رواية طفلة الفهد ( زينة الفهد ) الفصل السابع والثلاثون 37 بقلم دعاء حجاج
رواية طفلة الفهد ( زينة الفهد ) الفصل السابع والثلاثون 37 هى رواية من كتابة دعاء حجاج رواية طفلة الفهد ( زينة الفهد ) الفصل السابع والثلاثون 37 صدر لاول مرة على موقع التواصل الاجتماعى فيسبوك رواية طفلة الفهد ( زينة الفهد ) الفصل السابع والثلاثون 37 حقق تفاعل كبير على الفيسبوك لذلك سنعرض لكم رواية طفلة الفهد ( زينة الفهد ) الفصل السابع والثلاثون 37
رواية طفلة الفهد ( زينة الفهد ) الفصل السابع والثلاثون 37
مالك قرب من سمر وقبلها بكل جرأة قدام الناس ولكن سمر زقتوا وضر"بته بالقلم عالطول
مالك حط ايدو على خدو وكان في حاله صدمه لانه القلم التانى في زمن لا يقل عن عشر دقائق
سمر كانت ماشيه ولكن المره ده مالك مسك أيدها جامد اوى وقال:ده تانى قلم خلال عشر دقائق بس
_مالك لو سمحت ابعد
مالك ضغط على أيدها جامد اوى وقال:خلاص مش قادر اكتر من كده اعمل اي عشان تسامحينى انت'حر
_مالك لو سمحت ايدي وجعتنى
_الوجع اللى حاسه بيا دلوقتى مش زي الوجع اللى انا حاسس بيا يا سمر
_مالك انا مش بهزر
مالك زقها وقال بعصبية:اوعى تفتكري انك ممكن تستغلى حبي ليكى
ثم كمل:كان عندك حق احنا لازم نبعد يا سمر مينفعش نكمل بالطريقه ده
الدموع نزلت من عين سمر وكانت بتقول في سرها:ازاى قدرت تقول كده
_اسبوع واحد بس يا سمر وهطلقك اكيدا بتقولى ليه اسبوع ليه مش النهارده
مالك قال بعصبية:عشان خالتى اللى مالهاش ذ"نب في اللى حضرتك بتعملى عن اذنك
مالك مشي وسمر وقعت على الأرض عالطول وقعدت تعياط
مالك وهو ماشي:كفايه استغلال اكتر من كده
في قصر الكيلانى ✨
زينب حضرت الغدا وكانت ماشيه ولكن جمال مسك أيدها وقال:رايحه فين يا زينب مش هتاكلى معايا ولا اي
زينب شالت أيدها عالطول وقالت:انا مش جعانه
_مش مهم بس اقعدي اصلك وحشانى اوى
_ورايا شغل مش فاضيه
_ماشي يا قلبي ولا يهمك
زينب مشت عالطول وقالت:حيو"ان
بتول دخلت وجمال بابتسامه:تعالى يا بنتى
بتول راحت عنده وقالت:خير
_في حد يكلم أبوه كده
_معلش اصلا مستعجله
_مش عايزه تاكلى
_لا مش عايزه خصلت ولا لسه
جمال مسك الكوبايه جامد اوى وقال:انا مش عارف زينب قايله اي عشان تعاملينى كده
بتول حطت أيدها على السفره وقالت:الجواب ده عندك لوحدك يا جمال بيه
جمال قام وزق الكرسي برجله وقال:نفسي اتسدت
بتول ابتسمت وقالت:نفسك هتتسد على كل حاجه يا جمال
جمال مشي ومردش عليها
_ولسه يا جمال وربنا لدفعك تمن كل دمعه نزلت من عين ماما بسببك
في السجن ✨
_زي ما بقولك يا حضرت الظابط
محمود قام وقال:يعنى مو"ت أهل زينه مدبر
_ايوه يا بيه واكبر دليل على كلامى أن احنا لقينا جث'تين وفاضل كده واحد اللى هو السواق طبعاا ومع التحقيقات اكتشفنا أن السواق كان عايش وقال:انا قت"لتهم اوامر من
محمود انتهد عالطول وقال:مين ؟
_للاسف ما"ت بعدها
_مش مهم مين اللى عمل كده المهم اننا عرفنا أن مو"ت أهل زينه مدبر وانا عارف مين عمل كده
_مين
_مينفعش تعرف دلوقتى لازم يكون معايا ادله الاول
قام وقال:تمام يا بيه
محمود قام وقال:على تواصل دايما
_اكيدااا عن اذنك
محمود قعد على الكرسي وقال:بس يوم الحادثه جمال كان موجود هنا ازاى قدر يق"تل أهل زينه ؟
عند فهد وزينه ✨
_اي ده يا فهد ؟
_انتى بتسالينى انا يا روح امك
زينه طلعت من الحمام عالطول وقالت:ينهار اسو"د وشي باظ
فهد بتريقه:ده تركيبه بتخلى البشره حلوه
زينه بعصبية:انت السبب يمكن التركيبه كانت عايزه الربع ساعه كامله
_لو كنتى قعدتى الربع الساعه ده كان وشك هيبقا مشوه
زينه قعدت على السرير وقالت:وشي كده باظ وانت هتسبنى عشان بقيت وحشه
فهد محاولا استفزاز زينه: فعلا هعمل كده
زينه ببراءه:والله عملت التركيبه بالظبط مش عارفه اي الحبوب اللى طلعت ده
فهد قعد جنب زينه وكتم ضحكته بالعافيه وقال:مسكينه يا زينه شكلك راح وحش اوى
الدموع نزلت من عين زينه زي الاطفال وقالت:اعمل اي يا فهد
_افضل حل انك تنت"حري
زينه ضر"بت فهد في بطنه وقالت:بتهزر صح انا زعلانه على وشي وانت فرحان
_اسف يا زينه بس عقلك ده هيوديكى في د"اهيه
زينه بحزن:عارفه
فهد أخدها في حضنه وقال:خلاص متزعليش نفسك حصل خير
_يعنى مش هتسبنى صح ؟
_اسيبك اي يا هبله وبعدين انتى مفكره انى اتجوزتك عشان جمالك
ثم كمل بحب:انا اتجوزت زينه اللى بتحب الخير لغيرها زينه اللى قلبها طيب وروحها كماان
زينه فرحت اوى وقالت:واي كمااان
فهد قرب منها وقال:وكمان ٠٠٠٠وكماان
زينه زقت فهد عالطول وقعدت تصرخ:اعااااااا
فهد قام وبخضه:في اي ؟
زينه قعدت تعياااط وقالت:مش قادره يا فهد نا"ر في وشي
_اعمل اي يعنى
زينه بعصبية:أمشي من قدامى يا فهد أمشي
_بجد؟؟
_انت بارد اوى بقولك نا"ر طالعه من وشي حضرتك تقول اعمل اي
_طب اخدك للدكتوره ولا اي
_انت بتفكر بسرعه يااااض
_طب أمشي قدامى يا ام لسان
زينه مسكت ايد فهد وقالت:انا مش هطلع كده يا فهد
_اعمل اي طيب ؟
بعد شويه زينه طلعت وكانت لابسه نقاب وقالت:فهد مش قادره وشي سخن اوى
_طب اعمل اي طيب ما احنا رايحين للدكتوره اهو
زينه مسكت ايد فهد وقالت:مش طايقه ياااض نار في وشي
_والله تستاهلى
زينه بحزن:عندك حق
فهد اخدها في حضنه وقال:خلاص انا اسفه مقصدش ازعلك
بعد مرور نصف ساعه تقريبا
فهد وزينه وصلوا العياده فعلاا وليس المستشفي
زينه دخلت وانصدمت وقالت:انا لسه هستنى دول عشان أدخل
_اقعدي ثانيه وراجع
_طيب !!
فهد راح عند المساعده بتاعت الدكتوره واتكلم معاها وزينه الغيره كانت هتق"تلها
زينه قامت وشدت فهد عالطول زي الهبله وقالت:مراته انا مراته
البنت ضمت حواجبها وقالت:نعم ؟
_اي اللى بتعملى ده يا زينه
زينه بارتباك:انا اسفه
فهد خد نفس عميق والبنت قالت:تمام تقدروا تدخلوا
فهد مسك ايد زينه وقال:هبله اوى
زينه ضر"بت فهد وقالت:انا مش هبله فااهم
_بقيتى حلوه دلوقتى؟
الدكتوره قامت وقالت:اهلا وسهلا اتفضلوا
زينه وفهد قعدوا فعلااا
الدكتوره:مين فيكم اللى هيكشف
زينه شالت النقاب من على وشها والدكتوره انصدمت وفهد كذلك على حال مراته اللى وشها بقا يزعل جداا
فهد حس بوجع مره واحده أن ازاى طفلته استحملت كده
الدكتوره:اي ده ؟
زينه بحزن:شفت تركيبه على النت يا دكتوره مكنتش عارفه انها هتعمل في وشي كده
_ده وشك بااظ يا بنتى
زينه وطت راسها وقالت:عارفه
فهد رفع راسها لفوق وقال:انتى بتقولى اي يا دكتوره وربنا زي القمر ويمكن بقت احلى من الاول كمان
(اللهم زوج زي الواد فهد 😂)
الدكتوره ابتسمت وقالت: التركيبات ده يا زينه مش حلوه خصوصاً لما تكون من على النت كلها عايزه ريتش وخلاص وبعدين انتى حلوه باين على ملامحك ليه عملتى كده
زينه بصت لفهد اللى قال:هبله يا دكتوره عقلها صغير اوى
زينه ضر"بت فهد وقالت:قولتلك انا مش هبله
_طب خلاص اهدي يا مجنونه
زينه من غير ما تاخد بالها من اللى قالوا فهد: ايوه كده ٠٠زينه بصت لفهد وقالت:زبا"له
فهد رفع حاجب وقال بهمس: احنا مش في اوضتنا يا زينه امسكى نفسك كده ماشي يا بابا
زينه بصت لفهد وكانت متنرفزه اوى
الدكتوره: انا هكتبلك على مرهم وتيجى بعد اسبوع عشان اشوف وشك
_بس احنا راجعين مصر بكره إن شاء الله
_انتوا مش من هنا
فهد هز رأسه وقال:لاء
_ولا يهمك المهم المرهم تدهنوا على الوقت ويا ريت لما ترجعوا مصر تاخدها عند دكتوره تتابعها
_تمااااام
زينه وفهد قاموا وطلعوا
زينه ركبت العربيه وكانت متنرفزه اوى
فهد ركب أيضا وقال بهزار:فك يا جميل
_فهد اسكت خالص انا متنرفزه دلوقتى
_ومين اللى منرفزك يا بت
زينه بعصبية: مفيش واسكت بقاااا
فهد شغل العربيه وقال:هسكت بس اهدي
طول الطريق زينه كانت بصه لتحت وزعلانه اوى
فهد في سره:طب اعمل اي انا مقدرش اشوفها زعلانه كده
فهد وقف العربيه وقال:ثانيه وراجع
_رايح فين ؟
فهد غمز ليها وقال:مش هتاخر
زينه خدت نفس عميق وقالت:ماااشي
في المستشفى ✨
_انا هروح اجيب الروشته ده وراجع
سمر قامت من على الأرض ومسحت دموعها وقالت:هاجي معاك
_لا شكرا وبعدين انا مش عيل صغير عن اذنك
سمر زعلت اوي من مالك بس تصرفاته معها
الممرضه:انتى سمر
سمر بخوف:ايوه انا سمر ماما بخير صح
_ايوه بخير بس عايزاكى
سمر راحت معها فعلااا وكان كل تفكيرها مالك
_سمر !!
سمر:_______
_بنتى انتى بخير
سمر فاقت من متخيلاتها وقالت:انا بخير يا ماما انتى اخبارك اي
ام سمر ابتسمت وقالت:بخير يا قلبي طول ما انتى بخير
سمر حضنت أمها وقالت:انا بحبك اوى يا ماما
باستها على رأسها وقالت:وانا بعشقك
الدكتوره:احنا بقينا حلوين ولا اي يعنى مش محتاجين عمليه
سمر ابتسمت وقالت:طالما انا جنبها هتكون بخير
مسكت أيدها وباستها وقالت:سعادتك هي سعادتى
سمر ابتسمت ولكن الابتسامه خارجيه لا احد يعرف ما بداخلها الا الله عز وجل
_امال مالك فين ؟
_قال أنه رايح يجيب الروشته
الدكتوره باستغراب:روشته اي انا مقولتش لزوجك ابدا على علاج
سمر استغربت اوى وقالت:بس هو قالى أنه رايح يجيب علاج
_ممكن مخدتيش بالك من كلامه
_يمكن طب انا هروح اشوفه فين
ام سمر هزت راسها وقالت: متتاخريش
_حاااضر
سمر طلعت فعلاا وقالت: مالك قال إنه رايح يجيب الروشته انا متاكده أنه قال كده
وفجاه سمر سمعت صوت مالك
سمر تابعت مصدر الصوت وراحت ناحيته ووقفت مره واحده
_انا مش عارف اقولك اي يا ابنى والله ظروفي ما كانت تسمح ابدا اجيب العلاج
مالك مسك ايدو وقبلها وقال: متقولش كده وبعدين انت زي والدي زي والدي اي بس انت احلى من والدي كمان!!
_ربنا يحفظك يا ابنى انت مثال لاي شاب
سمر كانت واقفه وسمعت كل حاجه وكانت فرحانه اوى أن مالك فعلاا اتغير
سمر كانت ماشيه ولكن دخلت في مالك اللى مسك أيدها عالطول
مالك شدها وساب أيدها عالطول ومشي
_مالك
مالك مشي ومردش عليها
_لا يا مالك مش هنفضل نعذ"ب بعض كده لازم يكون في حل يرضيك ويرضينى
عند زينه وفهد ✨
زينه كانت قاعده في العربيه وقالت:اتاخر اوى
وفجاه الباب انفتح وزينه اتخضت وقالت:مين ؟
_ده انا اتخضتي كده ليه
_كنت بتعمل اي ؟
_ولا اي
زينه بغيظ:امال نزلت ليه طالما ولا اي
_كنت بجيب حاجه
زينه بفضول:حاجه اي
_حاجه خاصه يا زينه كفايه اسئله بقا
_ليه عندك ظروف
فهد قعد يضحك على براءتها وقال:لا معنديش
_امال اي الحاجه اللى حضرتك بتقول عليها خاصه
_لما نوصل هقولك
زينه خدت نفس عميق وقالت:مش هتفرق كتير
فهد قرب من زينه وقال:ارفعي وشك يا بت انتى مرات فهد الكيلانى
_واي يعنى كنت محافظ ولا مسئول
_شوفوا البت طب انا غلطان خليكى حاطه وشك في الأرض
_مالكش دعوه
_ده آخره اللى يتجوز طفله
زينه اتنرفزت اوى وقالت بعصبية:انا مش طفله مش كل مره تقول كده وانا اسكت
فهد استغرب غضب زينه وقال:انا اسف اهدي
زينه مسكت ايد فهد وقالت:بلاش تهزر معايا بالاخص لما اكون زحلانه
فهد رفع حاجب وقال:زحلانه
_اقصد زعلانه
فهد ضحك وزينه قالت بعصبية تانى:هنفضل واقفين كتير
_هطلع بس بلاش العصبيه ده والنبي يا طفلتي
زينه برضا:حاااضر
_يحضرلك الخير يا قلبي ♥️
_تسلم
فهد بص ليها وقال:ممكن نتعرف
زينه بصت ليا وقالت:نعم ؟
_مفيش متخديش في بالك
زينه ببرود اعصاب:عندك حق
فهد اتعصب اوى وشغل العربيه فعلاا ومشوااا
_شغل اغنيه حزينه
_حزينه
_اه حزينه اصلا زحلانه اوى اقصد زعلانه
_طب انا مش زعلان
_وانا مالى شغل اغنيه حزينه يلااا
_يا بت اهدي بقااا خلى اليوم ده يعدي على خير
_طب جبت المرهم
_اه يا روحى
_انا مش روح حد
فهد ضغط على سنانه وقال بعصبية:بس انتى روحى
_قولتلك انا مش روح حد
_زينه انتى زحلانه منى اقصد زعلانه منى
زينه كانت عايزه تضحك وقالت:لا مش زحلانه عادي
وفجاه فهد بص لزينه وزينه بصت ليا وقعدوا يضحكوا
_خد بالك من الطريق يااض
_حاااضر يا قلب الياااض
في قصر الكيلانى خصوصاً في اوضه بتول ✨
بتول كانت قاعده على السرير والابتسامه مش بتفارق وشها
بتول مسكت التليفون ورنت على ساره
_اخبارك اي يا بت وحشتيني اوى
_بخير بس زعلانه منك اوى
ساره باستغراب:انا ليه ؟
_اي اللى قولتى لمحمود ده
ساره بعدم فهم:قولت اي وفجاه ساره عملت نفسها مش سامعه بتول وقالت:الووو بتول انتى معايا الوو شكل الشبكة عندك وحشه اوى ؟
_ساره متهزريش
_الصراحه كنا قاعدين ومحمود سالنى في حد في حياه بتول ولا لا
بتول اتكسفت اوى وساره قالت:استنى انتى عرفتي ازاى
_محمود قالى
ساره بفضول:وقالك اي
_مقاليش حاجه سلااام
_بتول استنى انتى يا بت الووو
بتول قفلت التليفون وكانت فرحانه اوى وفجاه افتكرت كلام محمود لما قالها راقبي جمال
بتول قامت وقالت:بابا برا وده فرصتي
بتول طلعت فعلااا ودخلت اوضه جمال وقفلت الباب وراها وقالت:اكيداا هلاقي حاجه
بتول راحت عند الدولاب الاول وبدأت تدور فعلااا
بعد شويه بتول للاسف مالقتش حاجه وقالت:مفيش حاجه
_انا والله غبيه بابا لسه راجع من السجن يعنى مستحيل يلحق يعمل حاجه او يحط حاجه هناا
وفجاه بتول سمعت صوت حد جاي
_😳😳
في المستشفي ✨
سمر لقت مالك قاعد مع أمها وأمها كانت بتضحك وفرحت اوى أن مالك قدر يضحك امها
مالك شاف سمر قام عالطول وقال:ثانيه وراجع
مالك طلع وسمر طلعت ورا وقالت:مالك
مالك وقف وقال:خير لو جايه تتخانقي فحب اقولك انى مش قادر
سمر راحت عند مالك وقالت:شكراا
مالك بعد فهم:شكرا على اي معلش اصلا مش واخد بالى
سمر بصت لتحت وقالت:على اللى بتعملوا عشان ماما
_وانا مش بعمل كده عشانك عشان خالتى
سمر مسكت ايد مالك وقالت:انت اتغيرت فجاه كده ليه
مالك بسخرية:وانتى عايزه اكون الشخص الضعيف اللى بتستغلى ؟؟
_لا طبعا
مالك سحب ايدو وقال:خلصتي ؟
سمر زعلت اوى وهزت رأسها وقالت:خلصت !!
_تمام عن اذنك
مالك مشي وسمر ضر"بت نفسها وقالت:ليه مقدرتيش تقوليله أنك بتحبي ليه ؟
الدكتوره:سمر لو سمحتى
_نعم
الدكتوره:في شويه ورق محتاجه توقيعك عليا
سمر باستغراب:ورق اي ؟
_يخص العمليه يا سمر
سمر راحت معها فعلااا والدكتوره ادتها قلم وقالت:وقعى هنا
سمر مسكت القلم وكانت رايحه توقع ولكن انصدمت
_😳😳
عند فهد وزينه خصوصاً في اوضتهم ✨
_فهد
فهد طلع من الحمام وقال:في اي يا زينه
_المرهم ده ادهنوا امتى ؟
_لسه بليل يا زينه
_ما احنا بليل يا حبيبي
_اقصد وانتى رايحه تنامى
_وانت لابس ورايح فين كده ؟
_مشوار قد كده
زينه بعصبية:احنا هنا في الإمارات ومشاوير حضرتك مش بتخلص امال لما نرجع مصر هتعمل اي ؟
فهد بغمزه:في مصر لدينا اقوال أخري 😂
زينه بخجل:زي ؟
فهد قرب من زينه اللى وشها قلب زي الطماطم وقبلها بكل رقه
_زي كده يا زينه
زينه كادت أن يغمى عليها وقالت:طب اطلع عشان متتاخرش على مشوارك
فهد ابتسم وقال:من شويه كانت زحلانه انى طالع ودلوقتى اطلع عشان متتاخرش
زينه مسكت فهد من لياجته وقالت:خايفه على مشاويرك يا حبيبي
_مااشي يا قلب حبيبك♥️
زينه باست فهد من خده وقالت:خد بالك من نفسك
_حااضر عايزه حاجه
_عايزه شوكولاته ومكسرات
فهد مسكها من شعرها وقال: كرشك بوظ اللحظه الجميله ده جاتك القر"ف
زينه زقت فهد وقالت:اوعى كده يا عم مش انت قولت عايزه حاجه؟
_كنت مفكر هتقولى عايزه سلامتك يا حبيبي
زينه بارتباك:معلش الطمع وحش بردو
_طب يا ام لسان انا ماشي
_والله ما حد بوظ اللحظه الجميله ده الا لسانك
_بس يا بت
_فهد
_اي تانى
_متنساش المقرمشات
فهد قفل الباب وراء جامد اوى وقال:جاتك القر"ف
زينه بصت في المرايه وقالت:شكلى وحش اوى
_فهد
_تيم
_مش قولت اننا هنرجع مصر النهارده
_معلش يا تيم حصل شويه مشاكل خالى السفر يتأجل لبكره
_تمام ولا يهمك امال رايح فين كده
فهد:________
_وزينه تعرف
_تؤ أوعك تقول حاجه اصلاا عارف لسانك اللى مش بيتبل في بوقه فوله
_عيب عليك
_يلا عايز حاجه
_سلامتك
اعتقد كفايه كده
انضم لجروب التليجرام ( هينزل فيه الرواية كاملة ) اضغط هنا
للانضام لجروب الواتساب اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك من هنا