رواية بنت المنياوي الفصل العاشر 10 بقلم ماهي احمد - رواية بنت المنياوي

رواية بنت المنياوي الفصل العاشر 10 بقلم ماهي احمد - رواية بنت المنياوي



رواية بنت المنياوي ( العاشر 10 ) هى رواية الكترونية من تأليف الكاتبة ماهي احمد وصدرت الرواية لاول مرة فى اكتوبر من عام 2021 وحققت نجاحا كبيرا فى اكثر من مجموعة على منصة التواصل الاجتماعى فيسبوك وتندرج الرواية تحت فئة الروايات الالكترونية لذلك سنعرض لكم اليوم الفصل العاشر 10 من رواية بنت المنياوي




رواية بنت المنياوي الفصل الثامن 8 بقلم ماهي احمد - رواية بنت المنياوي




رواية بنت المنياوي الفصل العاشر 10



القاضي : حكمت المحكمه حضوريا علي المتهم هشام حجازي في القضيه رقم ٧٨٦ بالسجن خمس سنوات مع الشغل والنفاذ رفعت الجلسه 
بقلمي مآآهي آآحمد
ام هشام: ( بصريخ وعياط ) لا حراااام عليكم ابني مايموتش اخوه ابدا حسبي الله ونعم الوكيل فيكم ياك"فره منكم لله 
هشام : خللي بالك من امي يا ابويا .. خللي بالك منها ماتسيبهاش ابدا 
نورسين : بقت واقفه من بعيد بتبص لهشام ودموعها نازله منها ما بتتكلمش ولا كلمه 
(فاروق جه جنب نورسين بصوت واطي قلها في ودنها )
فاروق: اي .. هنفضل واقفين الوقفه دي كتير قدامي علي البيت 
( وبقي يزق نورسين قدامه بأيديه  ) 
نورسين روحت البيت ودخلت علي اوضتها ودخل وراها المنياوي وفاروق
المنياوي : انتي السبب في اللي حصل ده كله انتي السبب في موت الواد ده مافيش غيرك 
نورسين : ( مكانتش بتتكلم زي ما تكون مابقاش عندها الرغبه في الكلام خلاص اصل هتتكلم تقول اي بعد ما هشام اتحبس ) 
فاروق: اي مابتنطقيش ليه .. اخرسيتي خلاص 
نورسين : ___________
فاروق: اسمعي يابت انتي انا اتحملت دلعك كتير بس بعد كده هعرف اربيكي من اول وجديد انتي امك ماربتكيش بس انا بقي هعرف اربيكي كويس
فاروق لسه هيمد ايده علي نورسين راح المنياوي مسك ايده 
المنياوي: انت بتعمل اي انت اتجننت هتضربها قدامي 
فاروق: يابابا دي عايزه تتربي 
المنياوي: اسمعني كويس طول ما انا عايش اوعي اشوفك تقرب من اختك مره تانيه كفايه كده احنا طلعنا من المشكله دي بالعافيه مش عايزين مشاكل تاني كفايه كده 
الخدام : فاروق بيه في حد عايزك تحت 
فاروق: مقالش مين 
الخدام: لا يافاروق بيه مقالش 
المنياوي : انزل شوف مين عايزك تحت 
بقلمي مآآهي آآحمد
(فاروق نزل لقاه صاحب هشام )
فاروق: انت اي اللي جابك هنا ياغبي دلوقتي وجاي بعد المحكمه علي طول 
صاحب هشام: والله انت اللي اضطرتني اعمل كده مع ان في الاول انت اللي كنت بتكلمني كل دقيقه عشان اشهد زور في المحكمه 
فاروق: وعايز اي يازفت دلوقتي 
صاحب هشام : بقيت حقي ال ٥ مليون 
المنياوي نزل : بقيت فلوسك هتوصلك بكره علي حسابك في البنك 
صاحب هشام : منياوي بيه أنااااا ..
المنياوي : ( بنظره احتقار ) قولنا خلاص فلوسك هتتحول علي حسابك اللي حولنالك عليه قبل كده خلصنا 
صاحب هشام: ماشي يامنياوي بيه مش عايزين مني حاجه تاني 
فاروق: امشي بقي ومش عايزين نشوف خلقتك هنا تاني 
صاحب هشام: والله طالما فلوسي في جيبي مش هتشوفوا خلقتي مره تانيه ماتقلقوش
(صاحب هشام مشي )
فاروق: انت بجد هتدفعله بقيت فلوسه 
المنياوي: لازم 
فاروق: وليه لازم ما نخلص عليه ونخلص 
المنياوي: احنا خلاص بقينا قتالين قتله ولا ايه يافاروق 
اسمع كلامي كويس مش عايز الموضوع ده يتفتح مره تانيه لولا استعجالك وتهورك كانت زمان اختك متجوزه وسافرت مع جوزها دلوقتي ومكانش حصل كل ده مع اني نبهت عليك الف مره ماتعملش حاجه من غير ما تقولي
فاروق: وانا اي اللي عرفني ان الواد كان هيموت انا كل اللي كنت عايزه ان زي ما ضربني علي دماغه اردهاله وقدامهم كلهم هو اللي خفيف وماتحملش 
المنياوي : ( بغضب ) عشان عيل مايكملش ال ١٤ سنه انت عارف يعني اي عيل 
فاروق: خلاص اللي حصل حصل 
-------------------------بقلمي مآآهي آآحمد---------------------------
(في البلد ) 
ماما هشام : ( بعياط وهي بتضرب علي رجليها بأيديها  )  يعني اي .. يعني خلاص ولادي الاتنين ضاعوا الصغير مات والكبير اتسجن هانروح فين وهنعمل اي 
عم حجازي: ( بقهر وحزن )العمل عمل ربنا يا ام هشام والغلابه اللي زينا يقدروا يعملوا اي قوليلي انطقي منها لله نورسين لو كانت نطقت بالحق مكانش كل ده حصل حسبي الله ونعم الوكيل فيها 
بقلمي مآآهي آآحمد
ام هشام من صدمتها ان ولادها الاتنين راحوا منها في غمضه عين مابقيتش قادره تقف علي رجليها 
عم حجازي : ( بخضه وخوف )  مالك يا ام هشام في ايه 
ام هشام مابقيتش بتنطق ولا بتتكلم كلمه واحده ووقعت في الارض 
عم حجازي: استر يارب قومي .. قومي معايا يا ام هشام
(بس للاسف مكانتش قادره تقوم معاه ولا حتي تتحرك من مكانها ) 
ام محمد جت بالصدفه والباب كان مفتوح 
ام محمد : ( بخضه اول ما شافت ام هشام مش قادره تقوم من مكانها) 
ام محمد : مالك يا ام هشام فيكي اي ياحبيبتي 
چعم حجازي : دي ما بتنطقش انا مش عارف جرالها ايه مره واحده 
ام محمد : شيل معايا ياحجازي شيل 
عم حجازي شال ام هشام وراح بيها المستشفي 
واول ما الدكتور جه وكشف عليها 
الدكتور : دي ميته ياحج البقاء لله 
عم حجازي ماقدرش يتحمل الصدمه ووقع في الارض 
ام محمد : يانهار اسود يانهار اسود الراجل وقع في الارض حد يمسكه معايا 
بقلمي مآآهي آآحمد
للاسف حتي عم حجازي اتشل كل حاجه من حواليه اتهدت
ومبقاش حد معاه بقي في البيت لوحده شاف ايام عذاب وحتي ام محمد مابقيتش تروحله للاسف عشان تطمن عليه كان وحيد والحقد والغل ملي قلبه من ناحيه نورسين واهلها لانهم هما السبب في كل اللي حصلهم 
-----------------------------------
( في السجن ) 
عدت الايام واخيرا صاحب هشام راحله السجن عشان يزوروا 
هشام : انت 😳😳
عمر صاحب هشام : ايوه انا ياهشام 
هشام : انت بتعمل ايه هنا بعد ما شاهدت زور عليا ودخلتني السجن 
عمر : اسمعني ياهشام كويس انا مكانش في ايدي حاجه اعملها غير كده فاروق وابوه ايديهم طايله وخصوصا ان نورسين هتشهد ضدك وهددوني بولاد اختي لو مكنتش عملت كده كانوا هيروحوا فيها وانت شوفت اخوك اهوه راح فيها 
هشام : يعني ايه 
عمر : يعني مكانش قدامي حل غير اني اعمل كده ولو كنت شاهدت ضد فاروق كنت تاني يوم هتلاقيني ميت وانت كده كده مش هتطلع براءه عشان نورسين شهدت ضدك انت لا معاك محامي كويس يدافع عنك ولا اي حاجه وغير كده كمان انا شهدت انك عملت كده دفاع عن النفس ونورسين كمان يعني كلها كام سنه وتخرج منها لكن لو كنت خرجت دلوقتي وانت شحات وفاروق هو اللي دخل السجن كنت برضوا هتموت وانت عارف الناس دي عشان تقف قصادهم لازم تبقي قدهم 
هشام : وطبعا اخدت التمن 
عمر : طبعا اخدته واخدت تمن حلو اوي يخليك لما تطلع من هنا تبقي مليونير ونقف علي رجلينا ونجيب حقنا من اللي ظلمك لكن احنا دلوقتي غلابه هنداس تحت الرجلين ياصحبي 
بقلمي مآآهي آآحمد
هشام : انت حقير انا ماشفتش صاحب حقير وقذر زيك 
عمر : حقير ومعايا  خمسه مليون جنيه احسن ما اكون حقير وشحات حط نفسك مكاني ياهشام انا عملت كده عشاني وعشانك ياصحبي 
هشام : انت عملت كده عشان نفسك وبس انت شوفت مصلحتك وبس انت عارف انا اي اللي بيحصل معايا هنا 
عمر : ولو كنت بره وحتي لو شهادتي هتنقذك المنياوي مكانش هيسيبك ولا هيسيب اهلك ياصحبي فكر كويس انا عملت كده ليه 
هشام : اوعي تفكر تيجي هنا تاني انت فاهم 
هشام ساب عمر ومشي 
عمر ( في نفسه ) : غبي 😡
-------------------------------------
عمر راح الارياف عند عم حجازي 
عمر بيبص لقى عم حجازي قاعد في الارض وبيسحف برجليه وأيديه عشان يفتح الباب 
عمر : عم حجازي سلامتك .. سلامتك ياعم حجازي تعالي معايا 
عم حجازي بقي يمسك في عمر لحد ما عمر عرف يقعده علي الكرسي 
عمر : اي اللي جرى ياعم حجازي 
عم حجازي: انت بتعمل اي هنا خربتها وجاي تقعد علي تلها 
عمر : انا جاي احكيلك انا عملت كده ليه ياعم حجازي انا لو قليل الاصل او مش كويس كنت زماني ماجيتش عندك هنا ولا عرفتك مكاني وكنت زماني اخدت الفلوس اللي معايا وهربت بره بس انا مش قليل الاصل ابدا 
عمر ابتدي يحكي لعم حجازي علي كل اللي حصل وانه عمل كده عشان كان خايف علي عيال اخته وخايق علي نفسه وان كلهم غلابه وهيداس عليهم لو كان قال غير اللي هما عايزينه 
عم حجازي: عندك حق يابني 
عمر : انا حكيت كل حاجه لهشام بس هو مارضاش يسمعني ياعم حجازي 
عم حجازي: انا عايز اشوفه يابني وحشني اوي بقالي شهور معرفش عنه حاجه 
عمر : انا هخدك عنده ياعم حجازي بس في الاول لازم اجيبلك كرسي متحرك ماينفعش تبقي كده وخصوصا بعد اللي حصلك
-----------------------
عم حجازي راح لهشام في السجن عشان يزوره هو وعمر 
هشام اول ما شاف ابوه مشلول مبقاش مصدق 
هشام : اي اللي جرالك يابويا حصلك ايه 
عم حجازي: ماتقلقش عليا يابني انا كويس 
هشام : انت بتعمل معاه ايه الحقير ده 
عم حجازي: عمر كان مغصوب يابني في اللي عمله وهو عنده حق في كل كلمه هو قالها وانت عارف ده كويس 
هشام : انت بتقول ايه يابويا 
عم حجازي: اسمع يابني الفلوس هي اللي هتخلينا اقويا ونعرف نرجع حقنا من اللي خدوه مننا وترجع حق اخوك وحقك وحق امك اللي اتشليت من كتر الحزن عليها 
هشام: امي هي امي مالها يابويا 
عم حجازي: امك ماتت من القهره عليك انت واخوك ياهشام 
هشام الارض مابقيتش شيلاه اول ما سمع كده وقعد علي الكرسي بالعافيه 
عم حجازي: انا مش هسيب حقهم هما اللي عملوا فينا كل ده .. هما السبب انت فاهم .. لازم ترجع حقنا كلنا منهم بحق السنين اللي هتقعدها هنا لازم يعيشوا بقيت حياتهم في ذل وعذاب انت فاهم ياهشام وعمرنا ما هنعرف نعمل كده واحنا فقرا ومعناش فلوس
هشام : ( بغل وغيظ ) مش هسيبهم يعيشوا يوم وهما متهنيين يابويا 
عم حجازي: توعدني يابني
هشام : اوعدك يابويا ورحمه امي ما هسيبهم 
عمر : والفلوس معايا اي وقت تطلع هتلاقيهم موجودين 
هشام : ال ٥ مليون دوول مايعملووش حاجه ياعمر احنا لازم نكبر الفلوس اللي معانا دي .. لازم نشغلها عشان لما اطلع يبقوا مليار مش مجرد ملايين 
عمر : انا ايدي علي كتفك انت تؤمر وانا انفذ 
هشام : سيبني اخطط واتكتك ولما تجيلي الزياره اللي جايه هكون عرفت هنشغل الفلوس دي في ايه بالظبط
------------------------------------
هشام لما رجع زنزانته عرف ناس كتير فيها وفي ناس كتير متهمه في قواضي مخ"درات واتفق مع واحد هناك انه يشغله الفلوس اللي معاه في المخ"درات وعمر كان بره بينفذ وبس طول السنين اللي كان قاعد فيها في السجن كانت فلوسه بتكبر بره هو يخطط وعمر ينفذ لحد ما بقى معاهم فلوس مالهاش عدد عم حجازي بقي عايش في قصر والفلوس مبقاش عارف يوديها فين من كترها 
بس الغل والانتقام من عيله المنياوي هي اللي كانت شاغله دماغه في كل السنين اللي فاتوا دوول 
--------------------------------
عمر وهو بيزور هشام زي عادته 
هشام : هااا .. عملت ايه 
عمر : ماتخافش انا مش سايبهم عارف عن المنياوي كل حاجه صفقاته وعلاقاته وكل حاجه ناقص بس اني انفذ اللي انت تؤمر بي 
هشام : لاء التنفيذ ده عليا انا .. انا اللي لازم انتقم منهم 
عمر : مش هتلحق 
هشام : يعني ايه 
عمر : عرفت ان الواد فاروق خلاص هيتجوز ويسافر بره مصر ويعيش هناك ولو سافر مافتكرش ان احنا هنعرف نجيبه 
هشام : ( بغل وغيظ ) اوعي يحصل كده ياعمر انت فاهم 
عمر : انا في ايدي ايه اعمله انا ممكن دلوقتي وهما قاعدين احطمهم واخد منهم المناقصات بتاعتهم اه هنخسر كتير بس مش مشكله المهم نجيبهم الارض بس انت اللي مش راضي 
وعلي فكره من ساعه اللي حصل ومحمود بيه وهيثم ابنه جايبنهم الارض عشان بنته مارضيتش تتجوزه 
هشام : انت بتقول ايه هي نورسين ماتجوزتش 
عمر : لاء ماتجوزتش ومش عارف ماتجوزتش ليه ؟ 
بس اللي اعرفه انها من كليتها لاوضتها مش اكتر 
هشام : هي لسه في الكليه 
عمر : اه عادت السنه اللي فاتت وبتعيد السنه دي كمان 
هشام : ماشي اتصرف انت وانا كلها كام شهر وهطلع عايزك في الوقت ده تخليهم يخسروا صفقه ورا التانيه لحد ما اطلع مش عايزهم يفوقوا من الصدمه يلاقوا اللي بعدها علي طول انت فاهم 😡
عمر : ماشي ياعم اهدي شويه مش كده خلاص فاهم 
انا همشي بقي عشامدن معاد الزياره انتهي 
هشام لسه هيتكلم 
عمر : ماتخافش ابوك في عنيا والله ماتقلق 
هشام : اصيل ياعمر 
----------------------------------
المنياوي : وبعدين دي رابع صفقه نخسرها الشهر ده احنا لو فضلنا كده ديونا هتتراكم 
فاروق: طيب ماتاخد قرض من البنك 
المنياوي: انا واخد قرض بضمان الشركه والارض ولسه ماسدتهووش لو فضلنا علي كده هنقع ومحدش هيقف جنبنا خصوصا محمود بيه وابنه 
فاروق : بنتك هي السبب في كل ده كانت المفروض تتجوزه وخلصنا من اللي احنا فيه ده كله 
نورسين : ( بزعيق) هو انا السبب في كل حاجه هو انت مش شايفني اصلا كل حاجه بتحصل انا السبب فيها يعني مش انت خالص
فاروق: ليه هو هيثم كان طلب يتجوزني انا .  وانا اللي رفضت كل ده عشان حبيب القلب 
نورسين : ماتجيبش سيرته علي لسانك تاني انت فاهم كفايه اللي جراله من تحت راسك
فاروق: يعني ايه .. يعني كنتي عايزه تشهدي ضدي عشانه 
نورسين : روح يااخي منك لله .. ربنا مش هيسيبك وبكره تشوف واللي بيحصل ده .. ده انتقام ربنا منك عشان اللي عملته زمان 
فاروق : ضرب نورسين بالقلم 
فاروق : انتي شمتانه فينا ياقذ"ره 
المنياوي:  ( بزعيق)  فااااااااروق 
فاروق: بلا فاروق بلا زفت بنتك شمتانه فينا يابابا وانت لسه بتدافع عنها 
نورسين : احنا كلنا ظلمنا الناس دي وبكره ربنا ياخد حقهم مننا وانا مستنيه عقاب ربنا علي اللي عملته مع ان ربنا وحده العالم اني عملت كده خوف علي هشام منكم ياظلمه
المنياوي: ( يزعيق) نورسيييييين كفايه كده اطلعي علي اوضتك 
نورسين : انا طلعه بس بكره تفتكروا كلامي كويس 
نورسين طلعت اوضتها 
فاروق : انا مش عارف انت ساكت علي البت دي ازاي 
المنياوي: انا دماغي فيها الف حاجه مش فاضي لكلامكم الفاضي ده احنا لازم نركز في شغلنا دلوقتي 
-----------------------بقلمي مآآهي آآحمد----------------------------
الايام عدت والشهور كمان 
والمنياوي كل يوم بيخسر صفقه ورا التانيه لحد اخر حاجه ما رهن الفيلا بتاعته 
فاروق: يعني اي يابابا احنا خسرنا كل حاجه انا خطيبتي خلاص سابتني لما عرفت اللي حصلنا 
المنياوي : معندناش حل تاني غير اننا نسيب البلد يافاروق قبل ما نعلن افلاسنا والديانه تقفلنا علي الباب وخصوصا الديانه انا سالف فلوس من طوب الارض ماسيبتش حد الا لما استلفت منه ولو حد منهم مسكنا مش هيسيبنا الا علي موتنا 
فاروق: ليه انت كنت بتستلف من مين 
المنياوي: من مافيا سلاح وكنت هردهم الضعف علي امل اخر صفقه تكون لينا بس المره دي خلاص لو مسكونا مش هيسيبونا 
المنياوي قرر انه يهرب ويسافر بره البلد هو وابنه وجه عشان ياخد نورسين معاه 
نورسين : انا مش مسافره 
المنياوي : انتي بتقولي ايه 
نورسين : بقولك اللي انت سمعته مش هسافر معاكم سافروا انتوا 
المنياوي: اسمعي يانورسين مافيش وقت للكلام ده احنا لازم نسيب البلد ونهرب لاي مكان النهارده قبل بكره مافيا السلاح لو مسكت حد فينا مش هيرحمونا 
نورسين : برضوا مش مسافره 
فاروق: سيبها هنا يابابا ان شالله يموتوها 
نورسين : ياريت علي الاقل ارتاح من عذاب الضمير اللي عملته زمان لما سمعت كلامكم وشاهدت ضد هشام زور 
فاروق: هشااام .. هشااااام .. هشااااام انتي اي مابتزهقيش 
نورسين : لا مش بزهق ولا هزهق في يوم وعمرى ما هنسي اللي عملته فيهم يافاروقى
---------------------------------
فاروق وابوه المنياوي سافروا ونورسين اجرت شقه وقعدت فيها 
وهشام اخيرا خرج من السجن 
هشام : ازيك يابويا عامل ايه 
عم حجازي: ( بفرحه )ابني حبيبي انا مش مصدق انك اخيرا طلعت من السجن ومعايا يابني 
هشام : وحشتني اوي يابويا 
عم حجازي: انت اكتر والله يابني .. انت اكتر
عم حجازي: بس ايه ده انت اتغيرت اوي يابني ايه العضلات دي وجسمك بقي كده ازاي 
هشام : ههه خمس سنين يابويا مكنتش بعمل اي حاجه غير اني بشيل حجاره واتمرن واتدرب مع نفسي لحد ما بقيت كده  
هشام : قولي ياعمر اي اخر الاخبار
عمر : ايه .. هااا .. بقولك ايه سيبك دلوقتي المهم
عمر : هااااا .. اي رايك بقي في الفيلا دي عامله زي القصر صح
هشام : اه جميله بس برضوا ماقولتليش 
عم حجازي: المنياوي هرب هو وابنه يابني 
هشام : انت بتقول اي يابويا 
عم حجازي: ماقدرناش نقولك وانت في السجن 
قولنا لما تطلع الاول 
هشام : ( بغيظ ) يعني اي الكلام ده ياعمر 
عمر : والله ياهشام ما كنت اعرف انهم هيهربوا معرفتش امسكهم بس نورسين ماهربتش معاهم نورسين هنا في البلد بس مافيا السلاح مسكنها لحد ما يمسكوا المنياوي 
هشام : يعني ايه 
عمر : يعني عاملين عليها مزاد واللي يدفع اكتر هاياخدها عشان تسدد فلوس ابوها لمافيا السلاح 
هشام : انا لازم احضر المزاد ده انت فاهم 😡😡
عمر : طبعا فاهم 
------------------------
يوم المزاد 
( هنبدأ المزاد العلني ) 
عشر الاف دولار - والله تستاهل ٥٠ الف دولار - 
هشام : مليون دولار 
للانضام لجروب الواتساب اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل 
صفحتنا على الفيسبوك من هنا 
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -