رواية قيود العشق مليكة وعز الدين الفصل الـ 8 و 9 و 10 بقلم دعاء احمد
رواية قيود العشق مليكة وعز الدين الفصل الـ 8 و 9 و 10 هى رواية من كتابة دعاء احمد رواية قيود العشق مليكة وعز الدين الفصل الـ 8 و 9 و 10 صدر لاول مرة على موقع التواصل الاجتماعى فيسبوك رواية قيود العشق مليكة وعز الدين الفصل الـ 8 و 9 و 10 حقق تفاعل كبير على الفيسبوك لذلك سنعرض لكم رواية قيود العشق مليكة وعز الدين الفصل الـ 8 و 9 و 10
رواية قيود العشق مليكة وعز الدين الفصل الـ 8 و 9 و 10
في المستشفي الصبح
عز كان بيشرب قهوته جانب سريرها وهو بيبصلها بهدوء و احساس غريب حاسس ان في حاجه غلط وان مليكه مجرد كارت حد بيلعب بيها
مليكه بدأت تفوق وهي حاسه بوجع في دماغها و بتحاول تتنفس
عزالدين استغرب لان الدكتور قال ان دي حاله غيبوبه موقته لكن هي بتفوق
عز ببرود:فوقتي تمام يبقى لازم نصفي حسابنا
قام وقف جانب السرير بتاعها و بيشيل جهاز التنفس عنها
عز بابتسامه :اي رايك تمو"تي دلوقتي
مليكه كانت بتعيط وهي بتحاول تتنفس و بتبصله بقهر وبتعب
:انا عايزه امشي خرجني من حياتك انا تعبت
عز بيرود وضحكه خبيثه:اخرجك من حياتي
الدخول كان بمزاجك لكن الخروج بمزاجي انا
مليكه حطت ايديها على عنيها بتحاول تداري دموعها لكن كانت بتعيط بهستريه و تعب
:انا معملتش حاجه اقسم بالله ما عملت حاجه انت سايب المجر"مين الحقيقين و مركز معايا انا.... اكيد دي خطتهم انهم يبعدوك عنهم
عز بغضب :كنتي شغاله في مصنع هارون الكاشف.؟
مليكه بتعب:ايوه بس انا عمري ما قبلته ولا اعرف مين هرون الكاشف...
عز سابها و بيفكر هل ممكن تكون صادقه ولا لاء
عز ببرود:هنرجع القصر...... و لحد ما افهم كل حاجه هتفضل عنيا عليكي
مليكه بصوت عالي :مش عايزه ارجع معاك انت اي مش بتفهم حرام عليك سيبني في حالي....
عز الدين بغضب مماثل:كلمه زياده هقرا عليكي الفاتحه قريب
مليكه غمضت عنيها و سكتت و بتفكر ازاي تهرب منه لكن مردتش تحكيله عن اللي ميرا عملته........
بعد ساعه
الدكتوره كانت ساعدت مليكه تجهز بعد ما عز الدين طلب ليها هدوم جديده
نزلت وراه ركبوا سوا عربيته في الوقت دا في واحد من الصحافه كان بيصورهم
كانت قاعده جانبه في الكرسي اللي وراء و في ستار بيعزل بين السواق وبينهم
مليكه كانت حاسه بالارهاق و بدون ما تحس نامت و سندت راسها على كتفه
عز الدين فضل يبصلها لأول مره يركز في ملامحها اد ايه جميله كانت قريبه منه جدا
نفض كل دا من راسه وهو بياخد نفس عميق و بيطلع موبيله بيكلم سيف مدير اعماله
سيف:عز باشا اومرني ...
عز الدين بهدوء:عايز مراقبه اربع وعشرين ساعه على هارون الكاشف... و اخو مليكه دا تعرفي عنه كل حاجه سيف عايزه كل المعلومات تكون عندي في أقرب وقت
سيف:تمام يا باشا
عز الدين:ميرا الراوي اي اخر تحركتها
سيف:اخر حاجة كانت في مكان مشبو"ه
و قابلت د"يلر..... الشله اللي اتعرفت عليهم بيخلوها تعمل حاجات غريبه
وللأسف عرفنا ان في حد من الصحافه صورها في النيت كلاب وهي شاربه لكن قدرنا نوقف الجرنال عن نشر الصور أو أي اخبار تخصها
عز الدين بغضب :اقفل يا سيف..... والمعلومات تكون علي مكتبي في أقرب وقت.... و عايزك تبعت حد جينيف يجيب يزن من هناك البيه سايب كل المصايب و بيتصر"مح هناك.....
سيف:تمام يا عز بيه......
عز الدين:ميرا.... ميرا الظاهر لازم نحدد معاد للخطوبه شكلها عايزه تتربى من اول وجديد بس وماله انا موجود و مش هسمح لحد يهز شعره من كرامه العيله ولو فيها مو"تي
عز رجع يبص لمليكه اللي باين علي وشها الاطمئنان نايمه بارتياح و كأنها في عالم تاني
عز رفع ايديه و حطها على وشها الأبيض كان ناعم كان بيحفظ ملامحها
مليكه حسيت و فتحت عنيها كانت بتبصله و هي لسه في حاله شبه فاقده الوعي لكن نظراتها كانت عتاب
الاتنين كانوا ساكتين لحد ما مليكه بعدت عنه وبصت من شباك العربيه
عز اتنحنح بحرج لان دي اول مره يقرب من بنت بارادته بالشكل دا
#دعاء_احمد.. #قيود_العشق8
بعد مده
في قصر الراوي
بتدخل مليكه وراء عز و هي ساكته قابلت فريده (مديره المنزل) اخدتها في حضنها بحنان
فريده:حمد لله على سلامتك يا بنتي
مليكه بابتسامه هاديه:الله يسلمك
عز بهدوء:مليكه مفيش شغل النهارده والخدمين انا رجعتهم تقدري ترتاحي النهارده
مليكه بسخريه:كتر خيرك يا عز بيه
و لنفسها
:ابو شكلك يا بعيد دا انت حتى مش هتديني مرتب لا وبيتانعر عليا جاتك الارف
عز بصلها بشر كأنه فاهم اللي بيدور في دماغه مليكه بلعت ريقها بتوتر و هي بتمشي من ادامه بسرعه جدا
عز ظهر على وشه ابتسامة و فجأه عيونه اتحولت للاسود و هو بيطلع لاوضه ميرا
اللي كانت متوتره وخايفه ياترى عرف انها اللي زقت مليكه في المياه و لا لاء
بدون استأذن رزع الباب و دخل وقفله وراه بالمفتاح
ميرا بتوتر:في اي؟
قل"م نزل على وشها بقوه و غضب
و زقها بقوه على السرير وهو بيثبت ايديها و بيضغط على رقبتها.....
ميرا بخوف:انا معملتش حاجه
عز بقى يضغط بقوه و هي بتعيط
:اسمك ميرا زين الرواي يعني واحده من العيله دي.... وانتي مش عارفه تتصرفي بطريقه تليق بيها..... كنت في الز"فت النيت بتعملي اي.... حذرتك قبل كدا يا ميرا لكن انتي مش بتتعلمي يبقى لازم اتصرف معاكي بطريقتي
ميرا برعب من منظره:عز انا بحبك و اي حاجه بعملها صدقني عشان بحبك
عز بغضب اعمي: قابلتي الد"يلر ليه؟
سهر متأخر و شرب و زفت
الشله اللي حضرتك اتعرفت عليها كانوا بيصوروكي عشان ينزلوا الصور في الجرايد و تبقى فض"يحه
ميرا بخوف:انا اسفه اوعدك مش هقابلهم تاني
عز بعد عنها و بسخريه:دي لو خرجتي من القصر اصلا....
ميرا:حاضر والله مش هخرج بس متزعلش مني لو سمحت
عزالدين:اوعي تكوني فاكره اني اهبل.... كل تحركاتك عندي و اللي عملتيه في مليكه مش صعب اني اعرفه.....
ميرا بتوتر:مليكه
عز بجمود وتهديد:اوعي يا ميرا اوعي تقربي منها لان مليكه تخصني و انتي عارفه بعمل اي في اي حاجه تخصني
ميرا بغيره قا"تله:تخصك ازاي يعني... انت في بينك وبينها حاجه
عز بلامباله:وانتي مالك
ميرا:انا هكون مراتك....
عز:ياريت دماغك تفهم انك هتكوني مرات عز الدين الرواي وتتصرفي على الأساس دا
قالها وهو بيخرج من اوضه ميرا و كلم الحرس يمنعوها من الخروج
ميرا لنفسها:لالا مش هسيبها تاخدك مني
لازم ابعدها عنك لازم تمشي مش هسمحلك تبقى لوحده غيري والبت دي شكلها مش سهله
في مكان اخر
سهر:عايز اي يا هارون (البوص)
هارون وهو بيبص لصور مليكه:كل حاجه و اولهم مليكه و فلوس ابن الرواي
سهر هانم:مليكه؟؟ ليه و بعدين فلوس عز الدين لينا مش ليك.... انا ممكن اعتمد على ميرا وأنها هتكون مراته و ساعتها الفلوس دي هتكون لبنتي بس انا عارفه عز الدين ممكن في لحظه يسحب منها كل فلوسه عشان كدا مشتركه معاك في الخطه
هارون ببرود: مليكه بالنسبه لينا فرصه ذهبيه و خصوصا لو عز الدين حبها
سهر هانم:تقصد اي؟
هارون:لو حبها هيكون تحت سيطرتنا لان وقتها ممكن نضغط على مليكه و نخليها في صفنا بسبب الصور دي (صور مليكه لما فقدت الوعي و هما صوروها)
سهر: مش عارفه يا هارون انا اصلا مش فاهمه ليه دي اللي انت اختارتها
هارون بابتسامه صفرا
:من سنه و نص مليكه كانت شغاله في المصنع بتاعي و قتها شفتها حسيت انها مكسب لأى حد
عرفت كل المعلومات عنها و عن اخوها
و اتفقت مع اخوها انه يسر"ق القصر و في نفس الوقت صاحب اخوها يكلمها
عشان تروح تلحقه
لكن انا كنت مخطط لكل حاجه
ان في الوقت دا اخوها يهرب و الحرس يمسكوها و لاني فاهم عز الدين كنت متأكد انه لايمكن يسيبها تمشي او تبعد عنه لحد ما يعرف مين اللي بعتها تسر"قه
و طول ما مليكه حواله وقتها بس ممكن تسيطر على أفكاره ومشاعره لأن مفيش زيها في طيبتها و ساذجتها و لسانها الطويل
و هي دي اللي ممكن توقع ابن الراوي
سهر:دماغك سم
هارون بسخريه :من بعض ما عندكم
بعد يومين
في قصر الراوي
مليكه كانت بتنضف اوضه عز الدين
:هو الجدع دا اهبل يعني حتى لو مقتنع اني فعلا اللي عملت كدا هيسبني امرح في الاوض براحتي كدا
عز الدين من وراها:عشان متقدريش تعملي حاجه يا قطه
مليكه بفزع:ابو شكلك في حد يفزع حد كدا
عز قفل بابا الاوضه و دخل بقى يتحرك ناحيتها و هي واقفه بتبصله بشك....
عز بهمس:متقدريش تعملي حاجه طول ما انتي هنا......
مليكه بتوتر من قربه:طب خالص خالص يا عم بعد اذنك سيبني بقى انزل عش
قبل ما تكمل جملتها كان حضنها بيد"فن راسه في رقبتها
مليكه
عز الدين شد مليكه لحضنه و د"فن راسه في رقبتها..... مليكه حست بقلبها اتقبض لكنه بيدق بسرعه و الصدمه مسيطره عليها
عز كان بيستنشق عطرها و هو ساكت بيفكر في حاجه.......
مليكه استوعبت الموقف بسرعه غر*زت سنانها في كتفه عضته بقوه و مش عايزه تسيبه
عز بغضب :ابعدي يا بنت العضا"ضه
بحركه سريعه بعدها عنه ولؤي دراعها
عز الدين بخبث :انتي قدها.....
مليكه بغضب بتداري توترها
:انت... انت قليل الادب و مش محترم...
ازاي تعمل كدا يا بني آدم انت مترد....
و بعدين سيب أيدي يا جدع
عز بخبث و ابتسامه صفرا:و لو مسبتش
مليكه بتوتر و طريقه مسرحيه :هصوت و الم عليك كل اللي في القصر وبعدين انت مش خايف خطيبتك تشوفك معايا كدا هتقول اي بس يا سعاده البيه ميصحش
تقول انك بتغرغر بالخد"امه يعني
عز بصلها بدهشه و فجأه انفجر من الضحك لدرجه ان عيونه دمعت وكل اللي في القصر سمعوه و استغربوا عز الدين الرواي بيضحك عادي زينا كأنه نسي كل حاجه
ضحك من قلبه بعد وقت طويل اوي
مليكه كانت بتبصله باستغراب لكن بتلقائيه ابتسمت
مليكه بتلقائيه :الضحك حلو مفيد للانسان افضل اضحك على طول و شيل القناع المزيف اللي انت حطه دا
عز بصلها بجمود مره تانيه:
اطلعي برا
مليكه لنفسها:قسما بالله كنت عارفه يخربيتك شكلك
مليكه :بقولك..... هو انت هتعتقني امتى بجد لان تعبت
عز :لما افهم كل حاجه و امي تقوم بالسلامه ساعتها بس ممكن اسيبك
مليكه اخدت نفس عميق قبل ما تتعصب عليه و خرجت بسرعه
بعد مده
عز الدين خرج راح شركته كان بيشتغل لحد ما السكرتير طلب يدخل و اذنله بالدخول
السكرتير:عز بيه في واحد تحت مصمم انه يقابل حضرتك و لكن الامن رفضين
عز وهو بيقلع نضاره القراءه : اسمه اي.
السكرتير:عماد سليمان بيقول انه صاحب الاتيليه اللي مليكه كانت شغاله فيه وحابب يقابل حضرتك
عز:مليكه.... خليه يطلع
السكرتير:تمام
بعد دقايق
طلع عماد وكانت دماغه مربوطه بشاش إثر ضر"بة مليكه له لما حاول يعتد"ي عليها
دخل لمكتب عز الدين وفضل واقف وفاتح بوقه من الصدمه والذهول
مكتب عز الدين الرواي مميز جدا بصميماته و الألوان واسع جدا شيك
عز حط رجل على رجل و طلع سيجار يد"خنه:هتفضل تبحلق للمكان كدا كتير أنجز عايز تقول اي
عماد بطمع: كنت عايز مصلحتك يا سعاده البيه....
عز بسخريه :و مصلحتي اي بقي
عماد:البت مليكه دي بنت ايديها طويله و مش ولا بد
عز:يعني اي بقى ان شاء الله
عماد بتمثيل متقن:شايف دا يا بيه... هي اللي ضر"بتني كدا لما قفشتها بتسر"ق المحل ضر"بتني وهربت
بس مش كدا و خالص دي حاولت تغر"يني يا باشا عشان اسكت لكن انا راجل د"مي حر و مقبلش الحر"ام
عز ضغط على ايديه بقوه لكن باين بقناع الهدوء:و عملت اي بقي
عماد بخبث:انت را"جل يا سعاد البيه وفاهم قصدي... قعدت تقولي هعيشك ليله ولا الف ليله وليله و تتدلع عليا لكن انا ابدا و لمآ كنت هفض"حها ضر"بتني و سابتني د"مي سا"يح وهربت بنت ال...
عز بغضب :و لمآ هي عملت كدا ليه مبلغتش البوليس... وليه جايلي دلوقتي
عماد :عشان أحذرك يا بيه دي بت مش سهله تفضل تتسهوك و تمثل دور البريئه لكن دي حيه و انا عرفت من اخوها انها عملت مصيبه في بيت حضرتك و قلت من الشهامه اني أحذرك يا سعاده البيه
عز:ااامم و ايه دليلك على الكلام دا
عمادبارتباك:كل بنات الاتيليه يشهدوا يا بيه انها كانت دايما تتقصد تعمل حاجات مش كويسه والبنات نصحوها لكن هي بقى... ياله ربنا عالم بعباده.. وبعدين يا باشا هو انا هستفاد اي يعني لما اشو"ه سمعة البنيه
انا قلت انبه حضرتك اصل دي مش سهله
عز بغضب :اطلع برا
عماد ابتسم بخبث و مشي
برا الشركه
عماد في الموبيل:ايوه حصل يا هانم
ميرا بخبث:تمام فلوسك هتوصلك
عماد:انا موجود لو احتاجت يني في أيتها خدمه
مير قفلت بدون ماترد
ميرا لنفسها:فكرك لما تحبسني في القصر مش هعرف حكايتها اي يا عز بس لا البت دي لازم تختفي و انا بس هضغط على الحديد و هو سخن
عند عز
خرج من الشركه و هو مش شايف ادامه لحد ما وصل للقصر
مليكه كانت في كانت في اوضتها نايمه و هي بتفكر ناويه تعمل اي لحد ما الباب اتفتح
مليكه بفزع و غضب:اللهم اخزيك يا شيطان انت ا
قاطعها عز و هو بيمسك دراعها بعنف و بيقومها
مليكه :في اي....
عز بو"قا"حه :مدام الحلوه شما"ل لازمتها اي دور البنت الغلبان دا مفيش منه فايده
مليكه بغضب :احترم نفسك انا أشرف من اي واحده انت عرفتها في حياتك و سيب ايدي
عز شدها اكتر له:لا يا قطه قالتها لك قبل كدا الدخول كان بمزاجك لكن الخروج بمزاجي انا و دلوقتي بقي انا عايزك
مليكه بخوف:حرام عليك انا مش عارفه اثبتلك برائتي ازاي بس والله ماليا ذنب في اي دا
عز و هو بيقرب منها و بيفك حجابها لكن منعته :مش هسمحلك تعمل كدا لو على مو"تي
عز :تمام يا مليكه النهارده بليل لو مجتليش بمزاجك اعتبريه اخر يوم ليكي انتي وكل عيلتك
قال كلامه وهو بيخرج من الاوضه و بيرزع الباب وراه
مليكه قعدت على السرير و بتفكر هتعمل اي دا واحد مجنون
لحد ما بقيت تعيط و هي مش لايقه حل غير أنها تهرب لكنه محاوط القصر بحرس من كل ناحيه حتى الجنينه مش مسموح لها انها تخرجها
لحد ما ميرا فتحت الباب و دخلت اوضتها وقفلت الباب وراها
مليكه بغضب :اللهم طولك يا روح هي ناقصك يا بنت ا
ميرا:مليكه ميبقاش قلبك اسود كدا
مليكه وهي بتمسكها من شعرها :و انتي اللي قلبك بمبي يا اختي دا انتي كنتي هتمو"ت يني يا بنت الجزمه و الله ما انا سايباكي النهارده اا لما اطلع كل الغُلب عليكي
كنت بتتكلم وهي بتضر"بها بغل و قهر
ميرا بتعب:يا بنتي اسكتي بقى و سبيني في حالي دا انا كنت جايه اساعدك
مليكه :مساعده منك دا انتم عيله بومه
ميرا:انا لقيتلك طريقه تهربي بيها يا بنتي
مليكه :بجد.... ازاي و النبي خرجيني من هنا النهارده وحياه ابوكي
ميرا وهي يتعدل شعرها :يبقى اسمعي الكلام و تفهميني كويس والا عز الدين هيخلص علينا كلنا
ميرا بشر:لو عايزه تهر"بي من جح"يم عز الدين تسمعي اللي هقلك عليه و تنفذيه بالحرف الواحد لان لو عز الدين شم خبر اني بساعدك تهربي هيخلص علينا احنا الاتنين فاهمني
مليكه بسرعه:فاهمه فاهمه بس انجزي لان لو فضلت هنا النهارده
فجاه سكتت ووشها احمر وهي بتفتكر و"قا"حته معها
ميرا ضغطت على ايديها بغيره و فهمت اللي بيدور في دماغ مليكه
ميرا بغضب و بتحاول متبينش:بصى كل شهر بيجي عربيه تبع الابا"ده عشان يرشوا البيت
مليكه:اه وبعدين
ميرا:بصى العربيه بتدخل القصر و محدش من الحرس بيفتشها لان كلها مواد كيما"ويه انتي هتستغلي انشغالهم في رش القصر و تركبي العربيه واستخبي بين الحاجه الموجوده
و لمآ تبعدي عن القصر اخرجي و اهربي روحي اي مكان بعيد ان شااله حتي الصعيد اختفى عن عيون عز لان لو جابك هينف"خك
مليكه :متوترنيش بقى اي القر"ف دا....
ميرا:نص ساعه و العربيه بتكون موجوده هنا انجزي قبل ما يوصل
مليكه :حاضر حاضر بس انا مش معايا فلوس هنا خالص و لو روحت بيتي القديم ممكن يلحقني على هناك
مبرا:خالص خالص هديكي من معايا
مليكه استغربت تغيرها دا وأنها بيتساعدها لكن مهتمش المهم عندها انها تخرج
ميرا خرجت و مليكه غيرت هدومها وجهزت بعد شويه ميرا جيت اخدتها و نزلت وهي بتحاول تتفادي كاميرات المراقبه لأنها عارفه مكانها كويس
العربيه كانت قريبه جدا من مدخل القصر
ميرا ساعدتها تركب فيها و تختفي بين المعدات الموجودة كانت حاسه انها هتتخنق من الريحه
بعد مده
العربيه وقفت عن البوابه و الحرس كانوا بيفتشوها مليكه قلبها اتق"بض لكن محدش كان مهتم وهو بيدور لأنهم واثقين في الشركه اللي بيتعاملوا معها
خرجت من القصر وهي حاطه ايديها على قلبها وبتدعي ربنا ان الموضوع يعدي على خير بالرغم كدا كانت حاسه انها متضايقه و هي بتفكر في عز الدين لكنها عارفه كويس ان وجودها معه غلط
حتى لو عرف الحقيقه هما مش شبه بعض و لا عمرهم هيكونوا سوا دمعه نزلت من عنيها وهي بتفكر في اخوها اللي باعها و دبسها في حاجه زي دي
كانت هتتخنق لولا أن العربيه وقفت عن البنزينه حأولت تفتح الباب لكن كان في صعوبه في الأول
وشها كان كله عرق و التنفس بقى صعب
زقت الباب بقوه و فتحته و خرجت من العربيه بسرعه
اخدت تاكسي و طلعت على محطه القطار و اخدت قطار قنا
في قصر الراوي
عز الدين وصل البيت وهو بيفكر في كلامه الو"قح لمليكه قبل ما يمشي و انها هتروحله بمزاجها
غمض عنيه بغضب لانه عمره ما قرب من واحده غصب عنها او حتى برضها عمره ما فكر بالطريقه دي
لكن قرر انه يكمل في اللي قال ك اختبار ليها و ياترى هتسلمله نفسها ولا هتثبتله ان هي بريئه
طلع على اوضته و دخل ياخد شاور بعد شويه خرج كان بينشف شعره
حس بأيد بتتلف حواليه و حد بيسند على ضهره افتكرها مليكه و بأن عليه الاشمئزاز و انها خيبت ظنه..... بيبعدها عنه بعنف
ميرا بوجع:اه
عز بغضب :انتي بتعملي اي هنا و اي القر"ف دا
كان بيتكلم و هو بيبص لشكلها و مكياجها المبالغ فيه وفستانها القصير
ميرا:في اي يا حبيبي و بعدين دي أحدث صيحه في الموضه و بعدين حد يكلم مراته كدا.....
عز بغضب :ميرا امشي من ادامي و غيري الز"فت دا..... افرضي حد من الحرس شافك كدا
ميرا بسعاده :غيران؟
عز بسخريه :ميرا روحي اوضتك امشي من ادامي احسنلك و متنسيش اننا لسه حتي معملناش خطوبه
ميرا ابتسمت بحب هوس وهي بتقرب منه ويتحرك ايديها على صدره العا"ري باغو"اء
:طب سيبك من الرسميات دي و خليك معايا يا عز
عز ابتسم بخبث وفجأه مسك شعرها بغضب
:ميراااا قسما برب العزه لو قربتي مني و حاولتي بالطريقه الز"باله دي وقتها اعتبري نفسك ميته فااااهمه
ميرا بوجع وشر:كل دا عشان الهانم الحر"اميه الو"اطيه دي.... كل دا عشان واحده متساويش
عز الدين بغضب :مييرررررااا مالكيش تدخلي في اي حاجه تخصني و بلاش انتي عشان عارف كل بلا"ويكي و على فكره من بكرا هتبداي تتعالجي من الز"فت المخد"ر اللي بتاخديه عشان مقبلش ان مراتي تكون مد"منه هتتعالجي هنا في البيت مش ناقصنا فضا"يح بسبب واحده مستهتره زيك
ميرا بدموع :عز انا بحبك ليه دايما بتعمل فيا كدا
عز:عشان كل اختياراتك غلط حتى قراراتك متهوره فوقي احسنلك.....
ميرا:انا اسفه
قالتها وهي بتز"ق ايديه وبتخرج من الاوضه و بتجري علي اوضتها.......
عز اخد نفس عميق و كلم المستشفي يطمن على والدته لكن مفيش جديد في حالتها
لابس تيشرت اسود و بنطلون جينز ازرق و خرج من اوضته وراح لاوضه مليكه فتح الباب لكن ملقاش استغرب و نزل يدور عليها مش موجوده لا في المطبخ و لا في اي مكان
بعد مده
الحرس دوروا عليها و مفيش ليها اي اثر
عند هارون الكاشف
هارون بغضب :يعني اي هررربت مليكه لازم ترجع انا خالص اتفقت مع الصحافه على المفروض يعملوه
سهر:معرفش يا هارون هي فجأه اختفت...
هارون بتفكير:اكيد حد ساعدها من عندك... و اكيد الحد دا مش عايزها تفضل او عايز يساعدها
ميرا و مديره المنزل هما الاتنين اعرفي من ميرا مليكه لازم ترجع انتي فاهمه
سهر:حاضر حاضر هحاول اعرف
عند عز الدين
طلع اوضه ميرا بغضب و فجأه رزع الباب و دخل
انضم لجروب التليجرام ( هينزل فيه الرواية كاملة ) اضغط هنا
للانضام لجروب الواتساب اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك من هنا