رواية ليتني لم احبك كاملة جميع الفصول بقلم سولييه نصار

رواية ليتني لم احبك جميع الفصول بقلم سولييه نصار هى رواية من كتابة سولييه نصار رواية ليتني لم احبك جميع الفصول بقلم سولييه نصار صدر لاول مرة على موقع التواصل الاجتماعى فيسبوك رواية ليتني لم احبك جميع الفصول بقلم سولييه نصار حقق تفاعل كبير على الفيسبوك لذلك سنعرض لكم رواية ليتني لم احبك جميع الفصول بقلم سولييه نصار

رواية ليتني لم احبك جميع الفصول بقلم سولييه نصار

-انا هخطب ملك بنت عمي يا نادين 

قالها خالد بثبات .

.بصتله بصدمة بعدين ضحكت وقولت:

-بتهزر صح ...يا خالد متبقاش سخ*يف  عشان أنا بصدق بسرعة ....

بس هو مضحكش كالعادة وقال:

-مبهزرش أنا هخطب خلاص ...

قومت بسرعة من الكرسي وقولت والدموع في عينيا :

-انت اكيد بتهزر صح ...مستحيل تعمل فيا كده حرام عليك ...حرام عليك أنا عملتلك ايه ...انت مش قولت هتكلم اهلك وهتيجي تتقدم ...

-ممكن تهدي 

-مش هتنيل اهدي 

صرخت في وشه ومهتمتش أن الناس بتبص علينا ..بعدين كملت:

-خمس سنين وانا معاك ...خمس سنين وانا برفض العرسان عشانك ...استحملت كل حاجة وكنت معاك في كل خطوة في حياتك وجاي دلوقتي عايز تخطب غيري ....تتجوز غيري ..

-اهلي مش راضيين بيكي ...قالوا انك مش من مستوايا 

-يا سلام

قولتها وانا بتريق بس من جوايا كنت بمو*ت من الق*هر مش مصدقة ده خالد اللي ادتله قلبي وخمس سنين من حياتي ...خمس سنين وانا مستحملة قس*وته عليا وخ*يانته ليا اللي كنت بكتشفها وبعد ده كل يسيبني ...ليه يعمل كده ليه يك*سرني بالطريقة دي ...حسيت نفسي هتجن. ..حسيت اني في كابوس ...معقول بعد اللي عملته يتخلي عني بالطريقة دي ...ده انا ضيعت اجمل سنين حياتي عشان خاطره ...وقفت في وش امي وابويا ورفضت فرص احسن منه بكتير  تميت اتنين  وتلاتين ومهتمتش بكلام وكنت مستنياه وهو ده جزاتي .....

دموعي نزلت وانا مش مستوعبة أن ده بيحصل معايا ...بصتله وقولت بقهر :

-انطق يا حي*وان بعد ده كله علي تسيبني 

قام خالد بغضب وقال:

-احترمي نفسك يا نادين أنا مطلبتش منك تقعدي معايا ومأجبرتكيش علي حاجة ....بعدين من حقي اتجوز واحدة أصغر شوية أنا ايه اللي يجبرني اتجوز واحدة عدت التلاتين ...

اتصدمت وانا بقول :

-بعد ده كله !!ده انا رفضت كل العرسان اللي جنبي عشانك 

-انا مأجبرتكيش علي كده مليش دعوة ...بس انا خلاص اكتفيت منك وجاي هنا عشان اقولك ربنا يوفقك ومتزعليش ....

فضلت اعيط بصوت عالي فنفخ خالد وقال:

-بطلي نكد بقا

مقدرتش استحمل ومسكت كوباية العصير اللي أنا بشربها وكبيتها علي رأسه ومشيت ....

.... .

روحت البيت ودخلت اوضتي وانه*ارت من العياط وانا بفتكر كلامه البشع عني بفتكر أنه باعني بالسهولة دي ...اهلي حذروني منه ....حبس*وني كتير وحاولوا اني ابعد عنه بس انت كنت مغيبة ...كان زي ما يكون سا*حرلي ....

......

مرت الايام وانا في اوضتي بعيط...عيوني اتنفخت ووشي شحب بان عليا ضعف سني ....جالي تليفون من صاحبتي وقالتلي أن النهاردة خطوبة خالد ...وكأني محتاجة حد يفكرني بده ....بس جات فكرة مجنونة في دماغي. ...قومت ولبست اجمل فستان عندي ...الفستان اللي اخترناه سوا وقررت البسه في خطوبتي منه ...وجهزت ومشيت علي القاعة ...

....

دموعي كانت بتنزل وانا شايفاه معاه ...كان فرحان اووي لبس نفس البدلة اللي كنا مخططين أنه يلبسها في خطوبتنا ....حزين اووي أن حد تاني يحقق أحلامك ...مسحت دموعي وضبطت نفسي ومشيت ناحيته ...ابتسمت وانا بشوف وشه اللي صفر لما شافني ...

وقفت عنده وقولت:

-مبروك يا عريس .

وبعدين بكل ما قوتي ضر*بته بالقلم !

-اطلعي برة .  

قالها خالد وهو بيحاول يسيطر علي أعصابه ...مكانش عايز فض*ايح اكتر من كده ...بس انا ابتسمت بش*ر ووقفت في نص القاعة وقولت :

- الاستاذ اللي جايين تهنوه في فرحه ضحك عليا ...فهمني أنه بيحبني وقعدني معاه خمس سنين بحالهم وقفت جمبه وفي الاخر قالي عايز اتجوز الاصغر منك ....الاستاذ اللي جايين تباركوله مطلعش را*جل وقد كلمته ...طلع عيل وانا بحمد ربنا اني نفدت منه ...

مسكني من دراعي وقال:

-امشي دلوقتي يا نادين ولا وديني هض*ربك فعلا وامسح بكرامتك الأرض ...

-لا ر*اجل يولا ...

رفع أيده ولسه هيض*ربني ...مسكت أيده وقولت:

-تؤ تؤ عايز خطيبتك تعرف انك ر*اجل ع*رة ولا ايه عيب  يا خالودي...

بصيت لخطيبته اللي الدموع اتجمعت في عينيها وقولت :

-مبروك يا عروسة 

بعدين غمزتله ومشيت وانا رافعة راسي ...اللي عملته طفي شوية من الن*ار اللي جوايا بس مش كلها ...

......

روحت البيت واول حد استقبلني ابويا اللي ولاول مرة يضر*بني بالقلم ...وقال:

-فعلا أنا معرفتش اربيكي ...

-بابا 

قولت وانا عيوني مدمعة ...

مسك أيدي وصرخ فيا :

-فوقي ...فوقي أنا عمري ما ضغطت عليك وسايبك علي راحتك بس كفاية كده اهو اللي ضيعتي معاه حياتك خطب غيرك بدل ما تحترمي نفسك وتفوقي رائحة تفض*حي نفسك انتي هبلة ...

-يا بابا أنا 

-اخرسي ...اخرسي ولا كلمة ...خلاص أنا من النهاردة هعرف اربيكي من اول وجديد ...

مسك دراعي وزقني في اوضتي ...قفل عليا الباب وقال من برة :

-مفيش شغل  من النهاردة ومفيش خروج ووعد مني يا نادين هجوزك لاول واحد يجيلك فاهمة !!

حطيت ايدي علي وشي وانها*رت من البكاء ..بس بابا عنده حق انا  ضيعت حياتي عشانه واذ*يتهم كتير ...وكنت عارفة أن مش ههون علي بابا ...خلعت فستاني ولبست البيجاما ونومت وانا مرهقة ...

.....

اسبوع بكامله وانا قاعدة في البيت  ابويا رافض يطلعنا مهما اعتذرت وطلبت السماح ...خليت امي تكلمه ...رافض نهائيا حتي أخذ مني التليفون وبقيت في البيت وكل يوم دموعي علي خدي ...لحد في يوم جه وهو سعيد وقال لماما :

-فيه  عريس متقدم لنادين يا مروة 

اتصدمت بس امي فرحت وقالت :

-مين ده يا حسن 

-ايهاب ابن صديق ليا من اول ما شافها من ساعة فرح أخته  أعجب بيها ودلوقتي أبوه كلمني 

-انا مش موافقة 

قولتها وانا يقف بعصبية 

بصلي ابويا ببرود وقال:

-هيجيلك الخميس اللي جاي وهتقابليه 

-يعني هتجوز غصب عني يا بابا 

-سيبتك براحتك شوفي عملتي ايه مش فاضي لدلعك ...هتقابلي ايهاب وهتتجوزيه ...كلامي نهائي 

وبعدين مشي وسابني...

دموعي نزلت وقعدت علي الانتريه وانا بعيط جامد ..حتي ابويا ضدي ...

....

وعشان خلاص وافقت اقعد مع ايهاب ابويا سمحلي ارجع للشغل وخرجت ....

.....

خلصت شغلي وطالعة لقيت خالد قدامي ...ابتسم ليا وقال:

-وحشتيني يا نادين !

-خير عايز ايه 

قولتها وانا رافعة راسي بس قلبي كان بيدق ....قرب مني وهو بيقول :

-انا مكنتش بنام يا نادين علطول بفكر فيكي وفي اللي عملته ...أنا سيبت خطيبتي علي فكرة ...مقدرتش اكمل معاها ...اكتشفت اني بحبك انتي وبس ...جيت هنا كل يوم عشان بس اشوفك ...

-انت كداب 

زعقت فيه ولسه همشي...مسك أيدي وقال:

-ابوس ايديكي اسمعيني وهعملك اللي انتي عايزاه كمان بس اديني نص ساعة من وقتك ...

نفخت بضيق بعدين هزيت راسي ...ابتسم هو وبعدين اخدني علي الكافيه بتاعنا ...

......

-ها أنجز 

ضحك وقال وهو بيغمز :

-لسه عصبية زي ما انتي ..تعرفي أن بحب وشك اللي بيحمر من الغض*ب بتكوني في اجمل حالاتك لدرجة اني بفضل ابص عليكي دايما واقول معقول انتي من البشر ...

عيوني وسعت واتكسفت أووي وخدودي احمرت أنا هقع تاني ولا ايه يخيبك يا قلبي طلعت عبي*ط زيي ...

هويت راسي وانا بحاول اتمسك بغضبي وقولت:

-متاكلش  بعقلي حلاوة يا اخويا الكلام ده مينفعش معايا انا مش هصدقك تاني وهصدمك كمان أنا قريب هتخطب لواحد ضفره برقبتك...

ولسه هقوم مسك أيدي وقال:

-يا نادو متعمليش كده انا بحبك ...انتي مش هتتجوزي غيري ...اقولك اجيب اهلي واتقدملك رسمي وتبقي مراتي 

-كان فيه وخلص يا حلو .

قولتها وانا مبينة اني عصبية بس من جوايا كنت هم*وت من الفرحة بصراحة ...كنت حابة يحاول تاني ...محاولاته دي كانت يتطبطب علي كبريائي اللي انج*رح علي أيده أنا كنت لسه بحبه وعايزاه  وكنت بدلع عليه مش اكتر ...

وقفت وهمشي تاني وقف قدامي وقال:

-لو متجوزتنيش أنا هخط*فك والله هخط*فك ...واللي يحصل يحصل وهقت*ل اللي عايزه تتجوزيه ده انا مجنون واعملها

ضحكت فضحك هو وقال :

-اخيرا سامحتيني 

بصتله بحزن وقولت:

-اللي انت عملته 

قاطعني وقالي:

-غلط ...أنا عارف ان اللي عملته غلط ووحش كمان وبعتذر ...أنا اكتشفت اني محبتش غيرك ...مبطلتش تفكير فيكي والله ولما اختفيتي فترة قلبي وقع في رجلي ...ابوس ايديك اديني فرصة 

هزيت راسي وانا ببصله بحب ...

......

روحت البيت وانا طايرة من الفرحة ...كانت الابتسامة مش مفارقة وشي ...لقيت امي وحضنتها وقولت:

-خالد صالحني يا ماما وقال هيتجوزني ...

لطمت امي وقالت:

-يا ميلة بختك في بنتك يا مروة ...يا بت انتي غ*بية صالحك ازاي ...يا بت مش اتفقنا نقفل الموضوع ده ابوكي لو عرف هيط*ين عيشتنا  ...

-يا ماما أنا بحبه وهو خلاص هيتقدم ...انتوا ليه مش عايزين تشوفوني مبسوطة 

- نادين !

زعق بابا من ورايا وقرب مني وقال:

-قابلتيه تاني يا نادين ....

بصيت لبابا بخوف وقولت:

-والله يا بابا خالد ندم ..ابوس ايديك افهمني من حقي اكون مبسوطة ...هو هيتقدم ...

-خلاص ماشي.خليه يجي بكرة هو وعيلته ونشوف لو عايز يثبت حسن نيته 

فرحت اووي وحضنتنه وروحت اوضتي ...كنت هتصل بيه ..بس قولت اروح الجيم  بتاعه اعملها مفاجأة ليه ..

..   

روحت وانا سعيدة ولقيته واقف من بعيد قربت منه ولسه هتكلم بس اتجمدت مكاني وانا بسمعه بيتكلم في التليفون ويضحك:

-نادين مين اللي اتجوزها بس ...لا طبعا أنا بس حابب احاسبها علي اللي عملته يا رامي ..عموما يا سيدي أنا ناوي فعلا افض*حها واجيب مناخيرها الأرض!!!

-تستاهلي انا قولتلك أنه ميستاهلش اللي انتي بتعمليه في نفسك ده 

كانت امي بتلومني اني وثقت فيه تاني ...بس انا قلبي كان واج*عني ...ليه عمل كده ...ليه بيك*سر قلبي بالشكل ده ...انا  قدرت اهرب من غير ما يحس ...كنت مصدومة منه  ازاي يقدر يعمل كده ولتاني مرة خالد يك*سر قلبي وساعتها بس فوقت وعرفت انه عمره ما حبني أنا كنت مجرد تسلية لحد ما يلاقي اللي تتجوزه عرفت اني مجرد واحدة تملي الفراغ بتاعه ...عرفت انه عيشني في اوهام وان اهلي علي حق ...كنت حاسة اني هم*وت مش من الحب بس من احساس بالكسوف ...حسيت اني قليت من نفسي اوووي لما صدقته للمرة التانية بغب*اء ....ماما كانت بتبصلي بحزن ...بعدين حضنتني وقالت:

-متزعليش يا حبيبتي منه لانه احنا لما بنمنعك من حاجة مش عق*اب ليكي بالعكس لاني انا وابوكي بنحبك...احنا اكبر منك ولينا نظره في الإنسان وعارفين ان خالد مش كويس وحذرناكي كتير وحب*سناكي بس انتي صممتي ...

بعدت ومسكت ايديها وقولت:

-سامحيني يا ماما أنا اسفة والله ...

قولتها وانا ببكي ومنهارة ...كنت مكسوفة اوووي منها ومن اللي عملته...ازاي فضلت انسان زي ده عليهم ...ازاي كنت معمية كده للدرجادي  الحب اعمي....بس. الحب ده كان من طرف واحد ...طرفي أنا بس أنا متحبتش منه ...اللي بيحب مش بيخ*ون مش بيق*سي ...بس ده غلطي اني خليته يتمادي ...

مسحت دموعي وقولت :

-بس أنا هربيه يا امي وعد

-لا يا نادين 

قالها ابويا فجأة ...قومت بسرعة وحطيت عيني في الارض ...مسك وشي. قال؛

-متتكسفيش يا حبيبتي أنا مبسوط أنك عرفتي حقيقته ...مبسوط أنك فوقتي

هزيت راسي وانا بعيط وقولت:

-الحمدلله يا بابا بس متقلقش هاخد حقي ...أنا مش هسيبه ...هنت*قم منه انا....

-لا لا متعمليش كده لان الانتق*ام هيضرك احسن انت*قام ليه أنك تتجاوزيه ...أنك توريله ان حياتك مش هتقف علشانه وسيبيه لربنا هو اللي هياخد حقك ...فاهمة يا بنتي 

هزيت راسي وحضنت بابا وانا ببكي وقررت اسمع كلامه بس الأول كان لازم أعمل حاجة ....

......

تاني يوم طلبت ان خالد يقابلني في الكافية بتاعنا ...جه وقعد وهو مبتسم ... بصتله وانا مستغربة انه ازاي معندهوش ضمير زينا ...اتنهدت وقولت :

-انت اح*قر انسان شوفته في حياتي يا خالد مش قادرة اصدق أنك حق*ير كده 

حسيته بهت فابتسمت وقولت:

-جيتلك الجيم امبارح وسمعت كل حاجة وكنت والله قادرة اقلب اللعبة عليك بس تعرف انت متستحقش أتعب نفسي وافكر ازاي انت*قم لا يا خالد انت متستحقش المجهود ده بس اوعدك اني هتجاوز حبي ليك لأنك متستاهلهوش وهسيبك لربنا وحسبي الله ونعم الوكيل ...

بعدين قومت وانا بمسح دموعي سمعت دايما مثل بيقول ان تأتي متأخرا خيرا من الا تأتي ....صحيح أنا اتاخرت عشان ابعد بس الحمدلله نفدت من شخص زيه...

الايام اللي بعدها مكانتش سهلة عليا ...مرت ايام واسابيع وانا بحاول اتجاوزه وانساه ...كنت بب*كي وبعي*ط اتخلصت من كل ذكرياته وكنت بشتغل عشان انسي ...قررت اني لما افكر ارتبط بحد يكون قلبي فاضي ليه عشان كده لما زميلي معتز اللي في الشركة حاول يلمحلي صديته لان قلبي كان فيه متعلق بيه ...

....

بعد ست شهور ...

كان كله خلص مكانش صعب انسي ....واتخطبت كمان لمعتز زميلي ....

في يوم طلعت من الشركة ولقيت خالد قدامي .  كان وشه شاحب وحزين...حاولت اتجاهله وامشي بس هو وقف في وشي وقال بحزن:

-مش قادر انساكي يا نادين ...عارفة ان مش هتصدقيني بس بعد اليوم ده   وانتي في عقلي. حاسس اني بقيت مهو*وس بيكي أنا محبتكيش وبس أنا عشقتك ...كأنك سحر*تيلي مش قادرة انساكي ابدا ...

رفعت ايدي وانا بقول :

-بس أنا نسيتك واتجاوزتك كمان يا خالد انت انتهيت من حياتي ....

وشه شحب وعيونه دمعت لقيت معتز طالع روحتله وقولت :

-كويس اني شوفتك يالا نروح مع بعض ...

وفعلا مشينا وسيبنا خالد واقف ودموعه بتنزل ...

....

بصلي معتز  وقال:

-مين اللي كان معاكي ده 

-خالد 

سكت شوية بعدين قال:

-كان عايز ايه 

-بيطلب السماح 

-وقولتيلوا ايه 

ابتسمت بخ*بث وقولت:

-انت بتغير عليا 

هو راسه وقال:

-لا مجرد فضول 

ضحكت وقولت:

-لا بتغير والله بتغير 

مسك دراعي وقال:

-فعلا بغير يالا قولي قولتيله ايه 

ابتسمت بحب وقولت:

-قولتيله اني تجاوزته بس مقولتلهوش أنك كنت من ضمن انتصاراتي بحبك علي فكرة 

-وانا كمان

تمت

انضم لجروب التليجرام ( هينزل فيه الرواية كاملة ) اضغط هنا

للانضام لجروب الواتساب اضغط هنا

تابعى صفحتنا على الفيسبوك عشان تبقى اول واحدة تقرأ البارت اول ما ينزل 

صفحتنا على الفيسبوك من هنا

تعديل المقال