رواية لعبة القدر خديجة وزين من الفصل 7 الي 8 بقلم امنية حاتم
رواية لعبة القدر خديجة وزين من الفصل 7 الي 8 هى رواية من كتابة امنية حاتم رواية لعبة القدر خديجة وزين من الفصل 7 الي 8 صدر لاول مرة على موقع التواصل الاجتماعى فيسبوك رواية لعبة القدر خديجة وزين من الفصل 7 الي 8 حقق تفاعل كبير على الفيسبوك لذلك سنعرض لكم رواية لعبة القدر خديجة وزين من الفصل 7 الي 8
رواية لعبة القدر خديجة وزين من الفصل 7 الي 8
خديجه: طيب سلام دلوقتي وهبقا أكلمك بعدين
بقا دي صاحبك يا استاذ زين!!! ده انت ليلتك سوداااااا
فضلت قاعده افكر ايه الحاجه إللي عاوز يقولها ومين البنت اللي كان قاعد معاها دي
زين: مسااااء الخيير
هي نامت بدري ولا ايه؟
خرجت من الاوضه ووقفت قدامه مربعه أيدي: لأ منمتش
زين بخضه: بسم الله الرحمن الرحيم
مالك واقفه كده ليه
خديجه: اومال عاوزني اقف إزاي يعني؟
زين: دي نبره نكد صح؟؟
بس انا سايبك كويسه الصبح
خديجه: هو سؤال واحد وترد بصراحه هااا بصراحه يا زين
خديجه بهزار: بنظره وكيل النيابه دي اكيد هقول الصراحه
خديجه: انا مبهزرش
انت عملت إيه بعد ما قابلت اميرة
زين بشك: فضلت قاعد في الكافيه
خديجه: ايوووه قاعد مع مين بقا
زين: كنت مستني واحده زميلتي هتفيدك في تقديم العذر بتاعك
وبعدين انتي بتسألي ليه؟
خديجه: انت قولتلي نازل اقابل واحد صاحبي
فجاءه كده قلب وبقا بنت يا بشمهندس
زين: هي هتفرق معاكي يعني؟!
خديجه برفزه: و انت هتفرق معايا ليه يعني!!
انا بس مش بحب الكذب
زين: انتي المهم عندك الورق يتقبل
وهو خلاص اتقبل علي فكره
خديجه: ازاي؟؟
والبنت دي بقا هي السبب!!!
زين: مش مهم إزاي وعلي هي السبب الأساسي كمان... عندك سؤال تاني ولا خلصتي التحقيق؟؟
خديجه: هتشلني بهدوئك ده... انا داخله الاوضه
مشيت خطوتين وهو لسه واقف وحاطط ايده في جيبه ف رجعتله تاني: انت قولتلي قبل ما تنزل انك هتقولي حاجه
زين: اه صح
خلاص خليها بكرا
خديجه بعناد: لأ بقا أنا عاوزه اعرف دلوقتي
رد وهو بيحاول ميضحكش: خلاص هقولك
قعد علي الانتريه وانا قعدت قدامه وفهمت انه بيرتب كلامه من حيره عينه
زين: انا متفق مع عبدالله واهلك إنك هتقعدي معايا يومين بس و.......
قطعت كلامه بتوتر: وانت مقولتليش من الأول ليه
رد بهدوء: اصبري وهتفهمي
كُنا متفقين بعد اليومين هتقعدي في الشقه اللي قدامي دي
ومقولتكيش عشان كنت بخلص عقد الإيجار مع صاحب الشقه
خديجه: يعني الشقه إللي قدمنا دي بقت بتاعتي دلوقتي!!؟
زين: ايوه بالظبط
يعني هكون مطمن عليكي وقصاد عيني
ده الباب في وش الباب اهو
خديجه: طيب ينفع انقل حاجتي فيها امته
زين: كل حاجه خلصتها امبارح ومن دلوقتي انتي حره فيها
خديجه: حلو اوي كده
انا عاوزه اقعد فيها دلوقتي
زين: دلوقتي!!!!
دي عاوزه تترتب ولسه هتنقلي حاجاتك
خليها بكرا
خديجه بعند: لأ
زين بعصبيه: مش كل حاجه فيها عَند
حكمي عقلك شويه
الساعه 10 هتنقلي ايه دلوقتي!! ولا هو عند وخلاص؟
خديجه: انت بتزعق ليه دلوقتي
خلاص خليها لبكرا
زين: هيحصل ايه يعني لو سمعتي الكلام من اول مره هاا
خديجه: انا داخله انا ولا حد يقولي اسمعي كلامي ولا متسمعيش الكلام
قبل ما انام عبدالله كلمني وقالي انه مقالش ل ماما حاجه وكان متأكد ان زين هيتصرف طمنته ان الامور كلها بقت كويسه
تانى يوم صحيت بدري علشان انقل حاجتي بدري وعملت القهوه بتاعتي وهو صحي لوحده وانا متغاظه منه من امبارح
زين: صباح الخير
خديجه: لو سمحت عاوزه مفتاح الشقه علشان انقل حاجتي
زين: هي دي صباح الخير!!!
بصتله ومردتش وراح فتح الشقه وعقبال ما نقلت شنطه كان هو نقل كل الشنط تقريباً
زين: رتبي بقا حاجاتك ولو احتاجتي حاجه قوليلي انا اجازه انهارده
خديجه: لأ شكرآ انا هعتمد علي نفسي
بدءت ارتب هدومي والشقه كلها بس مش عارفه اطلع الشنط علي الدولاب ولا عارفه انزل الستاير الموجوده
طب اغامر واجرب ولا اناديله يساعدني وخلاص!!!
عقلي: بلاش تغامري وتعملي نصايب وهو قالك لو احتاجتي حاجه قوليلي
ف اخدت القرار و روحت اخبط عليه
خديجه: احم احم ممكن لو سمحت تساعدني في كام حاجه بس
زين بهزار: اومال فين هعتمد علي نفسي والكلام الجامد ده
خديجه: خلاص شكرا مش عاوزه حاجه
زين: ياستي استني بهزر معاكي
يخرب بيت اللي يزعلك
دخل ونزل الستاير وخلص كل اللي طلبته وهو ساكت وانا مش متعوده عليه ساكت كده
خديجه: كده كل حاجه تمام
هعملك معايا شاي
مشيت خطوتين ف مسك ايدي وقفني وسابها بسرعه قبل ما اتكلم اصلا
زين: علي فكره انا قولتلك اني هقابل واحد صاحبي مش زميلتي علشان متتضايقيش
خديجه: وعلي فكره الكذب مش حل
وانا كان ممكن مضايقش برضو
زين: انتي صح.... الكدب هيجيب كدب حتي لو كانت حاجه علي حاجه بسيطه
حقك عليا
خديجه بإبتسامة: حيث كده بقا هعملك قهوه مش شاي
زين بإبتسامة: ايوه كده ابتسمي ونوري الدنيا
خديجة: طيب هستغل الوقت ده بقا واقولك على حاجه مهمه
زين: حاجه ايه؟؟
_______________________________
منار: ايه يا عمتي كنتي عاوزني في ايه
سميره: هنروح انا وانتي للخياطه علشان نظبط شويه هدوم
منار: ماشي هستناكي هنا لحد ما تغيري هدومك
عبدالله كان خارج من الاوضه ومركز في التليفون ومكشر
منار بهزار: ايه اللي مزعلك اوي كده
عبدالله: البيت نور والله
عامله ايه
منار بسعاده: منور بوجودك
ها كنت مكشر ليه بقا
عبدالله: كنت بتفرج علي فديو ل واحد بيقول ان اهل الصعيد بيقللو من قيمه البنات
منار: فين ده!!
طب هو شاف اصلا علشان يقول كده
عبدالله: إللي غايظني بقا انه بيقول انه عادي البنات تتضر_ب علشان تتعلم الصح والغلط وتسمع الكلام
وان ده عادي في الارياف والصعيد!!!!!!
منار: مش عارفه بيجيبو الكلام ده منين
ده رجاله الصعيد بيخافو علي بناتهم من الهوا الطاير وومبيقبلوش عليهم كلمه واحده وسند ليهم في كل حاجه
عبدالله: علشان لو الاهل لو مش سند وحمايه لبناتهم ولا هيبقا فيه امان ولا جراءه تاخد بيها حقها
انتي بنت خالي اهو وانا مقبلش ان حد يرفع عينه فيكي مش يفكر يرفع ايده
منار بإبتسامة: أنا متأكده من الكلام ده ومطمنه بوجودك
عبدالله بإبتسامة: ربنا يعلم اني بعزك وبخاف عليكي زي خديجة بالظبط
زي خديجه!!!! اوعي يكون قصدك اني زي اختك؟؟ طب افهمه إزي ده؟
منار بتلاقائيه: انا عاوزه اعرف رأيك في حاجه مهمه
عبدالله: قولي
منار بتلاقائيه: انا عاوزه اعرف رأيك في حاجه مهمه
عبدالله: قولي
منار: لو فيه واحده بتحب واحد بكل عيوابه ومميزاته وبتحب كلامه وعيونه... ينفع تبدء هي وتعبرله عن حبها ده؟؟
عبدالله: هي لو عاشقه وقلبها وعقلها معاه برضو مينفعش تقوله ولا تحاول تلفت انتباه
منار بيأس: ليه كده
عبدالله: علشان هي غاليه ولازم تعزز نفسها وتستني لحد ما هو يجي لحد عندها ويطلب قُربها
منار: وافرض انه مجاش او معندوش الشجاعه انه يَصرح بحبه
عبدالله: يبقي ميستهلش حبها وقلبها..
إللي بيحب بيكون اشجع واحد في الدنيا علشان ياخد حبيبته اما اللي بيخاف ده مبيحبش او حبه ضعيف وفي كل الاحوال مينفعش البنت هي اللي تبدء
منار: فهمت قصدك... لازم هو إللي يبدء علشان تفضل غاليه وعزيزه
عبدالله: بس انتي بتسألي السؤال ده ليه؟
منار بتوتر: ااا... اصل واحده صحبتي بتحب جارهم ف كانت عاوزه تلفت انتباه يعني علشان هو كويس جدا واخلاق وخجول
عبدالله: امممم، فهميها بقا أنها متقولش حاجه
منار: حاضر
بعد إذنك هروح اشوف عمتي
_______________________________
خديجة: طيب هستغل الوقت ده بقا واقولك على حاجه مهمه
زين: حاجه ايه؟؟
خديجه: إحم إحم انا عاوزه اشتغل
زين بهدوء: ليه؟
خديجه: هو الشغل فيه ليه!!
لازم سبب يعني؟
زين: اه لازم سبب
يعني عاوزه تشتغلي علشان تشغلي وقتك؟
ولا علشان يكون معاكي فلوس؟ ولا عاوزه تتعرفي علشان ناس وتكوني اجتماعيه؟
خديجه: دي اسباب منطقيه
بس ليه مقولتيش اني عاوزه اشتغل علشان احقق ذاتي ويكون ليا كارير؟؟
زين: لأن انتي لسه بتدرسي... ف انتي تحققي ذاتك لما تشتغلي في حاجه بتحبيها وعاوزه تتطوري من نفسك فيها
خديجه: امممم وجه نظر برضو
زين: ها قوليلي بقا عاوزه تشتغلي ليه
خديجه: علشان عاوزه اخد كورسات وكمان فرصه اني اطبق عملي الكلام اللي بدرسه
زين: طيب ايه رأيك تاخدي كل الكورسات وتركزي في كليتك وتجيبي امتياز وبعد كده قولي عاوزه اشتغل أو لأ
خديجه: طب ما انا ممكن اعمل كل ده واشتغل برضو
زين: طيب بالعقل كده هتنزلي الجامعه 10 الصبح وتخلصي محاضرات علي 4 العصر
هتيجي تحضري الأكل وترويقي الشقه هتكون جت كام؟
خديجه: 6 مثلا
زين بهزار: هعمل نفسي مقتنع انك هتخلصي 6
عقبال ما تاكلي وترتاحي بقت 7
هتذاكري لحد 11 مثلا وبعد كدا تشوفي كورس اون لاين او تعملي حاجه بتحبيها لحد 1 بليل وتنامي... اليوم خلص اهو
خديجه بضحك: ايه الإقناع ده
زين: لازم تحسبي كل حاجه قبل ما تاخدي اي خطوه علشان متندميش بعد كده
خديجه: عندك حق
بس فيه كورس هيكون في مكان بعيد شويه عن هنا
زين: مفيش مشكله
كمل بهزار:
ابقي في اليوم ده مترويقش الشقه ومتحرقيش الاكل...يووه قصدي متعمليش الاكل
خديجه: انت بتتريق عليا صح!!!
طب روح شقتك بقا يلا
زين بهزار: انتي بتطرديني!!!
طب ابقي شوفي مين هيعلقلك الستاير بقا
خديجه: انا هعتمد علي نفسي
زين بضحك: بلاش الكلمه دي وانبي علشان بتعملي عكسها بعد كده
خرج من الشقه وانا فضلت افكر إزاي قعد اتكلم معايا بهدوء وبالمنطق كده رغم اني كنت متوقعه انه هيرفض وانا اللي احاول اقنعه!!!
مفيش حاجه احسن من التفاهم والاإقناع وخصوصا مع شخصيه عنيده ومبتجيش بالأوامر
لقيت اميره بترن عليا ف رديت بسرعه
اميرة: انتي يعني علشان مش هتنزلي الكليه السنه دي متسأليش عليا!!
خديجه: مين اللي قالك اني مش هنزل؟؟
انا هنزل عادي وهمتحن مواد الترم التاني مع الناس اللي كان عندها ظروف برضو
اميرة: بجد!!!
انا مكنتش متوقعه كده خالص
خديجه: اه الحمدلله
اميرة: كويس ياحبيبتي، فرحتلك والله
ايه رأيك اعدي عليكي بكرا واجبلك الكتب بتاعت المواد دي
خديجه بفرحه: ياريت والله علشان ابدء فيها.... لو مش هعطلك عدي عليا بكرا
اميرة: من عنيا يا ديجا قولولي العنوان وانا هجيلك بكرا
قفلت معاها ونمت علشان اصحي بدري بكرا
وصحيت وصليت ولسه هعمل القهوه لقيت الباب بيخبط
زين: عرفت من عبدالله انك مش بتفطري فقولت اشجعك ونفطر سوا
خديجه بهزار: هو عبدالله قالك عني كل حاجه كده
زين بضحك: مش كل حاجه يعني
خديجه: خلاص وانا هكلم ياسمين وهعرف منها كل حاجه
زين: لا بلاش ياسمين دي هتقول بلاوي
خديجه: حلو، هو ده المطلوب
عملت سندوتشات وقعدنا نفطر ونتكلم في مواضيع ملهاش علاقه ببعض
زين: انتي بتحبي تقرئي وتكتبي خواطر من امته
خديجه: من ايام الثانوي
بحس ان فيه كلام في الكتب والروايات بيعبر عني بطريقه غريبه، كأني انا اللي بكتب او كأنه عايش معايا لدرجه انه قدر يوصف شعوري وحالتي
زين: مجربتش اقرء قبل كده ف مش هاجدلك في النقطه دي
خديجه بهزار: ولا جربت الحب قبل كده؟؟
زين: هما كانو اعجاب مش حب
خديجه: هما!!!!
دول كانو كتير بقا
زين بضحك: صلي على النبي كده دي كانت مرحله وراحت ل حالها
خديجه: اممم اصلاً عادي الكلام ده ميفرقش معايا
زين: يعني انتي ما عجبكيش شخصيه حد قبل كده؟؟
خديجه: نبقا نكمل كلامنا بعدين بقا علشان متتأخرش علي شغلك
وكمان صحبتي هتعدي عليا
زين: تمام... خلي بالك من نفسك
كان قصدي اغير الموضوع لأن مينفعش اقوله إني محدش كان بيلفت نظري ولا كنت بهتم بشخصيه حد
مينفعش اقوله إني بحب الحب بس بخاف منه....مينفعش اقوله لأنه مش هيفهمني
اميرة: اي ده بشمهندس زين!!
اهلا بحضرتك
زين بإبتسامة: ازيك يا آنسه أميره
خديجه قالتلي إنك جايه
أميره: قولي اميره منغير انسه بقا احنا اتعرفنا علي بعض خلاص واتشرفت بمعرفتك جدا كمان
زين: والله انتي إللي ذوق
انا نسيت حاجه وهطلع اجبيها
تطلعي معايا في الأسانسير؟؟
اميرة: اه ياريت
اصل انا بقيت بخاف من الاسانسير بسبب خديجه
زين: اشمعنا؟
اميرة: اصل انا وخديجه كُنا بناخد كورس مع بعض والاسانسير عطل بيها واغم عليها
ف انا بقيت بقلق منه بصراحه
زين: اه علشان كده
هو برضو ملهوش امان
اميرة: وعلشان الجمله دي بقا كان فيه واحد بيوصل خديجه الكورس ويطلع معاها في الاسانسير
زين: مين ده؟؟
اميرة: معرفش
بس هو كان بيجيبها الكورس علشان المكان بعيد شويه
و العماره 15 دور وهي بتخاف من الاسانسير زي ما قولتك
زين: اه تمام
اتفضلي اطلعي
هي كانت بتتكلم بالصدفه بس شغلت تفكيري...يمكن علشان كده خديجه مرضتش تجاوب علي سؤالي؟؟!
انا لازم اعرف الحكايه دي
منار بخوف: الحقيني يا خديجه مش عارفه اتصرف
خديجه بقلق: اهدي بس..حصل ايه؟!
منار:
انضم لجروب التليجرام ( هينزل فيه الرواية كاملة ) اضغط هنا
للانضام لجروب الواتساب اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك من هنا