قراءة و تحميل كتاب حبيب نفساني pdf حاتم صبري

كتاب حبيب نفساني pdf هو كتاب باللغة العربية كتاب حبيب نفساني من تأليف الكاتب حاتم صبري و كتاب حبيب نفساني يندرج تحت فئة الكتب الارشادية خاصة للشباب والمراهقين صدر كتاب حبيب نفساني عن دار نشر تويا للنشر والتوزيع وصدر لأول مرة فى عام 2021 وعدد صفحات كتاب حبيب نفساني هو 325 وسعر شراء كتاب حبيب نفساني 65 ج.م ومن الجدير بالذكر ان كتاب حبيب نفساني حقق نجاحا كبيرا منذ صدوره

نبذة تعريفية عن كتاب حبيب نفساني

رغم إن الحب حاجة مهمة أوي، ورعم إن ناس كتير بحثت فيه لكن معلوماتنا المنطقية عنه محدودة جداً، وده لأن للأسف قضية الحب والعلاقات بتجذب أكتر الناس اللي بتحب تتعامل معاه كشيء غير منطقي مالوش قواعد ثابتة، وللأسف الشديد معظم الناس اللي بتتكلم عن الحب هي الناس اللي ما تعرفش للحب أصل نفسي ولا فصل عضوي، ده السبب الرئيسي اللي بيخلي ناس كتير بتعاني بسبب الحب والعلاقات، لأن ما حدش علمها تعرف تديره بصورة مثالية، أو تتعامل معاه بطريقة منطقية .

دكتور حاتم صبري في الكتاب عرض معني الحب من زمن اللفة، ونشأته، وتطوراته، ومراحله، واضطراباته، والعلاج!
كتير مننا ممكن يكون واقع في حب القمار وبيقامر كل يوم بمشاعر زيادة عشان يحتفظ باللي بيحبه!
كتير مننا ممكن يكون واقع في مرض الحب من غير ما يحس
كتير مننا ميعرفش يعني ايه حب حقيقي
كتير مننا ميعرفش مكونات ولا انواع الحب
كتير مننا ميعرفش اصلاً ليه لازم يحب
كتير مننا ميعرفش ايه أفضل توقيت للحب
كتير مننا ميعرفش اضطرابات الحب ولا أعراضها!
كتير مننا عمره ما كان يعرف يعني ايه علاقة مريحة..

استعراض محتويات كتاب حبيب نفساني ( 5 فصول )

الفصل الأول: الحب من زمن اللفة

- نشأة الحضن
- نشأة القبلات
- نشأة حب المؤخرة
- نشأة إحساس الأمان
- نشأة افهم لوحدك
- نشأة فكرة فتاة الأحلام
- نشأة الإختلاف في التعبير
- نشأة الحب الروحاني
- نشأة التعود

الفصل الثاني: الحب الأول (حب المراهقة)

- لماذا يقع المراهق في الحب؟
- ليه منجحناش في حبنا الأول؟
- إزاي نتعامل مع حب المراهقة؟
- العلاج

الفصل الثالث: الحب في زمن الكيميا

- الحب وهرمون السعادة Dopamine
- الحب وهرمون القلق Norepinephrine
- الحب وهرمون المزاج Serotonin
- الحب وهرمون الحب Oxytocin
- الحب وهرمون الذكورة Testosterone
- الحب وهرمون الأنوثة Estrogen

الفصل الرابع: حبيب نفساني

- يعني ايه حب حقيقي؟
- مكونات الحب
- أنواع الحب
- ليه لازم نحب؟
- الحب الي ينفع والي مينفعش!
- ايه أفضل توقيت للحب؟
- هل الحب في القلب ولا العقل؟
- مراحل الحب
- علشان نفضل حبايب
- الحب من أول نظرة
- حب الإنترنت
- ازاي أعرف الراجل الي بيحبني من الي بيتسلي؟
- ازاي تعرفي انه بيحبك ونيته خير؟
- هل الحب بيغير؟
- الخوف من الحب
- هل فيه حاجة أسمها صداقة بين ولد وبنت؟

الفصل الخامس: مرض الحب

- اضطراب الحب
- اضطراب القلق والحب
- اضطراب الوسواس القهري والحب
- الحب والهوس
- الحب والاكتئاب
- الحب والفصام
- أسباب وقوعنا في اضطراب الحب
- علاج الحب
- البداية
- علاقة مريحة

سيرة ذاتية عن حاتم صبري كاتب كتاب حبيب نفساني

حاصل على بكالوريوس الطب والجراحة . ماجستير الطب النفسي وأمراض المخ والأعصاب وعلاج الإدمان درس التحليل النفسي وقام بالتدريب عليها على أيدي عدة أساتذة في مجال التحليل النفسي بمصر رئيس مجلس إدارة والمدير الفني المستشفى الشمس للصحة النفسية وعلاج الإدمان

اقتباسات من كتاب حبيب نفساني

الإنسان الطبيعي حاجه من تلاته :
١- يا إما عايش في قصة حب
٢-يا إما بيدور علي قصة حب
٣-يا إما بيتعافي من قصة حب

" علمهم إن مش من الطبيعي إن طول الوقت يتوقع النتائج الإيجابيه لإن سُنة الحياة كده عرفهم إن أي علاقة نخشها فرص نجاحها ٥٠٪ وفرص فشلها ٥٠٪ فـ ماينفعش يراهنوا علي العلاقة بنسبة ١٠٠٪ "

" الإنسان اللي بيعاني من مرض الحب دايمًا بنلاقي عليه معظم الأعراض دي مش لازم كلها:

1) انشغال الشخص بالمحبوب معظم الوقت.. بمعنى إن أول حاجة بيعملها أول مايقوم هو إنه يفكر فيه أو يكلمه أو يشوف صفحته على وسائل التواصل الاجتماعي.

2) مش بيعرف ينشغل عنه بأشياء أخرى وقت طويل مهما كانت أهميتها؛ فـ تلاقيه وهو في المواصلات بيطمن... وهو في الشغل بيطمن... حتى وهو بيعمل أي شيء مهم بيكون متخيل حبيبه معاه وبيراقبه.

3) محاولات مستميته منه لمعرفة أشياء غير مهمة عن المحبوب سواء بطرق شرعية أو بطرق غير شرعية..تلاقيه بيسأل عن تفاصيل سابقة في حياته مالهاش قيمة، وبيحاول يتصل من نمر غريبة علشان يسمع صوته، وبيحاول يعرف معلومات أكتر من أصدقاء حبيبه، وبيحاول كمان يعمل أكاونتات مجهولة على وسائل التواصل الاجتماعي علشان يعرف عنه معلومةهيَّ في الأساس مالهاش قيمة!

4) معظم وقته ضايع في العلاقة دي.

سواء في مقابلته، أو الاتصال بيه، أو في إرسال رسايل ليه،أو متابعة أخباره على وسائل التواصل الاجتماعي،أو السؤال عنه، أو التفكير فيه.

5) لهفه شديده ناحية حبيبه لدرجة إنه ماعندوش مشكلة إنه يقابله كل يوم ويقضي معاه طول اليوم حتى لو ده هيأثر على باقي نواحي حياته بطريقة سلبية!

6) العزلة الكبيرة عن باقي الناس على غير العادة وعدم إحساسه بتواصل اجتماعي جيد مع أي شخص في الكون غير حبيبه.

7) إعطاء أهميه وقيمة كبيرة للمحبوب من الممكن توصل لدرجة تقديسه أو اضفاء صفات عليه غير مفترض إنها تكون موجودة في إنسان في الأساس.

رغم إن حبيبته ممكن تكون أصلًا شمال أو حبيبها يكون مدمن وماعندوش أي قدر من تحمل المسئولية

8) تفضيل المحبوب عن أي شيء أخر سواء (دينه.. مستقبله.. والده.. والدته أو حتى أولاده وفلوسه )

9) بيكمل في العلاقة مهما كانت بتأثر عليه بطريقة سلبية ومهما حاول الطرف التاني يصده أو يتهرب منه "

" افهم لوحدك.. ما إنت لو مهتم كنت عرفت.
وإحنا في سنة عمرنا الأولى ماكُناش بنعرف نتكلم ولا نقول حاجة وكانت احتياجاتنا كلها بتتحقق بطريقة واحدة وهيَّ إننا نقلب وشنا ونعيط.
لو جعان هعيط.. لو عايز أنام هعيط.. لو بطني وجعاني هعيط.. لو سناني بتطلع هعيط.. لو عايز اتشال هعيط..لو عايز أغير هعيط.
كل حاجة بتتعمل بنفس الحركة وكانت ماما اللي بتحبنا بتقدر تفهم إحنا عايزين إيه بالظبط وتعملهولنا لمجرد إننا قلبنا وشنا وعيطنا،وطبعًا اللاوعي بتاعنا برضه بيخزن الحالة دي، وهو إن اللي بيحبنا بجد هيفهم إحنا ليه متضايقين دلوقتي من غير مانقول.
فلما نكبر ونخش في علاقات بتلاقي الراجل المحترم يقول أنا عايز واحدة تفهمني من نظراتي.. والبنت العميقة تلاقيها تقول افهم لوحدك، ما هو لو إنت مهتم كنت عرفت "