رواية انها الانثي يا سيدي كاملة جميع الفصول بقلم الاء عبدالله
رواية انها الانثي يا سيدي كاملة جميع الفصول هى رواية من كتابة الاء عبدالله رواية انها الانثي يا سيدي كاملة جميع الفصول صدر لاول مرة على موقع التواصل الاجتماعى فيسبوك رواية انها الانثي يا سيدي كاملة جميع الفصول حقق تفاعل كبير على الفيسبوك لذلك سنعرض لكم رواية انها الانثي يا سيدي كاملة جميع الفصول
رواية انها الانثي يا سيدي كاملة جميع الفصول
احمد : انا هتجوز عليكى انا خلاص صبرى نفد
سما بدموع : ت تتجوز عليا ؟!! ...لي ...
_ هقولك لي عشان انتى واحدة عقيمه مش بتخلف وانا بصراحه عايز اكون اب انا صبرت عليكى كتير
☆☆
افتكرت سما لما راحت للدكتور وقالها العقم من زوجك مش منك انتى سليمة بس هى مرضتش تقوله وقالتله ان العيب فيها
عشان بتحبه ومش عاوزة تشوفه عايش زعلان ويحس بالنقص يجي هو يكسرها كده
سما بوجع = ههون عليك.....
احمد : اعمل اي انتي اللي مبتخلفيش .....
سما= هتتجوز ..... دا اخر كلام
احمد : ايوة ....
سما: خلاص يبقى تتجوز من هنا وانا هطلق من هنا .....
احمد : لي يابنت الناس دا من حقي اتجوز واجيب عيال ......
سما =حقك بس لو بتحبني بجد مش هتعمل كدة .....
هي مش عارفة مش راضية تقوله لي بس في احساس بيقولها متقوليش ليه خليه يتجوز ويحس بالذنب لما يعرف ان العقم منه هو مش منى
احمد : لو انتي مكاني مش هتعملي كدة مش هتضايقي عشان معندكيش اطفال
سما في اللحظة دي حست أن روحها بتتاخد منها معقولة كل الحب اللى حبتهولك وكل كلامك الحلو ليا يروح عشان حاجة انا مليش دخل فيها وكمان العيب مش منى ده منه
سما بانكسار : طلقنى يا احمد
احمد : مستحيل اطلقك يا سما ودا اخر كلام عندى يا اما كده يا هرميكى فى الشارع باللى عليكى ومش هتطولى منى مليم
سما بدموع : هو عشان ابويا وامى ميتين تعمل فيا كده وعارف انى مليش حد ومليش مكان اروحه
احمد : دا اخر كلام عندى
واعملى حسابك انك انتي اللي هتختاري البنت اللي هتجوزها
_سما بدموع : اي؟!!.....لا مستحيل
احمد : انا مش باخد رأيك انتى فعلا هتعملى كده
وذهب دون ان ينتظر ردها
سما : هو دا اللى حاربتى الكل عشانه هو دا اللى اخد يمين عليكى انك هتعيشى معاه فى سعادة مدى الحياة ماشى يا احمد بس انا مش هستسلم بسهولة وهحققلك اللى انتى عاوزه واختارلك العروسة بس عمرى ما هسيبك لغيرى انت ليا بس يا احمد ان ماخليتك تلف حولين نفسى مبقاش انا سما
اخذت سما هاتفها بخبث وقامت بالاتصال ب رانيا صديقتها
ولكن رانيا عكس سما تماما
رانيا تمتاز بالجمال ولكنها تمتاز بالخبث وايضا لديها خبرة سابقة مع الرجال وانواعهم وكلبة فلوس ايضا .
سما : الو ازيك يا بت يا رانيا اخبارك ايه مش باينة يعنى
رانيا : ادينا موجودين اهو
سما : بت عاوزاكى فى مصلحة هتطلعى بيها بقرشين حلوين
رانيا بطمع : قولى يا اوختشى الحال واقف والله ومش لاقيه شغل
سما : مش هينفع نتكلم فى الفون بكرة هقابلك فى كافيه ..... الساعة ٤
رانيا : اوك تشاو يا قمر
احمد : سما انا اسف على الاسلوب اللى كلمتك بيه
سما بوجع: لا عادى يا احمد انا اتعودت على كدا
اطمن يا احمد انا خلاص لقيتلك العروسة
اعمل حسابك وشوف عاوز تعمل الفرح امتى
احمد : سما انا بعمل كدا عشان مصلحتنا انا هتجوز اجيب العيل منها وبعدين اطلقها
سما بلا مبالاة : اعمل اللى يريحك يا احمد انت حر انا خلاص مبقاش ليا لازمة فى حياتك
احمد : متقوليش كده انتى هتفضلى حبى الاول والاخير
سما محاولة تغير مجرى الحديث :
انا خارجة بكرة اشترى شوية حاجات ناقصانى فى البيت
احمد : ماشى يا سما بس متتأخريش وانا هوصلك بكرة
سما : ا مفيش داعى انا هاخد تاكسى
احمد :زى ما تحبى يا سما مش عاوز اضغط عليكى
صباح يوم جديد
خرجت سما من المنزل متجهه الى الكافيه
دخلت الى الكافيه ولكنها وجدت
........
صدمة وجدت رانيا جالسة مع احمد زوجها وماسكين ايد بعض
سما بدمووع : .............
دخلت سما الكافيه فوجدت كل من احمد زوجها وصديقتها رانيا
ممسكين ايد بعض
سما بدموع وهى ما زالت واقفة عند مدخل الكافيه من الصدمة : اي دا ازاى كدا
ثم اختبئت فى زواية فى الكافيه ولكن لسوء حظها شاهدتها رانيا وهى تختبئ
لان رانيا كانت قاعدة فى وش الباب فشافت سما وهى داخلة واحمد كان مدى ضهره للباب فمشفش سما
رانيا : عن ازنك يا حبيبى هدخل التواليت وجايه بسرعة
احمد : ماشي يا جميل بس متتأخريش
رانيا : هظبط الميكب علطول وجاية
احمد : اوك
غمزت رانيا لسما بمعنى تعالى ورايا
فتبعتها سما دون ان تتفوه بحرف الى ان وصلا الى التوليت
سما : تقدرى تفهمينى ايه اللى انا شفته ده ايه
رانيا : اهدى بس انتى فاهمة غلط والله العظيم هفهمك كل حاجة
سما بعصبية : افهم ايه يا هانم وانا شيفاكى انتى وجوزى ايدكم فى ايد بعض استنى اما تجيبى منه العيل فى الكافيه ولا ايه
يظهر انى اخترت غلط اما وثقت فيكى واعتبرتك صحبتى
رانيا بحزن : خلصتى ؟! اهدى بقا عشان افهمك
رانيا : من شهر تقريبا احمد جوزك خبطنى بالعربية بتاعته
وبعدين خدنى ودانى المستشفى ولاقيت عندى شوية كدمات وعادى كتبلى الدكتور على شوية ادوية وخلاص على كده
وبعدين هو قالى هاتى رقمك عشان لو حصلك اى حاجة او احتجتى فلوس فدتهوله وعدى الموضوع
فبصراحة انا انتهزت الفرصة وزى ما قولتلك ان الشغل كان واقف فاستغليت الموضوع ورنيت على احمد
جوزك وفهمته انى حسيت بوجع تانى وروحت للدكتور وقولت لأحمد انى عندى كسر داخلى فى القفص الصدرى ومحتاج فلوس كتير عشان الادوية غالية وكده
ووريته اشعه مفبركة ودا بالاتفاق مع الدكتور بس
ومن ساعتها وانا بقابل احمد اخد منه الفلوس وبدأنا نقرب من بعض بس والله ماكنت اعرف ان هو متجوز
لحد فى يوم ما سألت عليه (ليلى)صاحبتى بالصدفة عرفت ان هى شغالة عنده سكرتيرة فى شركته
وقولتلها عاوزاكى تعرفيلى معلومات عن حياته الشخصية
فلقيتها ببتصل بيا امبارح وبتقولى اسمه احمد السيوفى
ومتجوز ومراته اسمها (سما العشرى ) وعلى حد علمى انها مبتخلفش
انا بصراحة ميفرقش معايا احمد لان زيه زى اى واحد قبله كنت بستنفع منه بفلوسه وعمرى ما حبيته
انا بس اللى صدمنى ان هو متجوزك انتى وانتى عارفة
غلاوتك عندى قد ايه
فطبعا ازاى يخون سما صاحبتى وحبيبتي فأنا قررت العبه وقرب منه على امل ان هو يتجوزنى وبعد كده انتقم منه على طريقتى وانا فى بيته
كل هذا وسما فى ذهول تام يا الله ما هذا الكلام الذى سمعته للتو
افاقت سما من صدمتها ثم قالت : طب وانتى بتعملى كده ليه
سما بصراحة عشان حاجتين : واحد عشان عشان انتقم منه انو خان صاحبتى ، اتنين عشان لما يتجوزنى اخليه يكتبلى اى حاجة بإسمى عشان لو طلقنى
سما بتواهان : طب هو بيعمل معاكى ايه دلوقتى
رانيا : انا كلمته يجي عشان تشوفيه وهو قاعد معايا
عشان متفكريش احمد جوزك ملاك وميصعبش عليكى على اللى احنا هنعمله فيه
جففت سما دموعها ثم قالت : طب اتصلى بيه خليه يمشى عشان نتكلم براحتنا
رانيا : حاضر
رانيا : الو احمد حبيبي معلش انا اضريت انى امشى من غير ما اقولك اصل ماما تعبت فجأة وملحقتش اقولك
فروح انت يا حبيبى انا اسفة انى خليتك تقعد كل ده
احمد : لا عادى ولا يهمك طب محتاجة فلوس او اجى ازور مامتك
سما : لا مفيش داعى مش عاوزة اتعبك معايا هو الدكتور طمنى وقال ان هى كويسة
احمد : تمام ماشي مع السلامة
رانيا : باى
خرج كل من رانيا وسما الى الكافيه وبدأو بالحديث
عند احمد وهو فى طريقه الى الشركة لاحظ شئ غريب
وجد شارع ضيق جدا معزول عن الناس
وكنه صدم مما رأى
به شاب وفتاة يفعلون المحرمات ولكن ملامحهم مش باينة لأن الشارع ده كان ضلمة
فنزل من السيارة واقترب بهدوء ولكنه صدم عندما رأى ملامح الفتاة
ما هذا انها ليلى سكرتيرته فى الشركة
الهذه الدرجة مخدوع فى الناس ولا يعرف التميز بينهم
انها فى الشركة فى قمة الاحترام والأدب ولا تختلط
بأحد ما هذا الان الذى يراه بعينيه
نادى احمد بصوت عالى مليئ بغضب : ليلى
فزعت ليلى عندما شاهدت مديرها فى الشركة
وقالت بارتباك : ددا داددد .... ولم تكمل
احمد بصوت غاضب : انتى مرفودة
وقام بالانقضاض على الذى معها ثم قال : بنات الناس مش لعبة عشان تعمل فيها كده فى الشارع وانا واثق انك ضاحك عليها
ولكن فر الشاب هاربا من قوة الضرب الذى ينزل عليه
ليلى بدموع : احمد بيه والله انت فاهم غلط ابوس ايدك متقطعش اكل عيشى والله هو ضحك عليا وقالىانه هيتجوزنى بالله عليك مترفدنى
ولكن احمد اكمل طريقه وتركها كما هى ولم يتفوه بحرف
ركب السيارة وساق بسرعة وغضب فى اتجاه الشركة
عند سما ورانيا
سما : ها قلتى ايه
رانيا بصدمة : يعنى هو كمان اللى مبخلفش
سما بحزن : ايوة . موافقة نعمل الخطة دى بس من غير ما نضره احنا هندمه بس على اللى عمله انا واثقة ان احمد بيحبنى بس هو بس الشيطان واكل دماغه عشان موضوع الاطفال ده وهو مش هيقدر يستغنى عنى انا هصبر عليه وهستناه لحد مايجيلى ندمان
ان شاء الله ربنا هيهديه وهيرجعلى ندمان وحاسس بغلطته
رانيا بتفكير : موافقة يا حبييتى انا عاوزاكو ترجعو لبعض طبعا
انا دلوقتى مش هستريح غير لما ترجعو زى الاول واحسن
رانيا : ها هنبدأ الخطة امتى
سما :.......
خرج كل من سما ورانيا من الكافيه
سما : احنا على تواصل بالفون هعرفك هنبدأ امتى
رانيا : اوك
سما :انا مش ...... لم تكمل سما حديثها
بسبب مرور سيارة بسرعة البرق على الطريق فقامت السيارة
بخبط سما واكملت سيرها وكأن شيئا لم يحدث
وقعت سما على الارض مغشيا عليها غارقة فى دمائها
رانيا بصدمة : ينهار اسود هعمل ايه دلوقتى وهقول لاحمد ازاى
وهعرفه انى اعرف سما ازاى استر يا رب
بينما كانت تحدث نفسها اجتمع حولها امم من الناس
رانيا بزعيق : انتو بتبصو على ايه بسرعة اطلبوا اسعاف البت دمها هيتصفى
وبالفعل جاءت سيارة الاسعاف وقامت بنقل سما الى المشفى
الطبيب: دخلوها العناية المركزة بسرعة الحالة خطيرة
رانيا : يا حظك المهبب يا رانيا طب احمد لازم يعرف دلوقتى ان مراته فى المستشفى ولو جه وشافنى هتبقى مصيبة
رانيا : احسن حل انى استنى واشوف حالتها ايه واطمن عليها
وبعد كده اقول للممرضة ترن عليه
بعد ساعتين
خرج الطبيب من غرفة العمليات فأسرعت اليه رانيا تسأله
: خير يا دكتور حالتها ايه
الطبيب : للأسف الخبطة كانت شديدة عليها فدخلت فى غيبوبة
رانيا : طب والغيبوبة هتاخد قد ايه وتفوق
الطبيب : والله على حسب الحالة المزاجية ونفسية المريضة هى هتكون سمعاكو بس هيوصلها الكلام على هيئة حلم فالكلام الايجابى والكويس
بيجيب نتيجة كويسة وبتتحسن بسرعة بالاضافة الى الادوية اللى هكتبهلها
رانيا: تمام شكرا يا دكتور
قامت رانيا بالمنادة على الممرضة ثم قالت
: لو سمحتى دا تليفون المريضة اللى جوة يريت تتصلو بحد من قريبها عشان يجو يزروها ويعرفو حالتها
الممرضة : امال حضرتك مين يا فندم
رانيا : ها لا ابدا انا كنت معدية بالصدفة فى الشارع فشوفتها وهى
عاملة الحادثة فجيت معاها كعمل خيرى كده
الممرضة : خلاص يا فندم شكرا ليكى احنا هنتصل على حد من اهلها يجي يخدها
رانيا : تمام استأذن انا
قامت الممرضة بالاتصال على اول رقم وجدته مسجل وكان باسم
احمد قرة عينى
ففهمت الممرضة انها متزوجة وهذا زوجها
فقامت بالاتصال به
الممرضة : الو يا فندم الاستاذ احمد معايا
نظر احمد للهاتف باستغراب ثم وضعه مرة اخرى على اذنه : ايوة انا مين معايا ؟!
الممرضة : انا ممرضة من مستشفى ....... يؤسفنى ابلغ حضرتك
يا فندم ان مرتك عملت حادثة
وقع قلب احمد فى يديه وقال : ايييه سماااا مراتى انا جااى حالا
نزل احمد من الشركة ركب السيارة وقاد بسرعة البرق
بعد دقائق وصل إلى المشفى
وسأل فى الإستقبال عن اسمها وغرفتها
ثم ذهب الى مكتب الطبيب ليسأل عن حالتها
احمد بوجع قلب : انا جوز المريضة اللى جوة دى يا دكتور هى حالتها ايه
الطبيب : فى انسة لسه جايباها من شوية وسألت عن حالتها
احمد باستغراب: انسة ؟! طب ما قلتش اسمها
الطبيب : لا
احمد بلهفة وحزن : طب هى حالتها ايه يا دكتور
الطبيب : للأسف الخبطة كانت شديدة عليها فدخلت فى غيبوبة
والوقت اللى هتفوق منه من الغيبوبة على حسب حالتها المزاجية ونفسيتها هى هتكون سمعاكو بس هيوصلها الكلام على هيئة حلم فالكلام الايجابى والكويس بيجيب نتيجة كويسة وبتتحسن بسرعة بالاضافة الى الادوية اللى هكتبهلها
احمد بحزن حقيقى : ممكن ادخلها اطمن عليها
الطبيب : ممكن بس يا ريت لو اتكلمت معاها بكون بصوت واطى والكلام ميكنش سلبى فيأثر على حالتها
احمد بطاعة : تحت أمرك يا دكتور
دخل احمد بهدوء الى غرفة سما
ولكنه لم يتحمل شكلها البرئ والخدوش تملأ وجهها والاجهزة المتصله بها
لم يشعر بنفسه الى ان احس بسائل دافئ يسرى على وجهه فعلم انه يبكى
نعم انها دموع الندم دموع الحسرة
فأخذ يحدثها
سما حبيبتى سامحينى انا اسف والله العظيم كنت غبى ومش حاسس بالنعمة اللى ف ايدى محستش بالنعمة اللى معايا غير لما كنت هخسرك انا عارف انى غلط كتير وغلطتى لا تغفر بس بوعدك انك هتشوفى انسان جديد
سما انا مش ملاك انا انسان والانسان بيغلط بس الحمد لله انى فوقت وربنا فوقنى فى الوقت المناسب
انا عارف ان قلبك كبير وهتسامحينى عارف انك قدمتيلى كتير من حب واحترام وحنان وكل حاجة وانا فى المقابل قدمتلك ايه
قدمتلك قسوة وعذاب عشان خاطرى سا سما قومى متسبتيش لوحدى انا خلاص مش عاوز اطفال انا مش عاوز من الدنيا دى حاجة غيرك
فلاحظ دموع تسيل من عيني سما فعلم انها سمعته
فقام بمسح دموعها وقبل جبينها
ثم قام توضأ وصلى وأخذ يدعو الله ان يسامحه على كل ذنب فعله
وان يشفى حبيبته ويردها اليه .
رانيا : وبعدين بقا مكنتش ناقصة الست سما دى خالص لولا الحاثة اللى حصلت دى وبوظت كل مختطاتى وكان زمان كل املاك احمد بيه كلها باسمى بس ولا يهمنى فى بدل الخطة عشرة
ثم قامت بالاتصال على ليلى
وقالت ايوة يا لولا اللعب مع احمد السيوفى هيبدأ قريب
معايا ولا لأ
ليلى بتذكر عندما قام برفدها : طبعا معاكى ..
قام احمد بالاتصال على رانيا
احمد : رانيا قابلينى ضرورى عشان عاوزك
رانيا بارتباك : ع ا عاوزنى انا خير فى حاجة ولا ايه
احمد : لما تيجى هتعرفى قابلينى فى الكافيه اللى بنتقابل فيه
رانيا : حاضر نص ساعة واكون عندك
رانيا: معقول تكون لعبتى انكشفت استر يا رب
ركبت رانيا تاكسى ثم ذهبت الى حيث اخبرها احمد
بعد دقائق وصلت الى الكافيه دخلت وجدت احمد بانتظارها
رانيا : مساء الخير
احمد : مساء الخير اقعدى
احمد بجدية : بصي بقى يا بنت الناس انا جايبك هنا عشان دي اخر مره هتشوفي وشي فيها
انا بصراحه كده كنت مخبى عليكى انى متجوز ومضطرتش اقولك فى مرة لانى مكنتش بحس بناحيتك بأى حاجه
مش هكدب انى كنت معجب بيكى مجرد اعجاب فى الاول بس كانت فترة كنت بعيد فيها عن ربنا وعن مراتى فالشيطان غوانى
زى ما بيغوى اى انسان بعيد عن ربنا
فأنا بقولك الكلام دا مش عشان اجرحك لا انا بقلك كده لان اللى احنا بنعمله ده غلط والحمد لله انى فقت فى الوقت المناسب
وفى حاجة كمان عاوز اقولها بالنسبة للأشعة اللى انتى ورتيهالى وقولتيلى انك عندك كسر فى عظام القفص الصدرى
لو كان عندك كده زى ما بتقولى اكيد الدكتور كان هيقول
علطول اول مرة روحنا فيها المستشفى ومش هيخبى حاجة
خطيرة زى دى بس انا عديتها بمزاجى
وقولت يمكن تكون محتاجة الفلوس اللى بتاخدها منى دى
فأنا اخر حاجة هقولهالك انا عاوزك تنسى انك شوفتينى فى حياتك
خالص
وانا هكتبلك شيك ب ٥٠ الف جنيه تبدأى بيهم حياتك
وتشتغلى شغلانة شريفة وبلاش شغل الاستغلال والطمع ده
رانيا بدموع التماسيح : بس انا بحبك يا احمد ومقدرش ابعد عنك
انا فعلا كدبت عليك وقولتلك انى تعبانة عشان كنت محتاجة الفلوس لماما تعمل بيهم عملية فى القلب
احمد : خلاص يا رانيا خدى الشيك ده وابدئى حياة جديدة
وانسينى وان شاء الله ربنا هيعوضك بالأحسن منى لان مينفعش
علاقتنا دى تستمر انا بحب مراتى وعمرى ما هستغنى عنها
رانيا بدموع مزيفة : يعنى دا اخر كلام عندك يا أحمد
احمد بجمود : ايوة اخر كلام
قامت رانيا تبكى بتمثيل واخذت حقيبتها ثم ذهبت مسرعة
احمد بعدما خرج من الكافيه ذهب مباشرة فى المستشفى
الطبيب : فى اخبار سارة يا استاذ احمد
احمد بلهفة: خير يا دكتور طمنى
الطبيب : المدام فاقت الحمد لله دى اسرع حالة تفوق بسرعة كده
الصراحة كل اللى بيجو هنا ويدخلو فى غيبوبة مش بيفقو قبل اسبوع
على الأقل
بس ما شاء الله المدام فاقت بعد ٣ ايام واضح انك بتحبها جدا وبتسمعها كلام يرفع من روحها المعنوية
احمد بمزاح : يعنى مبحبش اتكلم كتير عن نفسى
الطبيب مبتسما : ربنا يخليكو لبعض يا فندم
احمد : تسلم يا دكتور
وقبل ان يدخل احمد الى غرفتها ذهب
توضأ ثم صلى ركعتين فى الاستقبال يحمد الله انه رد له حبيبته
دخل احمد بهدوء الى غرفتها
فوجدها جالسة على السرير تبكى بهدوء
احمد بلهفة : روح قلبي عاملة ايه دلوقتى وايه الدموع دى يا حبيبتى
سما بدموع : فرحانة ان ربنا شفانى ورجعك ليا ندمان وحاسس بغلطتك
بس تعرف انا مقدرش ازعل منك انت عارف لما كنت بتجيلى هنا
وبتكلمنى انا كنت بسمع كل كلمة انت بتقولها بندم
وكنت بتألم اكتر منك علشان كنت حاسة انك بتتعذب وتعبان
احمد بفرحة : تعرفى انا النهاردة اسعد انسان فى الكون كله
بجد يا سما ربنا يخليكى ليا يارب وميحرمنيش منك ابدا ي احلى واجمل زوجة وبنت وام وأخت وكل حاجة ليا انتى جوهرة نادرة الوجود بحبك ى نور عينى دمتي لى شيئا جميلا لا ينتهى ابدا
ثم قام باحتضانها وأخذ يدور بها فى الغرفة
سما : احمد نزلنى انا لسه تعبانة وبعدين حد يدخل يشوفنا
هيقولو علينا ايه
احمد : يقولو اللى يقولوه مراتى يا جدعان وانا حر فيها
سما بفرحة : مجنون
عند رانيا وليلى
رانيا: روح امه مدينى شيك ب ٥٠ الف جنيه اعل بيهم ايه دول
اسلك بيهم سنانى
ليلى بخبث : احنا لازم نكلم خالد و ياسر
ونبدأ فى تنفيذ الخطة فورا
رانيا وعينيها تلمع بالشر : عندك حق لازم ننفذ فى اقرب وقت
انا وصلنى ان السنيورة مراته فاقت وهيروحو البيت النهاردة
نبدأ تنفيذ الخطة بكرة عقبال ما يستريحو النهاردة
ليلى بكره : على بركة الله
احمد : يلا يا روحى جهزى نفسك الدكتور كتبلك على خروج
سما : بجد انا فرحانة اووى يا احمد
احمد : ربنا يسعدك كمان وكمان ى روحي
خرج احمد من المشفى
حاملا سما فى احضانه
سما بخجل : نزلنى يا احمد انا كويسة وبعرف امشى
احمد بعناد : لا حتى لو كويسة انا مستريح كده وانتى فى حضنى
ثم قام بوضعها بحرص فى السيارة
دقائق ثم وصلا الى المنزل
نزل احمد من السيارة وقام بحملها الى ان وصلا الى باب الشقة
ثم انزلها
احمد : ثوانى يا حبيتى هفتح الباب
سما : براحتك يا حبيبى انا كويسة متقلقش عليا
فتح احمد الباب بهدوء ثم قال لسما
ادخلى برجلك اليمين يا عروسة
دخلت سما ببطئ ويا ليتها لم تفعل
المنزل مرتب نظيف معطر برائحة الياسمين التى تحبها
ومزين بنجوم صغيرة رائعة وورود حمراء من الورد الجورى الذى تحبه
ثم دخلت الى عرفة النوم
وجدتها مرتبة على اكمل وجه ووجدت على السرير ايضا ورود
حمراء مرصوصة على شكل قلب
احمد من خلفها قام بتلبيسها سلسلة من الألماظ على شكل
مالا نهاية قمة فى الروعة والبساطة
ثم ادارها اليه
احمد : مهما حصل يا سما اوعى تقلعى السلسلة دى
سما بدموع وفرحة : انت عملت كل ده علشانى
احمد : دا ميجيش ١% من اللى انتى قدمتهولى يا روحى
ثم سحبها الى الريسيبشن
فوجدت الاطباق مرصوصة على السفرة
احمد : يلا يا حبيبتى ناكل انتى مكلتيش من ٣ ايام
حذرى فذرى عملك ايه
سما بتفكير : ايه
ثوانى دخل احمد الى المطبخ ثم عاد ومعه صنية
سما بفرحة : مكرونة بالباشميل
احمد : انا عارف انك بتحبيها فجبت طريقتها من على النت
وغبت ٦ ساعات اعمل فيها يا رب تطلع حلوة بس
احمد : دوقى وقوليلى رأيك
سما : عشان انت اللى عملها يا حبيبى هتكون حلوة
ثم بدأت فى تذوقها بتمهل
سما بتلذذ : مم طعمها عظمة يا حبيبى بجد والله مش بجاملك
تسلم ايدك يا حبيبى
احمد : بالهنا والشفا يا حياتى
صباح يوم جديد
فى مخزن مهجور الساعة ٧
ليلى: ها يا خالد زى ما قولتلك هو بيخرج من البيت الساعة ٩
بالدقيقة تنفذ الساعة ١٠ انت وياسر
تجيبوها وتيجو على هنا وانا ورانيا هنستناكو
ياسر : ماشى بس المبلغ اللى هناخده منه فيفتى فيفتى
خالد بجشع : اه احنا مش بنشتغل ببلاش
رانيا بقرف : ماشى بس تنفذو صح ومش عاوزة ولا غلطة
فى منزل احمد وسما الساعة ٨
احمد : صباح الخير يا روحى
سما بتثاؤب : صباح الخير يا حبيبي
سما وهى قايمة من على السرير
احمد : ايه ايه رايحة فين
سما : هحضرلك هدومك والفطار يا حبيبى
احمد : لا انتى لسه تعبانة مفيش حركة من السرير لحد ما اجى من
الشغل ، انا حضرت هدومى خلاص وهفطر فى الشركة
سما : صدقنى يا حبيبى انا كوي..
احمد : ولا كلمة يا سما ارتاحى لحد ما اجى انا عندى اجتماع
مهم النهاردة ولولا كده مكنتش هروح
مش هغيب ٣ ساعات وهتلاقينى لازقلك
سما : تروح وتيجى بالسلامة يا حبيبى انا هنام لحد ما تيجى
احمد باسها من خدها : ماشى يا حبيبتى مش هتأخر عليكى
خرج احمد من الشقة ولكن توجد عيون تراقبه عند خروجه
ياسر : يلا يا خالد نبدأ تنفيذ جوزها خرج
خالد : يلا بس احنا هندخل ازاى اكيد قافلة الشقة وكمان البلكونة مقفولة
ياسر بتفكير : مم احنا هندخل من الباب هنخبط عادى وأول ما تفتح
نشممها المخدر
وبالفعل قامو بتنفيذ ما قالوه
وقام ياسر برن الجرس
سما : يا ترى مين ممكن احمد يكون نسى حاجة وراجع ياخدها
بس احمد معاه مفتاح
سما : مين ولكن لا يوجد رد فكررت السؤال مين؟!
ياسر بتفكير : انا يا هانم ياسر الساعى شغال فى الشركة احمد بيه بعتنى عشان اجيب الملف الأسود اللى فى الدولاب
فتحت سما الباب بعدما اطمئنت انه من طرف احمد
ولكن ثوانى وكانت مغشى عليها بين يدى ياسر
خالد يلا شيلها بسرعة قبل ما حد ياخد باله
وقامو بحملها ووضعها فى السيارة والاتجاة الى المخزن الى حيث
رانيا وليلى موجودين
رانيا : برافو عليكو معلمين بصحيح
كده باقى تنفيذ الجزء ٢ من الخطة
ليلى : هتكلميه انتى ولا اكلمه انا
رانيا : لا انا اللى هكلمه
ثم قامت بالاتصال عليه
عند احمد فى الاجتماع وجد هاتفه يرن برقم رانيا
احمد لنفسه : ودى عاوزة ايه تانى ولكنه لم يرد
وقام بعمل الفون صامت
ولكن رانيا لم تتركه فى حاله
فرنت حوالى ٥ مرات فى المرة ٦
فتح احمد عليها : ايوة يا رانيا انا مش فاضى دلوقتي عندى اجتماع اقفلى
رانيا بخبث : استنى بس ويا ترى مراتك اهم ولا الإجتماع
احمد باستغراب : ايه اللى دخل مراتى فى الموضوع
رانيا : لا ابدا اصل صاحبتى سما منورانى شوية
احمد باستغراب : صاحبتك ؟!
رانيا بخبث : امال . ليه هو استاذ احمد ميعرفش ان سما حبيبت القلب مراته اللى متفقين انا وهى ان احنا نقلبه وناخد كل املاكه
احمد بغضب : كل بره الإجتماع اتلغى
احمد لرانيا : انتى واحدة كدابة انتى تعرفى سما منين يا روح امك
وهى بتعمل عندك ايه
رانيا : طب براحة بس على نفسك شوية واعمل اللى هقولك عليه
عشان حبيبت القلب متتأذيش
احمد بعصبية : قسما بالله لو مسيتى منها شعرة ليبقى اخر يوم فى عمرك
رانيا باستمتاع : خلصت . اسمع بقا طلباتى
زى الشاطر كده تجيب شانطة معاك فيها ٤ مليون جنية
ولاا حبيبت القلب ما تسويش عندك كل ده
احمد بهدوء قبل العاصفة : الساعةكام والعنوان ايه
رانيا : ايوة شاطر بتسمع الكلام وبنصحك يا شاطر متبلغش
البوليس لانه عمره ما هيعرف يوصل لمكانا وكمان عشان حبيبت القلب متتأذيش
احمد بهدوء مخيف : متقلقيش المعاد والعنوان
رانيا : المعاد بعد ساعة من دلوقتى والعنوان هتروح زى الشاطر كده
لوحدك فى شارع .....هتسيب الشنطة وتمشى وتانى مرة هقولهاك بنصحك متبلغش البوليس
احمد بجمود : ماشى سلام
كل هذا وسما ما زالت تحت تأثير المخدر غير واعية لما يحدث
بعدما انتهى احمد من المكالمة اخذ المبلغ المطلوب
وقام بالذهاب الى قسم الشرطة
احمد له صاحب فى المباحث اسمه زين صديق احمد من ايام الثانوى
احمد للعسكرى : زين باشا موجود يا بنى
العسكرى باحترام : ايوة يا باسا اقوله مين
احمد : قوله احمد السيوفى
العسكرى : تحت امرك يا فندم
زين للعسكرى : دخله يا بنى بسرعة
زين : اهلا اهلا ابو حميد ايه يابنى اختفيت فين كده ومش باين
صافحه احمد ثم قال : مش وقته يا زين الكلام ده انا مراتى مخطوفة
ثم حكى له كل ما قالته له رانيا
احمد : بس اطمن انا وصلت لمكانهم
زين : ودا ازاى
احمد : سما لابسة سلسلة فيها جهاز تتبع بس انا جايلك عشان
يكون معانا قوة عشان مكنش لوحدى
زين : طب يلا بينا
احمد يلا
وصل كل من احمد وزين الى المخزن المهجور
احمد : تقريبا هو دا المكان
احمد : بص يا زين انا هدخل انا الأول عشان لو معاهم اسلحة
وانتو ٥ دقايق وادخلو ورايا
بص رن عليا دلوقتى وانا هسيب الفون مفتوح تسمعو كل حاجة
وأول ما اقول ادخلو تعرفو ان هما ممعهمش اسلحة وتدخلو فورا
رانيا : اهلا اهلا احمد بيه كنت عارفة انك مش هتسكت لحد ما
تعرف مكانا برافو واديك عرفتو
جاى وتاعب نفسك ليه
احنا كنا هنوديهالك لحد باب البيت
احمد : ما كنتش اعرف انك واحدة زبالة وو
لحظة لحظة اهذة ليلى
احمد : بصدمة حتى انتى ياليلى
ليلى بجشع : الفلوس بقى يا احمد بيه تخليك تعمل اكتر من كده
رانيا ألقت قنبلتها : ويا ترى احمد بيه يعرف ان هو واحد ملوش
ريحة اللازمة ومبيخلفش ويا حرام رمى بلاه على المسكينة
سما وجاب العيب فيها
وهى بقى ونعم الزوجة الوفية خبت على جوزها عشان متجرحش
مشاعره
احمد بعيون حمراء : انتى بتخرفى تقولى ايه انتو لولا شوية
او*** انا ماكنتش خدت فيكم دقيقة كلكم بس انا محبش اوسخ
ايدى بزبالة زيكم
احمد بصوت عالى وعصبية : ادخلوووووا
ثوانى وكان المكان مليئ بالظباط
وتم القبض على كلا من رانيا وليلى وياسر وخالد .
ثم قام احمد بحمل سما والذهاب الى منزلهم
قام احمد بإفاقتها وانتظر حتى افاقت
سما بتذكر ما حدث : احمد حبيبى انتى هنا ثم قامت باحتضانه
احمد بعيون حمراء : الكلام اللى سمعته ده صحيح
سما : كلام ايه يا حبيبى
احمد بحزن وندم : ان انا مبخلفش والعيب منى
سما بارتباك :اءاء انت عرفت ازاى
ثم قام احمد بقص لها كل ما حدث
سما : انا كنت خايفة على عليك يا حبيبى من الزعل ومكنتش حابة
اشوف فى عنيك نظرة حزن ابدا انا عملت كده عشان بحبك
احمد بندم : وانا عملتلك ايه قدمتلك ايه انا كنت قاسى عليكى اووى سامحينى يا سما
سما : كفاية انك موجود فى حياتى انا مسمحاك يا حبيبى
قام احمد فور انتهائها من الحديث بأخذها بين احضانه
ثم قال لها بصوت مليئ بالحب : بحبك يا جوهرتى الثمينة
سما برقة : وانا كمان بموت فيك
تمت......
انضم لجروب التليجرام ( هينزل فيه الرواية كاملة ) اضغط هنا
للانضام لجروب الواتساب اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك من هنا