رواية عشقت مجنونة الجزء الرابع 4 الفصل السادس والثلاثون 36 بقلم ايه يونس

رواية عشقت مجنونة الجزء الرابع 4 الفصل السادس والثلاثون 36 بقلم ايه يونس


رواية عشقت مجنونة الجزء الرابع 4 الفصل السادس والثلاثون 36 هى رواية من كتابة اسراء ابراهيم رواية عشقت مجنونة الجزء الرابع 4 الفصل السادس والثلاثون 36 صدر لاول مرة على موقع التواصل الاجتماعى فيسبوك رواية عشقت مجنونة الجزء الرابع 4 الفصل السادس والثلاثون 36 حقق تفاعل كبير على الفيسبوك لذلك سنعرض لكم رواية عشقت مجنونة الجزء الرابع 4 الفصل السادس والثلاثون 36


رواية عشقت مجنونة الجزء الرابع 4 الفصل الثامن عشر 18 بقلم ايه يونس


رواية عشقت مجنونة الجزء الرابع 4 الفصل السادس والثلاثون 36


استعدت قدر لتنزل الي الأسفل في الصباح الباكر في هذة القرية الخلابة ... 
ارتدت ملابسها والتي كانت عبارة عن عبائة صعيدية مزخرفة بأجمل الألوان وربطت شعرها ضفيرتين واتجهت لتنزل الي الأسفل حيث يجلس الجميع بمنزل الجدة وخصوصاً هذا الملقب بالشيطان الذي باتت تكرهه وتكره اسمه منذ الأمس ... 
بمجرد أن نزلت ووصلت الي منزل الجدة بالدور الارضي حتي سمعت صوت زغاريد وكأنهم يرحبون بشخص ما ...!!
كانت جميع العائلة مجتمعة لدرجة أن قدر لم تستطع أن تري من هو الشخص الذي يرحبون به ... 
سحبتها فاطمة صديقتها الجديدة لتردف لها بسعادة ...
_ عارفة مين دا يا علا ...!؟ دا إبن عمنا حضرة الطيّار إياد الدسوقي ...
قدر بإنبهار ...
_ طيااااار ....!! هنهزر ...!! هي العيلة الوس** دي بتخلف ناس عدلة ...!! 
فاطمة بضحك ...
_ قصدك علي اختي صح ...! هي من امبارح بتعيط والكل بيأنبها وبيزعقلها متاخديش بخاطرك منها والنبي يا علا عشان هي من امبارح ندمانة والله ...
قدر بعدم اهتمام ... فلم تكن تقصد شهد وإنما كانت تقصد الشيطان الذي أصبح إجبارياً زوجها ... 
_ ماشي ماشي ربنا يسامحها ... 
_ تعالي بقي نسلم انا وإنتي علي إياد ...
اتجهت الفتاتان قرب التجمع العائلي
لتردف فاطمة بعيون لامعة وهي تنظر الي إياد ...
_ ازيك يا إبن عمي عامل أي ...؟؟ 
التفت إياد إليها ... ثواني ونظر بإنبهار وصدمة الي من تقف بجوارها ... تبدو مألوفة له ...!!! أين رآها يا تري ...؟!
إياد ونظره مصوب علي قدر ...
_ ك ... كويس يا بنت عمي انتي اخبارك أي ...؟!
الجدة بغضب وقد رأته مثبت النظر علي قدر ...
_ رّحّبي ب إبن عم چوزك يا مرت إبني ... حضرة الطيّار إياد ... 
إياد بإستغراب وصدمة ...
_ مرات مين ...؟! دي مرات آمر ...؟ انت عملتها من ورانا ياض ولا أي ...؟! 
قالها وهو يوجه كلامه بمرح إلي آمر ... لينظر آمر له بصدمة تارة والي الشيطان إبن عمه تارة  أخري ...
إحمر وجه قدر وقد إبتسمت وهي تنظر الي آمر وبداخلها تقول " عشان تعرف بس أننا لايقين علي بعض اكتر من البغ'ل إبن عمك دا" ...
الشيطان بغضب عندما قال إياد هذا الكلام ....
_ لا مش مرات آمر ... مراتي انا يا إياد ... عندك اعتراض ولا حاجة ...؟!!
قالها بغضب كبير أثار استغراب إياد ليردف بنفي ...
_ لا ... بس ... بس شكلها صعيدي وفلاحي اوي وانا عارف ان زوقك مش كدا بس علي العموم مبروك عليك كنت اعزمني طيب ...! 
قدر بغضب عندما قال لها إياد هذا ...
_ شكلي صعيدي وفلاحي ...!!؟ ليييه شايفني داهنة نفسي سمنة بلدي ....؟!!! 
الجدّة بغضب ...
_ هتردي علي حضرة الطيّار عااااد ...!!
_ ومردش ليه يا تيتا هو كان احمد مكي في الكبير اوي عشان مردش عليه ...؟! 
إبتسم آمر في سره وهو ينظر لها ، بينما الشيطان نظر لها نظرات نارية غاضبة علي جُرأتها تلك ...
إياد وهو ينظر لها بإستغراب من جرأتها تلك هو الآخر لأن بنات الصعيد لا يمتلكون هذة الجرأة للرد علي الأغراب .....
_ هو انتي من الصعيد ...؟! 
قالها باستغراب وتساؤل 
لترد الجدة قبلها ...
_ لاه ... من المخروبة اللي إسمها ألمانيا ... 
إياد بسخرية ...
_ اومال مالها متقمصة دور فاطمة تعلبة كدا ...؟! 
الشيطان بغضب وهو ينظر إلي قدر بغضب قبل أن ترد علي إياد ...
_ اطلعي فوق انتي أي اللي نزلك ...؟!
قدر بخبث وابتسامة سخيفة ...
_ نازلة ارحب بالضيف الجديد زيكم ... ما تتكلمي يا تيتا ولا انتي مبتتكلميش غير مع رجالة العيلة أو لما ارد عليهم .... 
نظرت لها الجدة بغضب ولم ترد ... 
فاطمة وهي تنظر ل قدر بتوتر ...
_ تعالي يا علا نطلع انا وانتي نشم هوا برة ... تعالي دا منظر الغيط تحفة دلوقتي تعالي ...
سحبتها فاطمة من يدها وخرجتا خارج المنزل ... تحت نظرات الجميع منهم الغاضب من قدر ومنهم المستغرب مما يحدث .. 
إياد بضحك وسخرية ..
_ اسمها علا ...؟! خلاص كدا انا عرفت انت اتجوزتها ليه يا ابن عمي ... 
دخل إياد ألي إحدي الغرف التي ارشدتها اليه جدته ليبدل ملابسه بأخري أحضرها معه ... 
وفي هذة الأثناء كان آمر يتحدث مع الشيطان بمفردهما ...
_ علفكرة يا ابن عمي ... انت محتاج تعامل مرتك بشكل احسن من كده ... دي مرتك مش خدامتك عشان كل شوية تحرچها قدامنا وتعاملها كده ... 
الشيطان بغضب منه ...
_ ملكش دعوة اعامل مراتي ازاي ... انا حر انا وهي مع بعض ...
آمر بغضب منه هو الآخر ...
_ انا فعلا مليش دعوة ، بس انت بتعاملني كدا ليه كإنك قافشني معاها ...؟!
_ اااامرررر ... احتررررم نفسسسك ...
_ احتررررم انت نفسسسسك ومتعليش صووووتك علي كبير العيييلة .... لو انتتت فااااهم اني هكش واخاااف من جعيرك وصوووتك تبجي غلطاااان فوووووق لنفسك ووطي صوتك وانت بتكلم الكبير ...
قالها آمر بغضب ونظرات لا تبشر بالخير إليه ... بينما الشيطان كان علي وشك أن يضربه لولا تدخل الجدة التي أتت علي الصوت هي وإياد ... 
_ في أي يجدعان ...؟! مالك يا آمر مالك يا إيهاب في أي ...؟!
قالها إياد بغضب لكلاهما ... 
الجدة هي الأخري بغضب ...
_ والله عشت وشوفت اليوم اللي يتخانق فيه الأخوات مع بعضهم ...!! 
آمر بهدوء وهو ينظر لهم ...
_ مفيش حاچة يا ستي ... سوء تفاهم بيني وبين ابن عمي الصغير ... بس خلاص إتحل ...
قالها وهو ينظر إلي إيهاب بغضب ، وهو الآخر كان يبادله نظرات الغضب ...
_ انا رايح اتمشي شوية في الأراضي يا ستي عن ازنكم ...
قالها الشيطان بغضب ورحل يسير بمفرده ...
أقسم لولا أنه وسط عائلته لكان قد قتل أحدهم الآن .... ألن يهدأ هذا الجبروت ابداً ...؟
بينما علي الناحية الأخري كانت قدر وفاطمة يسيران معاً وسط الأراضي صباحاً يتحدثان ...
_ لاه بس انتي چامدة واصل ، مفيش واحدة فينا قدرت تجف في وش ستي وتكلمها كده غيريك يا مرت اخوي ...
قدر بضحك ...
_ دا انتو عايزيني بجد أعمل زي مسلسل قديم كدا اسمه الكبير اوي لما مامة الكبير وقفت في وش البلد ونشرت افكار الفيمنست وسطهم ...
_ أيوة أيوة انا عارفاه المسلسل دا تحفففه كان بيضحكني وانا صغيرة ... 
_ قوليلي بقي ...؟ انتي بعدتيني عنهم ليه لما كنت بتكلم معاهم جوة وكنتي متوترة اوي وانتي بتشديني ...؟
_ مفيش ... انا ... انا كنت خايفة عليكي من ستي وجوزك  كانو بيبصولك بنظرات مرعبة ...
_ يبقي حد فيهم يقربلي كدا ... قال ستي وجوزك قال ...؟ طب يبقي سي زفت جوزي دا يتجرأ ويعملي حاجة ...!!
_ هتعملللي اييييه يعني لو عملتلك حاجة ...؟!!
_ يااااامااااااااا ...
التفتت قدر وفاطمة علي صوته اللذي كان عالياً وغاضباً لتنظر له قدر بغضب وتحدي ...
الشيطان وهو يقترب من كلتيهما أكثر ليقف أمامهما ...
_ اه بتقولي بقي هتعملي أي ...؟!
فاطمة بخوف وهي تبتعد بسرعة ...
_ آني ... أني ورايا شغل جوة البيت دلوقتي سلام .. 
قالتها فاطمة وهربت مسرعة الي داخل بيت العائلة الكبير ... بينما الشيطان ابتسم بخبث وهو يري قدر قد صدمت من ردة فعل فاطمة ...
هو يعلم كم هو مرعب في هذة العائلة ويعلم كيف يخافه ويهابه الجميع إلا هذة الفتاة إبنة آدم الكيلاني والتي دائماً تقوم برفع صوتها وأحياناً يدها عليه بدون اي خوف علي الرغم من أنها تعلم العواقب ...!!
قدر وهي تنادي علي فاطمة ...
_ بتسيبيني وتممممشي مااااشي يا فاااطمة ...!!
التفتت إليه لتردف بغضب وتحدي بعيون خضراء كالقطط ...
_ وانت بقي فاكر انك لما تقرب وتخوف الكل انا كدا هخاف صح ...؟! ولا فاكر إنك لما تشك إني كنت في الشقة لوحدي مع آمر إبن عمك وتزعقلي اني كدا هخاف منك ...؟! انت نسيت نفسك ي لوسيفر ...؟ 
الشيطان بإبتسامة خبيثة عكس ما يدور بداخله من حرب وغضب ...
_ وانتي بقي لما تعلي صوتك عليا انا كدا هسيبك في حالك ولا هسيبك ترجعي لأهلك تاني ...؟! غلطاااااانة ...
قالها بصوت عالي أفزع وزعزع قدر لترتجف مكانها بخوف من صوته العالي ...
الشيطان بتكملة وعيون جحيمية سوداء وهو يقترب منها ببطئ وعضلات صدره البارزة أسفل قميصه ، جعلت اقترابه لوحة إغريقية جذابة للغاية ...
_ لو شوووفتك بتقربي تاني لإبن عمي أو لقيتك بتتكلمي معاه يا قددددر انا هدفنننك هناااا فااااهمة ....!!؟
قدر برعب وهي تبتعد خوفاً من عيونه التي تشبه فعلياً عيون الشيطان ...
_ انا مقربتش لحد و ...
_ فااااهمممة ...!!
_ فاهمة فاهمة .. حاضر ... 
قالتها برعب وتوتر وهي تبتعد عنه ... 
ولسوء حظها كان هناك ترعه أو ممر صغير لتمرير المياة الي الأراضي كان خلفها لم تراه وهي تبتعد ...
لم تشعر بجسدها وهو يهوي الي الخلف حتي يقع في هذا الممر الصغير ...
ولكن هناك يد أمسكتها بسرعة قبل أن تقع في الترعة ... 
نظرت له قدر بعيون راجية ألا يتركها _ وهنا عزيزي القارئ ارجو منك أن تذهب الي الموسيقي الخاصة بك وتفتح علي هذا الموقع اغنية رباااباااااايييي ربااابااايي الهندية _ 
نظرت له بعيون راجية ألا يتركها ولكنه ابتسم لعيونها بخبث وقد قرر هذا اللوسيفر الكبير  أن يعاقبها علي ما حدث بالأمس ...
ترك يدها بكل برود لتقع قدر في الترعة بظهرها _هوب ترابل كيك _ في الطين والمياة الصغيرة خلفها ... 
ضحك الشيطان عليها بصوت عالي وهو يري كل ثيابها وكل شعرها تلطخ بالطين وأصبح شكلها كالخن'زير البري ...
قدر بغضب وهي تقوم بغضب من علي الأرض ...
_ تصدق بالله !!! انت الشيطان ارجل منك ...!! 
_ ماشي ابقي خلي الشيطان اللي بجد ينقذك ...
قالها وهو يسير ليرحل بخبث تاركاً قدر خلفه وهو يضحك عليها ...
بينما هي نظرت له بغيظ ولم تشعر بنفسها الا وهي تحمل طيناً من علي الأرض بجوارها وتلقيه بسرعه علي ملابسه من الخلف ليسقط الطين علي ملابسه وشعره ..
التفتت الشيطان بغضب إليها بعدما شعر بشئ يصطدم به ولاحظ أنه طين ...!!
_ انتي بتهززززرررري يا بتتت انتتتتي ...؟!
قدر بخبث وهي تراقص له حاجبيها ...
_ والله هزار بهزار خد دي كمان عشان ميبقاش معجون وش واحد لا خد سكنتين معجون من ورا ومن قدام ...
قالتها وسحبت طين اخر بجوارها علي الأرض والقته عليه ليصطدم الطين بوجهه ...
شهقت قدر هذة المرة برعب فقد كانت تقصد أن تلقي الطين علي ملابسه من الامام ولكنها ألقتها علي وجهه ...!
لم تشعر بقدميها الا وهي تجري وبالطبع لم يقف الشيطان أمام غضبه صامتاً بل كان يجري خلفها في وسط الحقول بأقصي سرعة ...
قدر وهي تقفز من مجري مائي لآخر ...
_ ابووووس ايددددك ابعددد عني ، عيييل وغلللط والله انا قصدي ارميه علي هدومك عشان ستك يا قلب ستك تغسلك الهدوم بنفسها يا نن عين ستك ...
_ دا انا اللي هغسلك دلوووووقتي يا قددددر الكلللللللبببب ...
كانت قدر تجري بسرعة وخوف وهو يجري خلفها لم تشعر بنفسها الا وهي تقع أرضاً بسبب حجر كبير أعاق حذائها ليصطدم وجهها بالأرض وتصرخ متألمة ...
الشيطان وهو توقف هو الآخر ليراها فهو يعلم أن مثل هذة السقطة قد تؤدي إلي جروح بوجهها أو شيئاً كهذا ...
قدر بتألم وهي تمسك فكها وتبكي ... 
_ اااااه الحقوووووني ... 
اتجه الشيطان إليها وأدار وجهها إليه ليصدم بأسنانها أو فمها ينزف الدماء وقد كسرت سنِ اماميه من أسنانها وجرحت ايضاً في ذقنها ...
الشيطان بخوف حقيقي عليها هذة المرة ...
_ قددددر انتي كوووويسة ...؟!
_ هكووون كوووويسة ازاااي بروووحمك انا بجيب دمممم هاتلي دكتووووور ...
حملها الشيطان بسرعة الي المنزل وادخلها الي منزل الجدة وقد كان الجميع مجتمعين حولها الجميع يسأل ماذا حدث ...؟؟
بالفعل احضر الشيطان لها طبيباً وربط فكها وطهر الجرح بعدما تأكد الطبيب أن هناك سن من اسنان قد الأمامية قد كسرت بمعني أنها قد تواجه مشاكل في نطق بعض الحروف من اليوم كما أن شكل ابتسامتها الجميلة قد تتغير بسبب هذا الكسر ... 
قدر بغضب وهي تنظر الي الشيطان والجميع في الغرفة حولها  ...
_ منك لله ... منك لله ... انت السبب ...
آمر بغضب وهو ينظر إلي إبن عمه وقد ظن أنه ضربها حتي كسر لها سناً ...
_ عمممملت ليها اييييه يا ايهاااااب ...!!؟؟ عملت ايييية ؟!
لفت صوت آمر جميع العائلة إليه وخصوصا الجدة التي نظرت إليه بغضب وشكّ تارة والي قدر بغضب اكبر ... 
إيهاب وهو ينظر إليه بغضب اكبر ...
_ وانت مااالك عملتها أي هي مراتي ولا مراتك ...؟!
آمر بغضب ...
_ احنا مبنمدش ايدنا علي حريم في بلدددددنا لو مش هتحترم مراتتتك قسماً عظماً ما انت قاعد هنا تاني ... 
قدر بخوف بعدما رأت المشاحنة قد كبرت بينهما ...
_ علفكرة هو كان بيجري ورايا انا بس اللي مخدتش بالي من الطوبة اللي قدامي ووقعت ... هو ممدش ايده عليا يا آمر بيه ...
الشيطان بغضب كبير وقد استفزته كلمتها تلك ...
_ آمر ايييييه يا رووووحمك ...؟!
ضحك الجميع عليهم بما فيهم فاطمة وشهد التي كانت تنظر بخبث كبير وقد تأكدت بالفعل أنه ربما قد تُخلق  بداخل أخيها مشاعر تجاه قدر أو علا كما يقال ...
آمر بضحك وإحراج ...
_ معلش تعيشي وتاخدي غيرها يا مرت اخوي ...ولا اقول يا مرت إبن عمي ...!
قالها وهو يوجه أنظاره إلي إيهاب بغضب ... لينظر إليه إيهاب علي نفس الوتيرة دون كلام ...
ولكن هل تصمت تلك الغبية ! هل تخرس وتضع لسانها في فمها دون أن تفضح نفسها ! 
قدر بغباء ونسيان ...
_ يعني يا ربي بقيت دلوقتي طرشة ورفيعة وعلي رقبتي وحمة وكمان ترمة ومعنديش سنان ؟؟!!! 
التفت الجميع إليها بصدمة بعد اللذي نطقت به !!! 
لم يكن الجميع بمن فيهم آمر يعلم أنها كما قالت
" طرشة " أي صماء لا تسمع جيداً ... 
بينما الشيطان وضع يديه علي رأسه بخيبة أمل في هذة الغبية التي لا تفكر قبل أن تتكلم ... 
دخل إياد عليهم في هذة اللحظة فهو قد كان في غرفته لا يعلم ما يحدث بالخارج ...
إياد بإستغراب وصدمة ...
_ أي دا مالها دي ...؟
حكت له الجدة ما حدث لينفجر ضاحكاً وهو ينظر لها بإستفزاز بينما هي تنظر له بغضب ...
إياد بمرح وضحك ...
_ ابقي خدي بالك بعد كدا المفروض إنك فلاحة يعني حافظة الغيط كله زي مربوحة كدا في مسلسل قديم اسمه الكبير اوي ...
فاطمة بسرعة ...
_ أيوة كنا لسه بنجيب في سيرته انا وعلا برضة و ... احم ... خلاص هسكت ...
قدر بغضب وهي تنظر له بأنف يكاد يفر من مكانه غاضباً ...
_ علفكرة أقسم بالله لو ما سكتو الواد القبطان بتاعكم دا ل هقوم دلوقتي احط وشه في ببي الكلاب اللي بره دا ... 
_ إتحشششمممي يمرااا ...
كانت هذة الجدة ... 
قدر بغضب وهي تنظر لها ..
_ يعني انا اتحشم وهو ميتحشمش دا ايه البلد الذكورية دي بس يا ربي ... 
كان الشيطان ينظر لها بغضب يحاول كتمه حتي لا ينفجر بوجهها ، بينما آمر كان يضحك علي كلامها المِرح وهو ينظر لها تارة والي الأرض تارة أخري يحاول إبعاد نظره عنها ...
إياد دون إهتمام وهو ينظر لها بتقزز ...
_ علي العموم كلامي مش معاكي ... بقولك يا ... بقولك يا إيهاب يا ابن عمي ... عايزك في كلمتين بره لو سمحت ...
الشيطان إيهاب بهدوء ...
_ ماشي يلا ...
خرج كلاهما الي الأرض وبدأ إياد يسير ويبتعد قليلاً عن البيت وكذلك إيهاب معه ...
إياد وهو يتفحص بعيونه أن لا أحد ينظر إليه ...
_ بقولك أي بقي ...! خطفتها ازاي دي ...؟؟
إيهاب بصدمة وهو يفتح عيونه ...
_ نعم ...!!!
_ زي ما سمعت كدا ....!! خطفت قدر بنت آدم الكيلاني من أكبر المليارديرات في مصر ازاي ....؟! ولا انت فاكر اني معرفش شكلها يا شيطان باشا ...؟!
نظر له الشيطان بصدمة وقد ذُهل أن سره قد إنكشف ...
ماذا سيحدث يا تري ...؟! 

انضم لجروب التليجرام ( هينزل فيه الرواية كاملة ) اضغط هنا
للانضام لجروب الواتساب اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل 
صفحتنا على الفيسبوك من هنا
تعليقات
30 تعليقًا
إرسال تعليق
  • Unknown
    Unknown 17 أبريل 2022 في 4:30 م

    فين البارت نزليها بسرعه لو سمحتي

    إرسال ردحذف
    • Unknown
      Unknown 17 أبريل 2022 في 4:31 م

      روايه دي من أجمل الروايات اللي قرأتها ف حياتي

      إرسال ردحذف
      • Jalilo
        Jalilo 24 أبريل 2022 في 12:25 ص

        نزلي لبارت لو سمحتي

        إرسال ردحذف
        • souadsouadsouadahmed@gmail.com
          souadsouadsouadahmed@gmail.com 24 أبريل 2022 في 4:26 ص

          كملي من فضلك بقية الجزء الرابع
          شكرا جزيلا

          إرسال ردحذف
          • غير معرف 26 أبريل 2022 في 1:07 م

            روايه روعه

            إرسال ردحذف
            • غير معرف 26 أبريل 2022 في 9:07 م

              يلااااااااااااااا وين البارت؟

              إرسال ردحذف
              • غير معرف 26 أبريل 2022 في 9:37 م

                القصة ده من اجمل ما قرات

                إرسال ردحذف
                • غير معرف 26 أبريل 2022 في 9:38 م

                  بجد تسلمي يا احلي واجمل كاتبة

                  إرسال ردحذف
                  • غير معرف 26 أبريل 2022 في 9:38 م

                    نفسي في الحلقة36تنزل بسرعة

                    إرسال ردحذف
                    • غير معرف 27 أبريل 2022 في 4:37 ص

                      كمل

                      إرسال ردحذف
                      • غير معرف 27 أبريل 2022 في 10:06 م

                        من اجمل ما قرات

                        إرسال ردحذف
                        • غير معرف 27 أبريل 2022 في 10:07 م

                          نفسي بجد تكملي الرواية انا كل يوم بستني البارت ٣٦

                          إرسال ردحذف
                          • غير معرف 28 أبريل 2022 في 12:53 ص

                            رووووووعه

                            إرسال ردحذف
                            • غير معرف 29 أبريل 2022 في 10:04 ص

                              جميله جدا
                              الباقي بسرعه من فضلك

                              إرسال ردحذف
                              • غير معرف 1 مايو 2022 في 6:31 ص

                                لو سمحتي فين بقيت الجزء حضرتك بتتاخري اوي في النشر ودي بيخلي ناس كتير تزهق من كتر ما حضرتك بتتاخري ليه حضرتك مش ملتزمه بموعيد النشر

                                إرسال ردحذف
                                • غير معرف 1 مايو 2022 في 6:32 ص

                                  وبصراحه رغم انك بتتاخري في النشر بس الرواية دي من اجمل الروايات اللي قريتها في حياتي

                                  إرسال ردحذف
                                  • غير معرف 4 مايو 2022 في 6:21 ص

                                    من اجمل الروايات التي قرأتها شكراً لك ايه

                                    إرسال ردحذف
                                    • غير معرف 4 مايو 2022 في 3:32 م

                                      الباقى

                                      إرسال ردحذف
                                      • غير معرف 5 مايو 2022 في 8:18 م

                                        حلو كملى

                                        إرسال ردحذف
                                        • غير معرف 5 مايو 2022 في 8:18 م

                                          إرسال ردحذف
                                          • غير معرف 5 مايو 2022 في 8:18 م

                                            نزلى باقى الفصول بسرعة

                                            إرسال ردحذف
                                            • غير معرف 6 مايو 2022 في 5:34 ص

                                              بجد من اجمل الروايات بس بتتاخري علينا اووي

                                              إرسال ردحذف
                                              • غير معرف 6 مايو 2022 في 4:10 م

                                                تحفه

                                                إرسال ردحذف
                                                • غير معرف 12 مايو 2022 في 8:46 م

                                                  حلوه اوى بس فين بقى الروايه

                                                  إرسال ردحذف
                                                  • غير معرف 17 مايو 2022 في 4:07 ص

                                                    نزلي البارت لو سمحتي

                                                    إرسال ردحذف
                                                    • غير معرف 17 مايو 2022 في 4:08 ص

                                                      نزلي باقي الروايه لو سمحتي

                                                      إرسال ردحذف
                                                      • غير معرف 24 مايو 2022 في 2:09 م

                                                        لو سمحتي نزلي البارت

                                                        إرسال ردحذف
                                                        • غير معرف 24 مايو 2022 في 2:09 م

                                                          إرسال ردحذف
                                                          • غير معرف 24 مايو 2022 في 2:09 م

                                                            إرسال ردحذف
                                                            • غير معرف 27 يونيو 2022 في 11:55 ص

                                                              💐💐💐💐

                                                              إرسال ردحذف



                                                              وضع القراءة :
                                                              حجم الخط
                                                              +
                                                              16
                                                              -
                                                              تباعد السطور
                                                              +
                                                              2
                                                              -