رواية امير الرجال كاملة جميع الفصول بقلم مروة عبد الجواد
رواية امير الرجال جميع الفصول هى رواية الكترونية بقلم مروة عبد الجواد و رواية امير الرجال رواية رومانسية نشرت لاول مرة على منصة التواصل الاجتماعى فيسبوك وحققت نجاحا كبيرا لذلك سنعرض لكم اليوم رواية امير الرجال كاملة جميع الفصول
رواية امير الرجال كاملة جميع الفصول
رواية امير الرجال كاملة جميع الفصول
رواية امير الرجال كاملة جميع الفصول ( الفصل الاول 1 )
في شارع هاديء بعد العصر تحديدا ، تمشي ساره بعد يوم شاق وطويل اتيه من شغلها ترتدي دريس طويل مسترده اللون ومعها شنطه يدها تعلقها علي كتفها ، وهاتفها في يدها ، كانت تسير بجانب الطريق فارادت ان تعبر الطريق ، فااتي هو مسرعا بعربيته الفاخره وارتطمت بقدميها فتعثرت ووقعت بالشارع .
توقف امير بعربيته ونزل مسرعا وهو مرتبكا لما حدث ، وكانت رجل ساره تؤلمها ولا يوجد ماره بالشارع، امير رائها وحاول مساعدتها فامسك بيدها تنهض ولكن ساره ليست بقادره علي النهوض وتتالم .
وقف امير متحيرا مما حدث ، وساره تتالم بالاهات من الوجع فااستجمع امير تفكيره وقال لها هوديكي المستشفي .
وقام بحملها وساره تمنعه من خجلها وتقول له ابعد عني وتنادي مفيش حد هنا يساعدني ، فنظر امير حوله فلم يجد احد فقام بحملها رغما عنها وهي تحاول ابعاده وتقوله ابعد..... ابعد ...، فلا يوجد ماره في الشارع يحاولوا مساعدتها وهي ايضا تتوجع وتتآوي من الالم ، فاادخلها عربيته وهو يحاول ان يهدئها وفي نفس الوقت هو مضطرب مما حدث فيحاول تهدئتها اطمئنانها بسيطه.. متخفيش .... انا اسف ..... حقك عليا....... ، وكان متوترا بعض الشيء ، ادار العربيه وقادها بسرعه كبيره لياخد ساره لاقرب مستشفي وهي تتاوي من الوجع والالم .
#في المستشفي
امام مستشفي الرحمه الخاص ، نزل مسرعا من عربيته وفتح باب العربيه الذي بجوارها وقام بحملها وادخلها المستشفي ، في صاله الاستقبال ، قال بصوت عالي فين الدكاتره ..... فين الاسعاف فااتي علي الفور فريق الاسعاف مكون من دكتور واثنان ممرضين رجاله وبنت ممرضه، ووضعوها علي العربه المتحركه وادخلوها غرفه الكشف واغلق الباب.
امير يقف بقلق وتوتر وهاتفه لم يهدي اتصالات فامسكه وقد قام بعمل خاصيه الصامت ، بعد وقت ليس بكثير يخرج الطبيب من غرفه الكشف .
الطبيب : يوجه كلامه الي امير ،حاجه بسيطه متقلقش .... كشفت عليها وعملت الاشعه وطلع كسر في رجليها .. محتاجه تجبيس ...
امير : تمام يادكتور اعمل الازم .
يدخل الطبيب غرفه الكشف ومعه الممرضه حامله ادوات الجبس .
ساره مستلقيه علي الشازلونج ( سرير الكشف) تتوجع وتنظر في دهشه في ايه هتعملو ايه .
في بيت ساره .
البيت ملك لوالد ساره وهو مكون من طابقين الاول ارضي محل ومخزن ، والدور الاول علوي مكون من صاله بها انتريه وغرفتين ، غرفه الام والاخري غرفه ساره واختها مي ومطبخ متوسط وحمام صغير .
الحاجه فاديه ( والده البطله) ست بسيطه زوجها متوفي منذ شهرين وتعيش هي وبناتها من ايجار المحل والمخزن ، اولادها هم ساره وقد تخرجت منذ من كليه التجاره اداره اعمال .
ومي بنت خفيفه الدم وشقيه ومتطلعه بعض الشيء في السنه النهائيه من كليه الاداب ، الام ليس ليها غير بناتها وتخاف عليهم جدا خاصتا بعد وفاه الزوج .
الحاجه فاديه تجلس علي كنبه الانتريه في الصاله ، وتتصل علي الهاتف وتقول مبتردش يامي .
مي تخرج من غرفتها ياماما متقلقيش تلاقي اتاخرت في المواصلات.
الحاجه فاديه : تمسك الهاتف الخلوي وتتصل فتجد الموبايل مغلق ،تلفونها اتقفل استر ياارب انا قلبي واكلني عليها .
مي : تحاول تهدئه والدتها ، هتلاقيها داخله علينا دلوقتي يمكن فصل شحن.
الحاجه فاديه : بقلق وخوف ، اتصلي علي اي حد من صحاب اختك طمنيني يامي .
مي : ببرود ، صحاب ايه هي ملهاش صحاب في الشغل الجديد ، زمانها جايه وبعدين دي كلها نص ساعه تاخير ، متكبريش الموصوع اوي كده.
في شركه ابو الدهب .
في شركه ابو الدهب للاستيراد والتصدير ، ولها افرع في جميع المحافظات
في غرفه السكرتاريه ، مدير اعمال امير ( عمرو الزعفراني ). والسكرتيره منار .
عمرو : يقف امام منار بعصبيه هااا .... رد ....
منار : تجلس علي مكتبها ، لسه يامستر عمرو.
الشركاء الاجانب خارجين من قاعه الاجتماع غاضبين ، لا يوجد احترام للمواعيد سوف ناتي عندما تحترموا المواعيد.
عمرو : بتسرع بس لسه مش عارفين مستر امير مبردش ليه وايه سبب تاخيره .
الشركاء : بغضب، يتركوا الشركه ويمشوا .
عمرو : ينظر الي منار، متصلتيش علي البيت.
منار : اتصلت وقالوا مشي من بدري .
#في المستشفي .
تحديدا في غرفه الكشف.
الطبيب : يوجه كلامه الي ساره، يلا علشان هنجبس رجلك .
ساره : تتآوي من الالم وبأستغراب ،جبس لا .. لا ارجوك يادكتور .
امير : يدخل غرفه الكشف ويرد ،متعجبا ليه في ايه.
ساره : تتالم من قدمها وتوجه كلامها الي الطبيب ، شوف اي دوا او مسكن ، اي حاجه غير الجبس .
الدكتور: ينظر الي امير لا مينفعش دا كسر ولازم رجلك تتجبس
خرج الدكتور لينادي علي الممرضه لكي تحضر الادوات .
امير : ينظر الي ساره انا اسف علي اللي حصلك ، لكن ليه مش عايزه الدكتور يجبس رجلك .
ساره : بالم . ارجوك ...ارجوك ..( تتوجع اااه.. رجلي....) خليه يشوف اي حاجه غير الجبس .
امير : متعجبا ،حاضر بس فهميني ليه!!
ساره : تشهق عندما تكرت والدتها ،ماما الموبايل .. فين الموبايل ، وتتلفت يمينا ويسارا .
امير : معرفش ممكن يكون في شنطتك في العربيه .
ساره : لا كان في ايدي مش ف الشنطه (ااااه يارجلي... بتوجعني اووي) .
يدخل الطبيب وخلفه الممرضه حامله ادوات الجبس
ساره : بتذلل ، لا ارجوك يادكتور انا لسه مستلمه شغل جديد مبقليش اسبوع ولو مرحتش هطرد .
الطبيب : ينظر الي امير ، امير ينظر الي ساره بتعجب ، شغل !!!
امير : يوجه كلامه الي ساره ، انتي مش عايزه تجبسي رجلك علشان الشغل ؟!
ساره : بكل براءه ، اه .
امير : ببرود ينظر الي الطبيب ويشاورله ، جبس يادكتور بسرعه لو سمحت .
ساره : تنظر الي امير ، بضيق .
الطبيب : يحاول الكشف عن قدمها فتداري ساره قدمها بأستحياء بطرف الدريس
ساره : تنظر الي ،امير حرام عليك قوله بلاش جبس.
لا احد يرد علي ساره ، وابتدأ الطبيب بااخذ القطن الذي يتناوله من الممرضه ولفه حول قدم ساره ( ساره في خجل رغم انها ليست محجبه الا انها محتشمه في لبسها) ثم اكمل الطبيب لف عجينه الجبس حول قدمها الي ان انتهي .
الطبيب : بأبتسامه ،حمدالله علي السلامه وترك الغرفه هو والممرضه .
ساره : تنظر الي امير وقد تملكها الغضب والضيق ، عجبك كدا هتطرد من الشغل بسببك ، وموبايلي ضاع بسببك ، واتكسرت بسببك ، وماما هتتجنن عليا علشان اتاخرت بردوا بسببك.
امير : ينظر لها ويبتسم حمدالله علي سلامتك.
ساره : تنظر له بغضب شديد .
امير : يحاول تهدئه الامور معها ، يلا بقي علشان اشيلك ونخرج .
ساره : بدهشه . تشيلني !!
امير : بضحكه ومكر ، اه زي ماجبتك هنا شايلك .
تدخل الممرضه ومعها كرسي متحرك فتنظر له ساره باابتسامه صفراء ، فتساندها الممرضه حتي تجلس عليه فيمسك امير يدها الاخري ليساندها فتوكزه ساره وتبعده عنها فيظر لها امير بضيق ، والممرضه تلاحظ وتبتسم .
تجلس ساره علي الكرسي المتحرك وتخرجها الممرضه وبجانبها امير ، حتي خرجوا من باب المستشفي
وفي حديقه المستشفي ، عربيه امير امام باب المستشفي فيفتح امير لها باب الكرسي الامامي .
ساره : بضيق ، لا انا مش هركب هشوف تاكسي .
امير : مستغربا ، تاكسي اركبي يلا علشان اساعدك .
ساره : تنظر له وترفع حاجب ،لا مش هركب معاك ، عايز المره الجايه تبقي حادثه واموت.
امير : يبتسم ، تموتي لامتخفيش مش المرادي ، ويلا بقي .
سار : بعند وحده ، لا مش هركب
فاقترب منها امير ودفع يدها ليسندها بيده وادخلها علي حافه كرسي العربيه
ساره : بضيق ، سبني .. سبني.
الممرضه تنظر لهم بأستغراب .. وقد ركبت ساره علي حرف كرسي العربيه وسحبت الممرضه الكرسي المتحرك ، فنزل امير ليرفع قدم ساره المتجبسه ليدخلها العربيه وادخلها برفق وقفل باب العربيه ، وقد انصرفت الممرضه .
ركب امير العربيه وبدا يقودها .
ساه : بعصبيه ، مش عايزه اركب معاك هي عافيه .
امير : يااخذ نفس عميق ويتكلم بهدوء ، انا اسف ع اللي حصلك ، انتي طلعتي قدامي فجأه .
ساره : بعصبيه واتهام ، انت علشان راكب عربيه هتموت الناس ، انت مبتشفش ايه راكب طياره ، تكسرلي رجلي كدا حرام عليك.
امير : بعصبيه اتهدي بقي ، خلاص خلصنا ، وانتي مبتخليش بالك ليه قبل ماتعدي الطريق.
ساره : بصوت مرتفع ، وانت كمان بتزعقلي مش كفايه اللي عملته فيا .
امير : ينظر لقدمها المتجبسه ويااخذ نفس عميق ويتمتم بصوت خافت استغفر الله ، حقك عليا هي فعلا غلطتي انا كنت لسه ببص علي الفون اشوف مين بيتصل وانتي ظهرتي قدامي فجاه.
ساره : ببرود ، ماانا عارفه انها غلطتك انت ، اومال غلطتي انا ، وقفني هنا بقي .
امير. : هو بيتك هنا .
ساره : لا بس عايزه اشوف تاكسي ، لتعمل بيا حادثه تموتني ، وتقول مخدتش بالك .
امير : بعصبيه وضيق ، اتصدقي بالله ان دمك زفت ومفيش تكسيات هنا .
ساره : بضيق ، انا زفت ، والله لاصوت والم عليك الناس واقول انك خاطفني. .
امير : يضحك هههههه خاطفك وانتي متجبسه ، دا مين الاهبل اللي هيصدك كلامك ، يابنتي اتهدي بقي انتي عايزه تبهدلي رجلك في المواصلات.
ساره : تنظر له بااستفزاز ، ماانت السبب البركه فيك .
امير : بعصبيه، الله مايطولك ياروح عنوانك فين خليني اوصلك واخلص.
ساره : بتعجب ، تخلص وقفني هنا هاخد تاكسي.
امير : بعصبيه ، وبصوت مرتفع اخلصي عنوانك فين ، انتي مبتفهميش.
ساره : برجفه وخوف 6 شارع مصطفي كامل امبابه .
امير : ينظر لها باابتسامه ، ما كان من الاول لازم تخرجيني عن شعوري كده ، انتي اسمك ايه بقي .
ساره : ملكش دعوه.
امير : تصدقي اسم حلو اوي ، يااااا وياتري بابا اسمه ملكش دعوه بيا يااللي بتسال عليا هههه
ساره : تسدق ان دمك انت اللي زفت ،مش كفايه خبطني كمان بتتريق ، ليك نفس ازاي .
امير : يابنتي هوني علي نفسك اللي حصل حصل فوكي كدا ، انا كان غصب عني والله انتي مبتسدقيش ليه ، دا انا سبت شغلي علشان خاطر مسبكيش كده.
ساره : تنظر له بتعجب ، لا بجد
امير : اه والله وكان ورايا ميعاد مهم كمان.
ساره : تسدق كتر خيرك اووي ، انك خبطتني وكنت كمان عايز تسبني مرميه في الشارع .
امير : يطرد زفيرا بغضب ، ويشاور لساره براسه هنا .
ساره : اه هنا الشارع االي بعد الجاي .. تشاورله ساره علي البيت.
يقف امير امام البيت وينزل من عربيته حتي ينزلها ، ففتح باب العربيه .
ساره : هتعمل ايه.
امير : هعمل اي يعني هنزلك .
ساره : لا مينفعش في ناس يقولوا ايه.
امير : يضحك يقولوا الهانم متجبسه والراجل (يشاور علي نفسه ) اللي معاها هيشلها يطلعها علشان بيكفر عن ذنبه .
ساره : لاول مره تبتسم ، اطلع بس البيت دا ( وتشاورله علي بيتها) ونادي علي مي اختي .
رواية امير الرجال كاملة جميع الفصول ( الفصل الثانى 2 )
في بيت ساره تحديدا في شقه والدتها
والده ساره تجلس علي الاريكه في الصاله وباب الشقه يطرق .
الحاجه فاديه : تنادي بصوت عالي يامي ... يامي افتحي لاختك ، وتنهض هي من علي الكنبه .
مي : تخرج من غرفتها وتتمتم بصوت عالي ، مي ... مي ... هو مفيش غير الزفته مي ف البيت ، ( الباب يطرق مره اخري ) حاضر حاضر هفتح اهو ، وهي بنتك مش معاها المفتاح، مبتفتحش ليه ايه التعب دا ياربي .
الام تمشي بخطوات بطيئه ، ومي مسرعه تجاه الباب وتفتحه.
مي : تتفاجا بشخص غريب ، طول وعريض البنيه ووسيم وملابسه شيك ، فتنظر له بإعجاب وبصوت ناعم وابتسامه، نعمحضرتك ... اي خدمه .
امير : باابتسامه مي!!
مي : تبتسم ، انت تعرفني.
فتاتي الحاجه فاديه وتقف وتجد امير.
امير : السلام عليكم .
الام ومي : وعليكم السلام ورحمه الله وبركاته .
الام : نعم يابني .
امير : ساره تحت ومحتاجه مي تنزل تسندها .
الام : تشهق وتضع يدها ع صدرها ، ساره مالها هي فين وايه حصلها .
مي : بأستغراب ،انت مين وساره مالها .
امير : ولا حاجه ياطنط دي حادثه بسيطه وهي بخير اطمني .
مي : تنظر له بااستغراب .
الام : بقلق وخوف ، يالهوي حادثه ايه ، استر يارب ،الحقي اختك يامي .
مي : تنزل مسرعه الي تحت .
امير يحاول مطمئنه الحاجه فاديه متقلقيش ياطنط حاجه بسيطه والله ، دقيقه وهتلاقيها طالعالك .
بعد عن اذنك ....ويتركها وينزل .
مي علي باب البيت وساره تنادي علي مي بصوت مرتفع قليلا من العربيه مي... مي.....
باب العربيه مفتوح قليلا فتذهب مي مسرعه وتفتح الباب علي الاخر وتنظر الي ساره في ايه ، وتنظر لقدمها رجلك مالها.
ساره : ساعديني بس اقوم من علي الكرسي .
فياتي امير ويحاول مساندتها فيثني علي قدمه ويمد يده ويخرج قدم ساره المتجبسه من العربيه.
واختها بجوارها تساندها من وسطها وكتفها ، فتحاول ان تتزن ساره وتقف ولكنها غير قادره ،
فيساندها امير من جهه اليمين ومي من جهه الشمال ، وتمر ست كبيره ( ام محمد) يالهوي مالك ياساره اساعدك يابنتي ، ترد مي شكرا ياام محمد كتر خيرك .
وتتمتم مي وانتي لو كان فيكي صحه كنتي وقفتي ، فيسمعها امير ويضحك
فدخلوا جميعا مدخل البيت وكانت مي غير قادره وتنهج وهي تساند اختها ، وساره تتالم بصوت منخفض ، ( المدخل لي بكبير والسلم ضيق ).
امير : يوجه كلامه الي مي ، بعد اذنك ايدك كده شويه ( بقصد تبعد يدها عن ساره) ، فتستغرب مي ، فقام امير مره واحده بحمل ساره فجأه .
ساره : بضيق، بتعمل ايه ، ابعد وتبعد يده وسع كده .
امير لم يدنو لها اي اهتمام وصعد مدرج السلم.
مي : تتمتم بصوت منخفض ، يارتني انا اللي اتشلت وتعض علي شفيفها .
ساره : بضيق ، انت مجن ن ايه اللي بتعمله دا ، نزلني بقي.
امير : لم يحاول ان يرد عليها وادخلها برفق من باب الشقه ، ووضعها علي كنبه الصاله ، وامها تجلس علي الكرسي .
ومي واقفه خلفهم .
الام : بلهفه تقف ، مالك ياحببتي رجلك مالها وتاتي بجوار ساره وتجلس بجانبها ساره ياحببتي ايه حصلك ياقلب امك.
ساره : اطمني ياماما دي حادثه عربيه بسيطه وتنظر الي امير .
مي : مسرعه ، مين الغبي اللي عمل كده مودتهوش القسم ليه وفرجتي الناس عليه .
امير : ينظر بنفور الي مي ويعتذر الي ساره ، انا اسف علي اللي حصل .
مي : مسرعه وبرقه ودلع ، وانت مالك بس ياعسل .
الام : وانت مالك بس يابني كتر خيرك انك جبتها لحد هنا ربنا يوقفلك ولاد الحلال ويزيدك من فضله .
ساره : تنظر ال والدتها والي مي ، دا اللي خبطني بالعربيه .
امير : يتلجلج ووجه يحمر وينظر الي حاجه فاديه ويعتذر ، انا اسف والله هي اللي طلعت قدامي فجاه .
الام : تنظر له بضيق ، روح يابني ربنا يسهلك .
مي : بصوت دلع مش تخلي بالك ياعسل ، بعد كده ابقي سوق ع مهلك ، وتتمتم في سرها ( يارتني انا اللي اتخبط) .
ساره : بزعيق وصوت عالي مي وتزغرلها بعنيها .
امير : يتااسف مره اخري انا بجد اسف ، وينظر لساره مش محتاجه اي حاجه .
ساره : تنظر له من فوق لتحت .
امير : يستاذن ، انا همشي عن اذنكو وهبقي اطمن عليها تاني وبدأ بالخروج .
الام : بالسلامه يابني.
مي : مسرعه وراه.
ساره : تنظر الي مي رايحه فين .
مي : رايحه اوصله ، وعند باب الشقه ، ابقي خلينا نشوفك ياعسل.
امير : يبتسم لها ، ماشي .
الام : ياقلب امك يابنتي حاسه بأيه ياحببتي طمنيني عليكي ، اجبلك ايه ، ولا اعملك ايه .
ساره : ولا حاجه ياماما ربنا يخليكي .
مي : تاتي الي ساره ، ايه ياشيخه حد يزعل العسل دا ويكلمه كدا ، وبعدين مش تخلي بالك حد يخبط في القمر دا .
ساره : مي انتي حوله هو اللي خبطني ، وبعدين اكلمه ازاي يعني عايزاني اخده بالاحضان علشان خبطني .
الام : في اي يابنات انتوا هتتخانقوا ، اسكتي يامي اختك تعبانه ، روحي سخنيلها الاكل تلاقيها مكلتش حاجه .
مي : يوووه هو مفيش غير مي .
ساره : تروحي توصلي اللي خبط اختك حلو ، انما تسخنيلي الغدا هو اللي وحش .
الام : خلاص ياساره.
ساره :مش شايفه ياماما دا كان ناقص تشكره انه خبطني .
مي : اوووووف ، اما امشي من قدامكو وتدخل المطبخ .
#مير تحت بيت ساره
امير : يركب عربيته ويقودها ويمسك هاتفه الخلوي ، ويكلم نفسه ياااااا ، كل دي مكالمات ،ياخبررر انا نسيت الاجتماع ، ويتصل علي عمر الزعفراني مدير اعماله .
امير : الو .
صوت عمرو : انت كنت فين دا كله .
امير : المستثمرين عندك .
صوت عمرو : المستثمرين مشيوا ، دول اجانب ياامير الدقيقه عندهم بفلوس ،' انت كنت فين .
امير : بعدين. بعدين انا جاي .
#في فيلا احمد ابو الدهب والد امير .
فيلا كبير دورين الدور الاول مساحه 700 متر مكونه من 2سفره و 2 رسيبشن وصالون كباار بمساحه الفيلا وغرفه مكتب وحمام ضيوف ومطبخ بالحمام للخدم ، الدور الثاني اتنين جناح كبير نوم كل جناح بالحمام بتاعه وغرفه صغيره نوم وحمام ، وباقي الفيلا حديقه كبيره خضراء 500 متر بها بسين وكراسي وطرابيزه.
والده البطل نور هانم ست شيك جدا ومتحضره واستايل وتهتم بنفسها جدا وبتعشق امير لانه ابنها الوحيد .
والد امير احمد ابو الدهب رجل اعمال ولكن يعمل بمكتب الشركه بالخارج فقد ترك شركته الي امير منذ خمس سنين بعدما امير كبرها وصار لها افرع كثيره في المحافظات .
نور : في الفيلا تتمشي وتمسك هاتفها وتتصل باامير ، انت فين ياميرو مبتردش ليه عليا .
امير : معلشي ياحببتي ،الموبايل كان صامت.
نور : منار اتصلت وكانت بتسال عليك بتقول انك لسه مرحتش الشركه.
امير : اه انا كلمتهم .
نور : قلقتني عليك خالص ياميرو ، كده يابييي تخضني عليك.
امير : متقلقيش ياحببتي هخلص شغلك واجيلك ع طول.
#في الشركه
دخل امير من باب الشركه بالدور الاول ، الامن يقف علي الباب .
4 رجال امن : اهلا امير باشا .
امير : هز رااسه باابتسامه ، ويمر بصاله كبيره وبها بالجانب الايمن قسم استقبال واستفسارات ، وبهما انستان وشاب
عندما رأوه وقفوا من عليالكراسي وقابلوا باابتسامه اهلا مستر امير.
و يوجد هنا ايضا رسيبشن كبير وغرفه مكتب الامن ، ثم يمر امير بممر طويل ويصل الي الاسانسير ، ثم استقبله عامل الاسنسير وفتح له الباب ، دخل امير وضغط العامل علي الدور السادس وقفل الاسانسير
دخل امير مكتب السكرتاريه وكان يوجد به مدير اعماله وصديقه المقرب عمرو في انتظاره ، ومنار السكرتاريه تجلس علي مكتبها .
منار : وقفت من علي الكرسي ، مستر امير .
عمرو : وقفهو الاخر ، امير كنت فين .
امير : شاور الي عمرو ، تعالا .
دخلاكل من امير وخلفه عمرو المكتب ، مكتب فخم مكون من 100 متر نصفه مكتب بكنبه وكرسيين والنصف الثاني واحد فوتيه وانتريه كامل ، جلس امير علي مكتبه ، وجلس عمرو امامه علي الكرسي .
امير : ها عملت ايه.
عمرو : ولا حاجه المستثمرين مشيوا وانت عارف اننا ماسدقنا لاقينا شركه بااوربا توافق علي شروطنا ، الصراحه انت حاطط شروط صعبه جدا .
امير : قالولك هيجوا امتا.
عمرو : اه قالوا ويصمت .
امير : ماتنطق يابني قالوا ايه انت هتنقطني .
عمرو : قالوا اننا مبنحترمش مواعيدنا .
امير : تمام .
عمرو : ينظر الي امير بااستغراب ، هو ايه اللي تمام واحنا هنعرف نجيبهم تاني ولا نلاقي غيرهم ، دا انت حاطط شروط صعبه ، فين الشركه اللي هتوافق تديك من المكسب 75 % وهما اصلا دافعين نص التمويل واحنا النص ، (وبااندهاش اكتر)
لا وكمان عايز مشرفين الانشاء مصرين كلهم ومش بس كده ، ليك حريه الراي لوحدك ف الموافقه او الرفض ف اي قرار يخص المشروع .
امير : يقترب قليلا من المكتب ويضع كوعه علي المكتب ، هما لو مش عارفين بيشاركوا مين واسم ابو الدهب ازاي ف السوق مكنوش وافقوا ، ولو مش متاكدين ان المكسب هيكون اضعاف مضاعفه من اي مشروع تاني مكنوش جم من اوربا مخصوص علشان يشاركوني.
عمرو : بصراحه شروطك صعبه اوي .
امير : قوم شوف شغلك ياعمرو.
عمرو : تمام. فينصرف عمرو
ويضغط امير علي الزر هاتي الفكلسات يامنار .
صوت منار : حاضر ثواني يامستر امير .
تدخل منار مسرعه وبيدها الفكسات وتعطيها الي امير ، فيأخذ منها القلكسات ويبدأ بقراءتها ، ثم شرد قليلا وهو يفكر في ساره لحظه خبطها بالعربيه فيبتسم ، ثم يكمل قراء الفكسات ويقول الي منار روحي انتي .
فتذهب السكرتيره.
امير يمسك هاتفه ويبدأ ببعض اتصالاته
في بيت ساره
مي تمسك هاتفها في المطبخ وتتكلم في الهاتف بعدين يانادر ...... مش عارفه اتكلم .. طيب..... بكره...... هههههه...... ياسلام لحقت اوحشك..... طيب يلا باي.
في شركه ابو الدهب
خرج امير من مكتبه ومر علي مكتب عمرو وفتح باب مكتبه ووقف علي الباب فنظر له عمرو .
امير : متتاخرش بكره تكون الساعه 10 بالظبط موجود علشان نمضي العقد ، المستثمرين جايين بكره ويغمز له بعينه الشمال.
عمرو : بااستغراب ، مستثمرين!! بكره!! ازاي
امير : سلام .
عمرو : يكلم نفسه ويضحك مجنون والله .
تحت الشركه
ركب امير عربيته ولاحظ شنطه ساره بالكرسي الخلفي بالعربيه ،ياخبر دي نسيت شنطتها ويتذكرها وهي ف المستشفي وهي بتقوله انت السبب ، فيقول لنفسه زمانها بتقول انت السبب ويضحك ، وفضوله اخده انه يفتح شنطتها فتحها ووجد بها مفاتيح بيت وقلم روج و50 ج وورقه مطبقه ففتحها وقرا فيها (5 ج مواصلات رايح جاي ، 2 ج فطار ، 10 ج شوكلاته علشان بحبها ( ضحك امير) ، 30 ج شحن الفون) ثم ثم تذكر هاتفها ودور عليه فلم يجده ، فتاكد انه ضاع وقت الحادثه ، فأعاد كل شيء كما كان في شنطتها .
فتذكر عندما كانوا ف المستشفي وقالت له ، بلاش الجبس انا لسه مستلمه شغل جديد وكده هيطردوني ، وهو وقتها استهزء بها ولم يعطي لها اهتمام، فزعل من نفسه جدا ، قاد العربيه ومشي.
رواية امير الرجال كاملة جميع الفصول ( الفصل الثالث 3 )
في بيت ساره الباب يطرق .
مي : : تفتح وتشاهد امير. تضحك وتقول العسل جه.
امير : يرفع حاجبه بااستغراب ،نعم .
مي : لا لا ولا حاجه ، اتفضل.
امير : ممكن اقابل والده حضرتك او... ....... (يقصد ساره) .
مي : قصدك ساره .
امير : ساره هي اسمها ساره!!
مي : اه.
نادت مي ع والدتها ودخلت وتركت الباب ، دخلت جري علي غرفه ساره وكانت والدتها بجانب ساره في نفس الغرفه ، مي : ساره ساره العسل جه .
ساره : بااستغراب عسل مين .
الام : عسل اي يابتي .
مي : اقصد اللي خبط ساره
الام : يخيبك بت ، ودا جاي لايه .
ساره : ودا عايز اي تاني.
الام تخرج وتقابل امير اما اقوم اشوفه.
امير : اذي حضرتك ياطنط.
الام : الحمدلله اتفضل يابني.
ودخلوا الانتريه وجلسوا .
الام : تشرب اي يابني .
امير : لا شكرا ياطنط.
الام : لا دا واجب يابني ،تنادي ع مي( مي واقفه ورا الباب غرفتها) مي اعملي حاجه للضيف يشربها .
مي تاتي مسرعه وبصوت رقيق وابتسامه حاضر ياماما.
امير :بااحراج شديد. كنت حابب اعرفك بنفسي الاول انا اسمي امير ابو الدهب صاحب شركه استيراد وتصدير ، و انا جاي علشان اعتذر عن اللي حصل مني بخصوص الانسه ساره ،
والحقيقه انا جاي افهمها ان اللي حصل غصب عني انا كنت رايح الشركه والانسه ساره ظهرت قدامي فجاه وقت الحادثه
الحاجه فاديه : تقاطعه تشرفنا بيك يابني الحمدلله جت ع قد كده قدر ولطف .
امير : الشنطه دي الانسه ساره نسيتها وقت الحادثه ف العربيه ، وبيحطها علي الترابيزه اللي قدامهم ومعها ظرف كبير ( فيه فلوس كتير)
الحاجه فاديه : بااستغراب ايه دا يابني وتشاور ع الظرف
امير : دي حاجه بسيطه علشان العلاج ولو الانسه ساره احتاجت كشف او حاجه
تدخل مي بصينيه الشاي وتنظر للظرف وهي بتحط الصينيه علي الترابيزه بجوار الشنطه والظرف
الام : كتر خيرك يابني ، احنا مبنقبلش عوض ، وبعدين انت ودتها المستشفي وعملتلها اللازم ، ساره حكتلي.
مي : تنظر لوالدتها لا ياماما مااهو لسه كشف الدكتور اللي هيتابع معاها وفك الجبس وممكن تحتاج دوا بردوا.
الام : تنظر ل مي وتزغرلها بعينها .
مي : تسحب نفسها وتدخل غرفتها .
الام : الحمدلله ان بنتي جت سليمه ، دا عندي بفلوس الدنيا كلها
امير : طيب ممكن اطمن علي الانسه ساره واتاكد انها مش محتاجه حاجه ، وانها مش شايله مني من اللي حصل. بعد اذن حصرتك يعني
الام : تنادي ع مي ، يامي ( طلعت مي من الغرفه) قولي لساره استاذ امير عايز يطمن عليها .
ساره : قاعده علي السرير وشعرها مفروض وجايباه علي جمب ولابسه ترنك بيتي ( سمعت مامتها) اومال مش يطمن عليا ،وعدلت نفسها في القاعده علي السرير .
الام: دخلت الغرفه اتفضل يابني .
امير : سلامتك، انا اسف للي حصل مني ، واتمني انك تسامحيني .
ساره. : برد ناشف ان شاء الله .
مي: مسرعه اكيد مسماحاك ماانت مكنتش تقصد (امير نظر ل مي وابتسم)
امير : ينظر لساره وهو واقف ويقولها بخصوص اني كنت سبب في انك تسيبي شغلك ، دا الكارت بتاعي انا عندي شركه كبيره ومحتاج موظفين فيها ، لما تقومي بالسلامه كلميني وهتشتغلي فيها علي طول .
ساره : لم تعطه اهتمام
مي : تنظر له بسعاده
الام : بسعاده تسلم يابني ان شاء الله.
امير : انا هستاذنكوا بقي وينصرف ومي وراه والحاجه فاديه
مي : انت مشربتش الشاي .
امير : يبتسم مره تانيه ان شاء الله .
الام : تنظر للترابيزه ، استنه يااستاذ امير انت نسيت الظرف بتاعك ( اتحرج امير) ادهوله يامي .
مي : تنظر لامها بضيق ، وتتمتم بصوت خافت اووف ، تاخذ الظرف وتعطيه ل امير علي الباب .
امير : اخذ الظرف تمام عن اذنك.
مي : تغلق الباب وتقول لامها وفيهااي يعني لو كنتي خدتيه
الام : بضيق عيزاني اقبل العوض ع اختك يامي
مي : يوووه وتدخل غرفتها وتوجه كلامها لساره ، شفتي امك ادت الفلوس ل امير
ساره : فلوس اي
مي : كان جايب شنطتك اللي نستيها معاه ، وجايب ظرف كبير مليان فلوس كتير الوفات يابنتي. دا باين عليه غني اوي. يخربيت جمال عربيته يالهووووووي
ساره : وجايب فلوس وبديها ل ماما لايه
مي : بااستهزاء تعويض علشان حضرتك لو احتجتي دوا او كشف .
ساره : احسن ان ماما مخدتش منه حاجه
مي : تبصلها بضيق ، فقريه.
#في مكتب وائل الليثي
صاحب شركه استيراد وتصدير ( ويشارك امير احيانا في الصفقات الكبيره اللي بتيجي عن طريق شركته بجيبها ويعرضها ع امير لانه شركته مش بحجم شركه واستثمارات شركه ابو الدهب)
وائل الليثي : لو امير يسمع كلامي كنا كسبنا الماظ .
هيثم الليثي اخوه : ماانت اللي لازق فيه ماتشوف اي شريك تاني ع الاقل ميقفش ع الواحده كده .
وائل الليثي : الصفقات دي حجمها مليارات ومش اي حد بيدخلها وانا لو شفت اي شركه تانيه ودخلتها شريكه معانا، امير مش حيسكت وهينخور لحد مايخدها ، متنساش ان احمد ابو الدهب ايده طايله ف اروبا وابنه امير هنا يعني واكلين السوق .
هيثم الليثي : امير مش مستني ابوه يساعده الشركه كانت كبيره اه وابوه موجود، لكن بعد ماامير مسكها بقي اسمها اشهر من النار علي العلم
وائل الليثي : مااهو علشان كده انا اول مابشم اي ريحه صفقات تقيله بخدها واوديها ل امير وطبعا شرطي اني اكون معاه شريك
هيثم الليثي : بس فيه حاجه مش فاهمها هو مش محتاج شوركه ، ليه بيوافق يشاركنا مع انه يقدر ياخدها مننا لوحده .
وائل الليثي : امير ذكي وبيعمل كدا معانا علشان عايز يكسب الكل ف صفه ، ومفيش حاجه توقفه .
هيثم : دا لو فضلنا معاه كدا هننتقل نقله تانيه خالص .
وائل: ههههههه قلبك ابيض ، هو اه يعمل معانا ومع غيرنا كده مره ، اتنين ، تلاته علشان يكسبنا ف صفه . انما ع طول يبقي بتحلم
في فيلا جمال الصباغ مدير عام الجمارك ( عنده شركه في الخفاء لانه شغال في الحكومه ومينفعش يبقي له شغل خاص)
يجلس جمال ، ومراته شروق ، وبنته نيللي خطيبه امير
في الرسبشن
شروق : توجه كلامها ل نيلي عايزاكي تتلحلحي شويا كده علشان امير يحدد ميعاد الجواز
نيللي : وانا هعمل اي يعني ياماما
جمال: في اي ياشروق ماتسيبي نيللي براحتها
شروق : امير فرصه ومش هنعرف نعوضه ولا هنلاقي زيه دا جاه ومال وشباب ووحيد يعني الخير دا كله هيكون لبنتك وبس .
جمال: متقلقيش ، دا في جيبي
شروق : تضحك باستهزاء ، اومال مش جيبك دا يبلفنا كلنا ويحطنا تحت باطه ويقول مشفتهمش .
جمال : بضيق ماتحسني ملافظك.
نيللي : انا حاسه ان امير بقاله فتره متغير معايا .
شروق : مش لسه بقول ،انتوا اتخانقتوا ولا اي .
جمال : ازاي !! في حاجه حصلت .
نيللي : لا خالص بس مبردش علي تلفوناتي وحتي لو رد بقولي مشغول.
جمال : اه ، احمد ابو الدهب والده مسافر وانتي عارفه هو شايل الشغل كله تلاقيه مشغول فعلا .
شروق : وايه يعني مايرد علي بنتك يخرجها ولا يفسحها .
جمال : بضيق انا قايم .
شروق : ادلعي واتمايصي عليه دا خطيبك.
نيللي : هو اللي مبدنيش فرصه ياماما
شروق : انا هبقي اكلم نور ( والده امير) ف الموضوع دا
مع مرور الوقت وعدي 3 شهور
#في بيت ساره
في غرفه ساره
ساره : فكت الجبس ونايمه وسانده علي السرير بضهرها وحاطه ايدها ع خدها
مي : تدخل علي ساره مالك ضاربه بوز كده ليه
ساره : بضيق وزعل لسه هنزل الف وادور علي شغل ، والمصاريف كتيره علي ماما وانتي شايفه المعاش مبكفيش اي الغلب دا بس ياربي .
مي : ماانتوا اللي وش فقر الراجل جه لحد هنا ومعاه لوكشه فلوس وامك رفضتها ، واقولك تردي عليا تقولي احسن .
ساره : متجبليش سيره الزفت دا ، سيبيني ف الهم اللي انا فيه ، هقوم انزل ادور ع شغل .
مي : مش بقولك فقريه ، ( ساره تنظر لها بضيق) وادوري علي شغل ليه ، والشغل موجود ومش بس كده دا في اكبر شركه فيكي يامصر .
ساره : بااستغراب شغل!! فين دا .
مي : عند امير ، شركه ابو الدهب هو مش قلك اول ماتفكي الجبس اتصلي عليا وتعالي محتاج موظفين.
ساره : بضيق هو دا بيجي من وراه حاجه عدله ، مش كفايه اللي حصلي بسببه ، وبعدين انا اعرف منين انه عنده شركه ولا بسرح بيا .
مي : يابنتي انتي مش شايفه العربيه اللي جابك بيها، وبعدين الصراحه كدا انا خدت الكارت بتاعه وعملت سيرش عنه علي النت ، لاقيت الشركه دي كبيره جدا وهو صوره موجوده فيها ومصور مع ناس مهمين جدا في البلد ، مش هتصدقي دا مصور مع محمدصلاح لاعب الكوره.
ساره : تضحك ههههه محمد صلاح مره واحده.، يالميضه، دا انتي مش سهله ، بس برضوا لا مش رايحه .
مي : في ايه يابنتي شغل وموجود هو انتي غاويه تنكدي ع نفسك وخلاص .
ساره :وهو لسه فاكرني اصلا ، انا اصلا مش طيقاه ، عايزاني اكلمه ازاي بقي ، وبعدين انا معرفش رقمه فين .
مي : لو مش فاكر نفكره ،رقمه موجود معايا علي الموبايل وتهز يدها بالموبايل والكارت بتاعه معايا ، وتخرجه من درج المكتب بجوار السرير .
ساره : بااستغراب ياااااا وتبتسم ، بس في مشكله
مي : اووف في اي تاني .
ساره : موبايلي ضاع ، وطبعا بسببه ، ضاع وقت الحادثه هكلمه ازاي بقي.
مي : من موبايلي ياابو جهل وتمسك موبايلها وتتصل ( ساره استني بس هنتصل نقول اي) مي مدتهاش اهتمام ، جرس.. الخط فتح
وصوت امير الو .
مي بتدي لساره الفون .
ساره : تشاورلها لا لا بصوت واطي.
مي : تقولها ردي ( ساره لا لا) .
صوت امير : الو ، الو.
مي : الو
صوت امير : ايوه مين معايا .
مي : انا مي .
صوت امير : مي مين !!
(ساره : ل مي شوفتي اهو مش فاكر).
مي : انا اخت ساره بتاعت الحادثه (بدلع) لحقت تنسانا.
صوت امير : يقاطعها لا لا طبعا فاكرك ياعسل (ويضحك) وانتي تتنسي .
مي : تضحك .
امير : اذيك وازي ساره مكلمتنيش ليه طمنتيني عليها وعليكي .
مي : الحمدلله بخير اهي جمبي وبتسلم عليك .
صوت امير : يضحك متاكده انها بتسلم عليا .
مي : اه دي حتي فكت الجبس .
صوت امير : حمد لله علي سلامتها، وظيفتها مستنياها
مي : دي كانت عايزه تكلمك .وتعطي الهاتف لساره ( ساره متردده) .
ساره : الو .
صوت امير : اذيك .
ساره : الحمدلله .
صوت امير : انا مبسوط اني سمعت صوتك ، الوظيفه اللي قلتلك عليها مستنياكي.
ساره : شكرا
صوت امير : عنوان الشركه في الكارت مستنيكي بكره الساعه 9 .
ساره : ان شاء الله ، وتغلق السماعه.
مي : قفلتي ليه ، ها قالك ايه
ساره : قالي تعالي بكره الساعه 9 .
مي : بفرحه الف مبروك ياسرسور .
ساره : توكزها في يدها مبحبش الاسم دا ، بس مقليش اجيب ورق اي ولا اخد ال Cv ولا هقابل مين هناك
مي : ماانتي اللي غبيه قفلتي التليفون معاه ليه ، المهم روحي وقولي عايزه اقابل الباش مهندس امير صاحب الشركه علي طول كده ، داانتي مسنوده منه شخصيا ياماما.
رواية امير الرجال كاملة جميع الفصول ( الفصل الرابع 4 )
في الصباح الباكر استيقظت ساره ، وصلت ركعتين ، ثم اخرجت من الدولاب دريس طويل منقوش الالوان لكي ترتديه .
مي : نظرت للدريس باستغراب ، ساره ايه دا .
ساره : دريس علشان البسه واروح الشغل .
مي : نهضت مي وامسكت الدريس باطراف اصابعها باستهزاء ، دا ياحببتي تلبسيه وانتي رايحه تشتغلي في محل تناتيش ابو خمسه جنيه اللي علي اول الشارع .
ساره : قطبت حاجبيها ، امممم يعني ايه ، مش حلو .
مي : مدت يدها داخل الدولاب واخرجت منه بنطلون جينز وتيشرت وباسفل الدولاب اخرجت كوتشي ابيض واعطتهم لساره ، البسي دول .
ساره : التقطتهم منها ، دا لبس جامعه مش لبس شغل .
مي : انتي رايحه شركه كبيره وهتقابلي ناس علي مستوي عالي ،يعني تبقي لابسه زيهم او علي الاقل متلبسيش اقل منهم ، لازم لبسك يبقي في نفس المستوي الشركه اللي انتي ريحاها .
ساره : القت الملابس علي السرير ، بس دا اوفر اوي ، وبعدين اما اشوفهم الاول هيقبضوني كام ابقي اروح اشتري لبس جديد ، انا كل اللي عندي لبس الجامعه .
مي : يبقي هتترفدي قبل ماتتعيني .
ساره : بعد تردد طب بصي انا هلبسه بس بلاش الكوتشي هلبس شوز .
مي : تمام حلو اوي ،بصي بقي في كلمتين محشورين في زوري لازم اقلهوملك.
ساره : اممم خيرر .
مي: اولا: افردي بوزك وانتي داخله .
ثانيا : ثانيا امير دا صاحب الشركه ها ، ركزي صاحب الشركه يعني تعامليه بكل ذوق وادب ورقه .
ثالثا : ودا الاهم الشغل دا لو لفيتي علي كعوب رجلك في مصر كلها وبره مصر ، مش هتعرفي تلاقي زيه ، دي فرصه والفرصه ياحببتي مبتجيش الا مره واحده
رابعا : اوعي ....
ساره : تقاطعها ، خلاص ماتروحي انتي مكاني احسن بدل المرشحات دي كلها .
مي : ياريت هههههه معطلكيش ، انا مش ناويه اشتغل اصلا .
ساره : تضحك اومال اما تتخرجي هتعملي اي .
مي : هشتغل برضوا ، بس هانم .
ساره : هههه بتحلمي .
مي : لا وحياتك ما حلم ، تعرفي لو مش مشغوله كنت شقط منك امير .
ساره : بااستغراب تشقطيه مني ، ومشغوله .
مي : اوعي ياهبله تضيعي منك امير دا فرصه .
ساره : انا همشي من قدامك علشان متعصبش عليكي ، ويلا بقي اطلعي بره علشان البس ومتاخرش ( وتدفعها خارج الغرفه) .
مي: حاضر حاضر متزقيش ( وتذهب للخارج) .
#في الشركه
تقف ساره بدهشه واستغراب من ضخامه المكان والمبني ، امام البوابه الخارجيه للشركه وعليها لافته كبيره بااسم( شركه ابو الدهب للاستيراد والتصدير ) ،
فتتمتم
-- ياااا دي كلها شركه ، دي اللي كنت فيها بقي كانت توكتوك.
دخلت من باب الشركه الخارجي ومرت علي الامن ونظرت لهم بانتظار ان احد يوقفها ويسالها اين تذهب ، ولكن مرت بسلام .
اكملت طريقها للبوابه الداخليه للشركه وهناك شاهدت اثنان من رجال الامن
وقفت ساره تسالهم .
ساره : السلام عليكم لو سمحت عايزه اروح مكتب استاذ امير صاحب الشركه .
الامن : وعليكم السلام حضرتك ادخلي هنا ،
واشاروا لها علي صاله الاستقبال
-- هما هيقلولك تعملي ايه.
ساره : باابتسامه شكرا .
دخلت ساره صاله الاستقبال وكان بهما انستان وشاب .
موظفه الاستقبال : باابتسامه اؤمري يافندم .
ساره : بتردد وحيره ، لو سمحتي كنت عايزه اقابل استاذ امير صاحب الشركه .
موظفه الاستقبال : حضرتك معاكي معاد مع مستر امير .
ساره : اه هو قالي اجي النهارده .
موظفه الاستقبال : اسم حضرتك ايه .
ساره : اسمي ساره .
موظفه الاستقبال : انسه ساره اهلا بحضرتك دقيقه واحده .
تخرج موظفه الاستقبال الثانيه
-- اتفضلي معايا.
وتاخذها ويصعدا بالاسانسير ،فتضغط موظفه الاستقبال علي الدور الثالث ، ثم يخرجا من الاسانسير ويذهوا الي مكتب سكرتاريه ال HR .
موظفه الاستقبال : توجه كلامها للسكرتيره مدام مني التي تجلس علي المكتب ، وتشاور علي ساره
-- صباح الخير يامدام مني ، دي الانسه ساره عندها ميعاد مع مستر امير .
مدام مني :صباح الخير ، تمام اتفضلي ياساره .
فتنصرف موظفه الاستقبال .
ساره : بخجل شكرا، وتجلس علي كرسي المكتب .
مدام مني : منوره تحبي تشربي ايه .
ساره : لا شكرا .
مدام مني : طيب تعالي ندخل لمستر طارق هو مستنيكي .
ساره :باستغراب تتمتم طارق ، هو طارق ولا امير .
ويذهبا سويا الي المكتب المجاور
دخلت مني وساره مكتب طارق HR .
مني : صباح الخير يامستر طارق دي ساره .
طارق : ينظر لها ويتمتم ايه الصاروخ دا وبصوت عالي اتفضلي ياساره ، مني ابعتيلي مدير الحسابات حالا . مني :حاضر .
طارق : باابتسامه منوره ياساره .
ساره : بخجل شكرا .
طارق : بصوت منخفض ، يخربيت جمال امك .
يدخل فادي مدير الحسابات وبصوت عالي اذيك يامدير ، ومعه ورق ويضعه ع مكتب طارق وينظر لساره بااعجاب دي الي هتشتغل .
طارق : اه ايه رايك.
فادي : يضحك هو احنا هنعرف نشتغل كده .
ساره : تخجل وتنظر الي الارض.
طارق : اخلص لنطرد كلنا .
فادي : حاضر ، انا بقول كده برضو يلا امضي هنا ياساره .
ساره : امضي علي ايه.
طارق : علي عقد الشغل انتي مش عايزه تشتغلي ولا ايه.
ساره : طيب مش هتشوفوا ال Cv ولا هعمل انترفيو .
فادي : بنظره اعجاب عليا النعمه انتي وشك CV لوحده .
طارق : اخلص يافادي ، ثم يوجه كلامه لساره ، الاوردر بقول انك تشتغلي ع طول من غير اي حاجه ، لكن محتاجين بطاقتك علشان البيانات .
فادي : يضع الورق امامها ، امضي هنا ويعطيها القلم .
ساره : تمضي فتلاحظ في اخر الورقه التي تمضي عليها 8 الاف ج مرتب شهريا قابل للزياده ، فترتبك وتنظر له.
طارق : ممضتيش ليه .
ساره : الورق في لخبطه مكتوب مرتب 8 الاف شهريا .
فادي : اه دا مرتبك ، ويبتسم اي عايزه اكتر .
ساره : بدهشه ، لا طبعا انا بس بتاكد ليكون في لخبطه يعني اناهاخد 8 الاف كل شهر .
طارق : اكيد ودا كمان اول ست شهور ، ولسه في حوافز وبدلات وغيره .
ساره : تبتسم وتكمل امضاء في سرها ( وانا اللي كنت طايره من الفرحه اني هاخد 800 ج من الشغل اللي فات خيبه عليا وتبتسم) .
طارق : يشاور الي فادي ، طير انت .
فادي : يغمزله ، تمام يامدير .
طارق : ينظر الي ساره انتي خريجه ايه ياساره.
ساره :حضرتك انا كليه تجاره اداره اعمال .
طارق : ممتاز تعالي بقي اوديكي مكتبك .
ساره : هشتغل ايه .
طارق تعالي الاول ، واخد ساره وذهبوا الي مكتب في نفس الطابق ، ثم دخلا
اذيك ياامدام نهي ، دي ساره الموظفه الجديده .
نهي : صباح الخير يامستر طارق ، اذيك ياساره .
ساره : الحمدلله ، حضرتك .
طارق اشار الي ساره ، دا مكتبك ، ونهي هتفهمك طبيعه الشغل ، فينظر الي نهي زي مافهمتك خلي بالك منها والا هنتسوح كلنا .
نهي : تضحك حاضر .
انصرف طارق وجلست نهي علي مكتبها ، وساره جلست ع مكتبها المجاور لنهي .
نهي : منوره ياقمر انتي متوصي عليكي جامد ، انتي تبع مين في الشركه.
ساره : تبتسم ، مش تبع حد.
نهي : اممممم بقي كده ، طب بصي بقي نصيحه مني ليكي انتي لو ماثبتيش نفسك هنا هيمشوكي ، الفرصه هنا مبتجيش الا مره واحده ( فتتذكر ساره كلام اختها مي) ، انا مبخوفكيش ولا اقلقك وعلي فكره الشغل هنا بسيط بس عايز تركيز وهيعجبك جدا والمرتب كمان حلو ، فنصيحه لو كنتي تبع صاحب الشركه نفسه لو مشتغلتيش كويس هتمشي.
ساره : بقلق وتوتر اكيد انا جايه اشتغل مش جايه العب .
نهي : تترك مكتبها وتتجه لمكتب ساره فتفتح الحاسوب الذي امامها ، زي ماقلتلك الشغل هنا بسيط ومفهوم بس عايز تركيز .
بدات تدخل علي بيانات الجهاز
، الشغل هنا عباره عن مراجعه الصادر والوارد بعد مابعدي علي المكتب اللي قبلنا وهما بيرحلوا علينا الفايلات علي اللاب دا .
احنا بقي بنراجع عليه وعلي اساسه الحسابات وباقي السيستم بيمشوا عليه ( فتنظر لها ساره بااستغراب) .
تبتسم ، بصي هبسطهالك احنا هنا مراجعه علي الصادر والوارد اللي بحصل علي الجهاز بنشوف التوتال النهائي( الرصيد) زي اللي في الحسابات ولا لا يعني شغل بسيط بس محتاج تركيز ، مش اكتر .
وبدات تشرح لها .
#في مكتب امير
امير : يجلس علي مكتبه ويمسك الهاتف ، ها .
صوت طارق : تمام ياباشا استلمت الشغل وفي مكتبها دلوقتي .
امير : مش هوصيك بقي .
صوت طارق : كلامك اوامر ياباشا .
#في مكتب ساره .
نهي : فهمتي .
ساره : اه بنسبه كبيره .
نهي : مع التدريب هتتعلمي بسرعه ، عامتا انا كده كده هراجع وراكي ، حتي لو غلطي متقلقيش اهم حاجه بعد ماتخلصي مراجعه متعمليش ترحيل للفايل ، اعملي حفظ بس ، وانا هراجع وراكي وارحل .
ساره : معلشي هتعبك معايا لحد مااستوعب .
نهي : ولا يهمك انا اصلا اللي كنت بعمل دا كله لوحدي فعادي يعني مفيش تعب ، ومتقلقيش من حاجه انا اول ماجيت كنت زيك كده ومع التدريب بقيت نمبر وان هنا .
صوت دقات علي الباب .
نهي : ادخل.
يدخل العامل ومعه بوكيه ورد وبه بوكس صغير ويضعه علي مكتب ساره .
نهي : اي دا يا سيد .
العامل سيد : دا للانسه ساره .
ساره : بدهشه ليا انا من مين .
العامل : معرفش في واحد جه وقالي اديه للانسه ساره الموظفه الجديده .
نهي : خلاص روح انت ياسيد وتنظر لساره ايوه بقي والعه معاكي وتضحك .
ساره : تنظر لها اكيد حد غلط معقول دا ليا، محدش اصلا يعرف اني بشتغل هنا .
نهي : شوفي لو في كارت ع الورد ، يمكن تعرفي مين اللي بعته .
ساره : تفتش علي كارت ملقتش ، مسكت البوكس وبدات تفتحه .
وجدت به موبايل احدث ماركه .
نهي : واووو دا موبايل تحفه ، ايوه بقي .
ساره : بااندهاش معقول دا ليا يمكن حد غلط وبعتهولي
نهي : غلط ازاي بس هو في حد اسمه ساره وموظفه جديده غيرك هنا .
ساره : غريبه دي ، فترتب علي شفايفها وتتمتم ، ممكن يكون امير ، لا مش ممكن دا اكيد ، بس دا حتي مقابلنيش ، يمكن بعت الموبايل ده ليا بدل اللي كان ضيعهولي يوم الحادثه ، بس الموبايل دا غالي اوي ، وبعدين هو شغلني في شركته في وظيفه ومرتب مكنتش احلم بيهم وتشرد بفكرها.
نهي : تشاور لها هاي هاي سرحانه في ايه.
ساره : لا خالص مفيش حاجه .
#في تركيا
احمد ابو الدهب داخل مكتبه .
باللغه الاجنبيه .
احمد : اتمني ان تكون شركتي عند حسن ظنك.
جون (رجل اعمال اجنبي) : احمد الشحنه هذه ضخمه واذا تمت الصفقه ، سوف اكون ممنون لك ، وسوف نتعامل كثيرا سويا.
احمد : سوف تصل في الميعاد المحدد كن مطمئن
جون : شكرا لك ، ومثلما اتفقنا ،سوف تاخذ نسبه من الارباح ، رغم انك لم تدفع شيئا بها.
احمد : هههههه ولكنك تعلم جيدا انه لايوجد اي شركه شحن سوف توصل شاحنتك في الوقت المحدد غير شركتي ، خاصتا ان الوقت ضيق ومعظم الحاويات والعابرات مشغوله باوردرات اخري لمده ليست بااقل من شهر .
جون : مثلما تحب اهم ، شيء ان تصل الشاحنه في اقل من اربع ايام ، لانه يوجد شرط جزائي كبير ، سوف ادفعه واخسر الكثير ان لم تصل الشحنه في ميعادها المحدد.
احمد : لا تقلق مع احمد ابو الدهب كن مطمئن.
#في الشارع وقت خروج ساره والموظفين من الشغل خرج امير وركب عربيته امام الشركه وشاهد ساره ، فنادي عليها.
امير : ساره.. ساره وخرج من السياره .
ساره : تشاهده.
امير : مد يده لكي يسلم علي ساره ، اذيك .
ساره : تمد يدها بخجل اذي حضرتك .
امير : ها استلمتي الشغل ، مرتاحه فيه ولا حد دايقك .
ساره : اه شكرا ليك جدا .
امير : طب اركبي اوصلك .
ساره : لا شكرا هركب تاكسي .
امير : تاني ههههه اركبي يابنتي وانا هاكلك .
ساره : لا انا مبتاكلش ، وبعدين هو انت اللي بعتلي الورد والموبايل ،صح! ؟
امير : اه انا .
ساره : بعتهملي قدام الموظفين انت عايز تفضحني ،يقولي عليا ايه دلوقتي وفي اول يوم شغل ليا كمان .
امير : بااستغراب افضحك!! انا بعت الورد علشان اباركلك ع استلامك الشغل ، والموبايل دا بدل اللي ضيعتهولك.
ساره : كتر خيرك والله شكرا اوي لحد كده .
امير : طب اهدي كده واركبي اوصلك ، خليني افهمك.
ساره : بعصبيه بقولك ايه خالتي وخالتك واتفرقوا الخالات .
امير : بدهشه خالتي وخالتك!! انتي بيئه اوي .
ساره : بضيق انا بيئه ، ولا علشان مش جايه ع هواك ، انا ولا بطبطب ولا ادلع ، بيني وبينك الشغل واخلصنا.
امير : طب والله لاعلمك الادب. سلام ويركب سيارته ويذهب.
تجلس نور والده امير علي السفره وامامها امير يتناولوا الغداء.
نور : ميرو متنساش يابيبي ميعاد النهارده.
امير : مستغربا ،ميعاد ايه ؟
نور: ميعاد ايه !! انت نسيت ميعاد النهارده ، نيللي وشروق جايين النهارده.
امير : اها .
نور : علي فكره شروق شكتلي انك مقصر مع نيللي خالص.
امير : هعملها ايه ياماما ، وبعدين ماانتي شايفه ضغط الشغل ، والصراحه دي دلوعه اوي كل ماتكلمني عايزه نخرج ونتفسح .
نور : وايه المشكله ياميرو عروسه وعايزه تدلع علي خطيبها .
امير : عروسه ههههه ، ماما احنا مكملناش اربع شهور خطوبه ، وانتي عارفه اني خطبتها علشان مزعلكيش .
نور : انت ياميرو اللي رافض الجواز ، انا لو معملتش كده كان زمانك لحد دلوقتي لسه برضوا مخطبتش ورافض الجواز معرفش ليه، رغم ان اي بنت في الدنيا تتمناك.
امير :انا مش عايز البنت اللي تتمناني ، انا عايز البنت اللي انا اتمناها ، لسه ملقتش البنت اللي تخطفني احس معاها اني مالك الدنيا تبقي هي كل حياتي وانا كل حياتها ، وبعدين اشمعني انتي وبابا واخدين بعض عن حب هي جت عليا انا ويضحك .
نور : تضحك ، بقي انت في وسط البنات دي كلها وملقتش اللي تخطف قلبك ، وبعدين ياحبيبي باباك حبني واتجوزني وهو عنده 23 سنه وانت دلوقتي 30 سنه ، انا لو استنيتك تحب يبقي هموت قبل ماافرح بيك .
امير : بعدشر عنك ياماما ، اهو كلامك دا انتي وبابا اللي خلاني اخطبها .
نور : انا وبابا عايزين نفرح بيك وباحفادنا .
امير : احفادك ههههههه. هتبقي احلي تيته والله .
نور : تضحك ، بكااش متنساش بقي تبقي موجود علشان نحدد ميعاد الجواز .
امير : يقطب حاجبيه ، تاني ويقف من علي كرسي السفره ، انا ماشي .
نور : مكملتش اكل ياميرو ، طيب رايح فين .
امير : يغادر ، شبعت خارج شويا .
#تجلس الحاجه فاديه ومي في المنزل .
ساره: تفتح باب الشقه وتدخل ، اذيك ياماما .
الام : اذيك ياحببتي .
مي : مسرعه ، ها عملتي ايه .. استلمتي الشغل .. قابلتي امير ها احكي يلا ..
الام : براحه علي اختك يامي .
ساره : اه استلمت ، تمام ،هدخل اغير هدومي .
دخلت ساره ودخلت مي وراها مسرعه ومستغربه .
مي : قالبه وشك ليه ، الشغل مش عاجبك ولا مستلمتيش اصلا ، ولا ايه حصل ، اخلصي اتكلمي ، مش قادره اصبر .
ساره : بضيق اه استلمته.
مي : غريبه ،اومال مش فرحانه ليه .
ساره: الزفت بعتلي ورد والموبايل دا ع مكتبي ( واخرجت الهاتف النقال من الشنطه)
مي : بدهشه وتلتقط الهاتف ، ياااا موبايل اخر موديل ، وتنظر لها ، اومال فين الورد .
ساره : انتي بتهزري .
مي : لا بجد فين الورد ، انتي مش بتقولي بعتلك ورد كمان .
ساره : دا انا هزقته، ومسحت بيه الارض دا فضحني قدام نهي زميلتي وسيد العامل اللي جابلي الحاجه .
مي : بدهشه ، يخربيت سنينك انتي عبيطه ياساره بدل ماتشكريه.
ساره : اشكره علي ايه.
مي : بصي انا هقوم من قدامك ، لان لو قعدت معاكي دقيقه كمان بجد هتغابي عليكي ، وتخرج وتمتم بالكلام ( البنت دي مجنونه ، والله مجنونه نهي مين ، وسيد العامل مين، حد يشتم صاحب الشركه علشان شكلها قدام الموظفين ، بت غبيه هضيع الفرصه من اديها )
#في فيلا ابو الدهب .
في حديقه الفيلا علي البسين تحديدا تجاه جهه الشمال يوجد ترابيزه عليها العصير وبعض الحلويات وحولها انتريه فخم ، تجلس شروق ونيلي ونور يتثامران .
نور : قمر يانيللي ، نورتيني ياشوشو (شروق) .
نيللي : ميرسي ياطنط .
شروق : بوجودك ياحببتي ، ايه يانينو انتي كل شويه بتحلوي عن الاول كده ليه .
نور : هههه ميرسي لذوقك ياقلبي.
نيللي : هو امير فين ياطنط .
نور : جه من الشغل اتغدي ونام وقالي اول ما نيللي تيجي اندهله .
نور بصوت مرتفع قليلا
-- عثمان .. ياعثمان .
عثمان ياتي مسرعا
-- نعم يانور هانم.
نور : اطلع نادي علي امير بيه وقوله الانسه نيللي ومدام شروق تحت مستنينه .
عثمان : حاضر ياهانم.
نور : حبيبي الشغل واخد كل وقته .
شروق : بضحكه صفراء ومكر ، ياتري الشغل دا هينسيه عن تحديد ميعاد الجواز .
نيللي : باحراج ، ماما مش وقته .
نور : تضحك اكيد لا.
ياتي امير مبتسما
-- اذيك ياطنط ، اذيك يانيللي
يمد يده ويصافح نيللي وشروق .
شروق :بابتسامه اذيك ياامير وحشتنا ، وتشاورله بيدها تعالي ياحبيبي اقعد جمب خطيبتك ، متتكسفش.
امير : يبتسم ويجلس علي الكرسي المجاور الي نيللي .
نيللي : وحشتني ياامير الشغل واخدك مني اوي كده .
امير : انتي عارفه ضغط الشغل ، تقريبا مبفضاش .
نور : دا امير ملوش كلام غير عليكي يانيللي ، بيقولي انو مقصر معاكي بس ظروفه والشركه واخد كل وقته وانا قلتله اكيد نيللي هتقدر .
شروق : تقاطعها بابتسامه مكره ، طبعا نيللي مقدره وعارفه ان امير مسؤلياته كبيره وكتيره ، علشان كده انا بقترح نحدد معاد الجواز علشان تبقي جمبه وتخفف وتهون عنه المسؤليه ولا ايه يانور.
نور : اكيد وانا كمان نفسي افرح بيه ، ايه رايك ياميرو .
امير : يقطب حاجبيه لما بابا يجي من السفر .
شروق : وماله ياحبيبي نستناه ، واهو تكونوا لقيتوا فيلا انت ونيللي تتجوزوا فيها ، لحد ماوالدك يجي بالسلامه.
امير : يتنهد ويخرج زفيرا طويلا .
نور : لا ، فيلا ايه امير ونيللي هيقعدوا معايا عنده الجناح بتاعه هنجدده ولو عايز نبنيله دور فوق لوحده اوك ، انما امير ميبعدش عني انا معنديش غيرو .
شروق : بضحكه وماله ماانا كنت بقول كده برضوا علشان ميسبوكيش لوحدك ، اهو تاخدي حسهم ، بالذات اما يجيبوا احمد ونور صغيرين يلعبوا معاكي هنا .
تبتسم نور بحب
-- بجد ياريت دا يبقي احلي يوم في حياتي ، يوم مااشوف اولاد امير قدامي بلعبوا .
شروق : تقف من علي الكرسي ، طي تعالي بقي عايزه احكي معاكي في حاجه .
تقف نور وتتذهب معها
-- اوك ياشوشو .
شروق : بصوت خافت ، نسيبهم شويه يقعدوا مع بعض
نور : تضحك اوك .
نيللي : انا مبسوطه اوي ياامير .
امير : ليه.
نيللي : علشان انت معايا دلوقتي ، وكمان علشان ميعاد جوازنا قرب .
امير : جواز !! اه ربنا يسهل .
نيللي : بس زعلانه منك اوي .
امير : ليه يعني.
نيللي : بتصل بيك كتير مبتردش.
امير : ضغط شغل .
نيللي : علي الاقل رد طمني عليك انا ببقي قلقانه عليك اوي ونفسي اسمع صوتك .
امير : حاضر هبقي ارد .
نيللي : تمسك هاتفها ( وتتصفح في بعض صورها علي الشاطئ ، وفي البارتي وهي ف البحر بالمايوه) ثم تريهم لامير .
-- ايه رايك في الصور .
امير : يرمق بنظره الي الهاتف ، حلويين .
نيللي : عجبوك.
امير : اه حلوين ، اتبسطي .
نيللي : هتسدقني لو قلتلك لا .
امير : ليه ، انتي شكلك في الصور بتضحكي ومبسوطه .
نيللي : مكنتش حلوه خالص من غيرك ، كان نفسي تبقي موجود معايا.
امير : انا مليش في السهر والحاجات دي .
نيللي : يعني اما نتجوز مش هتفسحني .
امير : يضحك اما بقي .
نيللي : مش مهم المهم نبقي مع بعض.
# في الشركه .
دخلت ساره المكتب فلم تجد مكتبها فقضبت حاجبيها ونظرت الي نهي بقلق
-- هو المكتب فين .
نهي: تبتسم طااارر وتشاور يدها لاعلي .
ساره : كنت متاكده اني اطردت ، وتمتمت طبعا بعد اللي حصل لازم اطرد ، علي راي مي انا وش فقر ، ثم ابتسمت ،
-- نهي انا ماشيه ومبسوطه اني اتعرفت عليكي.
نهي : ماشيه علي فين ، انتي فعلا اطردتي بس علي فوق .
ساره: بااستغراب فوق فين.
نهي : علي الدور السادس ياقمر .
ساره : يعني اي مش فاهمه.
نهي : يعني مكتبك اتنقل فوق عند صاحب الشركه.
ساره : عند امير .
نهي : انتي تعرفيه.
ساره : لا لا بس سمعت عنه.
نهي : منار سكرتيره مستر امير لسه مكلماني وقيلالي اطلعك علي طول اول ماتيجي ، يلا ياقمر .
اخذت نهي ، ساره وذهبا سويا ثم ركبا الاسانسير ، وتوقف في الدور الاخير ( السادس) ، دخلت ساره الدور السادس باندهااش وتعجب من الديكورات واللوحات والسجاد الاحمر وفخامه هذا الدور بالتحديد عن باقي الادوار .
نهي : بصوت خافت قليلا لساره الدور دا غير باقي الادوار ، لان بيجي ناس من اوربا ودول الخليج علشان الاتفاقيات واشارت لها دي قاعه الاجتماعات ، ودي قاعه استقبال رجال الاعمال ، وكام مكتب هنا بس لصاحب الشركه وعمرو مدير اعماله .
ساره : تضحك ، وانا اللي كنت مبهوره بالشركه من تحت اتاري هنا حاجه تانيه خالص.
نهي :يابختك .
ساره : تبتسم وفي تفكيرها ، اومال مش يابختي ماانتي متعرفيش ايه اللي فيها شكله جايبني هنا علشان يطردني .
دخلا مكتب السكرتيره منار سكرتيره امير.
نهي : ساره جت اهي ياانسه منار وانصرفت.
منار : ميرسي يانهي ، اتفضلي ياساره .
ساره : جلست علي كرسي امام مكتب نهي .
منار : لا مش هنا علي المكتب دا ، واشارت لها علي المكتب الاخر الذي امامها .
ساره : مش فاهمه ، هو انا هشتغل هنا .
منار : اكيد اومال جايه تلعبي.
ساره : بضيق هشتغل في المراجعه زي تحت .
منار : لا انتي هنا هتبعتي الفاكسات وتستقبليها .
ساره : بس انا معرفش اعمل كده .
منار : دا مكتبك ودا اللاب بتاعك واللي جمبه دي الطباعه وانا هعلمك عليها دلوقتي .
ساره : امم ، تمام .
منار : يرن صوت جرس المكتب ،
-- ساره خدي الفاكسات دي ودخليها لمستر امير .
ساره : علي طول كده .
منار : تبتسم اه فيها حاجه صعبه .
ساره : لا لا حاضر ، وضعت شنطه يدها علي المكتب واخدت الفاكسات وطرقت الباب ، ثم دخلت وجدت امير علي مكتبه
-- اتفضل ، ووضعت الورق علي المكتب ، وادارت ظهرها حتي تذهب.
امير : استني هو انا اذنتلك تخرجي .
ساره : التفت له من اعلي الي اسفل ، في حاجه هعملها تاني .
امير : اه استني اما اشوف الفاكسات .
ساره : تمام .
يرن جرس الهاتف فيرد امير
-- الو ... هههههه .... تمام ... ماانا عارف ان دا اللي هيحصل ...
( تمتمت سارهةبصوت غير مسموع اووف )
يرمقها امير بطرف عينيه دون اهتمام منه لها ، ويكمل حديثه في الهاتف .
-- علشان يبقي يعرف مين امير ابو الدهب ( ثم ينظر الي ساره ويرفع حاجبيه) علشان يعرف محدش يقدر يقف في طريقي .
ساره : بضيق ، تقاطعه لما تخلص تليفون ابقي نادي عليا.
امير : لم يلتفت لكلامها ويكمل حديثه في الهاتف . معاك حق كان لازم يفهم كدا .
ساره تدير ظهرها له وتبدا بالخروج .
امير : بصوت عالي ساااره انتي رايحه فين .
ساره : بخضه رايحه المكتب حضرتك لحد مااتخلص التليفون .
امير : ينهي حديثه في الهاتف هكلمك بعدين ويغلق السماعه ، ثم ينظر الي ساره ، هو انا اذنتلك تخرجي.
ساره : ودي محتاجه اذن حضرتك مشغول ، هستني اعمل ايه هنا ( باستهزاء ) اسمع حضرتك مثلا وانت بتتكلم في الفون .
امير : يقطب حاجبيه ، اول حاجه في الشغل هنا لازم تعرفيها ، اني اما ادي
اوردر لاي حد بااي حاجه لازم تتنفذ ،قلت استني يبقي تستني ، ويضرب يده علي المكتب وبصوت مرتفع مفهوم .
ساره : لا مش مفهوم ، هو علشان انت صاحب الشركه هتزل فيا ، انا ماشيه ومش جايه الشغل دا تاني .
امير : تمام حلو اوي ، بس ياريت قبل ماتمشي تسيبي مليون جنيه في الحسابات .
ساره : بدهشه ، مليون جنيه بتوع ايه، هو انا لو معايا مليون جنيه هاجي اشتغل هنا ليه اصلا .
امير : بابتسامه يحاول ان يخبئها ، ليه هو اللي معاه مليون جنيه مبشتغلش ، ثم يقطب حاجبيه ويحاول ان يمسك نفسه من الضحك ، دا شرط جزائي حضرتك ، علشان لو طلع عندك اي عجز في اي حاجه او اخليتي ببنود عقد الشغل .
سار : عجز ايه ، وبنود ايه ، هو انا اصلا لسه اشتغلت انا مش فاهمه حاجه .
امير : اهو بقي ، دي شروطنا وحضرتك مضيتي علي كده.
ساره : بصدمه انت مضتني علي مليون جنيه .
امير : اه تخيلي ، تحبي اجبلك صوره من العقد اللي مضيتي عليه .
ساره :مش معقول ، وبغضب انا بكرهك .
امير : يبتسم ، طب يلا علي شغلك .
رواية امير الرجال كاملة جميع الفصول ( الفصل السادس 6 )
في الجامعه
تجلس مي بجوار نادر المالكي ( ابن رجل اعمال) زميلها في الجامعه لكنه في عامه الاخير بالكليه .
نادر : مش معقول كده يامي كل مره بتزعليني منك كده .
مي : برقه ، انت اللي مبتحبنيش بجد .
نادر : والله بحبك وبموت فيكي كمان .
مي : لو كنت بتحبني بجد كنت جيت خطبتني .
نادر : انا قلتك اول لما اتخرج هاجي اخطبك علي طول .
مي : وهتفرق في ايه يعني لو اتخطبنا دلوقتي من بعدين .
نادر : ياحبيبه قلب نادر ، انا دلوقتي لسه طالب ، لكن لما اتخرج هشتغل مع بابا في الشركه ويبقي ليا وضعي ، واجي اخطبك دا انا لسه باخد مصروف يامي .
مي : تؤ تؤ زعلانه منك خالص ومش هكلمك .
نادر : بموت في رقتك مجنناني ، نفسي تفهميني وتفهمي تفكيري ، انا لما اتخرج واشتغل وقتها بس هيبقي معايا فلوس من شغلي وليا مكانتي واقدر اعتمد علي نفسي ، واقدر اقول لاهلي اني عايز اخطبك واصمم علي البنت اللي اخترتها.
مي : تتنهد بدلع ، ايه التعب دا بس ياربي.
نادر : مي هو انتي بتحبيني بجد .
مي : تنظر له بنظره ضيق ، بعد دا كله لسه بتسال.
نادر : انا كل مااكلمك تقوليلي الخطوبه ، الخطوبه .
مي : بصوت رقيق ، نفسي ابقي معاك قاعده مطمنه ، مخفش لو حد شافنا سوا ، صحابنا وزمايلنا يقولو ايه .
نادر : انتي اكتر واحده عارفه اني راجل وبخاف عليكي قد ايه ، احنا في الجامعه لما بنقعد سوا لوحدنا مبنكملش نص ساعه ، وباقي الوقت بيكون في المحاضرات او مع زمايلنا ، وبعدين محدش يعرف اننا بنحب بعض ، دا حتي ايدك مبرضاش المسها علشان محدش يبصلك و يقول عنك اي كلمه.
مي : تقاطعه ، شفت اهو يعني حتي مش عارفين ناخد راحتنا سوا .
نادر : يضحك . ياحببتي انا مبرضاش نخرج سوا لوحدنا علشان ميحصلكيش مشاكل ، انا راجل يامي واعرف ازاي احافظ عليكي ، انا لو بسلي زي ماانتي مفكره كنت قضتها معاكي خرجنا واتفسحنا ومكنش همني حد.
مي : بنظره رومانسيه وصوت هادي ، حبيبي انا واثقه منك ومن حبك ليا بس كان نفسي احط دبلتك في ايدي قصاد كل الناس ونخرج ونطلع براحتنا .
نادر : انا مبقتش اكلم اي بنت ولا اهزر مع حد علشانك انتي ، حتي زمايلنا البنات مبقتش اكلمهم علشان متضيقيش ، ثم يرفع حاجبيه مش قادره تصبري شهرين بس .
مي : باابتسامه ، حاضر هستناك .. حتي لو هستناك العمر كله.
في بيت ساره .
عادت مي من الجامعه ودخلت غرفتها ، والقت شنطه يدها وكتبها علي المكتب ، ثم التفت ونظرت لساره .
مي : مالك ضاربه بوز ليه علي المسا .
ساره : تنظر لها بشرود ، مفيش .
مي : انطقي في ايه اترفدتي ولا ايه .
ساره : ياريت .
مي : بااستغراب ياريت !! ليه ايه اللي حصل .
ساره : مضاني علي مليون جنيه علشان مسيبش الشغل. ، عايز يزلني بسلامته .
مي : اتنيلي ، ماتمشي امورك انتي علي طول كده دبش ، واحد جايبلك قبل كده ورد وموبايل ومشغلك وانتي حماره مبتفهميش .
ساره : بقولك ممضيني علي شرط في العقد بمليون جنيه .
مي : جلست علي السرير بجوار ساره ياعبيطه مليون ايه اللي بتتكلمي عليها وانتي في ايدك ملايين ، ملايين ايه دا مليارااااات .
ساره : التفتت لها يعني ايه ، مش فاهمه .
مي : والله لو كنت بفهم في حمار كان فهم .
ساره : تقاطعها ، احترمي نفسك يابت .
مي : بصي ياست ساره وافهمي اللهي يباركلك ، متجننيش .. امير صاحب الشركه وفي ايده مليارات ، اكسبيه خليه يحبك وبدل ماتدفعي ، تاخدي .
ساره : انتي اتجننتي ايه الكلام اللي بتقوليه دا ، انا مش بتاعت كده.
مي : طول عمرك عبيطه ودبش في كلامك اديلو فرصه ، فرصه واحده ، الراجل ذوق ومحترم ومشفناش منه حاجه وحشه ، انتي اللي مدب .
ساره : دا واحد مريض زي مايكون عايز يزلني .
مي : عارفه لو اتعاملتي معاه بعقلك هتعرفي تكسبيه ، بس ازاي لازم المدب اللي جواكي يطلع والا تتحرقي.
ساره : اتلمي يابت ، وبعدين انا عندي مشكله تانيه .
مي : ساره ، بجد انا بقيت اخاف علي نفسي منك .
ساره : من ايه ان شاء الله .
مي : اتعدي من غباءك .
ساره : بس ياحيوانه.
مي : مش بقولك دبش ، المهم مشكله ايه تاني .
ساره : ايمن ابن عمك .
مي : انتي لسه مفتحتيش ماما في الموضوع دا .
ساره : لا لسه .
مي : تضع اصباعها السبابه علي ذقنها ، امممم بصي انتي لازم تقطعي عرق وتسيحي دمه ، خلينا نخلص بقي وتشوفي مصلحتك.
ساره : تفتكري ماما هتوافق.
مي : دي حياتك ولازم تاخدي قرار فيها، وبعدين اشمعنا دي اللي مش لميضه فيها ، اقولك والله ماينفع معاكي الا ايمن فعلا وش فقر .
ساره : اخلصي بقي ، وشوفيلي حل .
مي : وهتسمعي كلامي .
ساره : ها قولي.
مي : اولا وثانيا وثالثا لازم لازم تحسني علاقتك مع امير ، مش علشانه ولا علشاني ولا علشان اي حد ، علشانك انتي اللي انتي فيه دا فرصه ومش هتتكرر ، بلاش تحبيه علي الاقل حافظي علي المكان اللي انتي فيه وحافظي علي شغلك علشان علي الاقل متتحوجيش لايمن ، اما بقي حكايه ايمن فدي حياتك ودا جواز لازم تقفي واقفه محترمه كده ، وتواجهيه وتواجهي ماما انك مش عيزاه .
ساره : تاخذ نفس عميق ، هحاول .
مي : طيب الحقي بقي اطلعي وكلمي ماما ، كانت بتقول عزماه علي الغدا بكره، بمناسبه انك اشتغلتي ، ثم تضحك .
ساره : تاخذ نفس عميق ، يامسهل وتخرج من غرفتها.
#في الصاله تجلس الحاجه فاديه تشاهد التلفاز ( مسرحيه العيال كبرت ).
الحاجه فاديه : تضحك ، تعالي ياساره اتفرجي معايا ديه المسرحيه حلوه اوي .
ساره : تنظر للتلفاز ، ياماما دي قديمه اوي انتي لسه بتشوفيها ، وتجلس بجوار والدتها .
الحاجه فاديه : تنظر لها وتبتسم ، وايه الجديد دلوقتي اللي بيضحك يابنتي وبعدين انا مبفهمش الحاجات الجديده بتاعتكو دي ، الواحد كان زمان لما كنا بنتفرج علي الافلام والمسلسلات كنا بنضحك من قلبنا ، انما دلوقتي الضحكه بقت ماسخه ملهاش طعم .
ساره : (بشرود ) علي رايك والله ياماما مفيش حاجه بقي ليها طعم.
الام : تخفض صوت التلفاز ، ليه بتقولي كده ياحببتي انتي لسه صغيره وفي عز شبابك وقدامك الحياه كلها.
ساره : صغيره ، وتضحك ، اللي شفته في حياتي كبرني اوي ياماما.
الام : مالك ياساره فيكي ايه .
ساره : الصراحه ياماما انا عايزه اكلمك في موضوع ، ومينفعش ااجله اكتر من كدا .
الام : خير يابنتي.
ساره : ايمن ابن عمي وموضوع ارتباطنا ، الصراحه كده انا مش عيزاه.
الام : ليه ياساره ايمن طيب وابن حلال وكفايه انه ابن عمك وبحبك يعني هيصونك ويشيلك فوق راسه ، وان كان علي موضوع الشهاده علشان مكملش تعليم فهو بيشقي وبيشتغل من صغره والحياه علمته .
ساره : ياماما افهميني انا مش قادره احبه وانتي عارفه اني مكنتش موافقه عليه ، لولا مرض بابا الله يرحمه ، والظروف اللي كنا فيها خصوصا انه كان بصرف علي علاج بابا ، فبابا بقي الله يرحمه اتحرج منه اما طلب يخطبني وقرأ معاه فتحتي .
الام : انا عارفه وفاكره كويس ان ابوكي حتي مخدش رايك ، بس ابوكي كان شايف مصلحتك ، وبعدين بكره تتعودي عليه وان كان علي الحب بيجي بالعشره ، هو انا يعني كنت حبيت ابوكي ، بس مع العشره خدت عليه .
ساره : عشره ايه بس ،انا اصلا مبعرفش اتكلم معاه اسلوبه غير اسلوبي حتي طريقه كلامه غير كلامي ، مش قادره اتقبله ،من الاخر كده قوليله كل شيء قسمه ونصيب .
الام : يالهوي ، انتي عايزه تسبيه ،الراجل مقصرش معانا في حاجه ، دا من ساعه ما ابوكي مات وعلي طول بيسال علينا ، وبشوف طلباتنا ، طيب داا اقوله ايه بقي .
ساره : ان كان علي الفلوس اللي صرفها علي بابا فاانا دلوقتي بشتغل وهسد كل جنيه دفعه، دا انا هاخد 8 الاف جنيه في الشهر.
الام : اللهم صلي النبي ، ربنا يزيد ويبارك ، بس يابنتي مش حكايه فلوس ، ايمن جدع وبيحبك وبتمنالك الرضا، ولا علشان ربنا فرجها عليكي هنغدر بيه.
ساره : بزعل اغدر بيه !! انتي ياماما اللي بتقولي كده دا انتي اكتر واحده عارفاني وعارفه اني كنت مغصوبه علي قرايه الفاتحه، واتفاجات لما بابا قالي حتي مكنتش املك اني ارفض ، تاخذ نفس عميق ياماما فعلا انا مش قادره احبه لا قلبي ولا عقلي قادرين .
الام : ربنا يقدملك اللي فيه الخير ياحببتي.
#في الشركه ، تحديدا في مكتب السكرتاريه.
دخلت ساره المكتب فوجدت منار .
ساره : بابتسامه صباح الخير يامنار ، ثم تضح شنطه يدها بجانبها وتجلس علي مكتبها.
منار : صباح النور ياساره، شوفي كده الفاكسات اللي جتلك ، وجهزيها علشان مستر امير اول مايجي تدخلهاله.
تنطر ساره علي اللاب توب والطباعه امامها وتفرز الورق وتجهزه.
دخل امير مكتب السكرتاريه .
امير :صباح الخير ولم يلتفت لاحد) ابعتيلي الفاكسات .
ساره : نظرت له حاضر. وجهزت الورق ودخلت وراءه .
جلس امير علي مكتبه .
وضعت ساره الورق علي المكتب
-- اتفضل يافندم ، والتفت لتخرج .
امير : استني .
ساره : بكل ادب نعم.
امير : اتمني انك متضيقيش من اللي حصل امبارح بس انتي اللي ضيقتيني، انتي لسه هتعرفيني وتعرفي اني غير كده خالص .
ساره : تاخذ نفس ، وتهز براسها حصل خير.
امير : تمام.
يمسك القلم وينظر الي الورق ثميمضي بعض الاوراق الهامه
-- عايزك تبعتي الفاكسين دول ضروري الاول .
طرقت منار الباب و دخلت.
-- مستر وائل الليثي بره .
امير : دخليه.
خرجت منار ، واشارت اتفضل يامستر وائل
دخل وائل ولفتت نظره ساره فنظر لها بااعجاب .
اذيك ياامير ، امير نظر الي وائل تمام (وقد ولاحظ نظراته لساره).
امير : تقدري تروحي علي مكتبك ياساره
ساره : والفاكسات.
امير : بعدين .
خرجت ساره .
وائل الليثي : ايه القمر دا دي صاروخ ، هي موظفه جديد .
امير : بضيق ، الزم حدودك ياوائل ومتنساش انك في مكتبي.
دخل وائل ولفتت نظره ساره فنظر لها بااعجاب .
اذيك ياامير ، امير نظر الي وائل تمام (وقد ولاحظ نظراته لساره).
امير : تقدري تروحي علي مكتبك ياساره
ساره : والفاكسات.
امير : بعدين .
خرجت ساره .
وائل الليثي : ايه القمر دا دي صاروخ ، هي موظفه جديد .
امير : يقطب حاجبيه بضيق ، الزم حدودك ياوائل ومتنساش انك في مكتبي.
وائل : مستغربا ، هو ايه اللي حصل.
امير : شحنه الادويه جايه كمان تلات اسابيع، ايه اللي جابك.
وائل : في ايه ياامير هي دي مقابله.
امير : لا بس غريبه يعني . انت معادك تيجي علي ميعاد الشحنه.
وائل : اه فعلا ، لكن في شركه كلمتني عايزه تاخد شحنه الادويه .
امير : ماانت عارف ان شركه الموده هتاخدها .
وائل: انت مضيت معاهم العقد .
امير : لا لسه .
وائل : كويس . الشركه اللي جايبها دي هتدفع ضعف اللي هتدفعه شركه الموده .
امير : لو هيدفعوا عشر اضعاف مش هياخدوها.
وائل : مستغربا ليه ياامير دي فرصه ، ولا في حاجه تانيه انا معرفهاش .
امير : ولا تانيه ولا تالته ، انا اتفقت خلاص مع شركه تانيه .
وائل: بس انت ممضتش العقد .
امير : ( بصوت قوي مليء بالثقه) امير ابو الدهب كلمته عقد ، ومبيرجعش في كلمته .
وائل 🙁 يقف بضيق) علي العموم فكر دي فرصه ، همشي انا .
لم يأبه له امير.
خرج وائل ومر علي مكتب السكرتايه فاتجه الي مكتب ساره .
وائل : انتي جديده هنا .
ساره : التفتت له ، اه .
وائل : انا اسمي وائل الليثي ، فينظر لمنار مش تعرفيها عليا يامنار.
منار : تضحك منور ياوائل باشا ، دا وائل باشا الليثي شريك مستر امير في كذا صفقه.
ساره : باابتسامه ، اهلا بحضرتك.
وائل : يلمح الهاتف النقال لساره ويشاور براسه ، دا موبايلك ؟
ساره : ايوه حضرتك .
وائل : يمسك الهاتف ، فيفتح سجل المكالمات فيرن هاتفه من موبايل ساره.
ساره : تقطب حاجبيها متعجبه من تصرفه ، حضرتك بتعمل ايه .
وائل : ابقي سيفي رقمي .
ساره : تنظر له في دهشه ، نعم.
دخل عمرو مدير اعمال امير ابو الدهب وراي وائل .
وائل : سلام ياقمر، ونظر الي عمرو اذيك يامدير وخرج .
عمرو : ينظر لمنار ايه جابه دا .
منار : معرفش كان جاي لمستر امير.
عمرو : ينظر لساره هو ضايقك في حاجه ، وقد لفت انتباهه استياء ساره )
ساره : بضيق ، لا .
دخل عمرو مكتب امير .
تلتفت ساره لمنار باستياء ، ماله وائل دا هو في حد كدا.
منار : تضحك ، متضيقيش هو اسلوبه كدا.
ساره : دا بارد وبجح اوي فتمسك هاتفها وتمسح رقمه ، مبفهمش دا ولا ايه .
منار : عادي ياساره مشي امورك متقفيش علي الواحده كده .
ساره : لا مش بالطريقه دي .
#في مكتب امير
عمرو : اذيك ياباشا .
امير : تمام .
عمرو : يجلس علي الكرسي المقابل لمكتب امير ، انا رايح مخزن الشيخ زايد علشان اسلم الشحنه للشركه المورده ، هتعوز مني حاجه قبل ماامشي .
امير : لا تمام.
عمرو: هو وائل كان جاي لايه.
امير : سيبك منه .
عمرو : طيب خلي بالك علشان شكله غلس علي ساره وهو خارج.
امير : بضيق تاني ، حسابه تقل معايا .
عمرو : يضحك ليه هو كان في اولاني ، انا مش عارف انت مشاركه لايه ، انت مش محتاجه ولا محتاج غيره.
امير : بتمعن وحكمه ، علشان تمسك السوق لازم تخلي الكل تحت ايدك ، ووائل واللي زيه بدل مايقفوا قصادي احطهم انا في ايدي وتحت جناحي وبشروطي ، والا هيبقوا اعدائی وكل مااعدائك تكتر الحرب بتكبر ، بس خلاص كده خلصت معاه اتجاوز حدوده علي الاخر .
عمرو : يضحك اتجاوز حدوده ولا حدود ساره .
امير : بضيق ، شكلي كده هصفيك معاه .
عمرو : ههههه لا اقوم اشوف اللي ورايا احسن ، وينصرف .
يبتسم امير
-- اه انا بقول كده برضه
ثم يضرب جرس مكتب منار .
امير : ابعتيلي ساره.
منار :حاضر يافندم ، فتغلق الخط وتنظر لساره مستر امير عايزك .
ساره : اه .دا اكيد علشان التلكسات اللي عايزه تتبعت.
فتقف ساره وتذهب الي الممتب ، طرقت الباب ودخلت .
ساره :ايوه حضرتك ، فين الفلكسات االي هتتبعت.
امير : هو ايه اللي حصل بره.
ساره : حصل ايه مش فاهمه.
امير : وائل عمل ايه.
ساره : اه. مفيش .
امير : يعني ايه ، اه مفيش ، هو ضايقك!؟.
ساره : الصراحه اه دا انسان قليل الذوق ومترباش وبجح وبارد .
امير : بضيق ، ليه ايه اللي حصل.
ساره : مسك موبايلي واتصل ع نفسه علشان ياخد رقمي من غير مايستاذن، انسان حيوان كان نفسي اهزقه.
امير : ومش هزقتيه ليه ؟!.
ساره :علشان حضرتك متضايقش وتزعقلي .
امير : ينظر لها ويبتسم ويرفع حاجبه ، من امتا وانتي بهمك مضيقتي وزعيقي ، علي العموم انا هعلمه الادب ولو حد دايقك تاني هزقيه وميهمكيش حد وتعالي عرفيني فورا.
ساره : بااستغراب اهزقه !! ، وحضرتك مش هتدايق علشان شريكك .
امير : انا اضيقت فعلا ، بس علشان انتي مش رديتي عليه وهزقتيه ، وبعدين انا معنديش شركا، وبعد اللي عمله معاكي دا مبقاش شريكي خلاص.
ساره : خلاص متزعلش المره الجايه ههزقه واعلمه الادب.
امير : يضحك ، وانا مستني .
ساره : ابتسمت شكرا جدا لحضرتك .
امير : بتشكريني علي انتي هنا في حمايتي واي حد يبصلك او يفكر يكلمك بقله ذوق همحيه من الدنيا.
ساره : بااستغراب وابتسامه خجل ، طيب الفلكسات فين علشان ابعتها .
امير :ينظر لها بااعجاب ، اه صح فيتصفح الاوراق ويعطيها لها .
تنصرف ساره في سعاده واستغراب مما حدث.
#في بيت ساره .
فتحت ساره باب الشقه ودخلت ، فوجدت ايمن ووالدتها جالسين امامها في الصاله .
ساره : السلام عليكم .
ايمن : باابتسامه وعليكم السلام ، اذيك ياساره .
الام : وعليكم السلام ورحمه الله وبركاته .
ساره : الحمدلله ، ثم تجلس ، ها ياماما قلتي لايمن .
الام : مش وقته ياساره بعد الغدا .
ايمن : هو في ايه ياحاجه ، عايزه حاجه ياساره اؤومري .
ساره : تنظر لوالدتها اومال وقته امتا ياماما ،ثم نظرت الي ايمن اه فيه يا ايمن .
ايمن : خير ياساره .
ساره : الصراحه كده ياايمن انت طيب وابن حلال وتستاهل واحده غيري .
الام : بعدين ياساره.
ايمن : بااستغراب ، يعني ايه ياساره مش فاهم ، هو في ايه ياحاجه انا زعلتها في حاجه .
الام: باحراج مش عارفه اقولك ايه يابني .
ساره : انا مش موافقه علي قرايه الفاتحه دي ياايمن وربنا يسهلك مع بنت الحلال غيري .
ايمن : يعني ايه مش موافقه ، مره واحده كده ،انا قاري فتحتك مع عمي الله يرحمه .
ساره : بحده ،بص ياايمن بابا قرا فتحتي معاك من غير مااعرف ، ومعرفتش غير بعد ماقرتوها واللي مخلنيش اتكلم وقتها ان بابا كان مريض ومحبتش ازعله .
ايمن : تقومي تزعليني انا ، ثم ينظر للحاجه فاديه ماتشوفي بنتك ياحاجه ولا عجبك الكلام دا .
الام : معلشي يابني والله ماعارفه اقولك ايه ، سيبها شويه يمكن تغير رايها .
ايمن : ياستي لو زعلتك في حاجه حقك علي راسي ولو عايزه اي حاجه انا تحت امرك .
ساره : تقف ، وتنظر الي ايمن علشان الموضوع ميخدش اكتر من حجمه وميطلوش اكتر من كده ،كل شيء قسمه ونصيب ، واعمل حسابك دخولك البيت هنا هيبقي علشان انت ابن عمي وبس ، غير كده مفيش ثم تنظر لوالدتها ودا كلام نهائي مفهوش نقاش .
فتتركهم وتدخل تجاه غرفتها .
ايمن : هي بتكلمني كده ليه ، عجبك الكلام دا ياحجه .
الام : معلشي يابني مفيش جواز بالغصب ، هعملها ايه كل شيء قسمه ونصيب .
ايمن : بصوت مرتفع ، يعني ايه انا بقي بيتلعب بيا كده ، ولا علشان البيت مبقلوش كبير ، ما اهو مبقاش في راجل يترد عليه ، الله يرحمك ياعمي .
الام : تقاطعه ، عيب الكلام دا ياايمن ، انت هتخرف .
ايمن : يبدا بالانصراف ماعيب الا اللي بيجي من اهل العيب ياحجه ، ويغلق الباب وراه بشده .
في غرفه ساره
مي : ايوه كده ميه ميه .
ساره : ساره حاسه اني زودتها اوي ، كنت اوفر صح .
مي : انتي لو معملتيش كده هيفضل لازقلك ، انا مضيقنيش غير من رد امك .
ساره : اه والله دي غظتني بردها بدل ماتقف جمبي .
مي : بس كده انتي جبتي معاهم الاخر وقطعتي عليه الطريق.
ساره : يلا ربنا يسهله ويوقفله بنت الحلال .
مي : ولا ميوقفلوش احنا مالنا بقي .
ساره : تبتسم ، وتلتقط خدديه صغيره وتخبطها بمي ، يابت اتهدي .
في شركه وائل الليثي يجلس علي مكتبه وامامه هيثم اخيه .
هيثم : هاعملت ايه .
وائل : رفض.
هيثم : ليه هو مضي العقد .
وائل : لا .
هيثم : اومال موفقش ليه.
وائل : البيه بيقولي ، امير ابو الدهب مبيرجعش في كلامه كلمته عقد ، دا كان ناقص يطردني النهارده وانا عنده.
هيثم : ياسلام يضيع ملايين علشان كلام ، يااخي سبحان الله مبقبلوش ، مش عارف طالع فيها علي ايه ، وبعدين يقابلك وحش ليه دا انت رايح لمصلحه ، هتدخله ملايين .
وائل : غباء هنعمل ايه مضطرين ، بس اسكت يااخي عنده حته صاروق ارض جو حته ملبن ، لسه شغاله جديد عنده ، فكرتني لما اتصل عليها .
هيثم: يضحك يادي صواريخك اللي مبتخلصش
وائل : يمسك هاتفه ويتصل علي ساره فلم يرد احد ، فيجرب مره اخري لم يرد مره اخرى .
هيثم : يضحك ، ايه مبتردش .
وائل : لا ، بس مش هسيبها .
#في ورشه الميكانيكا .
يجلس ايمن علي مكتب صغير ويشرب الشيشه ومحسن صديقه بجواره .
ايمن : مش عارف ايه الحكايه هتجنن يااخي .
محسن : ياعم سيبك منها بقي هي مش جبتهالك علي بلاطه وقالتلك مش عيزاك.
ايمن : اتغيرت من وقت مااشتغلت بقت تلبس احسن لبس، وشافت نفسها عليا .
محسن : متاخذنيش ياصاحبي هي مش بتعاملك حلو من ساعه ماقريت فتحتها ، وانا قلتلك دي مش من توبك.
ايمن : انت عبيط يالا توب ايه ولبس ايه ، دي بنت عمي ومتربين سوا ، يمكن مكسوفه مني بس.
محسن : ياعم دي متعلمه وواخده كليه كبيره وبتشوف وتقابل ناس بيعرفوا يتكلموا زيها وحاجه نضيفه كده علي مستوي ، وانا ياما نصحتك انت مش متعلم زيها ولا بتعرف ترطم زيها يااخي دي بتتكلم زي الخواجات ، انت ناسي لما البت الاجنبيه كانت جايه الحته هنا تعمل مش عارف بقولوا عليه حوار ولا بحث مش فاكر بالظبط ، عن المولد اللي بيعملو في الحته هنا وبنت عمك ماشاء الله رطمت معاها زي ماتكون خواجايه .
ايمن : يعني ايه كده خلاص راحت مني ، لا انا مش هسيبها، ليا كلام تاني مع امها .
محسن : وهي امها هتعملها ايه ، دي قلتهالك قدام امها مش عيزاك وشوفلك واحده غيري .
ايمن : بحبها ياجدع ، وبعدين دي طيبه وبنت حلال ، اكيد شويه وهتروق ، تلاقي حاجه مضيقاها في الشغل الجديد، لازم اكلمها تاني .
يجلس امير في جناح فيلته متكأ علي الفوتيه علي صوت الموسيقي الهادئه ، والاضاءه الخافته تعطي سحر الغرام)
امير : يتمتم بصوت خافت .
-- ايه ياامير مالك اضيقت كده ليه لما وائل بص لساره في المكتب ، كان نفسك تقوم تديله بوكس في عنيه علشان ميعرفش يبص بيها تاني ، واضيقت اكتر لما عمرو قالك وائل غلس علي ساره ، مالك ايه جرالك ،
ثم يضحك
-- بس خدت بالك اما قالتلك مرضيتش تهزقه علشان متزعلش.
-- طب مايمكن خافت علي مكانها في الشغل ، او خافت مثلا بالعقد اللي قلتلها ماضيه عليه بمليون جنيه ، ثم يضع يده علي راسه ، التفكير هيقتلني انا عمر ماحد شغل تفكيري بالشكل دا ، انا لازم اكلمها ( ثم يقطع تفكيره جرس الهاتف بجواره ) يووه مين اللي بتصل دلوقتي ،
ينظر للهاتف يجد اتصال من نيللي.
هو دا وقته ويغلق هاتفه.
نيللي تجلس مع صديقتها لاما في النادي.
لاما : لسه مبردس عليكي .
نيللي : اهو قفل موبايله.
لاما : ياحببتي الصنف دا بحب التقل مش الدلقه اللي انتي فيها دي .
نيللي : مبقتش عارفه اتعامل معاه ازاي ، انتي تقوليلي اتقلي عليه ، وماما تقولي متسبهوش خليكي وراه.
لاما : هو انتوا لسه محددتوش ميعاد الجواز.
نيللي : مستنين بابا امير لما يجي من السفر .
لاما : وهو هيجي امتا .
نيللي : يعني قدامه شهر كدا.
لاما : طيب ماتمام اهو كلها شويه ايام وتبقي عروسه .
وتضحك.
نيللي : مش عارفه حاسه انه مبحبنيش ، يعني مبنتكلمش ، مبنخرجش كده يعني ، بقولك ايه انا زهقت الجو كئيب انا هقوم اروح ، هتقومي ولا تخليكي .
لاما :طب استني شويه .
نيللي : لا ، مليش مزاج .
لاما :خلاص يلا هقوم الجو كئيب هنا اوي .
تقف ساره امام امير في المكتب .
ساره : كده تقريبا الورق كله اتبعت وهيردوا علينا بكره .
امير : ينظر لها بشرود .
ساره : مستر امير .. مستر امير.
امير : كنت عايز اكلمك في موضوع مهم .
ساره : اتفضل .
امير : لا مينفعش هنا ، ممكن اعزمك علي الغدا بره .
ساره : لا طبعا ، مينفعش.
امير : ليه .
ساره : واخرج مع حضرتك ليه اصلا .
امير : الموضوع دا مهم جدا ، انا منمتش من امبارح بسببه.
ساره : بفضول ، موضوع ايه اللي منيمكش دا .
امير : مينفعش بجد هنا ، في مطعم جمب الشركه هنا اسمه الروك فود ، قابليني فيه بعد ربع ساعه .
ساره: بس يامستر امير، مينفعش كده ممكن حد يشوفنا يقولوا ايه .
امير : ينظر لها بعيون كلها رجاء ، ارجوكي ياساره ،انا هنزل دلوقتي وهستناكي هناك ، اتمني انك تيجي ومتكسفيش دعوتي ليكي .
تخرج ساره وتجلس علي مكتبها وهي شارده الذهن .
ياتري عايزني ليه ، وايه الموضوع المهم اللي شاغله اوي كده ، ومحتاجني فيه ، يمكن عايز ياخد رايي في حاجه مثلا ، وهو هياخد رايي انا ليه ، بجد امير دا انسان يحير اي حد ، مره يبقي كويس ويضايق علشان حد ضايقني ، ومره يبقي رخم ويمضيني ع شرط جزاء من غير ما اعرف ، انا فعلا حيرانه ، بس اقابله ولا مقبلوش .
فتضع يدها علي خدها وتتكأ بمرفقها علي المكتب .
خرج امير من المكتب ونظر الي ساره انا ماشي .
منار : تمام يافندم .
ساره : تنظرله في صمت .
ذهب امير.
ساره تجلس وتفكر وتنظر لساعه يدها .
وقد مر من الوقت ساعه
ساره : منار انا مضطره امشي.
منار : بس لسه ساعه علي ميعاد الخروج .
ساره : معلشي مش قادر اقعد اكتر من كده .
منار : خلاص امشي ، كده كده مستر امير مشي ومفيش حاجه مهمه.
ساره : شكرا يامنار
منار ،: علي ايه .
في مطعم راقي مفتوح علي جهتين ، الجهه الاماميه النيل وبالجانب الاخر الخضره والاشجار ، يجلس امير في ركن جانبي هاديء حيث الهواء النقي ، ينظر الي النيل حيث تسحره جمال وطبيعه المكان متحيرا ، ويفكر هل ستاتي ساره بعد تاخير ساعه ونصف ؟؟!!
تقاطعه ساره من خلفه .
-- مستر امير.
يلتفت لها وبفرحه طفل يبتسم .
-- ساره .
وقف وسحب الكرسي المقابل له . اتفضلي .
ساره : اسفه علي التاخير .
امير : وحشتيني.
ساره : بدهشه نعم ؟!
امير : يجلس وينظر لها بحب ، عايز اتامل فيكي شويه.
ساره : هو حضرتك جايبي علشان كده اسفه .
امير : يخربيت كده. خرجتني من المود.
ساره : بااستهزاء انت جايبني هنا علشان مودك .
امير : يضحك لا علشان اشاهد جمالك.
ساره : طيب استاذن انا بقي ، وتبدا بالنهوض .
امير : اقعدي بس.
ساره : في حاجه مهمه ؟!
امير : اه مهمه جدا علي الاقل بالنسبالي.
ساره : تجلس خير يامستر امير .
امير : تتغدي ايه ؟
ساره : لا شكرا .
امير : يلا قولي .
ساره : ولا حاجه بجد ، انا جايه علشان اعرف حضرتك عايزني ليه.
امير : حاضر هقولك ، ثم يشاور بيده ، للجرسون .
الجرسون يذهب اليه .
-- اؤمر یافندم
امير : تحبي تتغدي ايه ؟
ساره : بجد مش عايزه .
ينظر امير للجرسون ، اتنين استيك ، واتنين نجرسكو بالوايت صوص والسلطات وهتلنا العصير جريب فروت فريش لحد ما الغدا يجهز ، ثم ينظر لساره عايزه حاجه تاني .
ساره : علي فكره انا معزتش اولاني علشان اعوز تاني .
امير : ابتسم ثم نظر للجرسون، خلاص ، ثم عاود النظر الي ساره.
-- انا بجد مبسوط اوي انك قاعده معايا .
ساره : مستر امير ياريت تدخل في الموضوع علي طول .
امير : حاضر ، ثم ينظر لها تعرفي انك من وقت الحادثه مروحتيش عن بالي خالص .
ساره : ياسلام ، انت جيبني علشان كده ، لدرجادي حاسس بالذنب .
امير : يضحك ، تخيلي اني حلمت بيكي كمان .
ساره : بااستغراب حلمت بيا انا.
امير : اه ، حلم جميل اوي ، ذيك بالظبط .
ساره : تلوي شفاها بسخريه ، وياتري حلمت باايه .
امير : حلمت انك لابسه فستان حلو كله ورد وقاعده في وسط الورود وعماله تضحكي وانتي بتتمرجحي وبتمديلي ايدك وتقوليلي تعالي .
ساره : وضعت يدها علي ذقنها وحركت السبابه ، اممم ياسلام .
امير: خلاص مش هكملك الحلم .
ساره : بااستهزاء ، لا كمل ، مش قادره ، لازم تكمل، هيجرالي حاجه لو مكملتش .
امير : بقي كده بتتريقي .
ساره : انزلت يدها علي الترابيزه ،سوري يامستر امير ، بس كلامك ميتعقلش ، وسوري كمان مره كلامك ميدخلش جيبي بجنيه .
امير: بجنيه بحاله يااا، دا انتي كريمه اوي ، بس يعني ايه .
ساره : يعني لو جيبني هنا علشان تسرح بيا يبقي معطلكش ، وتبدا بالنهوض وتقف.
امير : ينظر لها ويمسك يدها ، ساره ارجوكي اسمعيني بجد انا محتاجلك ، علي الاقل اسمعيني للاخر وبعد كده اعملي اللي انتي عيزاه .
ساره : تنظر له وهو يترجاها ثم تسحب يدها بعيدا عنه ،اتفضل اتكلم بس لو سمحت قول كلام يتعقل ، مبحبش حد يستخف بيا.
امير : اهدي بقي كده وسبيني اكمل كلامي ، انا اول مره ...
ساره : تقاطعه ، ماتكمل هو في حد ماسكاك.
امير :بضيق وبصوت مرتفع قليلا عارفه لو سكتي شويه بس وهديتي هتلاقيني بقول كل حاجه ، ثم يااخذ نفس عميق وبصوت واطي ، ساره بجد انا اول مره شفتك فيها يوم الحادثه صورتك مرحتش عن بالي خالص ، الصراحه وقتها معرفش ان كان دا حب ولا احساس بالذنب ناحيتك .
ساره : بااستخفاف وتحرك يدها ، ها وبعدين .
امير : (بضيق )تاني ، بطلي تريقه علي كلامي بقي ، انا مبهزرش دلوقتي.
ساره : تمام خليني وراك ، اومال ايه اللي حصل بقي.
امير : انا كان نفس اقولك علي اللي جوايا بس فعلا انتي واخده كلامي كله تريقه وهزار وانا مبحبش الاسلوب دا .
ساره : لان كلامك ميتخدش جد .
امير : ليه !! انتي شيفاني عيل.
ساره : ترفع حاجبها ،انت اللي بتقول مش انا .
امير : بضيق ، انتي ليه كده كل حاجه حلوه بتقابليها بعند ومكابره ، انا مش فاهمك بجد .
ساره : تفهم ايه ، انت جيبني لحد هنا وعمال تحور وتلف بكلام مش مفهوم مش فاهمه عايز توصل لايه .
امير : بصوت مرتفع يقاطعها ، اهدي شويا بقي واسمعيني ومعنتيش تردي عليا، ( وقد دوي صوته العالي مسمع كل من كان موجود في المطعم والتفتوا له)
ساره : تنظر له بخوف وخضه ، مما حدث .
امير : يااخذ نفس عميق ، كل مره كده بتخرجيني عن شعوري .
ساره : وقد تملكها شعور بالرهبه والخوف .
قد احس امير برهبه ساره فوقف وسحب الكرسي الذي بجانبها وجلس عليه ، بصوت هادي انا اسف .
لم تملك نفسها وقد انزلت دمعه من عينيها وبصوت خافت .
-- انا لازم امشي.
امير : بجد اسف بس نفسي تسمعيني مره واحده للاخر ، اديني فرصه اتكلم معاكي بهدوء ، ثم سحب منديلا من علبه المناديل التي امامهم واعطاها لها .
تنظر له وعيناها مترغرغتان بالدموع وتاخذ منه المنديلا وتمسح الدموع من علي وجنتيها
-- اتفضل اتكلم .
امير : مش هعرف اتكلم وعيونك كلها دموع ، ثم ياخذ نفسا لكن لازم اتكلم لاني لو متكلمتش دلوقتي مش هتديني فرصه اكلمك تاني.
ساره انا الكام شهر اللي فاتوا مكنتش بنام من التفكير فيكي ، انا معرفش حصلي ايه من وقت ماشفتك حتي لما بكلمك علي طول بتصديني معرفش ليه مبتدنيش اي فرصه .
ابتسمت ساره فية دهشه .
ثم اردف كلامه ، طيب تعرفي لما كلمتيني علشان الشغل مسدقتش نفسي وكنت اليومين دول بفكر اتواصل معاكي ازاي ، خصوصا ان ميعاد فك الجبس بتاعك كان عدي عليه اسبوع .
ساره : بدهشه وهي تمسح خدها من اخر دمعه ، وانت عرفت ازاي اني فكيت الجبس بقالي اسبوع.
امير : كنت فاكر اليوم اللي الدكتور قالك عليه علشان تفكي الجبس.
ابتسمت ساره وبكل براءه .
بس انا اتاخرت في الميعاد وفكيته متاخر يومين ،كاان بقالي تلات ايام بس فكاه .
امير : يبتسم طيب عارفه لما جيتي الشركه .
ساره : ها
امير : حسيت ان روحي ردت فيا معرفش ازاي.
ساره : لكن انت يومها مقابلتيش .
امير : علشان كنت متاكد انك لو شفتيني هتعملي معايا مشكله .
ساره : تقطب حاجبيها ، يعني انا بتاعت مشاكل.
امير: يبتسم ، ابدا خالص انتي ارق واحن بنت في الدنيا ، لكن عناديه اووي واللي يكلمك كلمه تدهاله عشره.
ساره : تبتسم امممم ، طيب خليني معاك للاخر كده ، قولي بقي عرفت ازاي واتاكدت من مشاعرك .
دخل الجرسون وبدا في تقديم الغدا علي الترابيزه ثم انصرف انصرف.
امير : يلا علشان ناكل انا جعان جدا ، مكلتش من امبارح وبدا يمسك الشوكه والمعلقه .
ساره : شربت رشفه من العصير ، بس انا مش جعانه ، اتغدا انت .
امير : ترك الشوكه والسكين ، مش هاكل من غيرك .
ساره : بجد مش جعانه .
امير : خلاص نكمل كلامنا ، كنا بنقول ايه.
ساره : ابتسمت بخجل ، انت فاكر كنا بنقول ايه .
امير : ضحك اه فاكر ، اما الزفت وائل دا جه المكتب وبصلك مستحملتش وبعدها عرفت انه ضايقك وقتها بقي اتاكدت و كنت هتجنن ، كان نفسي اديله بوكس في عينه علشان بعد كده ميشفش بيها وبعدين ارميه من الشباك .
ساره : تضحك ، ترميه علشان بصلي بس .
امير : انا مبحبش حد يبص لحاجتي .
ساره : حاجتك!!
امير : ساره انتي بقيتي ملكي خلاص واي حد هيقربلك هفرمه.
ساره : بااستغراب ياسلام.
امير : انا مش بتاع كلام ولاحتي كنت بتاع بنات ، والايام هتثبتلك دا ، ومع الوقت هتتاكدي من كده .
ساره : طب وانت عرفت منين اني مثلا مش مرتبطه او بحب حد.
امير : قلبي .. اللي قالي مبتحبيش حد ، اما بالنسبه للارتباط لان مفيش في ايدك دبله.
ساره : نظرت الي يدها اه مش لابسه دبله ( وتذكرت ايمن)
امير : وبردوا انتي مش البنت اللي تحب واحد وتخرح مع واحد تاني ، انا قلبي اول ماشافك قالي خلاص انك هتبقي ليا .
ساره : طيب مفكرتش اني انا ممكن احبك ولا لا.
امير : مش مهم ، انا هعرف ازاي اخليكي تحبيني.
ساره : بمكر ، اممم هو اللي بيحب حد بمضيه علي شرط جزاء بمليون جنيه .
امير : بابتسامه اطمني ياساره انتي ممضتيش علي حاجه ، هو عقد الشغل وبس.
ساره : مستغربه ، ازاي انت قلتلي في شرط جزاء مليون جنيه.
امير : انا قلت كده لما لقيتك مصممه انك تسيبي الشغل ، الفكره دي جت علي بالي فقلتهالك علشان متمشيش.
ساره : يعني لدرجادي كنت عايزني مسبش الشغل.
امير : اه تخيلي.
ساره : ابتسمت ثم نظرت لساعه يدها ، انا لازم امشي اتاخرت اوي .
امير : طيب نتغدي وخليكي معايا شويا.
ساره : ماما هتقلق عليا لو اتاخرت اكتر من كده .
امير : اتصلي عليها قوليلها انك هتتاخري شويا.
ساره : مينفعش مره تانيه.
امير : يبتسم ، يعني في مره تانيه
ساره : تشعر بالخجل ، لا انا مقصدش اقصد بعدين يعني.
امير : يضحك ، يعني في بعدين .
ساره : تضحك ، وبعدين معاك بقي.
امير : خلاص يلا اوصلك
ساره : لا بجد مينفعش يامستر امير .
امير : ليه ، وبعدين بلاش مستر امير دي .
ساره : يعني علشان محدش يتكلم.
امير : طيب وبالنسبه لمستر امير دي.
ساره : مالها .
امير : عايزك تقولي امير علي طول .
ساره : تبتسم .
امير : علشان خاطري.
ساره : بخجل حاضر ياامير .
امير :طالعه من شفايفك تهوس.
ساره : تلتقط شنطتها وتقف .
امير : طيب استني ، ينادي علي الجرسون .
-- الريست ، فيعطيه له الجرسون فيخرج النقود ويضعها داخل الريست ، ثم ينظر لساره ، يلا .
تلتقط ساره شنطه يدها ويخرجا سويا .
امير : اتمني تكوني حسيتي بيا .
ساره: تصمت وتبتسم .
امير : يستوقف تاكسي ، وينظر الي ساره.
-- خلي بالك من نفسك .
ساره : تهز راسها باابتسامه وخجل، حاضر.
فتح امير لها باب السياره الخلفي .
-- اقعدى ورا .
فتبتسم ساره .
فييضع امير يده في جيبه وينطر الي السائق ويعطيه مائه جنيها ، سوق علي مهلك ووصلها للمكان اللي هتقولك عليه.
السائق : حاضر ياباشا.
تدخل ساره سعيده وفرحه فتجد والدتها في الصاله
ساره : اذيك ياماما.
الام : حمدلله علي السلامه ياحببتي ، اتاخرتي ليه.
ساره : المواصلات ياماما ، هدخل اغير هدومي .
الام : هحضرلك الغدا لحد ما تغيري ، وكمان مي لسه جايه من الجامعه بتغير هدوما .
ساره : اوكي ، وتدخل الغرفه علي مي .
تجد مي ترتدي البيجامه وتجلس علي السرير وبيدها الهاتف ، فترمي ساره شنطه يدها علي مي بضحك اذيك ياميمي .
مي : تنظر لها بدهشه ، ميمي!! من امتا الدلع دا، خير ياحلوه اللي اداكي يدينا .
ساره : مش هتتخيلي ايه اللي حصل النهارده .
مي : تضحك لا معاكي اتوقع كل حاجه منك.
ساره : نو.. نو .
مي : اشجيني ياروحي عملتي مصيبه مع مين النهارده .
ساره : بدات تروي لها ماحدث ، امير عزمني النهارده علي الغدا ، وكلامه كان مريح خالص ، حاسه اني كنت ظلماه .
مي : بدهشه ، اهو دا اللي مكنتش اتوقعه فعلا ، والله واشطرنا وبقينا نعرف نمشي امورنا اهو.
ساره : تقطب حاجبيها امشي امور ايه بس ، وبابتسامه انا قلت اديله فرصه واسمعه ، يعني يمكن اكون فعلا مكنتش فهماه .
مي : بخبث ، وفهمتيه .
ساره : تضحك ، بطلي لماضه ويلا علشان نتغدي وتتركها وتخرج
مي : انتي هتتغدي تاني .
ساره : يلا ماما بتنادي .
في الليفنج يجلس احمد ابو الدهب ونور .
يدخل من باب الفيلا امير ويتفاجا بوالده ، فميعاد رجوعه من السفر بعد ثلاثه اسابيع .
امير : بدهشه وفرحه ، بابا حمدلله علي السلامه ويذهب ويحتضنه.
احمد : الله يسلمك ياحبيبي ويحتضنه هو الاخر ، وحشتني ياامير.
امير : ينظر لوالدته ، اذيك ياست الكل مقلتليش بابا جاي يعني.
نور : اذيك ياميرو ، اتفاجات بيه زيك بالظبط.
امير : يجلس و يعاود النظر لوالده ، مين اللي جابك من المطار كنت عرفني اجي اخدك .
احمد : وانا في المطار اتصلت بالسواق جه علي طول .
امير : مقليش يعني ، انت مش مااكد عليا هتيجي بعد الشحنه ماتطلع.
احمد ، فعلا كنت هستني ، بس خلصت كل الاجراء والورق والجمارك ، لقيت وجودي ملوش لازمه ، ثم ينظر لنور زوجته ، وبعدين نينو وحشتني اوي .
نور : تنظر لزوجها وتبتسم وانت كمان وحشتني اوي .
امير : يضحك ، طيب انا يعني العزول ، فيقف هطلع انا بقي منها واروح علي اوضتي .
احمد : كويس ان عندك احساس ، ويشاورله اقعد بس شويا عايز اتكلم معاك .
فيجلس امير اتفضل يابابا .
احمد : مش هتتجوز بقي علشان تخليلي الجو مع نينو.
امير : يضحك ، هو علشان تتبسط انت ، البس انا.
نور : بجد ياميرو هفرحك بيك امتا بقي.
امير : انتوا قاعدين تتفقوا عليا بقي ، وبعدين ياحببتي انتي مش فرحانه بيا دلوقتي ولا ايه.
احمد : امير محدش بقول لنور حببتي غيري انا ، روح شوفلك حبيبه غيرها ، وينظر لها دي حببتي انا بس، فيمسك يدها ويقبلها .
نور : تضحك ، مش وقته يااحمد.
احمد : اومال امتا ياقلب احمد.
امير : يظهر فعلا اني لازم اتجوز ، انا شكلي بقي وحش اوي.
نور : بفرحه يبقي نتفق مع جمال وشروق علي الشهر الجاي ، يادوب .
امير : بعصبيه ، لا .
احمد : ايه مش مستعد ، ويضحك .
امير : لا .. يابابا .
نور : اومال امتا ياحبيبي .
يقاطعها احمد بضيق : ماقلنا بلاش حبيبي دي غير ليا انا بس .
تضحك نور وتنظر لاحمد ، مش وقته بقي ، ثم تنظر الي امير ، كل حاجه جاهزه ولو عايز تغير اي ديكوريشن في الفيلا او اي حاجه اعمل اللي نفسك فيه ياميرو.
. امير : انا مش عايز اتجوز نيللي.
احمد : ايه الكلام دا .
نور : في ايه ياميرو انتو زعلانين مع بعض .
امير: انا بحب بنت تانيه .
احمد : انت اتجننت ، اومال خطبت نيللي ليه .
امير : انا مخطبتهاش ، انتوا اللي اصريتوا عليا اني اخطب وانا وافقت علشان متزعلوش ، لكن فعلا انا مبحبهاش ومبحسش ناحيتها بااي حاجه ، فاهمني يابابا.
نور : بتحب مين ياميرو، بنت نعرفها ونعرف اهلها .
احمد : يرد مسرعا يحب ايه ، انتي جايه وقت الاتفاقات والناس مستنيه تحديد ميعاد الجواز ، وتقوليله بتحب مين .
نور : في ايه يااحمد انت عايز تجوزه واحده مبحبهاش .
احمد : اومال لو مش بنت صحبتك .
نور : تنظر الي احمد ، تفتكر انا هأبني سعاده بنت صحبتي ، علي حزن ابني ، ثم تنظر الي امير انا عندي سعاده وفرح ابني بالدنيا كلها .
فيبتسم امير ويهمس بشفايفه بموت فيكي
ثم تردف كلامها الي زوجها ثم احنا لسه في الاول مفيش جواز لسه وتغمز الي امير .
احمد : انا معرفش الكلام دا ، شوفي بقي هطلعينا من الورطه دي ازاي ، وتقوليلهم ايه.
نور : تنظر الي امير ، ولا يهمك يابيبي قولي بقي مين اللي بتحبها دي وشفتها فين .
في حديقه الفيلا يمشي امير مع والدته .
نور : لكن علي كلامك دا ياميرو انت لسه معرفتهاش ، ومبقلكوش كتير مع بعض .
امير : ممكن كلامك يبقي صح ، لكن انا بجد حبتها معرفش امتا ولا ازاي ، لكن خطفت قلبي اوي.
نور : طيب خد وقتك ياحبيبي ، برضوا متستعجلش ، انا مش ضدك بس مش عيزاك تتسرع ، ممكن يكون مجرد اعجاب .
امير : انا مش صغير ياماما علشان معرفش الحب من الاعجاب .
نور : اوكي ياحبيبي انا واثقه فيك وهقف معاك ، بس من كلامك انهم ناس علي قدهم ، والدك مش هيوافق بسهوله .
امير : دورك دا بقي ياماما تقنعيه ، وتخلصيني بااسرع وقت من موضوع نيللي دا خالص .
نور : حاضر ياحبيبي، انت ابن عمري ياميرو ، وانامقدرش اشوفك حيران وزعلان ، واسكت .
امير : يمسك يدها ويقبلها ، ربنا يخليكي ليا .
في حديقه الفيلا تمشي امير مع والدته نور
نور : لكن علي كلامك دا ياميرو انت لسه معرفتهاش ، ومبقلكوش كتير مع بعض
امير : ممكن كلامك يبقي صح ، لكن انا بجد حبتها معرفش امتا ولا ازاي ، لكن خطفت قلب اوي.
نور : طيب خد وقتك ياحبيبي ،برضوا متستعجلش ،انا مش ضدك بس مش عيزاك تتسرع ، ممكن يكون مجرد اعجاب .
امير : انا مش صغير ياماما علشان معرفش الحب من الاعجاب .
نور : اوكي ياحبيبي انا واثقه فيك وهقف معاك ، بس من كلامك انهم ناس علي قدهم ، والدك مش هيوافق بسهوله .
امير : دورك دا بقي ياماما تقنعيه ، وتخلصيني بااسرع وقت من موضوع نيللي دا خالص .
نور : حاضر ياحبيبي، انت ابن عمري ياميرو ، وانامقدرش اشوفك حيران وزعلان ، واسكت .
امير : يمسك يدها ويقبلها ، ربنا يخليكي ليا.
في منزل ساره ، تحديدا في غرفتها .
تجلس علي السرير وهاتفها علي اذنها تتحدث مع امير .
ساره : تبتسم لحقت اوحشك .
امير : انتي ليه بس مش حاسه بيا ، بكره الايام تسبتلك اني بحبك بجد.
ساره : انا مستغربه فعلا ، حاسه ان كل حاجه بدور حواليا بسرعه اوي .
امير : لازم بسرعه ، كفايه الوقت اللي ضاع من حياتي وانتي مش موجوده فيه .
تبتسم ساره انت مستعجل ليه كده .
امير : مش عايز اضيع لحظه من عمري وانتي مش جمبي ، علي فكره انا كلمت اهلي وكلها مساله وقت وتحديد ميعاد ، وتبقي ليا رسمي .
ساره : بفرحه بجد ياامير .
امير : مش قلتلك انا بتاع افعال مش كلام وحبي ليكي لازم يكون فعل مش مجرد كلام .
ساره : انا بجد مش مسدقه.
امير : اوعي معايا تقولي كلمه زي دي ، معايا لازم تسدقي وتلمسي كل حاجه حلوه ، متنسيش ميعادنا ، عملك مفاجاه ، وبدعي من قلبي تعجبك .
ساره : لكن مش عارفه هقول لماما ايه وانا طالعه ، طب مفاجاه ايه ؟!
امير : وهي هتبقي مقاجاه ازاي لو قلتلك عليها ، علي فكره الباب هيخبط دلوقتي قومي افتحي.
تسمع ساره الباب يطرق.
ساره : امير !! دا انت ؟!.
امير : يبتسم ، افتحي بسرعه قبل ماحد تاني يفتح غيرك .
ساره : تقف من علي السرير وتذهب بسرعه لتفتح الباب وبيدها الموبايل.
(تجد شخص وبيده شنطه كبيره وبوكس صغير ) انسه ساره.
ساره : اه .
الشخص : يعطيها الشنطه والبوكس ، دا لحضرتك .
ساره : ايه دا .
فينصرف الشخص ، فتستغرب وتغلق الباب ، فتدخل مسرعه الي غرفتها ، وتضع الاغراض علي سريرها ، فتردف حديثها مع امير في الهاتف ) ايه دا ياامير .
امير : افتحي وشوفي.
ساره : تخرج من الشنطه فستان فضي لامع اللون ، ومعه حذاء رائع بكعب عالي ، وتفتح البوكس تجد عقد من الماظ ، ( تكلم امير) انا مش فاهمه حاجه .
امير : عايز اشوفك بيهم في ميعادنا .
ساره : بس ازاي ، دا كتير اوي ، وهطلع بيهم ازاي دا ولا اللي رايحه فرح .
امير : سلام ، هستناكي .
تتمتم ساره ، ايه دا ، دا مجنون .
تدخل مي وتشاهد بااندهاش الفستان الملقي علي السرير هو والحذاء ، وتصدر صوت الصفاره من فمها ، الله الله ايه الجمال دا .
ثم تنظر الي ساره يالئيمه قبضتي المرتب ورحتي اشتريتي لنفسك فستان وشوز ، وكمان براند ثم تلاحظ العقد ، وتنظر لساره مندهشه ايه دا ياساره دا فضه لا.. لا.. دا مش فضه اوعي يكون اللي في بالي.
ساره : تبتسم ،اه هو اللي في بالك الماظ .
مي : مستغربه ، وجبتي الحاجات دي منين .
ساره : بسعاده ، امير لسه بعتهوملي مع واحد ، والحمدلله ماما كانت نايمه مشفتهمش ، وعايزني البسهم وانا رايحه اقابله بقولي محضرلي مفاجاه .
مي : ايوه بقي والله ولعبت معاكي ياقطه ، هييييح يابختك .
ساره : لعبت ايه بس ، هطلع ازاي بالفستان وهقول لماما ايه ، دا كمان عايز يبعتلي العربيه تيجي تاخدني .
مي : تضحك بصوت عالي ياخايبه ، قوللها صحبتي فرحها النهارده وانا قلتلها مشغوله مش هقدر اروح ، فقالتلي هتبعتلي عربيه من بتوع الزفه علشان ابقي معاها ، ومتقلقيش انا هقنعها .
ساره : طيب لو قالتلي صحبتك مين .
مي : ياااادي الخيبه ، اصرفي قوليلها صحبتي من ايام الجامعه ، او زميلتي في الشغل اي حاجه ، اما بخصوص الميكب بقي هعملك احلي مكياج ولا بتوع العرايس ، بس بقولك ايه صحصحي لنفسك كده وخلي بالك من نفسك ليكون بيضحك عليكي ولا حاجه ، وقوليله يعمل حسابه انه يجي يخطبك اه ، وقوليلو احنا مش بتوع الكلام دا انا بنت ناس ومش بتاعت كده ، واتقلي كده متبقيش خفيفه .
ساره : تضحك حاضر ، هو اصلا قالي كلم اهله .
مي : يابت انا شاكه فيكي شكلك لئيمه وبتعمليهم عليا ، جبتي الواد علي ملا وشه .
ساره : تضحك انا حرام عليكي ياشيخه .
مي : تضحك ، يابت .
#في فيلا جمال الصباغ .
تجلس شروق في الليفنج تمسك هاتفها وتتحدث ، تضحك وهو قال كده عليها .... معقول هههه .... لا لا ....
تنزل نيللي من سلم الفيلا الداخلي وتشاور الي والدتها بان تنهي المكالمه .
فتكمل حديثها في الهاتف ، طيب بقولك ايه .. باي دلوقتي هكلمك بعدين ، ثم تغلق هاتفها .
وتنظر الي نيللي .
-- في ايه .
نيللي : بضيق ياماما امير مبردش عليا خالص .
شروق : مستغربه ، انتوا متخانقين مع بعض ولا ايه.
نيللي : ابدا ، دا حتي اخر مره لما كنا عندهم قالي انه مشغول علشان باباه مسافر وهو ماسك الشغل كله ، بس انا حاسه ان في حاجه تانيه .
شروق : وهو من وقتها مكلمكيش .
نيللي : لا ياماما .
شروق : لا دا يبقي اكيد في حاجه فعلا . وبعدين احمد باباه جه من السفر يعني ملوش حجه.
نيللي : بفرحه ، بجد ياماما مين قالك ، طنط نور .
شروق : لا باباكي ، كان بكلم احمد النهارده في الشغل وقاله انه في مصر ، انا هكلم نور علشان نتفق علي ميعاد الجواز ، هي كانت قيلالي لما احمد يجي هيحددوا الميعاد .
نيللي : بفرح طيب كلميها بقي دلوقتي.
شروق : بس هكلمها اقولها ايه .
نيللي : مسرعه ، تقوليلها حمدلله علي سلامه عمو احمد واهو تتكلموا في ميعاد جوازنا .
شروق : تضحك ، حاضر وتتصفح هاتفها وتتصل علي نور .
صوت نور : اذيك ياشروق.
شروق : اذيك يانينو ياحببتي.
نور : الحمدلله اذيك واذي نيللي.
شروق : (تشاور بعينيها الي نيللي ، فتحرك شفاها بتسال عليكي) الحمدلله ياحببتي جمبي اهي بتسلم عليكي ، وكانت عايزه تيجي النهارده تقول لاحمد حمدلله علي السلامه .
نور : الله يسلمها ، لكن انا اللي جيالكو.
شروق : بسعاده ، انتي واحمد وامير .
نور : لا ، انا لوحدي.
شروق : تشرفي وتنوري ياحببتي.
نور : اوكي ، باي .
شروق : باي وتغلق هاتفها ، ثم تنظر الي نيللي بتقولي انها جايه ، بس غريبه يعني .
نيللي : ايه اللي غريب ، هي قالتلك جايه هي وامير وانكل احمد.
شروق : لا لو حدها ، الغريب انها مرضيتش تخلينا نروحلها خصوصا انا اللي عرضت عليها اروحلها ، وبعدين جايه لوحدها كمان .
نيللي : يعني ايه ياماما.
شروق : معرفش بس مش مطمنه من مكالمتها .
تقف سياره فخمه امام مطعم فاخر وامير بجانب السياره ، يفتح لساره الباب ، فتنزل ساره بجسمها الممشوق وفستانها الذي زادها جمالا فوق جمالها ، وشعرها الطويل المسترسل علي ظهرها ، تنظر له في خجل بابتسامه رقيقه وهي تخرج من السياره ،
يبادلها امير النظر باعجاب لها كانه اول مره يشاهدها فقد سحرته بجمالها وفتنته ببراءه وجهها وخجلها ، وقف امير وهو شارد في جمالها .
ساره: تنظر له ، امير ..امير .
امير : بصوت شجن مليء بحب وحنيه ، ياعيون امير فيمسك يدها ويقبلها وعلق يدها في يده ، فتبتسم ساره.
وبدا بالدخول فتشاهد انوارا ناريه علي باب المطعم ، ثم يدخلا باب المطعم.
فتجد المكان مزين بالبلالين والانوار الزينه والاضاءه الخافته ، والعازف يمسك الكمان ويعزف عليها ،ولا يوجد غير ترابيزه واحده ، فتنظر ساره بااندهاش وفرحه ثم تنظر الي اميرا ، فتنظر له.
-- دا كله علشاني.
امير : انا لسه معملتش حاجه اصلا .
ساره : تبتسم وتنظر الي الارض وهو ممسك بيدها ووسط المكان يمد يده الاخري علي وسطها وببدا يراقصها بهدوء في جو رومانسي.
ساره : تنطر له بتوتر ، امير انا مبعرفش ارقص.
امير : بيده التي تمسك يدها يضع اصبعه السبابه علي شفاها.
-- هوووووس فيضمها له بحنيه ويبدا بالرقص سويا علي صوت الكمان ، وراسها تلامس وجه امير ، فيستنشق امير شعرها المسترسل علي ضهرها وكتفها ، ويهز راسه حول وجهها ،
فتنتفض ساره خجلا ،
-- امير يلا نقعد .
ينظر لها امير ويقبل جبينها .
-- حاضر.
فتشعر ساره بالخجل وتترك يده فيبتسم امير ،ويذهبا اربع خطوات تجاه الترابيزه ، فيسحب لها كرسيا .
-- اتفضلي يااميره امير.
تبتسم ساره ، وتجلس علي الكرسي ويجلس امير امامها وصوت الموسيقي الهادئه شغال.
فياتي العصير ويضع الجرسون المياه ثم كاس العصير امام ساره ، والكاس الاخر امام امير وبعض المقبلات. ،ثم يذهب.
امير : ينظر لساره في غرام وحنيه شارد بجمالها .
ساره : باابتسامه امير بتبصلي كده ليه!!
امير : بصوت هادي ، جمالك وهدوءك سحرني.
ساره : تبتسم مش لدرجادي.
امير : انتي اجمل حاجه حصلتلي في حياتي ، ومهما حصل مش هسيبك تبعدي عني .
ساره : تعرف اني اول مره حد يقولي كلام حلو كده .
تدخل تورته كبيره مكونه من سبع ادوار وقد جرها الجرسون تجاه ساره وامير.
ساره بااندهاش ، اي دا ، تورته ليه .
امير : فيمسك يدها ويقفوا امام ترابيزه التورته، كل سنه وانتي طيبه ياقلب امير.
ساره: باستغراب ، دا كله علشاني .
امير : النهارده عيد ميلادك .
ساره : بدهشه عيد ميلادي انا ، هو انا النهارده كام في الشهر ، انا عمري مااحتفلت بيه .
امير : عرفتي ليه بقي كنت مصمم اني اشوفك النهارده بالذات.
ساره : بخجل تهز راسها ، اه .
امير: ومش بس كده ، يخرج امير من جيبه بوكس قطيفه صغير ازرق اللون ، فيثني علي الاض بركبته ويسند علي ركبته الاخري ، ويفتح العلبه التي بها خاتم الزواج
فتحدق عيناها بدهشه وتضع يدها علي شفايفها من الفرحه .
امير : تتجوزيني .
ساره : مش معقول.
امير : يكررها مره اخرى ، تتجوزيني .
ساره : مندهشه مما حدث وبفرحه يملاء عينها الدموع ا ، وتهز راسها بالموافقه .
امير : يقف ، ويمسح دمعتها ويلبسها الخاتم ، بحبك
ساره : امير انت تجنن .
امير : يضحك انتي اللي جننتيني ، يلا بقي نقطع التورته علشان ابقي اول حاجه تبدأي بيها في السنه الجديده.
ساره : السعاده والفرح في عينيها والضحكه علي وجهها ،انت احسن حاجه حصلت في حياتي .
امير : مش هقولك تتمني امنيه قبل مانقطع التورته ، لان اي حاجه تتمنيها انا هحققهالك ، فيمسك يدها ويقطعوا التورته بالسكين سويا ، فتنطر له ساره وتبتسم ، فيمسك الشوكه وياخذ من التورته قطعه ويعطيها في فمها ، تفتح ساره فمها وتاخذ منه قطعه الجاتوه ، فيقرب منها امير بشفايفه الي شفايفها وبينهم قطعه الجاتوه ، وليس بينهم مسافه الا اقل من سنتي، تبتعد ساره في خجل ، فيضحك امير.
فتذهب ساره الي الترابيزه وهو معها.
وجلسوا علي الكراسي ، واتي الجرسون وقطع قطعتين جاتوه من التورته وااتي ورائهم ووضع لهما قطعتين من التورته في الاطباق.
امير : يضحك مش هتاكلي جاتوه بدل اللي وقعت.
ساره: تبتسم وترفع حاجب ، هاكل .
امير : يعني دي طعمها احلي من اللي ادتهالك .
ساره : بضحكه ، اه .
امير : بابتسامه بقي كده .
ساره : اه ،ثم تنظر لهاتفها ، امير انا لازم امشي اتاخرت اوي
امير : بسرعه كده انا ملحقتش اتكلم معاكي.
ساره : اتاخرت اوي .
امير : اوك وانا مش هاخرك اكتر من كده ، بس عايزك تحدديلي ميعاد مع والدتك .
ساره : بدهشه وفرحه ، ليه!!
امير : علشان مبقاش ينفع تبعدي عني اكتر من كده ، عايز اجي انا واهلي علشان نتجوز وتبقي معايا قدام الناس كلها.
ساره : بكسوف ، بسرعه كده.
امير : انتي لو حاسه باللي في قلبي ناحيتك مكنتيش قلتي كده.
ساره : لامقصدش.
امير : وحتي لو تقصدي مش مهم ، انا كفيل اني اخليكي تحبيني وتحسي بيا، اهم حاجه تحدديلي ميعاد بسرعه.
ساره : بسعاده غامره ، حاضر .
#امام بيت ساره
سائق عربيه امير يوصل ساره ،وامام بيتها تقف السياره وتنزل هي منها ، فيشاهدها ايمن ابن عمها الذي يقف مع صديقيه محسن وحمدي ، فيتركهم ايمن ويرمي السيجاره التي بيده ويذهب مسرعا تحاه ساره ، وينده عليها
ايمن : ساره ( بعصبيه) كنتي فين متاخر كده وعربيه مين دي
ساره: كنت في فرح واحده صحبتي ، ودي عربيه من بتوع الفرح تبع العريس ، صحبتي خلتها توصلني علشان الوقت متاخر.
ايمن : (ليس مقتنعا يردد كلامها) عربيه تبع صحبتك واخر موديل.
ساره : بعصبيه اه ياايمن وبعدين انت مالك اصلا بيا ، وتتركه وتطلع بيتها.
ايمن : بصوت عالي وهي قد تركته ، اومال مال مين.
يااتي اصدقائه اتجاهه ويقول احداهما ، عربيه مين دي ،
يرد ايمن بعصبيه وانت مال اهلك .
#في بيت ساره
تدخل ساره من الباب وتجد والدتها ومي جالسين في الصاله علي الاريكه يشاهدوا التلفاز.
ساره : بفرحه اذيك ياماما ، اذيك يامي.
الام : الحمدلله ،اتاخرتي كده ليه !!
مي : مسرعه في الرد ، فرح ياماما والافراح مبتشتغلش الا متاخر مش لازم توجب مع صحبتها، وتضحك.
ساره اسفه ياماما الوقت عدي ومخدتش بالي .
الام : عقبال فرحك قادر ياكريم اما افرح بيكي حالا.
ساره : تبتسم يارب ياماما
مي : تنظر لوالدتها ايه ياحجه ، مش عايزه تفرحي بيا ولا انا مليش نفس .
الام : اومال مين هيناقر فيا ( وتضحك) وافرح بيكي انتي كمان يامي.
ساره : معلشي ياماما ، محتاجه ادخل ارتاح شويا وكمان هصحي بكره بدري علشان الشغل.
الام : روحي ياحببتي وانا كمان هدخل انام الوقت اتاخر.
مي : تضع يدها علي فمها وتتاوب وانا هنام علي نفسي اما اقوم بقي علشان الحق جامعتي بكره .
تدخل ساره غرفتها ووراها ساره .
في غرفه ساره وقبل ان تجلس علي السرير، تدخل مي مسرعه وتغلق الباب.
مي : بصي بقي عايزاكي تحكيلي علي كل حاجه بالتفصيل ساره : تضحك انتي مش عايزه تنامي .
مي : انام ايه وانا هيجيلي نوم ، يلا بسرعه قولي عملتي ايه وقلتو ايه.
ساره: تتكا ساره علي السرير ، وتشاورلها علي يدها وصابعها وخاتم الزواج في يدها .
مي : بدهشه ايه دا خاتم غير العقد كمان ،ايه اللي حصل
ساره : عرض عليا الجواز ولبسني الخاتم دا ، دا احلي يوم في حياتي متتخيليش هو عمل ايه النهارده.
مي : بفرحه ودهشه ، ايه!! عمل ايه! يلا قولي بسرعه.
ساره :كانت ليله من احلي الليالي ، عايز يجي هو واهله علشان يتقدملي.
مي : عقبالي يااارب
ساره : بس في مشكله
مي : يخربيت مشاكلك ياشيخه. ،علي طول قفلاني كده منك ،احكي مشكله ايه تاني.
ساره : اسمعي بقي ،هقول لماما ازاي ان امير عايز يتجوزني ، تفتكري احكيلها اللي حصل.
مي : اه ماانتي هبله ، قوليلها مديري في الشغل طالب ايدي وقالي حدديلي ميعاد مع والدتك ، بس كدا
ساره : تسدقي فكره حلوه.
مي : فكره!! معلشي مااهو الغباء لما ببقي مسيطر مببقاش في تفكير .
ساره : اخرسي يابت ، انا مبعرفش الف وادور زيك
مي : تضحك يارتني انا اللي كنت زيك .
#في الجامعه
تحديدا في الكافيتريا تجلس مي ونادر الصاوي
نادر : شركه ابو الدهب معروفه ووالدي بتعامل مع امير ، امير له اسمه ومحترم وكلمته واحده.
مي : (بفشخره وبتكبر ) ، من وقت ماشاف ساره اختي وهو هيتجنن عليها كل يوم يقولها تحدد له ميعاد مع ماما ، وساره تقوله مينفعش بابا لسه مكملش سنه علي وفاته ، وهو كل يوم زن عليها ، لحد ما قنعتها انها توافق .
نادر : يضحك عقبالنا ياقلبي كلها شهر ونبقي مع بعض
ساره: ربنا يسهل
نادر : غريبه يعني ،مش مستعجله زي عادتك.
مي : لسه قدامي شويه امتحانات والتخرج ويمكن اشتغل كمان .
نادر : لا ياقلبي مفيش شغل مرات نادر الصاوي مبتشتغلش ، امال انا هيبقي ايه لزمتي بقي .
مي : تضحك ، لما نشوف.
في الشركه تجلس ساره ومنار كلا منهما علي مكتبها .
يدخل وائل الليثي تجاه ساره مباشره . ويقول اذيك يامنار
،ويسحب كرسي من امام مكتب منار ، لان مكتب ساره ليس امامه كراسي ويجلس عليه امام ساره، اذيك ياساره.
منار : مستغربه الحمدلله .
ساره : تنظر له تمام .
وائل : مبترديش ليه علي مكالماتي .
ساره : بعصبيه مبردش علي ارقام غريبه .
وائل : انا مسيفلك رقمي ، ولا انتي مش عايزه تكلميني .
ساره: تنطر له باستحقار من فوق لتحت ، وتقف وبصوت بدا يعلا ، اكلمك ليه هو انا اعرفك ( ولسه بتكمل كلامها. ...)
دخل امير مكتب السكرتاريه وتفاجا بالمنظر .
امير : في ايه .
وائل : اذيك ياامير.
امير : انت جاي ليه.
وائل : مستغربا دي مقابله تقبلهالي .
امير : بعصبيه ،ايه مقعدك هنا في حاجه .
وائل : كنت مستنيك .
امير : وملقتش مكان تقعد فيه غير جنب خطيبتي.
وائل : في دهشه ، خطيبتك!! ، امتا ، وازاي ،ونيللي انت سيبتها .
( ساره بصوت خافت نيللي وخطيبته) ، ( منار بصوت خافت ساره تبقي خطيبته)
امير : انا مش خاطب غير ساره ، ها في حاجه مهمه جاي علشانها .
وائل : مندهش اه ، اكيد.
امير : طيب تعال المكتب ودخلا المكتب .
امير: يجلس علي مكتبه و وائل وراءه.
وائل : هو انت خطبت امتا وسيبت نيللي امتا .
امير : ميخصكش ، كنت بتقول في حاجه مهمه جاي علشانها ، خير!!
وائل : اه اه ، فكرت في العرض اللي قلتلك عليه بتاع شحنه الادويه .
امير : لا مفكرتش ، لاني قلتلك كلمتي واحده ورديت عليك وقتها.
وائل : بضيق يعني مصمم.
امير : ايوووه ، وياريت متنساش ان ليه النسبه الاكبر في العقد (ومسك القلم ويبدا بقراءه الملفات )،لو عايز تبيع نصيبك انا شاري.
وائل : هي بقت كده .
امير : اها ، وقبل ماتجي ياريت تبقي تاخد ميعاد من منار.
وائل:، تمام ويتركه ويذهب .
امام شركه ابو الدهب ،يجلس وائل في عربيته ويمسك هاتفه ويتصل بنيللي .
نيللي : تنظر لهاتفها مستغربه وائل ، وترد الو .
وائل : اذيك يانيللي.
نيللي : الحمدلله اذيك انت ، محدش شافك من وقت البارتي بتاعت لارا .
وائل : مشغول شويه ، دا حتي انا لسه نازل من عند امير ابو الدهب ومستغرب من اللي حصل ( بخبث) وزعلت علشانك اوي.
نيللي : زعلت علشاني !! ليه ؟
وائل : معقول يسيبك بسهوله كده ، علشان خاطر حته سكرتيره.
نيللي : يسبني ايه الكلام اللي بتقوله دا ، انا وامير لسه مخطوبين.
وائل : مش معقول ، دا هو بنفسه اللي لسه قيلي انها خطيبته .
نيللي : لا طبعا مستحيل.
وائل : وحياتك انتي . هو اللي قيلي انها خطيبته ، حتي بقوله ونيللي ، مردش عليا.
نيللي : تترك الهاتف علي السرير وتنزل من غرفتها وبصوت عالي بابا ، بابا ،ماما .
جمال وشروق جالسين تحت في الرسيبشن ، مستغربين من صوت نيللي وهي نازله من علي السلم امامهم.
جمال : في ايه .
شروق : مالك بتنادي كده ليه .
نيللي : تاخذ نفس والدموع تملاء عينيها، وائل الليثي لسه مكلمني دلوقتي ، وبقولي امير خطب واحده غيري .
شروق : ايه الجنان دا.
جمال : ايه الكلام دا ، مش معقول ، يخطب ازاي وهو خاطبك، اكيد في لبس في الموضوع .
نيللي : وائل بنفسه هواللي قال ان امير قاله كده، وكمان سكرتيره عنده ، وانا بقول متغير من ناحيتي ليه.
شروق : تنظر لاحمد ،دي تبقي مصيبه لو الكلام دا حقيقي .
احمد : ينظر ل نيللي ، انتي متاكده ، الكلام دا ميسكتش عليه .
شروق : انت لسه بتسال ، بتقولك امير بنفسه هو اللي قايل لوائل
نيللي : انا هروحله دلوقتي الشركه واشوف مين دي وازاي يقول كده واحنا لسه مخطوبين .
احمد : تروحي فين انتي تجننتي تنزلي بمستواكي لواحده زي دي.
شروق : اهدي كده واركزي اما نتاكد من الموضوع دا ، نور قالت جيالنا.
جمال : الكلام دا لو حقيقي انا هخرب بيته دي كلها ايام وكان مفروض يتجوزوا .
نيللي : تنهمر بالدموع وترتمي في حضن شروق .
شروق : تطبطب عليها، اهدي ياحببتي اكيد الكلام دا مش صح.
نيللي : لا ياماما انا متاكده انه صح ، لان بقاله فتره متغير معايا .
# في مكتب امير. تجلس امامه ساره.
ساره : بعصبيه نيللي مين دي اللي خطيبتك .
امير : بعصبيه اكتر ، ايه اللي خلاه الزفت ده يقعد معاكي .
ساره : هو اللي اخد الكرسي من قدام منار وقعد قصادي.
امير : اه ماحضرتك سكتاله .
ساره : لا انا مسكتش ووقفت علشان امسح بكرامته الارض بس انت اللي دخت قبل مااتكلم ، وبعدين متهربش من الموضوع مين نيللي دي .
امير : بعصبيه هو كان عايز منك ايه.
ساره : بيقولي مبترديش علي الموبايل ليه.
امير : اها. هاتي الموبايل بتاعك( فتعطيه له ساره) ،( يااخذه ويرميه علي المكتب ثم يفتح درج مكتبه ويخرج منه موبايل حديث )، ويقولها دا موبايل بخط جديد ، خديه ومتديش رقمك لاي حد حتي منار .
ساره : تاخذه منه ، بردوا مقلتليش مين نيللي دي .
امير : دي كانت خطيبتي.
ساره : مقلتليش يعني .
امير : اقولك علي ايه ، بقولك كانت ، كانت، المهم حددتي الميعاد مع والدتك امتا.
ساره : لا لسه.
امير : ليه بقي انا مش ماكد عليكي امبارح.
ساره : تبتسم انا يادوب دخلت امبارح البيت غيرت ونمت وصحيت علشان الشغل ،ملحقتش اكلم ماما.
امير : بضيق يتحرق الشغل مكنتيش تيجي النهارده وكنت حددتي الميعاد النهارده .
ساره : تضحك ، بسرعه كده.
امير : لازم تحدديلي ميعاد النهارده وتردي عليا.
ساره : بخجل حاضر.
يخرج امير وساره سويا ويده بيدها ،عند باب الشركه خارجين .
ساره : الموظفين هيشفونا و هيقولوا ايه واحنا مع بعض كده.
امير : مايشوفونا ،( فتشد ساره يدها منه) ، يمسك ايدها اكثر ويرفعها ويقبلها.
ساره : باابتسامه وخجل ، امير ميصحش كده ، انت صاحب الشركه .
امير : خلاص انتي هتبقي مرات صاحب الشركه .
يجلس ايمن في تاكسي مع السائق امام الشركه ويشاهدهما وهما خارجين.
وساره تركب معه العربيه ، فينزل ايمن مسرعا تجاه عربيه امير .
لكن امير كان ركب العربيه هو وساره ومشيوا بسرعه
فيذهب جري الي التاكسي ، ويقول للسائق ورا العربيه ديه ( ويشاور علي عربيه امير) ويكلم في نفسه مين دا اللي بتسرمح معاه وسيباني عشانه ، ولكن عربيه امير سبقتها ولم يجد ايمن عربيه امير .
# في بيت ساره تحديدا في المطبخ .
تدخل ساره علي والدتها وهي تفلب الارز علي النار .
ساره : اذيك يااحلي ام في الدنيا ، وتاخذ من يدها المعلقه وتقلب الارز هي ثم تقفل الحله .
الام : تبتسم حمدلله علي سلامه ياست البنات ، ثواني والاكل يكون جاهز.
ساره : تشد الام تجاه الصاله تعالي بس عايزه اقولك علي حاجه هتفرحك.
الام : اصبري ، حاضر، براحه يابنتي .
ساره : ماما ، امير مديري في الشغل ..... ولسه بتكمل كلام
الباب يطرق بشده فتقول الام افتحي ياساره ، تلاقيها مي ( يطرق الباب بشده اكثر).
ساره : مي بتخبط جامد اوي ليه كده ،وتفتح الباب ،
تجد ايمن يدخل ويمسك يدها بكتفها بشده وبصوت مرتفع مين اللي كنتي راكبه معاه العربيه وخارجين سوا من الشغل.
الام : بااستغراب في ايه ياايمن ، ايه الكلام دا ياساره.
ساره : تشد يدها منه انت اتجننت ازاي تمسكني كده .، دا امير مديري في الشغل وجاي يخطبني يوم الخميس الجاي ، ثم تنظر لوالدتها دا الموضوع اللي كنت لسه بقولك عليه ياماما.
الام : تتعب فتسند علي الاريكه بالصاله وتجلس .
ايمن : بتعجب يخطبك !! ولا دا اللي سبتيني علشانه .
الام : بصوت متعب ،ازاي تركبي معاه العربيه وتمسكي في ايده ياساره.
ساره : دا كان عايز يجي يكلمك بنفسه ، بس انا قلتله لا انا هفاتحها الاول.
ايمن :بصوت مرتفع انا مش موافق ، دا انا قاري فاتحتك .
ساره : بصوت مرتفع وانت مالك توافق ولا متوافقش.
قلتهالك وهقولهالك تاني انا مش عيزاك ياايمن .
الام : بصوت مرتفع قليلا بااااس مش عايزه كلام ، امشي دلوقتي ياايمن ، فتنظر له ساره باابتسامه نصر وترفع حاجبها.
ايمن : ينظر لساره بضيق ، ثم ينظر لمرات عمه شكل الموضوع عاجبك يامرات عمي.
الام : سيبنيا دلوقتي ياايمن .
ايمن : ماشي ، ماشي يامرات عمي ، بس علي جثتي لو الموضوع دا تم . ويتركهم ويذهب.
الام : تنظر لساره كده يابنت بطني تحطيني في موقف زي دا ، وتفرجي الناس علينا. قوليلي بقي دا اللي ثبتي ابن عمك علشانه .
ساره : تقرب منها و بنظره ضعف وانكسار ، لا ياماما انا مكنتش لسه عرفت امير ، وانتي عارفه اني من الاول مكنتش عيزاه .
الام : محدش يعرف كده يابنتي ، هيقولوا سابت ابن عمها علشان واحد تاني ، واول واحد قالها ابن عمك .
ساره : انا مليش دعوه بحد ،دي حياتي انا مش حيات الناس ، ارجوكي ياماما توافقي تقابلي امير.
الام : مش نعرف مين دا واهله مين وحكايته ايه الاول .
ساره : انا هقولك علي كل حاجه.
في شركه وائل الليثي
في مكتبه يجلس وائل علي اريكه موجوده في مكتبه ،ويجلس و معه اخوه هيثم علي الكرسي المجاور له ، وامامهم ترابيزه صغيره عليها طفايه وعلبه سجائر والموبايلات
وائل : عاقد حاجبيه ويدخن السيجاره بعصبيه ، انا اتهزء كده ومن مين ، من الزفت دا .
هيثم : يحاول تهدئه اخوه ،اهدي بس كده وفهمني ايه اللي حصل علشان نعرف نفكر.
وائل : ورحمه امي ما انا سايبه ، لجايب راسه الارض .
هيثم : هنعمل كل اللي انت عايزه بس عرفني مين دا وعمل ايه فيك!! انا اول مره اشوفك في الحاله دي.
وائل : انا اروح ل امير مكتبه ، يقوم يطردني .
هيثم : بتعجب يطردك ، دا اتجنن ، ازاي كده !!
وائل : البيه رايحله مكتبه ،وقاعد مستنيه (يخرح نفسا معبأ بدخان السيجار من فمه ) يقولي جاي لايه وقدام مين قدام السكرتاريه وقدام ساره ، وقال ايه خطبها
(وائل : اه البنت الجديده ساره)
برسم نفسه قدامها ،وبعدها اقوله فكرت في موضوع الشركه اللي انا جايبها يقولي لا ، انا رديت عليك قبل كده وابقي اخد ميعاد من السكرتاريه ، هو مش عارف اني شريكه ولا ايه.
هيثم : هو دا اللي كنت عامل حسابه ، امير دا عامل زي الحوت عايز يبلع كله ، وانا قلتلك قبل كده بلاش موضوع الاسهم دا نسبتنا 35 في الميه ف الشحنه دي يعني من الاخر ملناش رأي .
وائل : يكمض يده اليمين ويطرقها علي مسند الاريكه ، وانت فاكر اني مش فاهمه ، هو اصلا مكنش عايز يدخلنا لا احنا ولا غيرنا معاه،
عايز يستولي علي السوق ، انا لو معملتش كده شركه ابو الدهب هتاكلنا ، دا لولا اني انا اللي جبت الصفقه، وقلتله اني اكون شريكه بنسبه في اي عمليه اجيبها مكنش يبقي لينا اسم في السوق.
هيثم : علشان كده شرط علينا ان نسبته تكون اكبر من شركتنا.
وائل : انت عارف ان الشحنه بمليارات ودي اكبر من حجم شركتنا ، ع العموم انا هعرف احرق قلبه ازاي.
#في فيلا جمال الصواف .
شروق تجلس في الليفنج منتظره نور .
باب الفيلا الداخلي يطرق وتفتح لها الخادمه الفلببنيه ، تدخل نور وتستقبلها شروق باابتسامه صفراء ، تبتسم لها نور
شروق : باابتسامه صفرا اذيك يانور .
نور : تبتسم بااحراج ، الحمدلله ياشروق.
شروق : اتفضل ويجلسوا في الليفنج ، فتجلس نور وشروق.
( وتاتي الفلبينيه وتقف امامهم ) .
شروق : تنظر لنور ، تشربي ايه .
نور : اي حاجه .
شروق : تنظر للفلبينيه ، اتنين اورانج، وتشاور لها بالانصراف، وتكمل حديثها منوره يانور ( وبخبث) حمدلله علي سلامه احمد ، ايه ياحببتي حددتوت ميعاد الفرح .
نور : بااحراج ، دا الموضوع اللي جيالك علشانه.
شروق : بخبث ، قولي ياحببتي ،دا جمال مستني الميعاد ، علشان يعمل حسابه .
نور : وجهها يحمر خجلا وتنظر لها بحرج شديد ، انا محروجه منك جدا ،،الحقيقه انا جيالك هنا علشان اقولك كل شيء قسمه ونصيب .
شروق : ترفع حاحبها ، يعني ايه وضحي .
نور : امير بقولي نيللي تستاهل واحد احسن منه.
شروق : اومال هو يستاهل مين السكرتيره، يسيب بنتي علشان حته بنت متسواش مش عارفين جايه منين ، انا بنتي الف واحد يتمناها دي بنت جمال الصباغ ، وجمال مش هيسكت يانور ، عقلي ابنك كده ، وخليه يسيبه من الكلام الفارغ دا.
نور : انا مش هعاتبك علي الكلام اللي بتقوليه دا لاني حاسه بيكي .
شروق : بااستهزاء ، حاسه بيا وتضحك ، دي لو بنتك مكنتيش قلتي الكلام دا ، وابنك لو مرجعش لعقله ، جمال مش هيسكت.
نور : تقف بضيق ،انتي بتهدديني، انتي بقي مش عارفه بتكلمي مين .
شروق : تقف ، والله انتوا اللي ابتديتوا.
تاتي الفلبينيه وبيدها صينيه العصير امام الترابيزه ، وتقول العصير مدام.
تتقدم شروق وتقلب الصينيه علي الارض ، مش عايزه زفت.
نور : تنظر لها بقرف من فوق لتحت ،وتقول يظهر ان امير كان عنده حق ، وتتركها وتمشي.
#في فيلا احمد ابو الدهب .
تحديدا في الريسبشن يتكا امير علي بظهره علي الاريكه ويمد رجله علي الترابيزه وبيده الهاتف يكلم ساره
امير : خلاص ياحببتي يوم الخميس هاجي اقابل والدتك ، وتبقي بتاعتي رسمي.
تدخل نور من الخارج ووجهها عابس .
نور: بتكلم مين.
امير : ينزل قدمه ، يلاحظ تغيير وجهها بكلم ساره.
نور : سلملي عليها .
امير : يكلم ساره ماما بتسلم عليكي ، هكلمك بعدين ، سلام
ويغلق الهاتف.
امير : مالك . انتي مضايقه ولا ايه ، كنتي فين كدا.
نور : لسه جايه من عند شروق .
امير : ايه اللي حصل.
نور : قلتلها ان كل شيء قسمه ونصيب ، وردت عليا رد وحش خالص.
امير : بعصبيه، قالتلك ايه .
نور : متشغلش بالك ، بس معرفش هي عرفت منين انك هتخطب السكرتيره عندك.
امير: تعرف زي ماتعرف ، قوليلي هي دايقتك قالتلك ايه .
نور : مفيش ياحبيبي ، مضايقه علشان بنتها المفروض كنتوا هتتجوزوا يعني ، فااكيد مضايقه.
امير : يبصلها تتحرق هي وبنتها ، والله انسفها هي واهلها ،قالتلك ايه عرفيني.
نور : مفيش ياامير الموقف كان محرج لينا احنا الاتنين .
امير :اسف اني حطيت في موقف زي .
نور : المهم سعادتك ياحبيي.
امير : ربنا يخليكي ليا ، ساره حددت الميعاد يوم الخميس ، اعملي حسابك .
نور : تبتسم ربنا يسعدك ياميرو .
امير : ياريت بابا يجي معانا.
نور : مفتكرش ، لكن هحاول معاه.
امير : منحرمش منك ياست الكل .
# في الورشه
يجلس ايمن مع صديقه محسن.
محسن : سيب البت في حالها ،ودور علي اللي من توبك
ايمن : اسيب ايه انت اتجننت دا انا بحبها ومن هي في اللفه ،دا انا مربيها علي ايدي ، اسيبها لواحد يجي يشيلها كده علي الجاهز دا علي جثتي.
محسن : وانت هتعملها ايه انت نفسك بتقول دا بيه كبير وصاحب شركه كبيره يعني مش هتعرف تعمله حاجه ، وهي مش عيزاك ولا بتفكر فيك ، يعني مش هتقدر تعمل حاجه.
ايمن : وحياه ابوك ماتقفلها في وشي هلاقيلها مخرج ، ماانا مستحيل اسيبهاله علي الجاهز ياخدها مني.
محسن : استهدي بالله كده ، وشوف مصلحتك ، متجبش لنفسك مشاكل.
ايمن : المشاكل هتحصل لو ساره مرجعتش عن اللي في دماغها.
#في بيت ساره
تجلس ساره ومي في الصاله علي الاريكه وياكلوا فيشار ويشاهدوا فيلم (عمرو وسلمي) الجزء الاول.
مي : هو امير بحبك زي عمرو كده .
ساره : كل افعاله بتقول اه.
مي : وانتي بتحبي امير زي سلمي كده .
ساره : تفكر ، مش عارفه.
مي : قبل ان تمضغ الفيشاره،( تفتها )، ونظرت لها ، يعني مبتحبهوش.
ساره: منكرش اني مبهوره بكل حاجه بعملها علشاني ، وبفكر ازاي يسعدني ويفرحني ، لكن...
مي : لكن ايه .
ساره : بصي كل حاجه حصلت بسرعه اوي ، مش عارفه ممكن اكون معجبه بيه ، او مبسوطه انو بيفكر ازاي يسعدني .
مي : طيب كده مفيش فرق بينه وبين ايمن ، ايمن برضوا كان بحبك وعايز يسعدك.
ساره : تضحك ساره لا طبعا في فرق ، وفرق كبير كمان ايمن احنا متربين سوا بحس انو زي اخويه عمري مافكرت فيه كزوج وبيت وعشره ، انما امير بيعاملني كاانه امير فعلا وانا اميرته ،
عايز يفرحني يسعدني بيحسسني اني اهم حاجه في حياته بيشدني ليه كاانثي راقي في تعامله واسلوبه معايا.
مي : امممم مش فاهمه .
ساره : هقولك مثلا يعني ، ايمن ابن عمك لما كنا موديين بابا المستشفي وبابا فضل هناك ،وانا هو راجعين عدينا علي مطعم صغير كدا وقالي تعالا ناكل ، تعرفي عمل ايه .
مي : ها ، عمل ايه.
ساره : الاكل اتحط وفضل ياكل من غير حتي مايقولي كولي معايا وبعد ماخلص الصحون كان ناقص يغسلهم
قالي انتي مكلتيش ليه ، بقوله مش جعانه رغم اني انا وهو من الساعه سته الصبح لحد سبعه بالليل مع بابا مكلتش حاجه وهو عارف ، قالي اللي باكل علي درسه بنفع نفسه .
مي : تضحك ، تلاقيه كان جعان.
ساره : نزل كذا مره وقالي هروح اشرب سيجاره بره علشان ممنوع في المستشفي ، ببص من الشباك فجاه لقيته قاعد ف الكافتيريا عمال ياكل مفتكرنيش بقزازه ميه حتي، دا غير مره كنت ماشيه معاه وعجبني شنطه ب 60 ج بقوله ادفع فلوسها لحد مااروح انا ممعيش غير 20 ج ، قالي دي فلوس الشغل ومقدرش اصرفها.
مي : يعني انتي مش عيزاه علشان ماكلكيش .
ساره : تضحك، لا طبعا بس امير راقي جدا معايا في تعامله نفس الموقف حصل مع امير ، محطش معلقه في بوقه علشان مكلتش معاه .
مي : بس دا مش سبب ياساره .
ساره : اكيد مش سبب ، لكن في مواقف تعرفي فيها مين اللي بحبك وعايز يسعدك ،ومن اللي بحبك وميعرفش يسعدك .
يعني امير في مده بسيطه قدر يهتم بيا وحسسني معاه بالامان .
مي : بس برضوا انتي بتقولي انك مبتحبهوش.
ساره : فعلا انا معجبه بيه ولسه محبتهوش .
مي : اومال هتتجوزيه ازاي .
ساره : انا محبتش ارفض الجواز علشان اتاكد انه فعلا عايز يتجوزني ولا مجرد نزوه في حياته.
مي : واديكي اتاكدتي انه بيحبك هتعملي ايه .
ساره : هنتخطب لحد مااخد وقتي معاه واشوف هقدر احبه ولا لا.
مي : ياسلام.
ساره : انا مش هتجوز واحد مبحبوش .
مي : تاخذ نفس ، انتي الخسرانه
#في فيلا جمال الصواف
يجلس جمال علي الكرسي وشروق ونيللي بجواره علي الاريكه في الرسيبشن .
نيللي : بدموع ، يعني الكلام طلع صحر.
جمال : والله لادفعه تمن اللي عمله في بنتي دا غالي.
شروق : انت لازم تتصرف ياجمال ، كلم ابوه ولا اعمل اي حاجه ، والبنت دي لازم نعرفها مين وتتربي ، حته سكرتيره تلهفه مننا علي الجاهز كده.
جمال : انا يلعب بيا وبنتي والله لوريك .
نيللي : بدموع انا مش عيزاه اديلو شبكته وهدايا ، مش عايزع حاجه منه.
شروق : شبكه ايه انتي اتجننتي ، دي الماظ حر بمليون الاربع غير الهدايا ، خساره فيهم ولا هيطولوا جنيه منهم
جمال : يعقد حاجبيه وبضيق بصي لدموع بنتك انتي كل همك الفلوس ، دول بنسبالهم ولا حاجه ابو الدهب دا بنك متنقل ، والله لحاسبهم كلهم علي اللي عملوه في بنتي.
في فيلا اميرابو الدهب .
تحديدا في جناح احمد ابوالدهب.
احمد : يجلس مفرودا علي سريره ومتكأ ظهره علي السرير وبيده الهاتف يتصفح اسعار البورصه.
تاتي نور وهي لابسه القميص وفوقه الروب الاحمر وشعرها متسلسل علي كتفها ورائحه عطرها يملاء الجناح ، فيلتفت لها احمد ، ويقول ايه المزه اللي داخله عليا دي .
نور : تضحك بصوت عالي ، مزه بطل شقاوتك دي وتقرب منه وتجلس امامه علي السرير
فيعدل نفسه وجلس علي السرير ويقولها بعيد عني ليه. قربي جمبي.
نور : باابتسامه وخجل لو قربت منك مش هعرف اتكلم معاك.
احمد : قربي بس دااحنا هنتكلم كلام حلو اوي.
نور : تضحك وتهز كتفها مش وقته ياحماده.
احمد : يقرب لها ويبدا ملامستها امتا وقته ياقلب حماده ، فتبتعد نور وبضحكه خليك مكانك ، علشان نعرف نتكلم بجد شويه.
احمد : يااخذ نفس ويرجع علي السرير ، طيب تعالي جمبي وانا هتكلم باادب .
نور : تضحك ،مش مسدقاك .
احمد : يبتسم وبهزار ماانتي لو مجتيش واتكلمتي بسرعه ، هااجي اشيلك واجيبك انا.
نور : تضحك لا خلاص هاجي .
اتت نور وجلست بجانبه علي السرير ، عايزه اقولك علي حاجه .
احمد : اتفضلي ياحببتي .
نور : انا كنت عند شروق النهارده وخلصت معاها الموضوع
احمد : وبعدين.
نور : بنظره حب ، حماده احنا معندناش غير امير ، هو وحيدنا وهو اللي شايل اسمك وعياله من بعده ، يرضيك ابنك يعيش حياته مع واحده مبيحبهاش ، ابنك الوحيد يعيش حياته حزين.
احمد : انتي مش نهيتي موضوع نيللي ، في ايه تاني.
نور : امير بيحب بنت وكنا عايزين نروح نخطبله.
احمد : نخطبله !! مش لما نخلص من موضوع جمال الاول انتي عارفه ابنك بعاميله دي هيخسرنا ايه ، جمال مدير اداره الجمارك يعني يقدر يوقفلنا الشغل كله.
نور : وانت احمد ابو الدهب تقدر بعلاقاتك تخلص اي شغل.
احمد : صح لكن العند وحش وهو لو عرف ان امير ساب بنته علشان واحده غيرها هيعند اكتر واحنا شغلنا حساس ولو في واحد بيحبنا فا في عشره يتمنوا نغلط.
نور : يعني ايه شغلك اهم من ابننا انا سعاده ابني فوق اي شغل واي فلوس.
احمد : انا مقلتش كده انا بقول نصبر.
نور : بحنيه ،بس هو مستعجل وعايز يخطب البنت اللي بحبها ، ولا انت بس اللي بتحب تستعجل وتضحك.
احمد : يضحك حد يشوفك وميستعحلش ثم يتنهد ، بنت مين هي .
نور : مش مهم بنت مين المهم ابنك عايزها.
احمد : ايه ابوها ملوش اسم.
نور : بنت ناس طيبين وبابا كان موظف في السكه الحديد ،علي قد حالهم .
احمد : يعدل نفسه ناس غلابه يعني ، طب قولي لابنك مش هيحصل يانور ، ابنك سايب الحسب والنسب ورايح لوحده ملهاش اصل من فصل.
نور : بضيق ، هو علشان ناس غلابه تقول ملهمش اصل ، معني كده انا لو كنت فقيره وانت غني مكنتش اتجوزتني
احمد : حببتي انتي غير اي حد .
نور : يعني هتيجي معانا نروح نخطبله.
احمد:. بعند ومكابره ،برضو لا.
نور : كده هتخليني انام وانا زعلانه منك .
احمد : يقرب لها تعالي اصالحك.
نور : تضع يدها علي صدره لا ابعد (وبدلع) مخمصاك.
احمد : يقرب لها اكتر ويهمس لها هصالحك.