سكن... هعملك واجى 
علاقتى بعُمر اتطورت، بعمله نسكافيه لما اشوفه فى البلكونه، ساعات بعمل اكل واوديه ليه بحكم انه جارنا، امى قدامه بتعامله كأنها امه، وبتعاملنى قدامه بكل حنيه، ايوة ما هى قدام الناس الام الحنونه لكن فى البيت مشوفتش ذرة حنيه. 
فى يوم....... 



رواية سكن العمر كاملة روان وليد الفصل الرابع

فى يوم 
عُمر... امال انتى في اى
سكن... داخله تالته آداب فرنساوى
عُمر.. بتحبى الفرنساوى 
سكن... اه جداا انا اصلا كنت علمى وحلمى ادخل علوم، بس ربنا شايف ان نصيبى فى آداب والحمدلله فى السنتين جبت امتياز
عُمر.. ماشاء الله، اننى ناويه تدرسي ولا اى
سكن... مش عارفه لسه بس عايزة ابقى مُعيده فى الجامعه وممكن ادرس
عُمر... انا بقى ي ستى مهندس، بس اهلى متوفين وكنت عايش مع عمى ومرات عمى وولادهم، بعد ما اتخرجت جيت اشتغل هنا واشيل من عليهم حملى شويه وبطمن عليهم كل فترة.
سكن... ربنا يرحم اهلك
عُمر... انتى لازم تكشفى ع قلبك، ممكن اروح معاكى نكشف
سكن... نعم؟! 
عُمر... اقصد يعنى انا وانتى واخوكى 
سكن... اه شكرا ليك هبقا اروح فى اى وقت، عن اذنك بقا 
عُمر... اتفضلى 
بعدها بيوم 
سكن راحت كشفت عند الدكتورة وعملت تحاليل ورسم قلب ومستنيه نتيجه التحاليل تطلع. 
الدكتورة... للاسف انتى عضله من عضلات القلب ضعيفه بس هكتبلك علاج، انتى انسه صح
سكن بخوف... ايوة 
الدكتورة... طيب انتى لازم تلتزمى ع ادويه لان ممكن متقدريش تخلفى لما تتجوزى، او هيبقى الحمل خطر عليكى، هكتبلك ادويه وتمشي عليها وتجيلى بعد اسبوع
سكن بخوف وحزن... حاضر 
مشيت وانا مش عارفه اروح فين، يارب دا ابتلاء، يارب خليك معايا، انا ضعيفه،رجلى ودتنى للبحر 
سكن... انا دلوقتى جيالك وانا مكسورة بردو مش من المرض لا، لانى هخسر اكتر شخص حبيته فى حياتى، انا حبيت عُمر من كل قلبى، كان نفسي نعيش حياه بسيطه مع بعض مليانه فرحه، بس للاسف، مقدرش اظلمه معايا، هو من حقه يبقى أب مينفعش مع واحده زيى متعرفش اذا كانت هتخلف ولالا، انا كمان نفسي ابقى ام، بس دى ارادة ربنا
مشيت وروحت البيت، اتوضيت وصليت، وقررت انها تبعد عن عُمر مقباش ينفع انها تشوفه هتضعف، مينفعش يكملوا حياتهم مع بعض، هى مش حمل وجع جديد. 
الباب خبط قامت تفتح لقيت عُمر
عُمر بلهفه... انتى كويسه بقالك كتير مشوفكتيش
سكن... عادى يعنى مالك ملهوف كده ليه
عُمر بتوتر.... عادى يعنى مش جارتى 
سكن فى نفسها... اللهفه دى والخوف فى عيونه مش خوف ع جارته لا، دى حاجه تانيه. 
سكن... كنت بس عايزة اتمتع بأجازة عشان قبل الدراسه
عُمر بشك... واللى بيأخد اجازة بيبقى تحت عينه اسود ومرهق زيك كدا 
سكن... من النوم بس
عُمر... انتى روحتى كشفتنى 
سكن بنفاد صبر... اه والحمد لله انا احسن من غيرى 
عُمر... انتى بتتهربى منى ليه
سكن بدموع ووجع... عايز تعرف ليه عشان ميبقاش ينفع،مينفعش اقرب منك اكتر، انا كشفت وعضله القلب ضعيفه وممكن مقدرش اخلف، انا مش عايزة اعلقك بيا، وياعالم ممكن اموت فى اى لحظه
عُمر بحزن وع وشك البكاء... بس انا عايزاك انا اتعلقت بيكى اووى، انا بح
سكن... متقولهاش، مينفعش، انت من حقك تبقى اب، انا منفعلكش
عُمر.. انا مش عايز الا انتى، لو عايز ولاد عايزها منك، انا بحبك ومقدرتش اعيش من غيرك
سكن... لا ي عُمر، انا مرضهاش ليك 
عُمر... ي ستى وانا راضى
سكن.. مينفعش، عن اذنك
قفلت الباب وقعدت ورا الباب
سكن بدموع... وانا والله بموت فيك، بس حُبك مش من حقى، يارب، انا مش معترضه ع المرض، بس عُمر اللى نفسي اكمل حياتى معاه، حتى لو ايام، يارب 
تانى يوم
•جايلك عريس
سكن... مين
•عُمر
سكن..... 


رواية سكن العمر كاملة روان وليد الفصل الخامس


•عُمر
سكن.. انا مش موافقه
•جاى بليل، انا مش مستنيه رايك
الليل
لبست فستان احمر ع خمار اسود وطلعت، سبونا لوحدنا
سكن... جاى ليه
عُمر... انتى اخدتى قلبى وانا عايزه
سكن... مبقاش ينفع ي عُمر من حقك تكون اب
عُمر... قولتلك مش عايز ولاد غير منك، لما مش عايز
سكن... مش هتسحمل ي عُمر، هتزهقك وهتمل منى
عُمر... عمرى ما هزهق، انا بحبك وعمرى ما هبعد عنك
سكن بخجل.. انا موافقه
عُمر... لولولوى 
سكن.. بس ي مجنون
عُمر... مجنون بيكى
ابتسمت
عُمر... ضحكت يبقى قلبها مال 
اتخطبنا وهكنتب الكتاب اهو عقبالكوا
«بارك الله لكما وبارك. عليكما وجمع بينكما فى خير» 
حضنى ولف بيا
عُمر... يديمك فى حياتى ي روحى
سكن... بحبك
عُمر بفرحه..... اخيرا قولتيها 
اتجوزنا، عُمر دايما كويس معايا، بيساعدنى فى كل حاجه، حقيقى عُمر شخص لطيف جدا
سكن... تيجى نعمل كيكه
عُمر.. يلا 
سكن... ايوة نحط الدقيق ع الخليط، قلب كويس، اسرع، اسرع شاطر ي عمور
عُمر بإبتسامه... براڤو عليا هتدخل الفرن بقا
سكن.. ايوة 
بعد5دقايق
سكن... يا لهوى عُمر نسينا البيكنج بودر
عُمر.... طب طلعيها بسرعه
سكن.. اهى 
عُمر... بصى هنقلب البينكج بودر فيها كده وهتبقى عسل 
سكن... ماشي
عُمر.. دخلها بقا
بعد شويه
سكن... هى عامله كده ليه
الكيكه طلعت عاليه مظ النصف ونازله فى الصينيه من الجنب 
عُمر.... والله لهنإكلها
سكن... تصدق طعمها حلو 
عُمر... طبعا مش انا اللى عاملها
بوسته من خده
سكن... طبعا حبيبى شطور
عُمر... بالهنا والشفا ي روحى
عُمر.... مالك 
سكن... بقالنا6شهور ومخلنفاش انا خايفه 
عُمر.... متقلقيش ان شاء الله خير
سكن... ممكن نروح نكشف
عُمر... تمام بس اي كان النتيجه، دا مش هيغير شعورى من ناحيتك، وانا لسه عند كلمتى، وانا مقدرش اعيش من غيرك
سكن... ربنا يديمك ليا
عُمر... ويديمك ليا ي رب
عند الدكتورة 
سكن... انا عندى عضله القلب ضعيفه، دا هيعارض مع الحمل
الدكتورة... انتى ماشيه ع ادويه للقلب
سكن... ايوة وبتحسن
الدكتورة... حضرتك حامل فى شهر
سكن... بجد والله
الدكتورة... والله
عُمر... دا غلط عليها
الدكتورة... لا خالص 
عُمر... ربنا يطمنك
سكن... انا فرحانه اووى انا هبقى ام وانت احلى اب
عُمر.... ربنا يديم فرحتك
سكن... عُمر انت زعلان
عُمر... لا بس خايف عليكى
سكن... متخافش الدكتورة طمنتنا، وبعدين محدش بيموت ناقص عمر 
عُمر...متقوليش كده تانى، مليش الا انتى انتى محور حياتى، حياتى هتقف من بعدك
سكن... وانا مقدرش ابعد عنك، متخافش ان شاء الله خير
سكن... تعالى ي بت 
عُمر... عايزة اى من يقين 
سكن... عايزة اسرحلها شعرها
عُمر... تعالى ي حبييه بابى
يقين... نعم 
عُمر... بتزعلى مامى ليه
يقين.. عايزاك انت تسرحلى 
عُمر... طب هاتى الفرشه يلا
عُـمر سرحلها، وانت بصيت لهم بكل حُـب، هما  دول كل حياتى، ربنا يديمهم ليا. 
سكن مخلفتش الا يقين عشان قلبها 
عُمر... بتعملى اى 
سكن... بكتب قصه حياتنا، عن اجمل حب واجمل عوض فى الدنيا
عُمر.... ربنا يديمك لينا 
سكن... يقين هتيجى
عُمر... اه جايين فى الطريق هى واحمد وولادهم
سكن... انا بحبك اووى
عُمر.... ربنا جعل النساء سكن للرجال، ورزقنى بإحلى سكن فى الدنيا، بحبك

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -