رواية رد حق جهاد والضابط حسام الفصل 2 و 3 و 4 و 5 و 6 بقلم زينب مجدي

رواية رد حق الفصل الفصل جهاد والضابط حسام 2 و 3 و 4 و 5 و 6 هى رواية من كتابة زينب مجدي رواية رد حق جهاد والضابط حسام الفصل 2 و 3 و 4 و 5 و 6 صدر لاول مرة على موقع التواصل الاجتماعى فيسبوك رواية رد حق جهاد والضابط حسام الفصل 2 و 3 و 4 و 5 و 6 حقق تفاعل كبير على الفيسبوك لذلك سنعرض لكم رواية رد حق جهاد والضابط حسام الفصل 2 و 3 و 4 و 5 و 6

رواية رد حق جهاد والضابط حسام الفصل الفصل 2 و 3 و 4 و 5 و 6

الظابط.... بصدمه إنت بتتكلم بجد

المخبر....آه والله جوزها طر*دها من البيت وجر*جرها من شعرها لحد الشارع وكمان رم*لها هدومها في الشارع 

وكل الجيران هناك مش طايق*ينه وبيقولو إنه كان دايما يضر*بها وبيسمعو صوت صري*خها بس مكنش حد فيهم بيقدر يتدخل علشان لسانه صليط 

وقالو إنه طلقها من فتره وهي قالت هقعد أيام العده بتاعتي في البيت علي أمل إنه يرجعها طبعا لغايه ما حصل إللي حصل 

الظابط.....طيب فين أهلها 

المخبر ..... إللي عرفته إنها مش من البلد هنا هي كانت عايشه في القاهره وأبوها وأمها متوفين وكانت عايشه عند خالها لحد متجوزت ومن ساعتها مرجعتش  تاني 

الظابط..... دي حكايتها حكايه ربنا يقدرني وأقدر اساعدها

ظلت جهاد داخل السج*ن لمدة أسبوع 

كانت تعامل معاملة سيئة للغاية من المسا*جين ولكنها كانت تحمد الله انها مستوره داخل هذه الجدران 

حتي لو كانت معاملتهم سيئة فهي افضل بكثير من الشارع

وتمنت أن يرزقها الله بغرفه واحده فقط لا تريد سواها 

تحفظها من الشارع ومن هذا المكان الذي تخافه منذ أن دخلته

حتي طلبها هذا الظابط المحترم في مكتبه

وضعت جهاد يدها على قلبها خوفاً أن يخرجها الظابط أيضا خارج السج*ن 

الظابط..... اتفضلي يا جهاد

جهاد.... شكرا يا حضرة الظابط

الظابط..... أنا لقيتلك شغل كويس جداً ليكي 

في ست قعيده هبعتلك تروحي تشتغلي عندها هي معندناش غير إبن واحد وشغال في السويد  

وهي قاعدة لوحدها هتروحي تعيشي معاها هي محتجاكي وإنتي محتجاها  .هي عندها بنت بتشتغل خدامه وإنتي هتروحي كمرافقه ليها ومتخافيش هي ست محترمه 

جهاد..... والله أنا مش عارفه اشكرك ازاي.

 ربنا يسترك ما يفض*حك وينور طريقك ويبعد عنك كل شر 

وينولك كل إللي بتتمناه .ويفرح قلبك 

الظابط.... ههههه كل ده

 إنتي تستاهلي كل خير شكلك طيبه علي العموم الست دي جارتي عايزك تشرفيني قدامها 

جهاد.... والله هعمل كل إللي أقدر عليه 

خرجت جهاد مع الظابط ويكاد قلبها يخرج من مكانه من فرط فرحته 

وصلو أخيراً عند السيده نريمان ودخلو عليها 

نريمان..... حضرة الظابط حسام نورتني والله 

حسام.... بنورك والله يا طنط .

دي بقي جهاد إللي كلمتك عنها 

نريمان..... تعالي سلمي عليا يا جهاد مالك مكسوفه كده 

جهاد.... مش مكسوفه ولا حاجه أنا حتي مبسوطه جداً إني اتعرفت عليكي 

حسام..... اسيبكم أنا بقي وأروح أشوف شغلي وانتو اتعرفو على بعض براحتكم 

مع السلامه 

وأثناء خروجه من شقة السيدة نريمان نادت عليه زوجته 

زوجته..... يا حضرة الظابط سايب شغلك وقاعد هنا

حسام...... أنا كنت جايب جهاد إللي قولتلك عليها أعرفها بالحاجة نريمان علشان الشغل ما أنا قايلك 

زوجته..... قايلي إيه يا استاذ حسام قايلي إن سنها ميعديش ال25سنه 

قايلي إنها شكلها حلو كده .

قول إنك لما لقيتها حلوه وعجبتك جبتها قدامك في الشقه علشان تبقي قدام عنيك 

ومش بعيد تتجوزها ما إنت أمك هتموت وتجوزك علشان تخلف 

حسام بعصبية .... هبه متتجاوزيش حدودك معايا إيه الهبل إللي إنتي بتقوليه ده . وكمان بتعلي صوتك ماشي يا هبه

علي العموم أنا راجع شغلي وليا تصرف تاني معاكي لما أرجع 

أ

أغلق الباب خلفه بقوه وهي جلست وراء الباب تبكي 

..........      .............    ...............

في شقه الحاجة نريمان

نريمان..... أنا استريحتلك أوي يا جهاد 

جهاد.... وأنا والله يا حاجه القلوب عند بعضها

نريمان..... طيب قومي بقي اعملي حاجه ناكلها علشان إنتي شكلك هتفتحي نفسي على الأكل 

جهاد..... بس كده من عنيا 

نريمان..... بقولك ايه يا جهاد قعديني على الكرسي وخديني معاكي المطبخ نتكلم شويه وإنتي بتعملي الاكل 

جهاد..... يا خبر دا. أنا اشيلك فوق دماغي 

جلست جهاد في المطبخ هي والحاجه نريمان ظلو يتحدثون كثيراً عن حياتهم وعن مأساتهم 

حتي قامو بطهي الطعام واكلو وطلبت الحاجة نريمان من جهاد أن تدخل إلي غرفتها لترتاح قليلاً 

جهاد ...... حاضر أنا هدخلك اوضتك وانيمك على السرير وأدخل أنام 

نريمان .... لو تعرفي بحس نفسي تقيله إزاي على الناس وأنا بخليهم يقوموني ويقعدوني بس دي إرادة ربنا الحمد لله 

جهاد..... ليه كده بس يا حاجه اعتبريني بنتك 

لأ اعتبريني إيدك ورجلك 

أنا عايزاك تعتمدي عليا في كل حاجه 

نريمان..... ربنا يصلح حالك يا بنتي 

..........    ............      ...........

عند حسام كان قد انتهي من عمله وفي طريقه الي المنزل 

فكر في الكلام الذي قالته زوجته

وغضب في داخله ولكنه يعلم أن زوجته تحبه بجنون وتغار عليه من الهواء 

ويعلم أن موضوع الإنجاب هذا يؤثر في نفسيتها كثيراً 

فقام بشراء الشيكولاته التي تحبها زوجته واشتري لها ثلاث وردات لونهما أحمر فهي تحب الورد الأحمر وعاد إلى البيت 

وجد زوجته في السرير وعينها متورمه من كثرة البكاء وتمثل أنها نائمه 

حسام...... قومي يا هبه أنا عارف إنك صاحيه 

قامت هبه وعينها في الأرض وقالت..... أنا أسفه يا حسام على الكلام إللي أنا قولته 

حسام..... ولا يهمك أنا بس عايزك تعرفي إن عيني متقدرش تشوف واحده غيرك .

إنتي مسيطره علي كل تفكيري 

أنا إللي آسف يا ستي واتفضلي الشيكولاته دي والورد إللي بتحبيه 

قامت هبه بفرحه اخذت منه الشيكولاته وظلت تشم رائحة الورد المحببه لقلبها 

ولكنها عزمت في داخلها ألا تترك جهاد في هذه العمارة أمام أعين زوجها  

..............       ...........       

مر شهر ونصف كانت جهاد  والسيده نريمان توطدت العلاقه بينهما كثيرا واصبحا أكثر من أم وابنتها

 أما هبه وجهاد لا تخلو أيامهم من مضايقات هبه لجهاد

وذات يوم اثناء ما جهاد

  تمسح أمام الشقه

خرجت  هبه ....... يا نهارك  ابيض إنتي بترشيلي إيه قدام الشقه ... إنتي بتعمليلي سح*ر. قدام الشقه 

دا أنا هوديكي في داهيه

جهاد..... أنا والله ما عملت حاجه أنا بمسح قدام الشقه عادي 

قامت هبه برفع صوتها حتي تجمع سكان العمارة 

وقالت أن جهاد تقوم برش سح*ر لها 

وقامت بالاتصال علي زوجها 

هبه...... حسام إنتي لازم تيجي دلوقتي حالا 

حسام....في إيه يا هبه إنتي كويسه

هبه....لما تيجي هتعرف كل حاجه  بس تيجي دلوقتي حالا 

أغلقت الهاتف مع زوجها ونظرت إلى هبه 

أنا هوديكي في داهيه أنا تأذيني أنا 

جهاد.... ببكاء شديد . والله ماعملت حاجه 

هبه ...... اتفضلي أدخلي ولما ييجي حسام شوفي هيحصلك إيه 

قامت هبه برش المياه على جسمها وقالت والله العظيم ما فيها حاجه واحلف على المصحف إن مفهاش حاجه

بالله عليك متأذيني

عندما وجدت هبه جهاد تبكي هكذا رق قلبها  ولكنها دخلت بسرعه وأغلقت الباب خلفها وقالت لنفسها

لازم امشيكي من قدام حسام مينفعش تفضلي قدامه كده 

حتي لو هعمل ايه لازم أحافظ على جوزي .حتي لو هتروحي في الرجلين المهم أنا أعيش مرتاحه مع جوزي ولازم أعمل خطه علشان تمشي من هنا بلا رجعه .لازم اسبك الخطه كويس

بعد وقت قليل جداً حضر حسام وظل يضرب الجرس لم يرد أحد . حتي أخرج المفاتيح من جيبه 

ودخل ولكنه صدم عندما وجد هبه علي الأرض مغما عليها

حسام....هببببببببه

حسام بصدمه..... هبببببببه 

حاول حسام افاقة هبه .التي فاقت بصعوبه 

حسام.... مالك يا هبه

هبه .... مش عارفه مالي يا حسام حسيت إني دايخه 

ومره واحده وقعت في الأرض 

حسام.....طب إنتي حاسه بإيه دلوقتي 

هبه......حسه اني دايخه برضه

حسام...... يلي بينا علي أقرب مستشفى أكشف عليكي واطمن 

هبه..... ملوش لزوم دي دوخه بسيطه بقالها فتره بتجيلي  وبتروح تاني

حسام..... كمان بقالها فتره قومي يلي اجهزي هنروح نكشف دلوقتي 

أخذها حسام إلي اقرب طبيب لهم  وهم في الطريق

حسام..... إنتي بعتيلي اجيلك بسرعه ليه علشان كنتي دايخه ولا في حاجة تاني 

هبه.......بعيون زائغه 

 آه نسيت اقولك مش أنا مسكت البت جهاد  وهي بترش ليا حاجه قدام الشقه خايفه لتكون بترش ليا سح*ر 

أكيد عايزه تأذيني 

إنت لازم تتصرف معاها ولازم تدخلها السجن

حسام بصدمه في تفكير زوجته ..... إنتي يا هبه يا متعلمه 

ياللي كنتي معيده في الجامعة  بتقولي بترشلي سح*ر 

إنتي تفكيرك يوصل للدرجه دي 

وبعدين دي بنت غلبانه جدا .مش إنتي يا هبه إللي تظلمي حد 

إنتي واحده بتخاف من ربنا عمرك ما تيجي على حد غلبان 

هبه..... يعني أنا كدابه يا حسام 

حسام..... المشكله إنك مبتعرفيش تكدبي وباين عليكي جدا 

ودي واحده الدنيا جايه عليها بلاش تظلميها علشان ربنا ما ينتقمش منك في حاجة إنتي بتحبيها

..............    ...............      ................

عند الحاجة نريمان

كانت جهاد ترتجف من الخوف وتبكي .

بل لم تتوقف عن البكاء منذ ما حدث 

نريمان...... خلاص يا بنتي كفايه عياط هتموتي نفسك

جهاد.... والله يا حاجه معملتش حاجه . إنتي عارفه إني من ساعة ما دخلت بيتك مخرجتش منه ولا مره

نريمان...... أنا مصدقاك يا بنتي بس مفيش بإيدي حاجه أعملها 

جهاد..... دا جوزها ظابط هيوديني في دا*هيه 

نريمان.... حسام عاقل وبيفكر قبل ما يعمل حاجه متخافيش مش هيأذيكي

جهاد..... أكيد مش هيكدب مراته علشان خاطري

أنا خايفه إنو يرجعني السجن تاني.دا كان أصعب اسبوع مر عليا في حياتي إللي قضيته في السجن 

...... ............    .............     ..........

عند حسام وهبه 

الدكتوره... الاعراض دي عندك من امتي

هبه.....بقالها اسبوع 

الدكتوره.....اتفضلي أكشف عليكي 

بينما كانت الطبيبة تفحص هبه قال لها حسام 

حسام......خير يا دكتوره طمنيني

الدكتوره..... ألف مبروك المدام حامل

هبه وحسام بصدمه وفرحه

إنتي بتتكلمي بجد يا دكتوره 

الدكتوره.... آه والله . دا إنتي حامل في شهر ونص ده كمان في قدامي على السونار كسين يعني حامل في توأم 

خر حسام علي الأرض ساجداً وبكي وظل يردد الحمد لله الحمد لله 

بعدما اكملت الطبيبة فحص هبه جلست 

الدكتوره..... بصو بقي يا جماعه ربنا يتم فرحتكم على خير 

بس أنا عايزة أقولكم إن الحمل مش ثابت أنا هكتبلك على علاج للتثبيت وياريت يكون مفيش حركه خالص وتنامي علي ضهرك  وهكتبلك علي المشروبات إللي ممنوعه إنها تتشرب وكمان في أكل ممنوع 

اكملت الطبيبة كلامها ومعهم وخرجت هبه وهي لا تنطق بشئ

حسام بفرحه شديدة..... ألف مليون مبروك يا أحلي هبه في الدنيا 

هبه..... الله يبارك فيك يا حسام 

وضعت هبه يديها تحتضن بطنها وقالت

أنا خايفه أوي يا حسام 

حسام.... خايفه من إيه 

هبه ..... خايفه إن ربنا يعاقبني في عيالي  أنا افتريت على جهاد هي مكانتش بترش ليا حاجه 

وأنا لميت عليها العمارة كلها وقولتلهم إنها بترشلي قدام الشقه والناس كلها صدقتني 

. والدكتوره بتقول إن الحمل مش ثابت 

خايفه ربنا يعاقبني والحمل ينزل علشان أنا افتريت عليها 

حسام...... إنتي مش ملاحظه حاجه

إنتي حامل في شهر ونص 

وجهاد جت البيت من شهر ونص

 يعني ممكن يكون الحمل ده حصل بسبب دعواتها إللي دعتهالي 

........        .....................     ..........

عند جهاد كانت ما زالت تبكي حتي رن جرس الباب

وعلمت أن حسام هو الذي بالباب 

شحب لونها وجف حلقها وازدادت سيول دمعات عينها وهي تفتح الباب 

لتتفاجئ بهبه التي تجري عليها ترتمي في حضنها وتقبل رأسها وتطلب منها السماح 

جهاد بخضه....وعدم تصديق.... إيه إللي حصل

هبه.... أنا ظلمتك يا جهاد سامحيني بالله عليك تسامحيني 

جهاد.....  أنا أكيد مسمحاكي .المهم إنتو متأذنيش

نظر حسام إلي هبه بعتاب وقال 

برإيها قدام الناس إللي اتهمتيها قدامهم 

نظرت هبه لجهاد وقالت .... أنا هعمل أي حاجة المهم جهاد تسامحني

جهاد..... انا مسمحاكي والله من غير أي حاجة 

حسام لأ لازم تبرأك قدام كل الناس 

كان حسام قد أشتري شيكولاته ليوزعها على الجيران بسبب هذا الخبر السعيد 

لف هو وهبه علي كل شقق العمارة ليعطيهم الشيكولاته وتخبرهم هبه أن ما حدث في الصباح كان مجرد سوء فهم من هبه وأن جهاد بريئه لم تفعل شئ 

................        .....................    .......

عدي ثلاثة أشهر علي ما حدث 

وكانت جهاد يومياً تذهب إلى هبه تساعدها في شغل المنزل 

وتذهب قبل أن يأتي حسام من عمله 

وذات يوم كانت جهاد ونريمان يجلسون ويتسامرون ورن جرس الباب 

لتجد الحاجة نريمان ابنها سامر الذي سافر منذ سبع سنين أمامها 

جري عليها ولدها يقبل يدها ووجها وهو يبكي بسبب فرحته بلقاء امه وهي تبكي بسبب فرحتها بعودته 

نظرت إليهم هبه بتأثر وتمنت أن يكون لها ولد 

وتمنت أن يكون لها اسره 

لتفيق من سرحانها علي صوت الحاجة نريمان

جهاد عايزاك تعملي أحلي أكل في الدنيا لسامر إبني

جهاد....من عنيا يا حاجه أحلي أكل في الدنيا 

جهزت جهاد الطعام وهي فرحه بفرحة الحاجة نريمان 

وجلست الحاجة نريمان تأكل هي وولدها

نريمان..... نورت بيتك يا ابني .ويارب تكون هتنوره على طول

سامر ..... لأ ياست الكل أنا اتعودت علي العيشه في السويد وجاي علشان اخدك تعيشي معايا هناك 

نريمان..... وأنا هقدر اسيب بلدي يا إبني 

سامر..... يا ست الكل أنا مش عارف أعيش وإنتي بعيده عني وكمان مش هعرف اسيب هناك أنا بقي ليا مركز كويس جدا هناك ودا مستقبلي يا أمي 

نريمان..... إللي يريحك يا إبني المهم إننا شملنا هيتلم تاني 

كانت جهاد في المطبخ تسمع ما يقولون وتبكي 

فقد علمت أنها ستعود للشارع مرة أخرى عندما تسافر الحاجه نريمان

إيه رأيك يا سامر يا إبني لو اخدنا جهاد معانا .هي إللي بتقومني وتقعدني ومريحاني يا ابني

سامر.... هناخدها فين بس يا ماما هو إحنا طالعين رحله وراجعين آخر اليوم 

دا سفر واستقرار بلا رجعه 

وبعدين أنا هشيلك جوه عنيا متقلقيش وساره مراتي كمان هتشيلك جوه عنيها

..عندما وصلو في الكلام إلي هذه النقطة تأكدت جهاد أن الشارع ينتظرها 

وفي اليوم التالي بينما كانت جهاد تساعد هبه في شغل المنزل قالت هبه

..مالك يا جهاد انهارده 

جهاد.... الحمد لله كله تمام 

هبه.... يا بنتي باين علي وشك الحزن قوليلي مالك يمكن اقدر أساعدك

حكت جهاد بدموعها ما حدث وأنها سوف تعود للشارع من جديد 

هبه .... طيب متقلقيش أنا هكلم بابا يشوفلك شغل 

جهاد....وحتي لو لقيت شغل هبات فين 

هبه..... قولتلك متقلقيش أنا هتصرف 

دخلت الطمأنينة قليلا الي قلب جهاد بعد حديثها مع هبه 

ودعت الله أن ييسر لها الحال 

...........      ...........      ............ 

وفي المساء عاد حسام من عمله وكان يجلس مع هبه ويحدثها

حسام..... مش سامر بيقولي إنه هياخد الحاجه نريمان ويسافرو يستقرو في السويد 

هبه..... آه عرفت جهاد قالتلي

حسام.... طيب كده جهاد هتروح فين 

دي ملهاش مكان تروحه 

شعرت هبه بالغيرة الشديدة عندما تحدث حسام عن جهاد

فهي منذ البداية قررت أن تطلب من والدها أن يساعد جهاد حتي لا يتدخل حسام بالموضوع 

هبه بضيق واضح علي ملامحها .... أنا كلمت بابا يشوفلها شغل 

حسام..... مالك يا هبه إنتي كويسه

هبه.... آه الحمد لله 

حسام.... طيب والدك شافلها شغل ولا أشوف أنا 

هبه ......حسام ممكن تطلع نفسك إنت من الموضوع ده 

أنا قولتلك إني قولت لبابا يشوفلها 

حسام.... مالك يا هبه بتكلميني كده ليه 

هبه..... معلهش يا حسام الحمل مخلي خلقي ديق 

حسام..... طيب إيه رأيك لو اجبها تساعدك هنا في شغل البيت لحد ما تولدي  وكمان إنتي هتولدي توأم يعني هتكوني محتاجه حد معاكي يراعيهم

هبه.... بإنفعال

لأ أنا بعرف أعمل شغل البيت لوحدي وكمان والدي خلاص شفلها شغل 

حسام.... شفلها شغل فين 

هبه..... ممكن بقي نغير سيرتها ونتكلم في حاجة تانيه 

غير حسام الموضوع فهو يعلم غيرة زوجته الشديدة عليه 

التي سببت له المشاكل الكثيرة فيما مضى .وهي الآن تحاول قدر الإمكان أن تتحكم بها

وفي صباح اليوم التالي 

رنت هبه علي والدها وقالت له 

إيه يا بابا عملت ايه في الشغل إللي قولتلك عليه

والدها.... لقيتلها شغل هنا جمب.....

هبه..... ممكن يا بابا تشوفلها شغل بعيد عن هنا خالص 

والدها..... بعيد إزاي يعني 

هبه.... في مكان بعيد يا بابا حسام ميعرفش يشوفها فيه

والدها..... إنتي لسه يا بنتي موضوع الغيره ده 

يا بنتي جوزك محترم ما تضيعهوش من إيدك بغيرتك العميا دي 

هبه..... هو أنا عملت حاجه يا بابا.

 بالله عليك سيبني أحافظ على بيتي بالطريقة إللي تريحني وشوفلها شغل بعيد عن هنا ويكون ليه سكن 

والدها..... ماشي يا بنتي إللي يريحك هشوف كده وأرد عليكي 

انتظرت هبه علي آحر من الجمر مكالمه والدها الذي حن عليها أخيراً ورن 

هبه .... أيوه يا بابا اتأخرت ليه كده 

والدها.... أنا لحقت يا بنتي . المهم شوفي كده لو هتوافق على شغل في مزرعه في المنصوره تشيل محاصيل زراعية 

مع البنات بمرتب 2500وفي سكن في المزرعه 

هبه.... هتوافق يا بابا مش تحمد ربنا أصلا إننا شوفنالها شغل

والدها.... ليه كده يا بنتي تتكلمي على الناس كده 

إحنا مش بنعمل فيها معروف

دا واجب علينا إننا نساعدها . ربنا أمرنا بكده.

ربنا خلقنا طبقات علشان نكمل بعضنا  ونساعد بعضنا 

هبه.... أنا أسفه يا بابا هروح أقولها 

زفت هبه البشري لجهاد التي سجدت شكرا لله 

علي عنايته بها دائما وتمنت أن يجعلها سفريه خير لها 

وفي اليوم التالي ودعت جهاد الحاجة نريمان وهبه بالدموع 

وذهبت مع والد هبه في عربيته حيث المنصوره 

تعرفت هبه علي صاحب المزرعه فهو صديق والد هبه  وتعرفت علي عملها وعلي زملائها وعلي السكن 

وفي المساء حيث يجلس البنات 

احدي البنات وتدعي اميره 

قوليلي بقي يا جهاد إنتي متجوزه 

جهاد.....لأ مطلقه 

وقالت بنت أخري تدعي زينب

أحسن يعني إللي متجوزين عملو إيه 

ضحكو ثلاثيهم وظلو يتحدثون فتره كبيره فجهاد قد آلفتهم كثيراً وهم فرحو بها 

وثاني يوم في العمل كانت جهاد تعمل بجد واجتهاد ملحوظ 

حتي قالت لها أميره

براحه على نفسك يا أختي لسه معاكي النهار كله شغل متخلصيش طاقتك في بداية النهار 

جهاد.... أنا والله فرحتي بالشغل هي إللي بتحركني

اميره..... فرحانه بالهم إللي إحنا فيه ده دي لا شغله عدله ولا نومه عدله 

عند هذا الحديث تذكرت جهاد وهي كانت تتمني فقط غرفة تحميها من الشارع فردد لسانها 

الحمد لله 

وفاقت من ذكرياتها على صوت المهندس أيمن الذي قال

الاتنين إللي واقفين بتكلمو وسايبين الشغل كل واحدة تشوف شغلها 

جرت اميره بسرعه فهي تعرف المهندس أيمن وتعرف صرامته في العمره 

اقترب المهندس من جهاد وقال لها 

إنتي أول يوم تشتغلي هنا 

جهاد... بخوف داخلي .... أيوه

المهندس.... طيب أنا شايفك من الصبح بتشتغلي كويسه بلاش كلام وكملي شغل 

قالت جهاد حاضر وجرت من أمامه بسرعه 

كان وقت استراحه الغداء فقالت اميره لجهاد 

إنتي إيه إللي موقفك مع الباشمنهدس أيمن 

جهاد.... هو إللي كان بيكلمني علشان كنا واقفين بنتكلم أنا وإنتي 

اميره.... طيب مش عايزاكي تقفي تتكلمي معاه خالص 

لأي سبب

جهاد....... ليه 

اميره.... علشان المهندس ده سمعته مش كويسه وكل البنات إللي هنا عارفين كده كويس 

وربنا يستر بقي طالما وقفك كده واتكلم معاكي يبقي حطك في دماغه ومش هيسيبك في حالك ابدا

اميره..... طالما وقف اتكلم معاكي يبقي حطك في دماغه 

جهاد.... أنا عايزة أعيش في حالي ومن انهارده مليش دعوه بيه . أنا ناقصه مشاكل في حياتي 

اميره.... أيوه كده ملكيش دعوه بيه 

بعدما انتهو من استراحه الغداء عاد كل إلي عمله 

وعادت جهاد إلي عملها تعمل بجد واجتهاد من جديد

فهي أحبت عملها بشده وشعرت أن هذا المكان هو المناسب لها 

وعندما انتهت من عملها عادت إلى السكن وتكلمت مع زينب

جهاد..  أنا كنت عايزه أشتري تليفون يا زينب وأنا مش عارفه محلات هنا 

زينب..... قولي لباشمهندس أيمن وهو يجبلك إللي إنتي عايزاه

جهاد..... إيه باشمهندس أيمن لأ طبعاً أنا مستحيل أتكلم معاه 

زينب..... ليه يا بنتي ده شخصية محترمة جدا ومفيش حد طلب منه طلب غير لما نفذه وبالذات إحنا المغتربين ومش من هنا دايما يخدمنا 

جهاد.... أنا سمعت عنه كلام مش كويس خالص

زينب.... إيه ده مستحيل حد يتكلم عليه وحش كل المزرعه هنا بتحبه .واوعي تقولي قدام اميره إن حد اتكلم عليه وحش لأحسن اميره هتموت عليه ممكن تروح تجيب إللي اتكلمت من شعرها 

وهنا دخلت اميره وهم يتحدثون 

اميره.... جايبين سيرة اميره في إيه

زينب.... الحقي يا اميره بتقول حد قالها كلام وحش علي باش مهندس أيمن 

بهتت اميره وقالت 

إنت إنتو جايبين سيرة الباش مهندس ليه يعني 

زينب..... جهاد عايزه تشتري تليفون وأنا قولتلها تقول للباش مهندس 

اميره..... تليفون إيه إللي إنتي عايزه تشتريه يا جهاد 

وبعدين إنتي معاكي فلوس اصلا منين 

جهاد..... آه معايا 15الف جنيه اشتغلت عند الحاجة نريمان أربع شهور كل شهر على 3الاف جنيه 

وهي ادتني كمان 3الاف جنيه وأنا ماشيه الله يمسيها بالخير بقي كانت فيها حنية الدنيا كلها 

اميره...... ماشي أنا هجبلك التليفون إللي عايزاه بس يوم الجمعه بتاع الاجازه

جهاد.... شكرا يا اميره 

خلدو جميعاً للنوم لكن جهاد ظلت تفكر في كلام زينب عن المهندس أيمن يا تري مين فيهم علي حق ولو هو كويس ليه اميره قالت عنه إنه شخص مش كويس 

ممكن علشان زي زينب ماقالت إنها معجبه بيه 

وعندما تعبت من التفكير نامت 

..........    .......

واستيقظت زينب علي صوت المنبه وايقظت جهاد التي نامت لتوها منذ قليل 

قومي يا جهاد صلي يا حبيبتي 

جهاد..... هو الفجر أذن

زينب..... لأ لسه فاضل نص ساعة علي ما نتوضي ونصلي القيام  يأذن 

جهاد...... طيب سبيني أنام شويه وصحيني علي معاد الشغل

زينب..... قومي يا جهاد متكسليش متخليش الشيطان يضحك عليكي . أنا لو قعدت احكيلك  من هنا لبكره عن معجزات قيام الليل مش هتصدقي حاجه كده متتوصفش 

ادعي بكل إللي نفسك فيه 

واستني بيقين إن ربنا يعملك إللي إنتي عايزاه 

جهاد.... طيب إنتي حصلت معاك معجزات قبل كده 

زينب .... بصي أنا حصلت معايا معجزات متتخيلهاش 

جهاد. . طيب احكيلي عليها 

زينب..... طيب لما نصلي الأول علشان الفجر قرب يأذن 

جهاد...... مش هتصحي اميره طيب

زينب....صحيتها كتير جدا قبل كده وهي طلبت مني إني مصحهاش تاني 

قامو بصلاة قيام الليل ودعت كل واحدة منهم بالدعوات التي تتمناها ودعت جهاد أن يرزقها بالأسرة السعيده التي تمنت طوال عمرها بها وعندما اذن الفجر قالت جهاد 

يلي نصلي بقي الفجر أذن 

زينب..... أنا سمعت من اكتر من شيخ إن  الفجر عندنا هنا في مصر  بيأذن قبل ميعاده بحوالي ربع ساعة والصيف تقريباً تلت ساعة . فأنا بستني تلت ساعة وبعدين أصلي الفجر علشان أبقي في الأمان 

جهاد..... إنتي متأكدة من الكلام ده 

زينب..... والله أنا سمعت الكلام ده من اكتر من شيخ وكلهم شيوخ ثقه يعني 

انتظرو حتي أقام المؤذن الصلاة في المسجد واطمئنو إنه عدي تلت ساعة وقامو بالصلاة  وبعدما انتهوا قرأو الاذكار ونامت جهاد مره أخري ولكن زينب قامت بقراءة وردها حتي اتي ميعاد العمل 

ايقظت جهاد واميره وذهبوا إلي العمل 

وأثناء وهم منهكون في عملهم سمعو صوت جلبه كبيرة جداً 

فجرو سريعاً في اتجاه الجلبه ليرو أحد العمال مرمي على الأرض وحوله بركه من الدم*اء  فقد خبطته العربية التي تحمل المحصول من المزرعه بالخطأ وقال أحد الرجال 

حد ينادي الباش مهندس ايمن بسرعه 

جاء أيمن سريعاً عندما علم بما حدث وحمل الرجل هو وبعض الرجال وجري به إلي أقرب مستشفى 

وتبرع للرجل بدمه فقد نزف كثيرا من دمائه 

........   ...   ......   

عند جهاد 

أحد العاملين وهي من المنصوره 

إللي اتخبط ده الواد سيد إبن عم حمدي أبوه وأمه غلبانين أوي أوي ومحلتهمش غيره 

وأبوه رجل اعمي وأمه ست على قد حالها خالص 

ربنا يصبرهم بقي

أنا يا بنات بعد الشغل هروح لأمه أطيب خاطرها بكلمتين 

إللي عايزه تروح معايا تقول 

قالت زينب...... أنا هاجي معاكي تيجي يا جهاد

جهاد قالت ماشي اروح بس ربنا يسترها عليه ويقومه بالسلامه  

قالت زينب ..... تيجي معانا يا اميره 

اميره قالت لأ أنا قلبي ضعيف مستحملش اشوف حد بيتألم قدامي 

............     

انتهي وقت العمل وذهب مجموعة من الفتيات عددهم 8الي بيت والدة سيد 

وهم يدقون الباب خرج الباش مهندس أيمن فتح لهم الباب وادخلهم وانتظر في الخارج 

دخلو الفتيات وكانو قد جمعو مع بعض مبلغ بسيط ليعطوه لوالدة سيد 

فقالت لهم..... والله يا بنات معايا الفلوس أنا هاخد شقاكم 

ده المهندس أيمن لسه جايب لينا أكل أنا والحاج واداني فلوس كمان 

الله يباركله ويرزقه ببنت الحلال إللي تريح قلبه وينجحه دايما في عمله 

وكمان جاب لسيد إبني العلاج ودفع مصاريف المستشفى 

وجاب سيد لحد هنا 

يارب ريح قلبه ووفقه في حياته وانصره على من يعاديه 

انتهت زياره البنات وعندما خرجو وجدو المهندس أيمن في انتظارهم 

أحد الفتيات ...... باش مهندس إنت قاعد ليه هنا 

أيمن..... الوقت متأخر وقولت مش هينفع تروحو للمزرعه وحدكم كده لازم اوصلكم 

قام بتوصيلهم إلي المزرعه وأعجبت جهاد كثيراً بتصرفاته

التي تتسم بالجدعنه . وعندما وصلو إلي غرفتهم 

فقالت جهاد لزينب .... هو الباش مهندس ده دايما تصرفاته جدعه كده

بصي..... أنا بقالي 5سنين شغاله في المزرعه ومشفتش ليه موقف واحد وحش 

رغم إن أهله ناس على قد حالهم جدا ومستواهم المادي بسيط إلا إنه كريم جدا جدا .ودايما بيساعد الناس 

.......   ..........    

مر يومين حتي جاء يوم الخميس لتوقظ اميره جهاد علي خبر سعيد بالنسبة لكل المزرعه 

اميره.... قومي يا جهاد 

زينب..... في حاجة ولا ايه بتصحيها دلوقتي ليه 

اميره..... عايزه أقولكم على خبر حلو 

قالت جهاد إيه هو 

اميره..... الباش مهندس أيمن خطب والمزرعه كلها فرحانه ليه وهو كمان فرحان أوي أصله قرأ  الفاتحة امبارح علي بنت بيحبها من زمان أوي

قالت زينب بفرحه ... ربنا يتمله على خير 

وقالت جهاد بفرحه ظاهريه وحزن داخلي

ربنا يتممله بخير ويجعلها زوجه صالحه له 

وذهبو جميعاً إلي عملهم وأصبح حديث المزرعه خطبة المهندس أيمن وفرحتهم به 

...... وعدي اليوم سريعاً وأصبح يوم الجمعة وقالت جهاد لأميره 

يلي علشان تشتريلي التليفون انهارده عايزه اطمن علي الحاجة نريمان . وكمان اطمن علي هبه واشوفها عامله ايه في الحمل

أميره ..... هو إنتي معاك ارقامهم 

جهاد.... أيوه كتبوهالي قبل ما أسافر في ورقة 

اميره..... طيب هاتي الفلوس 

ذهبت جهاد حتي تحضر الفلوس من خزانة ملابسها ولكنها لم تجدها

جهاد......بصريخ الحقوني أنا مش لاقيه الفلوس

قامت زينب واميره بسرعه يبحثون معها على النقود 

وفتشو كل شيئ لكنهم لم يجدوها 

جهاد...بصريخ يا لهوي أنا اتسرقت

تجمع من في السكن علي صوت جهاد 

وقالت جهاد أنها سرقت

وعندما لم يجدوا النقود اوصلو الأمر إلي صاحب المزرعة 

وصاحب المزرعه وكل المهندس أيمن بالأمر 

فذهب المهندس أيمن للسكن وقام بتفتيش الغرفة 

جهاد..... إحنا دورنا كويس وملقناش حاجه

أيمن.... ممكن علشان إنتو متوترين مشفتهومش 

إحنا هندور تاني هنخسر ايه 

قامو بالتفتيش في ملابس جهاد واميره ولكنهم لم يجدوا شئ.

وعندما وصلو إلي ملابس زينب وقفو مصدومين

لأنهم وجدوا النقود داخل ملابسها

زينب.... إيه ده إيه ده

أيمن..... للأسف يا آنسه زينب إنتي هيتحقق معاكي

ولو طلع فعلاً إنتي إللي عملتيها هتطردي من المزرعه

أولا

ثانياً .لو الانسه جهاد طالبت بحقها هنضطر نبلغ البوليس 

زينب.... اقسم بالله معرف عن الفلوس دي حاجه

والله العظيم يا جهاد أنا مدتش ايدي على فلوسك

جهاد.... أنا مصدقاك

.يا باشمهندس استحاله زينب تعمل كده 

أنا متأكدة

أيمن..... للأسف الفلوس لقيناها في هدومها 

وأقل عقاب ليها أنها تطرد من المزرعه 

زينب..... أنا بقالي 5سنين في المزرعه عمر ما حد اشتكي مني . إنت يا باشمهندس عمرك شوفت مني حاجه وحشه

أيمن.... الشهاده لله لأ 

بس للأسف لقينا الفلوس عندك 

جهاد.... يا نهار ابيض افتكرت

أنا إللي حطيت الفلوس هنا  لما جيت السكن جديد كان الدولاب متقسم علي زينب واميره وأنا كنت خايفه علي الفلوس فحطتها تحت هدوم زينب ورصيت أنا هدومي علي جمب صغير وضيق كان فاضي .كان ممكن الفلوس تقع منه 

ولما هما وسعولي مكان لهدومي 

أنا قولت اسيب الفلوس هنا أمان على جمب بعيد 

وبعدين أنا كنت عايزه أجيب تليفون فطلعتهم 

ولما اميره قالتلي خليكي ليوم الجمعه رجعتهم مكانهم 

فأنا نسيت وبحسب إني حطيتهم في هدومي 

أنا بجد أسفه يا زينب علي الموقف إللي حطيتك فيه أنا بجد أسفه 

أنا أسفه يا باشمهندس على الدوشه إللي أنا عملتها 

كانت زينب تبكي تقدمت إليها جهاد 

وبكت هي أيضا وقالت

والله أنا أسفه يازينب أنا غلطانه واللي إنتي شايفاه اعمليه معايا والله أنا أسفه 

زينب ببكاء..... حصل خير المهم إن ربنا ظهر برائتي 

والمهم إنك لقيتي فلوسك 

باست جهاد رأسها وقالت 

إنتي عارفه إني أنا غبيه والمشاكل إللي أنا فيها مش مخلياني مركزه خالص  .المهم تسامحيني 

والتفتت للمهندس وقالت 

أنا أسفه يا باشمهندس على إللي أنا عملته والمشكلة إللي أنا عملتها بسبب تسرعي وغبائي 

المهندس..... حصل خير . أنا آسف يا آنسه زينب إنتي شايفه إللي حصل ولو قولت كلام زعلك أنا آسف 

زينب..... حصل خير يا باشمهندس إنت ذنبك إيه إحنا إللي بوظنا فرحتك بخطوبتك ونسينا نباركلك ألف مبروك 

أيمن..... في إيه يا جماعه من امبارح وكل إللي شغالين في المزرعه بيباركولي 

أنا مخطبتش والله وأيدي اهه مفيهاش دبله ولا حاجه 

مين إللي قالكم إني أنا خطبت 

بهتت اميره وقالت بسرعه قبل أن يرد أحد

إحنا صحينا من النوم امبارح لقينا المزرعه كلها بتتكلم 

أيمن.... طيب يا جماعه أنا مخطبتش لما أخطب أكيد أنا هقولكم بنفسي إنتو اكتر من أهل بالنسبة لي 

استأذن أنا بقي وانتوا يلو علي شغلكم 

اميره...... حاضر يا باشمهندس 

زينب..... شغل إيه يا باشمهندس انهارده الجمعه  إيه يا اميره نسيتي ولا ايه 

ذهبت اميره إلي بيت أهلها فهي تذهب إليهم يوم الجمعة وتأتي السبت ظهراً 

ولم تذهب زينب إلي زياره إلي أهلها في هذا الأسبوع وجلست مع جهاد .فضلت أن تخرج جهاد من أحزانها وتريها جمال المنصوره 

خرجت زينب وجهاد وصلو إلي وجهتهم 

ووجدو هناك المهندس أيمن وعائلته معه يتنزهون أيضا 

سلمو عليه وعلى عائلته واقسمت عليهم والدة أيمن أن يتناولو وجبة الغداء معهم 

قضو معهم وقتا جميلا جدا بالنسبة لجهاد فهي تفتقد إلي جو العائلة 

وفتحت جهاد قلبها إلي والدة أيمن فهي كانت تتمني حضن اموي ترتمي في داخله وتبكي 

وقد وفرت لها والدة أيمن ذلك وتعاطفت معها كثيراً 

وكان معهم طفله جميله احبتها جهاد منذ الوهله الأولي 

ولعبت معها كثيراً هي وزينب

اتي إليهم أيمن وقال 

اوعي تكون ملك تعبتكم أنا عارفها شقيه 

قالت زينب بالعكس دي عسوله خالص 

فجاء أخو أيمن من خلفه وقال بمرح

كل إللي يشوفها أول مره بيقول كده بس إللي بيقعد معاها كتير عارف انها مش كده خالص

ضحكو جميعاً وقالت جهاد

لأ دي ملك دي عسوله خالص ودمها زي العسل 

أنا حبيتها أوي

قالت ملك .... وأنا كمان حبيتك أوي جيهاد

جهاد.... أسمي طالع من بوقك زي العسل 

والدة أيمن.... حيث كده بقي إحنا كل جمعه نتجمع هنا 

زينب.... ياريت والله بس يوم الجمعه أنا بروح لبابا وماما 

ومش هعرف اجي تاني أنا جيت بس انهارده كده مع جهاد

جهاد.... وأنا مش هينفع اجي لوحدي

قال أيمن .... طيب يلو يا بنات اوصلكم 

جهاد..... لأ شكرا يا باشمهندس إحنا هنروح وحدنا

اخو أيمن.... لأ طبعاً مينفعش تمشو لوحدكم الوقت متأخر 

أوصل أيمن وأخيه جهاد وزينب إلي السكن 

وكان جهاد وزينب سعيدين للغاية بهذا اليوم الجميل 

ونامو وهم فرحين 

.وفي الصباح الباكر استيقظت جهاد علي صوت زغروطه 

وكانت هذه الزغروطه من أميره

جهاد.... اميره إيه إللي جابك بدري كده وكمان بتزغرطي على الصبح ليه

زينب بإبتسامه.... قومي باركي لأميره اتخطبت 

جهاد بفرحه.... ألف مبروك اتخطبتي لمين

اميره بفرحه واضحة على ملامحها

احمد إبن عمي 

زينب..... مش إنتي قولتيلي إنه خطب وكنتي ساعتها زعلانه اوي

اميره...... ماهو الحمد لله فشكل وجه اتقدملي وأنا فرحانه اوي 

زينب..... ألف مليون مبروك . طيب والباشمهندش

اميره..... لأ باشمهندس إيه بقي دا أنا كنت بحاول اقنع نفسي إني ممكن أحب بعد احمد .بس الحمد لله الحمد لله 

أنا هتخطب لأحمد أنا مش مصدقه نفسي 

جهاد...... يارب يتمملك فرحتك على خير يارب 

اميره.... اللهم امين...المهم أنا جايه اخد حاجتي واسلم عليكم احمد مش موافق إني أشتغل 

وفرحي كمان 3شهور  هاجي اعزمكم قبلها طبعاً علشان تقفو معايا أنا مليش أخوات غيركم 

تحدثو كثيراً وأخذت أميره اشيائها وذهبت وودعوها بالدموع 

....بقيت زينب وجهاد بمفردهم بعدما تركتهم اميره. 

تقربت زينب من جهاد بدرجة كبيرة جداً 

واصبحو أكثر من أخوات 

واحبت جهاد المزرعه كثيراً جداً فقد وجدت فيها  الراحة النفسية والدفئ الذي تفتقده 

والاخوه آلتي حرمت منها 

والأهل وجميع من في المزرعه أحبها كثيرا 

وذات يوم وجهاد وزينب عائدون من عملهم إلي السكن اوقفهم الباشمهندس أيمن وقال

لو سمحتي يا آنسه زينب ممكن كلمه 

زينب.... اتفضل 

ابتعدت جهاد عنهم قليلاً لكنها تسمع ما يقولون 

أيمن..... ممكن لو سمحتي رقم والدك

زينب..... والدي أنا ليه

أيمن.... كنت عايز أشرب معاه الشاي 

زينب...... مش فاهمه

أيمن..... عايز أطلب إيدك منه كده فهمتي 

انضم لجروب التليجرام ( هينزل فيه الرواية كاملة ) اضغط هنا

للانضام لجروب الواتساب اضغط هنا

تابعى صفحتنا على الفيسبوك عشان تبقى اول واحدة تقرأ البارت اول ما ينزل 

صفحتنا على الفيسبوك من هنا

تعديل المقال